TƏ́DA 8
8
Loo kəndā hor kə́ ta bay hor gə̄ tə́
1-2Kɔ́ɔ̄ɓē mēr̄ Moijə kəda Aaro̰ najə̄ ń toō:
Ré ā ə̄ndā hor ta bay hor kə́ sīrí gə̄ tə́ anī i loo kə́ kété no ɗəra hor tə́ n a unjə̄ ní. 3Aaro̰ rāā yá̰á̰ ń Kɔ́ɔ̄ɓē əda Moijə ní: Əndā hor gə̄ ní adə̄ unjə̄n̄ loo kə́ kété ní. 4Rāān̄ ɗəra hor ní kə taá malang, əla gír njan tə́ bátə́ hútə̄n kə́ ta tɔ̄l̄ ta tə́ ní i kə lɔ́ŕ kə́ kənda kə mō̰ó̰. Rāān̄ ɗəra hor ní adə̄ to i tītə̄ nge ń Kɔ́ɔ̄ɓē ɔjə Moijə ní.
Loo kɔr̄ kam̄ ngán Lebi gə̄
5Kɔ́ɔ̄ɓē əda Moijə na:
6Ɔ̄r̄ ngán Lebi gə̄ dan ngán Israel gə̄ tə́ ba ún majaĺ ń tákə̄də́ ní dɔdə́ tə́ kɔ̄ɔ́. 7Loo rāān n toó: Ī-sə̄kā man̄ tə́go majaĺ#8.7 Man̄ tə́go majaĺ: Á̰a̰ī Leb 14. rɔ̄də́ tə́ ō, ādə̄ dəsān̄ bḭḭ̄ kə́ rɔ̄də́ tə́ malang kɔ̄ɔ́ ō, tə́gon̄ kūbə̄ yādə́ gə̄ ō, unən̄ majaĺ ń tákə̄də́ ní kɔ̄ɔ́ ō. 8Nin̄ a əhɔn̄ man̄g kə́ bəra kógə̄ḿ ō, a unən̄ ndujə̄ kə́ ló̰ȳ kə yibīí ń i yá̰á̰ kə́ yā ndējə̄ dɔ tə́ ní ō. Īkɔ́ ā əhɔ man̄g kə́ bəra kə́ ko̰ jōó ń i man̄g kə́ yā tun̄ tām̄ yā majaĺ tə́ ní ō. 9Ā ī-reē kə ngán Lebi gə̄ ta kújə kənge naā tə́ ō, ā ɔ́sə dɔ ngán Israel gə̄ malang naā tə́ ō. 10Ā ī-reē kə ngán Lebi gə̄ ta kum Kɔ́ɔ̄ɓē tə́ kadə̄ ngán Israel gə̄ əndān̄ jīdə́ dɔdə́ tə́. 11Gō tə́ anī Aaro̰ a ndējə̄ Kɔ́ɔ̄ɓē ngán Lebi gə̄ kə gō looneé tītə̄ yá̰a̰ ndējə̄ kə́ ngán Israel gə̄ ndējə̄n̄ Kɔ́ɔ̄ɓē beé kadə̄ ran̄ kəla yān. 12Ngán Lebi gə̄ a əndān̄ jīdə́ dɔ man̄g kə́ bəra kə́ jōó gə̄ ní tə́. Aaro̰ a tun̄ kə́ kógə̄ḿ tām̄ yā majaĺ tə́ ō, a róō kə́ noō horoó yā kadə̄ Kɔ́ɔ̄ɓē ō, yā rāań yá̰á̰ kə́ yā kutə̄ń dɔ majaĺ yā ngán Lebi gə̄. 13Ā ādə̄ ngán Lebi gə̄ a ran̄ kə njadə́ kə́ dɔɔ́ no Aaro̰ tə́ nin̄ kə ngánən gēé ō, ā ī-ndējə̄də́ kə Kɔ́ɔ̄ɓē kə gō looneé ō. 14Ā ɔ̄r̄ ngán Lebi gə̄ dan ngán Israel gə̄ tə́ kadə̄ nin̄ i yá̰a̰ yāḿ gə̄. 15Gō tə́ anī a reēn̄ yā rāā kəla kújə kənge naā. I beé n ā únəń majaĺ ń tákə̄də́ ní kɔ̄ɔ́ ō, ā ī-ndējəńdə́ kə Kɔ́ɔ̄ɓē kə gō looneé ō ní. 16Tɔdɔ̄ nin̄ i tām̄ yāḿ tə́ mámák dan ngán Israel gə̄ tə́. M-ɔ̄r̄də́ tām̄ yāḿ tə́ i kum gotə hágə́ ngán Israel gə̄ malang. 17Tām̄ hágə́ yá̰a̰ malang kə́ dan ngán Israel gə̄ tə́, adə̄ i hágə deē gə̄gē hágə dā̰ gə̄gē ní nin̄ i yá̰a̰ yāḿ gə̄. M-ɔ̄r̄ kam̄də́ tām̄ yāḿ tə́ i ndɔ̄ ń m̄-tɔ̄ləń ngáń hágə gə̄ malang kə́ dɔ nang kə́ Ejiptə tə́ ní. 18Ba m̄-taā ngán Lebi gə̄ kum gotə hágə́ ngán Israel gə̄ malang 19m-ādə̄ Aaro̰ nin̄ kə ngánən gēé i kadə̄ rāān̄ kəla kújə kənge naā tam̄ yā ngán Israel gə̄ tə́ ō, kadə̄ rāān̄ yá̰á̰ kə́ yā kutəń dɔ majaĺ yādə́ ō. I beé tá yá̰a̰ a rāań ngán Israel gē ń a ndɔ́tə̄n̄ kə̄ rɔ̄ loo kə́ táĺ tə́ ní alé.
20Yá̰a̰ gə̄ ń Kɔ́ɔ̄ɓē əda Moijə ní Moijə ō, Aaro̰ ō, ngán Israel gə̄ malang ō, rāān̄ kə ngán Lebi gēé kə ta njaá. 21Ngán Lebi gə̄ rāān̄ yá̰á̰ kə́ yā kunəń majaĺ ń tákə̄də́ ní ō, tə́gon̄ kūbə̄ yādə́ gə̄ ō, Aaro̰ ndējə̄də́ kə Kɔ́ɔ̄ɓē kə gō looneé ō, rāā yá̰a̰ kutə̄ dɔ majaĺ dɔdə́ tə́ yā kunəń majaĺ ń tákə̄də́ ní kɔ̄ɔ́ ō. 22Gō tə́ anī ngán Lebi gə̄ əlan̄ gír rāā kəla yādə́ kə́ tām̄ yā kújə kənge naā tə́ ta kum Aaro̰ tə́ nin̄ kə ngánən gēé. I beé n rāānəń yá̰á̰ ń Kɔ́ɔ̄ɓē əda Moijə ní kə ngán Lebi gēé ní.
23Kɔ́ɔ̄ɓē əda Moijə na:
24A ɔyn̄ ngán Lebi gə̄ ń ɓāl̄də́ əla gír dɔ kutə jōó gidə i mí tə́ kum kə̄ dɔɔ́ ní kəlaá, kadə̄ rāān̄ kəla kújə kənge naā. 25Ré ɓāl̄də́ i kutə mí anī a ɔrə̄ńdə́ kɔ̄ɔ́ kəlaá kadə̄ taān̄ koō. A rāān̄ kəla to̰ alé. 26Nin̄ a ɔsən̄ kíĺ ngán Lebi gə̄ ń a rāān̄ kəla kújə kənge naā ní ba aw̄n̄ kə kəla yādə́ kə́ sɔɔ̄ dɔdə́ alé. Loo rāā ń ā ī-rāań kəla kə ngán Lebi gə̄ ní n noó.
Currently Selected:
TƏ́DA 8: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
TƏ́DA 8
8
Loo kəndā hor kə́ ta bay hor gə̄ tə́
1-2Kɔ́ɔ̄ɓē mēr̄ Moijə kəda Aaro̰ najə̄ ń toō:
Ré ā ə̄ndā hor ta bay hor kə́ sīrí gə̄ tə́ anī i loo kə́ kété no ɗəra hor tə́ n a unjə̄ ní. 3Aaro̰ rāā yá̰á̰ ń Kɔ́ɔ̄ɓē əda Moijə ní: Əndā hor gə̄ ní adə̄ unjə̄n̄ loo kə́ kété ní. 4Rāān̄ ɗəra hor ní kə taá malang, əla gír njan tə́ bátə́ hútə̄n kə́ ta tɔ̄l̄ ta tə́ ní i kə lɔ́ŕ kə́ kənda kə mō̰ó̰. Rāān̄ ɗəra hor ní adə̄ to i tītə̄ nge ń Kɔ́ɔ̄ɓē ɔjə Moijə ní.
Loo kɔr̄ kam̄ ngán Lebi gə̄
5Kɔ́ɔ̄ɓē əda Moijə na:
6Ɔ̄r̄ ngán Lebi gə̄ dan ngán Israel gə̄ tə́ ba ún majaĺ ń tákə̄də́ ní dɔdə́ tə́ kɔ̄ɔ́. 7Loo rāān n toó: Ī-sə̄kā man̄ tə́go majaĺ#8.7 Man̄ tə́go majaĺ: Á̰a̰ī Leb 14. rɔ̄də́ tə́ ō, ādə̄ dəsān̄ bḭḭ̄ kə́ rɔ̄də́ tə́ malang kɔ̄ɔ́ ō, tə́gon̄ kūbə̄ yādə́ gə̄ ō, unən̄ majaĺ ń tákə̄də́ ní kɔ̄ɔ́ ō. 8Nin̄ a əhɔn̄ man̄g kə́ bəra kógə̄ḿ ō, a unən̄ ndujə̄ kə́ ló̰ȳ kə yibīí ń i yá̰á̰ kə́ yā ndējə̄ dɔ tə́ ní ō. Īkɔ́ ā əhɔ man̄g kə́ bəra kə́ ko̰ jōó ń i man̄g kə́ yā tun̄ tām̄ yā majaĺ tə́ ní ō. 9Ā ī-reē kə ngán Lebi gə̄ ta kújə kənge naā tə́ ō, ā ɔ́sə dɔ ngán Israel gə̄ malang naā tə́ ō. 10Ā ī-reē kə ngán Lebi gə̄ ta kum Kɔ́ɔ̄ɓē tə́ kadə̄ ngán Israel gə̄ əndān̄ jīdə́ dɔdə́ tə́. 11Gō tə́ anī Aaro̰ a ndējə̄ Kɔ́ɔ̄ɓē ngán Lebi gə̄ kə gō looneé tītə̄ yá̰a̰ ndējə̄ kə́ ngán Israel gə̄ ndējə̄n̄ Kɔ́ɔ̄ɓē beé kadə̄ ran̄ kəla yān. 12Ngán Lebi gə̄ a əndān̄ jīdə́ dɔ man̄g kə́ bəra kə́ jōó gə̄ ní tə́. Aaro̰ a tun̄ kə́ kógə̄ḿ tām̄ yā majaĺ tə́ ō, a róō kə́ noō horoó yā kadə̄ Kɔ́ɔ̄ɓē ō, yā rāań yá̰á̰ kə́ yā kutə̄ń dɔ majaĺ yā ngán Lebi gə̄. 13Ā ādə̄ ngán Lebi gə̄ a ran̄ kə njadə́ kə́ dɔɔ́ no Aaro̰ tə́ nin̄ kə ngánən gēé ō, ā ī-ndējə̄də́ kə Kɔ́ɔ̄ɓē kə gō looneé ō. 14Ā ɔ̄r̄ ngán Lebi gə̄ dan ngán Israel gə̄ tə́ kadə̄ nin̄ i yá̰a̰ yāḿ gə̄. 15Gō tə́ anī a reēn̄ yā rāā kəla kújə kənge naā. I beé n ā únəń majaĺ ń tákə̄də́ ní kɔ̄ɔ́ ō, ā ī-ndējəńdə́ kə Kɔ́ɔ̄ɓē kə gō looneé ō ní. 16Tɔdɔ̄ nin̄ i tām̄ yāḿ tə́ mámák dan ngán Israel gə̄ tə́. M-ɔ̄r̄də́ tām̄ yāḿ tə́ i kum gotə hágə́ ngán Israel gə̄ malang. 17Tām̄ hágə́ yá̰a̰ malang kə́ dan ngán Israel gə̄ tə́, adə̄ i hágə deē gə̄gē hágə dā̰ gə̄gē ní nin̄ i yá̰a̰ yāḿ gə̄. M-ɔ̄r̄ kam̄də́ tām̄ yāḿ tə́ i ndɔ̄ ń m̄-tɔ̄ləń ngáń hágə gə̄ malang kə́ dɔ nang kə́ Ejiptə tə́ ní. 18Ba m̄-taā ngán Lebi gə̄ kum gotə hágə́ ngán Israel gə̄ malang 19m-ādə̄ Aaro̰ nin̄ kə ngánən gēé i kadə̄ rāān̄ kəla kújə kənge naā tam̄ yā ngán Israel gə̄ tə́ ō, kadə̄ rāān̄ yá̰á̰ kə́ yā kutəń dɔ majaĺ yādə́ ō. I beé tá yá̰a̰ a rāań ngán Israel gē ń a ndɔ́tə̄n̄ kə̄ rɔ̄ loo kə́ táĺ tə́ ní alé.
20Yá̰a̰ gə̄ ń Kɔ́ɔ̄ɓē əda Moijə ní Moijə ō, Aaro̰ ō, ngán Israel gə̄ malang ō, rāān̄ kə ngán Lebi gēé kə ta njaá. 21Ngán Lebi gə̄ rāān̄ yá̰á̰ kə́ yā kunəń majaĺ ń tákə̄də́ ní ō, tə́gon̄ kūbə̄ yādə́ gə̄ ō, Aaro̰ ndējə̄də́ kə Kɔ́ɔ̄ɓē kə gō looneé ō, rāā yá̰a̰ kutə̄ dɔ majaĺ dɔdə́ tə́ yā kunəń majaĺ ń tákə̄də́ ní kɔ̄ɔ́ ō. 22Gō tə́ anī ngán Lebi gə̄ əlan̄ gír rāā kəla yādə́ kə́ tām̄ yā kújə kənge naā tə́ ta kum Aaro̰ tə́ nin̄ kə ngánən gēé. I beé n rāānəń yá̰á̰ ń Kɔ́ɔ̄ɓē əda Moijə ní kə ngán Lebi gēé ní.
23Kɔ́ɔ̄ɓē əda Moijə na:
24A ɔyn̄ ngán Lebi gə̄ ń ɓāl̄də́ əla gír dɔ kutə jōó gidə i mí tə́ kum kə̄ dɔɔ́ ní kəlaá, kadə̄ rāān̄ kəla kújə kənge naā. 25Ré ɓāl̄də́ i kutə mí anī a ɔrə̄ńdə́ kɔ̄ɔ́ kəlaá kadə̄ taān̄ koō. A rāān̄ kəla to̰ alé. 26Nin̄ a ɔsən̄ kíĺ ngán Lebi gə̄ ń a rāān̄ kəla kújə kənge naā ní ba aw̄n̄ kə kəla yādə́ kə́ sɔɔ̄ dɔdə́ alé. Loo rāā ń ā ī-rāań kəla kə ngán Lebi gə̄ ní n noó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.