JEJU KƏ́ NGŌN̄ SIRAK 15
15
1De kə́ nge ɓōĺ ndíĺ Kɔ́ɔ̄ɓē a rāā yá̰a̰ i tītə̄ ń nuū.
De kə́ ger̄ ndū najə̄ majə a ugə̄ rɔ̄ kum kedə̄ tə́.
2Kum kedə̄ a tə́nī tan tītə̄ kṵ́ṵ ngōn̄ beé ō,
a əhɔn kə̄ rɔ̄n tə́ tītə̄ ń nə̄yá̰n kə́ ger̄ dəngam aĺ ɓáý əhɔnəń kə́ rɔ̄n tə́ ní ō.
3Yá̰á̰ ń kum kedə̄ a adə̄n kadə̄ əsa ní, i kur̄ dɔ ō,
man̄ ń a adə̄n kadə̄ a̰ȳ ní, i kum kedə̄ ō.
4Ni a ndə̄nā rɔ̄n i rɔ̄ kum kedə̄ tə́, adə̄ njan a əhɔ dɔ nang ngān̄g ō,
a tə́ya̰ gōn tə́ adə̄ rɔ̄n a sɔlə̄n aĺ ō:
5Kum kedə̄ a ɔsən kə̄ dɔɔ́ dɔ madə̄ ɓēen gə̄ tə́ ō,
a əndā najə̄ tan tə́ dan ngé kán̄ naā gə̄ tə́ kadə̄ a ɔr̄ ō.
6Ni a ndi majə ō, rɔ̄n a nelə̄n ngá̰ý ō,
a ənge rī ɓār̄ kə́ a to ngándáńg ō.
7Banī de kə́ mbóo gə̄ a ugə̄n̄ rɔ̄ kum kedə̄ tə́ aĺ ō,
ngé rāā majaĺ gə̄ a a̰a̰nən̄ aĺ ō.
8Kum kedə̄ ō, nge kɔjə rɔ̄ ō ní, nin̄ i rɔ̄ naā tə́ ngɔr alé.
A əga kem ngé sor̄ gə̄ dɔn tə́ alé.
9Tɔ̄ȳ Kɔ́ɔ̄ɓē əhɔ nge rāā majaĺ alé.
Tɔdɔ̄ tɔ̄ȳ kə́ teē ta nge rāā majaĺ tə́ ḭḭ i rɔ̄ Kɔ́ɔ̄ɓē tə́ alé.
10I kum kedə̄ n i nge rāā kadə̄ deē tɔ̄ȳ Kɔ́ɔ̄ɓē kə taneé ní ō,
i Kɔ́ɔ̄ɓē n i nge kəndā tɔ̄ȳ kem deē tə́ ní ō.
Yá̰á̰ ń deē gə̄rā ní, i kɔ́ɔ̄ n a əda najə̄ kə́ dɔ tə́
11Ī-lōō kəda najə̄ ń toō: M-ə́yá̰ róbə́ kə́ súūmú kɔ̄ɔ́ i najə̄ yā Kɔ́ɔ̄ɓē tə́.
Tɔdɔ̄ yá̰á̰ ń nelə̄n aĺ ngá̰ý ní, ni a rāā alé.
12Ī-lōō kəda najə̄ ń toō: I Kɔ́ɔ̄ɓē nəkɔ́ n rāām̄ adə̄ m̄-ndúm̄ ní.
Tām̄ ni sāā kadə̄ nge rāā majaĺ rāā yá̰á̰ kógə̄ḿ adə̄n alé.
13Yá̰a̰ malang ń i yá̰á̰ kə́ majaĺ ní, nel̄ Kɔ́ɔ̄ɓē aĺ ngá̰ý.
Deē asə rāā majaĺ ō, ɓōlə́nń ndíĺ Kɔ́ɔ̄ɓē ō alé.
14I Kɔ́ɔ̄ɓē n rāā deē ta kəla gíŕ tə́ ō,
əya̰n adə̄ nəkɔ́ i kɔ́ɔ̄ yá̰a̰ gə̄ ń sāā rāā ní ō ní.
15Ré ī-ndigə anī, ásə rāā yá̰a̰ gə̄ ń Kɔ́ɔ̄ɓē əda kadə̄ yā rāā ní.
Ré kemií ndigə anī, ā ə́hɔ gō Kɔ́ɔ̄ɓē karī.
16Ni əndā hor ō man̄ ō rɔ̄í tə́,
ba ī-gə̄rā lo ń ā ə́la jīí kum kə̄ tū tə́ ní.
17Ni əndā ndi kə kumuú ō yo ō no de gə̄ tə́,
ba yá̰á̰ ń a adə̄n̄ de gə̄ kógə̄ḿ kógə̄ḿ ní, i yá̰á̰ ń nin̄ kɔ́ gə̄ gə̄rān̄ ní.
18Tām̄ kum kedə̄ yā Kɔ́ɔ̄ɓē i ngá̰ý.
Ni ngan̄g ō, tɔ́gən to ō, a̰a̰ yá̰a̰ malang ō.
19Kumən i kə́ tūr̄ kə̄ dɔ ngé ɓōĺ ndílən gə̄ tə́.
Ni ger̄ kəla malang ń de gə̄ rāān̄ ní.
20Ni ra kə de kógə̄ḿ ta rāā yá̰a̰ kə gō yā Nə́ɓāá aĺ alé.
Ni adə̄ de kógə̄ḿ ta róbə rāā majaĺ alé.
Currently Selected:
JEJU KƏ́ NGŌN̄ SIRAK 15: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JEJU KƏ́ NGŌN̄ SIRAK 15
15
1De kə́ nge ɓōĺ ndíĺ Kɔ́ɔ̄ɓē a rāā yá̰a̰ i tītə̄ ń nuū.
De kə́ ger̄ ndū najə̄ majə a ugə̄ rɔ̄ kum kedə̄ tə́.
2Kum kedə̄ a tə́nī tan tītə̄ kṵ́ṵ ngōn̄ beé ō,
a əhɔn kə̄ rɔ̄n tə́ tītə̄ ń nə̄yá̰n kə́ ger̄ dəngam aĺ ɓáý əhɔnəń kə́ rɔ̄n tə́ ní ō.
3Yá̰á̰ ń kum kedə̄ a adə̄n kadə̄ əsa ní, i kur̄ dɔ ō,
man̄ ń a adə̄n kadə̄ a̰ȳ ní, i kum kedə̄ ō.
4Ni a ndə̄nā rɔ̄n i rɔ̄ kum kedə̄ tə́, adə̄ njan a əhɔ dɔ nang ngān̄g ō,
a tə́ya̰ gōn tə́ adə̄ rɔ̄n a sɔlə̄n aĺ ō:
5Kum kedə̄ a ɔsən kə̄ dɔɔ́ dɔ madə̄ ɓēen gə̄ tə́ ō,
a əndā najə̄ tan tə́ dan ngé kán̄ naā gə̄ tə́ kadə̄ a ɔr̄ ō.
6Ni a ndi majə ō, rɔ̄n a nelə̄n ngá̰ý ō,
a ənge rī ɓār̄ kə́ a to ngándáńg ō.
7Banī de kə́ mbóo gə̄ a ugə̄n̄ rɔ̄ kum kedə̄ tə́ aĺ ō,
ngé rāā majaĺ gə̄ a a̰a̰nən̄ aĺ ō.
8Kum kedə̄ ō, nge kɔjə rɔ̄ ō ní, nin̄ i rɔ̄ naā tə́ ngɔr alé.
A əga kem ngé sor̄ gə̄ dɔn tə́ alé.
9Tɔ̄ȳ Kɔ́ɔ̄ɓē əhɔ nge rāā majaĺ alé.
Tɔdɔ̄ tɔ̄ȳ kə́ teē ta nge rāā majaĺ tə́ ḭḭ i rɔ̄ Kɔ́ɔ̄ɓē tə́ alé.
10I kum kedə̄ n i nge rāā kadə̄ deē tɔ̄ȳ Kɔ́ɔ̄ɓē kə taneé ní ō,
i Kɔ́ɔ̄ɓē n i nge kəndā tɔ̄ȳ kem deē tə́ ní ō.
Yá̰á̰ ń deē gə̄rā ní, i kɔ́ɔ̄ n a əda najə̄ kə́ dɔ tə́
11Ī-lōō kəda najə̄ ń toō: M-ə́yá̰ róbə́ kə́ súūmú kɔ̄ɔ́ i najə̄ yā Kɔ́ɔ̄ɓē tə́.
Tɔdɔ̄ yá̰á̰ ń nelə̄n aĺ ngá̰ý ní, ni a rāā alé.
12Ī-lōō kəda najə̄ ń toō: I Kɔ́ɔ̄ɓē nəkɔ́ n rāām̄ adə̄ m̄-ndúm̄ ní.
Tām̄ ni sāā kadə̄ nge rāā majaĺ rāā yá̰á̰ kógə̄ḿ adə̄n alé.
13Yá̰a̰ malang ń i yá̰á̰ kə́ majaĺ ní, nel̄ Kɔ́ɔ̄ɓē aĺ ngá̰ý.
Deē asə rāā majaĺ ō, ɓōlə́nń ndíĺ Kɔ́ɔ̄ɓē ō alé.
14I Kɔ́ɔ̄ɓē n rāā deē ta kəla gíŕ tə́ ō,
əya̰n adə̄ nəkɔ́ i kɔ́ɔ̄ yá̰a̰ gə̄ ń sāā rāā ní ō ní.
15Ré ī-ndigə anī, ásə rāā yá̰a̰ gə̄ ń Kɔ́ɔ̄ɓē əda kadə̄ yā rāā ní.
Ré kemií ndigə anī, ā ə́hɔ gō Kɔ́ɔ̄ɓē karī.
16Ni əndā hor ō man̄ ō rɔ̄í tə́,
ba ī-gə̄rā lo ń ā ə́la jīí kum kə̄ tū tə́ ní.
17Ni əndā ndi kə kumuú ō yo ō no de gə̄ tə́,
ba yá̰á̰ ń a adə̄n̄ de gə̄ kógə̄ḿ kógə̄ḿ ní, i yá̰á̰ ń nin̄ kɔ́ gə̄ gə̄rān̄ ní.
18Tām̄ kum kedə̄ yā Kɔ́ɔ̄ɓē i ngá̰ý.
Ni ngan̄g ō, tɔ́gən to ō, a̰a̰ yá̰a̰ malang ō.
19Kumən i kə́ tūr̄ kə̄ dɔ ngé ɓōĺ ndílən gə̄ tə́.
Ni ger̄ kəla malang ń de gə̄ rāān̄ ní.
20Ni ra kə de kógə̄ḿ ta rāā yá̰a̰ kə gō yā Nə́ɓāá aĺ alé.
Ni adə̄ de kógə̄ḿ ta róbə rāā majaĺ alé.
Bibəl ta Sar̄ © L'Alliance Biblique du Tchad, 2006, 2010.