PILIPƏ 2
2
Kərist tél kə rɔ̄neé kə̄ nang tə́ ō, ni i de kə́ bo ō
1Taā ń ī-taāī kem Kərist ní rāā adə̄ tɔ́gə́sí tɔȳ kə́ kété ō, táŕ ń ni-táŕsí ní rāā adə̄ tɔ́gə́sí to ō, kemsí i kógə̄ḿ kə Ndíĺ kə́ Táĺ ō, ī-rāāī tɔdɔ̄ naā ō, ī-rāāī kem majə kə naá ō. 2I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō. 3Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō. 4Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō. 5Ādī háĺsí i háĺ Jeju Kərist.
6Ni ō Nə́ɓā ō i de kə́ kógə̄ḿ beē gə̄.
Banī kasə ń nin̄-asən̄ naā kə Nə́ɓāá ní, ni-aw̄ gírí alé.
7Nəkɔ́ əya̰ yá̰a̰ malang ń ni aw̄ń ní kɔ̄ɔ́ kə gō kem ndigə yānneé, ba tél ɓəlo.
Ni-tél to tītə̄ de gə̄ ō, rāā yá̰a̰ i kə́ deē tə́ ō.
8Ni-sɔl̄ dɔn, adə̄ oō ta Nə́ɓā bátə́ oyń, oyń yo kə́ tū kāgə̄ kə́ dēsə́ tə́.
9I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō,
əndā rī kə́ tɔȳ gotə rī gə̄ malang dɔn tə́ ní ō.
10Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō,
11kadə̄ de gə̄ malang ədan̄ na Jeju Kərist i Kɔ́ɔ̄ɓē,
yā kɔsəń gɔn Bɔbə̄n Nə́ɓā.
Ī-ndə́lēī tītə̄ tə́yō̰ gə̄ beé dan de kə́ dɔ nang tə́ gə̄ tə́
12I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō. 13Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.
14Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō. 15Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē, 16kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.
17Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō. 18Majə kadə̄ rɔ̄sí sḭḭ̄ nel̄sí ō, ī-rāāī rɔ̄nel̄ seḿ ō.
Timote ō Epapəroditə ō
19m̄-taā kem kadə̄ Kɔ́ɔ̄ɓē Jeju a rāā seḿ, adə̄ m-ā m-ə́la Timote loosí ngɔr, kadə̄ m-ōōń kōōsí ō, kadə̄ kemḿ tetəń kə̄ nang tə́ sḛ́ý ō. 20I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní. 21Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé. 22Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē. 23Adə̄ dan ń m-ā m̄-ger̄ najə̄ kə́ dɔḿ tə́ unjə̄ anī, i ni n m̄-gír̄ kəlan loosí ní. 24Tá m̄-ger̄ kemḿ tə́ majə kadə̄ Kɔ́ɔ̄ɓē a rāā seḿ, adə̄ mə̄kɔ́ m-ā m-āw̄sí noō ngɔr.
25M-á̰á̰ ní majə kadə̄ m̄-tél m-ə́la kə ngōkó̰ó̰jí Epapəroditə gogə́ m-ādə̄sí. Ni i madə̄ kəlaḿ ō, madə̄ rɔ̄ɔ̄ḿ ō. Sḭḭ̄ ə́laniī adə̄ reē kə yá̰a̰ gə̄ ń ndoōdə́ rāām̄ ní adə̄m̄. 26Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān. 27Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé. 28Adə̄ m-ə́la seneé láẃ m-ādə̄sí yā kadə̄ ré á̰a̰niī anī rɔ̄sí nel̄sí ɓáý to̰ ō, kadə̄ rɔ̄nel̄ aĺ yāḿ mā i ngá̰ý to̰ aĺ ō. 29I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄. 30Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.
Currently Selected:
PILIPƏ 2: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
PILIPƏ 2
2
Kərist tél kə rɔ̄neé kə̄ nang tə́ ō, ni i de kə́ bo ō
1Taā ń ī-taāī kem Kərist ní rāā adə̄ tɔ́gə́sí tɔȳ kə́ kété ō, táŕ ń ni-táŕsí ní rāā adə̄ tɔ́gə́sí to ō, kemsí i kógə̄ḿ kə Ndíĺ kə́ Táĺ ō, ī-rāāī tɔdɔ̄ naā ō, ī-rāāī kem majə kə naá ō. 2I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō. 3Ī-rɔ̄ɔ̄ī naā dɔ yá̰á̰ tə́ alé, ī-lōōī rāā yá̰a̰ kə kɔjə rɔ̄ɔ́. Ba ī-sɔlī dɔsí kə̄ no naā tə́ ō, sḭḭ̄ kógə̄ḿ kógə̄ḿ ní ī-rāāī madə̄sí gə̄ de kə́ bo tɔȳsí gə̄ tə́ ō. 4Ādə̄ deē sāā i yá̰á̰ kə́ yā kadə̄ a rāā majə kə rɔ̄n nəkɔ́ ngóy alé, banī sḭḭ̄ kógə̄ḿ kógə̄ḿ ní ī-gírī dɔ yá̰á̰ kə́ a rāā majə kə madə̄sí gēé tə́ ō. 5Ādī háĺsí i háĺ Jeju Kərist.
6Ni ō Nə́ɓā ō i de kə́ kógə̄ḿ beē gə̄.
Banī kasə ń nin̄-asən̄ naā kə Nə́ɓāá ní, ni-aw̄ gírí alé.
7Nəkɔ́ əya̰ yá̰a̰ malang ń ni aw̄ń ní kɔ̄ɔ́ kə gō kem ndigə yānneé, ba tél ɓəlo.
Ni-tél to tītə̄ de gə̄ ō, rāā yá̰a̰ i kə́ deē tə́ ō.
8Ni-sɔl̄ dɔn, adə̄ oō ta Nə́ɓā bátə́ oyń, oyń yo kə́ tū kāgə̄ kə́ dēsə́ tə́.
9I tām̄ ń toō tə́ n Nə́ɓā ɔsən kə̄ dɔɔ́ dɔ yá̰a̰ gə̄ tə́ malang ní ō,
əndā rī kə́ tɔȳ gotə rī gə̄ malang dɔn tə́ ní ō.
10Yā kadə̄ de kə́ dɔ rā̰ tə́ gə̄ ō, dɔ nang tə́ gə̄ ō, gíŕ nángāá gə̄ ō malang ɓōlə́n̄ rī Jeju ba tétə̄n̄ kejədə́ nang tə́ ō,
11kadə̄ de gə̄ malang ədan̄ na Jeju Kərist i Kɔ́ɔ̄ɓē,
yā kɔsəń gɔn Bɔbə̄n Nə́ɓā.
Ī-ndə́lēī tītə̄ tə́yō̰ gə̄ beé dan de kə́ dɔ nang tə́ gə̄ tə́
12I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō. 13Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.
14Ī-rāāī yá̰a̰ malang kanjə̄ yṵ́r̄ najə̄ ō, kanjə̄ kəhɔ naā najə̄ tə́ ō. 15Yā kadə̄ sḭḭ̄ i de kə́ kanjə̄ najə̄ dɔsí tə́ gə̄ ō, kə́ ūnjī njáý njáý gə̄ ō, ngáń Nə́ɓā kə́ yá̰á̰ kə́ majaĺ sḛ́ý gətóo dɔdə́ tə́ gə̄ kə́ ndin̄ dan de kə́ súmūú aĺ gə̄ tə́ ō, dan de kə́ nujə kɔ̄ɔ́ gə̄ kə́ dɔ nang ń toō tə́ ō. Majə kadə̄ sḭḭ̄ ī-ndə́lēī dandə́ tə́ tītə̄ tə́yō̰ gə̄ kə́ dɔ rā̰ tə́ beē, 16kə ta kūl̄ kɔjədə́ najə̄ kə́ a rāā kadə̄ deē ndi kə kumneé. Ré ī-rāāī yá̰a̰ tītə̄ ń noō anī, m-ā m-ásə kɔjə rɔ̄ḿ najə̄ yāsí tə́ ndɔ̄ yā Kərist tə́. Tɔdɔ̄ nge ń noō i yá̰á̰ kə́ a ɔjə kadə̄ kəla yāḿ malang ō, kəhɔ rɔ̄ tɔgə yāḿ gə̄ malang ō ní, i yá̰á̰ kə́ ndāńg karī alé.
17Ká ré i gáŕ kadə̄ tə́ten̄ mósə́ḿ dɔ yá̰á̰ kə́ tun̄ yāsí tə́ ō, dɔ kəla yāsí tə́ ō, tām̄ taā kə́ sḭḭ̄ ī-taāī kem tə́ anī, rɔ̄ḿ a nelə̄m̄ najə̄n tə́ ō, m̄-rāā rɔ̄nel̄ sesí malang ō. 18Majə kadə̄ rɔ̄sí sḭḭ̄ nel̄sí ō, ī-rāāī rɔ̄nel̄ seḿ ō.
Timote ō Epapəroditə ō
19m̄-taā kem kadə̄ Kɔ́ɔ̄ɓē Jeju a rāā seḿ, adə̄ m-ā m-ə́la Timote loosí ngɔr, kadə̄ m-ōōń kōōsí ō, kadə̄ kemḿ tetəń kə̄ nang tə́ sḛ́ý ō. 20I ni ngóy n i de kə́ gír̄ yān i tītə̄ yāḿ ō, de kə́ nge sōl̄ najə̄ yāsí tə́ kə́ rɔ̄kum tə́ ō ní. 21Gotə de gə̄ malang a sāān̄ i yá̰á̰ kə́ tām̄ yādə́ nin̄ kɔ́ gə̄ tə́, ba i yá̰á̰ kə́ tām̄ yā Jeju Kərist tə́ alé. 22Ba yān ni ɓáa, ni ɔjə yá̰á̰ ń ni asə rāā ní kə̄ ndágá adə̄ sḭḭ̄ kɔ́ gə̄ ī-gerī. Ni-rāā kəla seḿ tām̄ yā Najə̄ kə́ Majə tə́ tītə̄ ngōn̄ kə́ rāā kəla kə bɔbə̄neé beē. 23Adə̄ dan ń m-ā m̄-ger̄ najə̄ kə́ dɔḿ tə́ unjə̄ anī, i ni n m̄-gír̄ kəlan loosí ní. 24Tá m̄-ger̄ kemḿ tə́ majə kadə̄ Kɔ́ɔ̄ɓē a rāā seḿ, adə̄ mə̄kɔ́ m-ā m-āw̄sí noō ngɔr.
25M-á̰á̰ ní majə kadə̄ m̄-tél m-ə́la kə ngōkó̰ó̰jí Epapəroditə gogə́ m-ādə̄sí. Ni i madə̄ kəlaḿ ō, madə̄ rɔ̄ɔ̄ḿ ō. Sḭḭ̄ ə́laniī adə̄ reē kə yá̰a̰ gə̄ ń ndoōdə́ rāām̄ ní adə̄m̄. 26Ngur ka̰a̰sí malang rāān ngá̰ý, tá ni-sōl̄ tɔdɔ̄ ōōī kōō mo̰y yān. 27Rɔ̄kum tā a mo̰y rāān kə́ asə yon. Banī Nə́ɓā a̰a̰ kum tō ndoō yān, ba a̰a̰ i kum tō ndoō yān ní ngóy alé, a̰a̰ i kum tō ndoō yāḿ mā ō, tá kadə̄ rɔ̄ḿ nelə̄məń aĺ kə̄ dɔ madə̄ tə́ ɓáý to̰ alé. 28Adə̄ m-ə́la seneé láẃ m-ādə̄sí yā kadə̄ ré á̰a̰niī anī rɔ̄sí nel̄sí ɓáý to̰ ō, kadə̄ rɔ̄nel̄ aĺ yāḿ mā i ngá̰ý to̰ aĺ ō. 29I beé ní ə́hɔniī kə̄ rɔ̄sí tə́ kə rɔ̄nelēé tītə̄ ngōkó̰ó̰sí, kə́ nge taā kem Kɔ́ɔ̄ɓē. Ba ī-rɔyī de kə́ tītə̄ ń noō gə̄. 30Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.