ROM 3
3
1I yá̰á̰ rí n Jipə gə̄ tɔȳn̄ de kə́ rang gə̄ loo n tə́ ní? Kəja mɔtə a teē i rí? 2Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní. 3Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a? 4I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na:
Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́,
adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́#3.4 K. 4b: Á̰a̰ī Pā 51.6.
5Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé. 6Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?
7Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní? 8Ré i beé anī, i tām̄ rí tə́ á j-ədaī na kə jə-rāāī majaĺ kadə̄ yá̰á̰ kə́ majə teēń tū tə́ aĺ ní? Ngé tétə̄ najə̄ dɔḿ tə́ gə̄ ɔsəmə̄n̄ nge kɔr̄ najə̄ kə́ tītə̄ ń noō gə̄. Nin̄ ń noō sarya a əhɔdə́, ba i nin̄ kɔ́ gə̄ n sāān̄ ní.
De kə́ súmūú gətóo
9Kə j-ədaī na i rí? Jḭḭ̄ Jipə gə̄ ní, jə-tɔyī gotə de gə̄ a? Sḛ́ý aĺ bátə́! Tɔdɔ̄ m-ə́dásí najə̄ kə́ dɔ tə́ kété kɔ̄ɔ́ kadə̄ Jipə gə̄ gə̄gē, Gərek gə̄ gə̄gē, nin̄ malang i gíŕ tɔ́gə yā majaĺ tə́. 10Tɔdɔ̄ ndangən̄ kem makətūbūú na:
De kə́ súmūú gətóo,
kal kógə̄ḿ lélék gə̄gē gətóo.
11De kə́ ger̄ najə̄ gətóo.
Deē kógə̄ḿ kə́ sāā Nə́ɓā gətóo.
12Nin̄ malang əya̰n̄ róbə́ kə́ gō tə́ kɔ̄ɔ́,
nin̄ malang télən̄ de kə́ rim gə̄.
Nge kógə̄ḿ kə́ rāā yá̰á̰ kə́ majə gətóo,
kal kógə̄ḿ lélék gə̄gē gətóo#3.12 K. 10-12: Á̰a̰ī Pā 14.1-3.
13Nga̰ā̰də́ i bāá ɓádə́ kə́ ta ra kə wōyōó.
Nin̄ i ngé gól̄ loo kə tadə́ karī gə̄.
Najə̄ kə́ tadə́ tə́ i tītə̄ kong lī beé#3.13 K. 13: Á̰a̰ī Pā 5.10.
14Ndɔ̄ĺ kə́ kə wur katāá i ngá̰ý tadə́ tə́#3.14 K. 14: Á̰a̰ī Pā 10.7.
15Njadə́ ɔl ngá̰ý loo ɓōkə́ mósə de gə̄ nang tə́ tə́.
16Loo malang ń nin̄-mānə̄n̄ tū tə́ ní,
yá̰á̰ kə́ nujə ō, yá̰á̰ kə́ to rɔ̄ ndoō ō, i tū tə́.
17Róbə́ ń i róbə kem sɔl̄ lɔm ní, nin̄-gerə̄n̄ alé#3.17 K. 17 Á̰a̰ī Ij 59.7-8.
18Ɓōĺ Ndíĺ Nə́ɓā gətóo rɔ̄də́ nin̄ tə́#3.18 K. 18: Á̰a̰ī Pā 36.1.
19Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō. 20Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní#3.20 K. 20: Á̰a̰ī Pā 143.2. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.
Loo kajə ń Nə́ɓā ajə deē ní
21Ba ngɔlaā Nə́ɓā ɔjəjí loo rāā ń rāājí adə̄ jə-téliī de kə́ gōtə́ gə̄ ta kumən tə́ kanjə̄ ndū najə̄ ní. Ndū najə̄ ngeé ń toō ō, ngé koō ta gə̄ ō, ədan̄ wáńg 22kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́. 23Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní. 24Ba Nə́ɓā rāādə́ adə̄ télən̄ de kə́ súmūú gə̄ i karī kə ta kūl̄ rajə yānneé, tām̄ Jeju Kərist gān̄g dɔdə́. 25I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́. 26Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.
27Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́. 28Tɔdɔ̄ jə-ger̄ kadə̄ deē a tél de kə́ súmūú ta kum Nə́ɓā tə́ i kə gō taā kem yānneé, banī i kə gō rāā ń a rāā yá̰a̰ gə̄ ń ndū najə̄ yā Moijə əda tə́ ní alé. 29Ré i beé aĺ anī, Nə́ɓā ní i Nə́ɓā yā Jipə gə̄ ngóy ba i Nə́ɓā yā nápar de gə̄ alé. Ba ni i Nə́ɓā yā tə̄rā gə̄ ō, 30tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem. 31A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.
Currently Selected:
ROM 3: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
ROM 3
3
1I yá̰á̰ rí n Jipə gə̄ tɔȳn̄ de kə́ rang gə̄ loo n tə́ ní? Kəja mɔtə a teē i rí? 2Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní. 3Ba ré ngé kə́rēý gə̄ dandə́ tə́ ngɔ̄mə̄n̄ najə̄ gə̄ ń toō aĺ anī, kə yā kəda na i rí? Kadə̄ Nə́ɓā na a ndi dɔ míndən tə́ alé tām̄ nin̄ na ngɔ̄mə̄n̄ najə̄ yān gə̄ alé a? 4I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na:
Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́,
adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́#3.4 K. 4b: Á̰a̰ī Pā 51.6.
5Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé. 6Ba i tītə̄ ń noō alé, tɔdɔ̄ ré i tītə̄ ń noō anī, loo kadə̄ Nə́ɓā a gān̄g sarya dɔ de kə́ dɔ nang tə́ gə̄ tə́ i ba̰ý?
7Ré najə̄ yāḿ kə́ sor̄ gə̄ ɔjən̄ kadə̄ Nə́ɓā i de kə́ rɔ̄kum ō, teēn̄ i kɔsə gɔn yā Nə́ɓā ō ɓáý to̰ anī, i tām̄ rí tə́ á tél əndān̄ sarya dɔḿ tə́ ɓáý to̰ najə̄ majaĺ yāḿ gə̄ tə́ ní? 8Ré i beé anī, i tām̄ rí tə́ á j-ədaī na kə jə-rāāī majaĺ kadə̄ yá̰á̰ kə́ majə teēń tū tə́ aĺ ní? Ngé tétə̄ najə̄ dɔḿ tə́ gə̄ ɔsəmə̄n̄ nge kɔr̄ najə̄ kə́ tītə̄ ń noō gə̄. Nin̄ ń noō sarya a əhɔdə́, ba i nin̄ kɔ́ gə̄ n sāān̄ ní.
De kə́ súmūú gətóo
9Kə j-ədaī na i rí? Jḭḭ̄ Jipə gə̄ ní, jə-tɔyī gotə de gə̄ a? Sḛ́ý aĺ bátə́! Tɔdɔ̄ m-ə́dásí najə̄ kə́ dɔ tə́ kété kɔ̄ɔ́ kadə̄ Jipə gə̄ gə̄gē, Gərek gə̄ gə̄gē, nin̄ malang i gíŕ tɔ́gə yā majaĺ tə́. 10Tɔdɔ̄ ndangən̄ kem makətūbūú na:
De kə́ súmūú gətóo,
kal kógə̄ḿ lélék gə̄gē gətóo.
11De kə́ ger̄ najə̄ gətóo.
Deē kógə̄ḿ kə́ sāā Nə́ɓā gətóo.
12Nin̄ malang əya̰n̄ róbə́ kə́ gō tə́ kɔ̄ɔ́,
nin̄ malang télən̄ de kə́ rim gə̄.
Nge kógə̄ḿ kə́ rāā yá̰á̰ kə́ majə gətóo,
kal kógə̄ḿ lélék gə̄gē gətóo#3.12 K. 10-12: Á̰a̰ī Pā 14.1-3.
13Nga̰ā̰də́ i bāá ɓádə́ kə́ ta ra kə wōyōó.
Nin̄ i ngé gól̄ loo kə tadə́ karī gə̄.
Najə̄ kə́ tadə́ tə́ i tītə̄ kong lī beé#3.13 K. 13: Á̰a̰ī Pā 5.10.
14Ndɔ̄ĺ kə́ kə wur katāá i ngá̰ý tadə́ tə́#3.14 K. 14: Á̰a̰ī Pā 10.7.
15Njadə́ ɔl ngá̰ý loo ɓōkə́ mósə de gə̄ nang tə́ tə́.
16Loo malang ń nin̄-mānə̄n̄ tū tə́ ní,
yá̰á̰ kə́ nujə ō, yá̰á̰ kə́ to rɔ̄ ndoō ō, i tū tə́.
17Róbə́ ń i róbə kem sɔl̄ lɔm ní, nin̄-gerə̄n̄ alé#3.17 K. 17 Á̰a̰ī Ij 59.7-8.
18Ɓōĺ Ndíĺ Nə́ɓā gətóo rɔ̄də́ nin̄ tə́#3.18 K. 18: Á̰a̰ī Pā 36.1.
19Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō. 20Adə̄ i tām̄ ń noō tə́ n deē kógə̄ḿ kə́ tél de kə́ súmūú ta kum Nə́ɓā tə́ tām̄ rāā kə́ ni-rāā yá̰a̰ gə̄ kə́ ndū najə̄ ɔjə tə́ gətóó ní#3.20 K. 20: Á̰a̰ī Pā 143.2. Tɔdɔ̄ ndū najə̄ a rāā kə deé i kadə̄ gerə̄ń yá̰á̰ kə́ majaĺ gə̄ ń rāā ní ngóy.
Loo kajə ń Nə́ɓā ajə deē ní
21Ba ngɔlaā Nə́ɓā ɔjəjí loo rāā ń rāājí adə̄ jə-téliī de kə́ gōtə́ gə̄ ta kumən tə́ kanjə̄ ndū najə̄ ní. Ndū najə̄ ngeé ń toō ō, ngé koō ta gə̄ ō, ədan̄ wáńg 22kadə̄ Nə́ɓā rāā de gə̄ adə̄ télən̄ de kə́ gōtə́ gə̄ ta kumən tə́, i tām̄ taā ń nin̄-taān̄ kem Jeju Kərist tə́ ní. Ni-rāā tām̄ yādə́ tə́, i tɔdɔ̄ nin̄-tītə̄n̄ naā malang ta kumən tə́. 23Nin̄ malang rāān̄ majaĺ, adə̄ i tām̄ ń noō tə́ n asən̄ kugə̄ tū kɔsə gɔn yā Nə́ɓā tə́ aĺ ní. 24Ba Nə́ɓā rāādə́ adə̄ télən̄ de kə́ súmūú gə̄ i karī kə ta kūl̄ rajə yānneé, tām̄ Jeju Kərist gān̄g dɔdə́. 25I Jeju ngeé ń toō n Nə́ɓā əndān nojí tə́ tām̄ kadə̄ ni-tél yá̰á̰ kə́ tun̄ kɔrə̄ń majaĺ ní. Ni-adə̄ mósən nəkɔ́ tām̄ yā ngé gə̄ ń taān̄ kem tə́ ní. Nə́ɓā əhɔ gír majaĺ kə́ kété jóo gə̄ to̰ alé, yā kɔjəń kadə̄ ni i de kə́ gōtə́. 26Kété jóó ní, Nə́ɓā əndā njan dɔ majaĺ gə̄ tə́, ba ɓōólaā ń j-awīiń toō, ni-gḛy kɔjə kadə̄ ni i de kə́ gōtə́ ō, kadə̄ i ni n a rāā de gə̄ ń a taān̄ kem Jeju ní kadə̄ télən̄ de kə́ gōtə́ gə̄ ō ní.
27Ní loo kadə̄ j-ɔjiī rɔ̄jí i rá ɓáý? Lon gətóo. I tām̄ rí tə́? I tām̄ yā kəla yājí gə̄ tə́ a? I tām̄ yā kəla yājí gə̄ tə́ alé, banī i tām̄ yā taā kem yājí tə́. 28Tɔdɔ̄ jə-ger̄ kadə̄ deē a tél de kə́ súmūú ta kum Nə́ɓā tə́ i kə gō taā kem yānneé, banī i kə gō rāā ń a rāā yá̰a̰ gə̄ ń ndū najə̄ yā Moijə əda tə́ ní alé. 29Ré i beé aĺ anī, Nə́ɓā ní i Nə́ɓā yā Jipə gə̄ ngóy ba i Nə́ɓā yā nápar de gə̄ alé. Ba ni i Nə́ɓā yā tə̄rā gə̄ ō, 30tɔdɔ̄ Nə́ɓā i kógə̄ḿ beē ngóy. Ni a rāā kadə̄ Jipə gə̄ gə̄gē, de gə̄ ń nin̄ i Jipə aĺ gə̄ ní gə̄gē, télən̄ de kə́ gōtə́ gə̄ ta kumən tə́ i kə ta kūl̄ taā kem. 31A ń noō ní, kadə̄ taā ń taān̄ kem ní rāā kadə̄ ndū najə̄ i yá̰á̰ kə́ kanjə̄ kumən a? Sḛ́ý aĺ bátə́! I loo kə́ beé tə́ tā n i yá̰á̰ kə́ kə kumneé ɓáý ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.