TƏ́DA 28
28
Ndū najə̄ kə́ dɔ yá̰a̰ tun̄ gə̄ tə́
1. Yá̰a̰ tun̄ kə́ kə dɔ ndɔ̄ gə̄
1-2Kɔ́ɔ̄ɓē mēr̄ Moijə kəda ngán Israel gə̄ yá̰a̰ gə̄ ń toō kadə̄ rāān̄: Yá̰a̰ ndējə̄ kə́ tām̄ yā Kɔ́ɔ̄ɓē tə́ gə̄ ń rāān̄ rɔ̄də́ i yá̰a̰ kəsa kə́ róō horoó kə́ sēēdə́ nel̄ Kɔ́ɔ̄ɓē tə́ ní, ā ə̄ndāī kumsí gíŕdə́ tə́ yā ndējə̄ kə kum mbangdə́ gēé.
3Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē. 4A ndējə̄n̄ kógə̄ḿ kə ndɔ̄ý ō, kə́ noō loo sɔlí ō. 5A ndējə̄n̄ Kɔ́ɔ̄ɓē ngán batə̄ gə̄ ní i naā tə́ kə ndujə̄ kə́ asə lāngá mətá, kə́ ló̰ȳ kə yibə̄ olibə kə́ kásə̄ kə́ asə lāngá kógə̄ḿ kə núsə. 6Róō dā̰ horoó kə dɔ ndɔ̄ gə̄ ngeé ń toō un i ta nge ń əlan̄ gír dɔ mbal̄ Sinai tə́ ní. I yá̰a̰ kəsa kə́ sēēn sɔl̄ kem Kɔ́ɔ̄ɓē. 7A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́. 8Ngōn̄ batə̄ kə́ nge ko̰ jōó ní a ndējə̄n̄ Kɔ́ɔ̄ɓē i loo sɔlí. A ndējə̄n̄ ndujə̄ ō, a tə́ten̄ kasə kə́ ngan̄g ō dɔ tə́ tītə̄ kə́ kə ndɔ̄ý. I yá̰a̰ kəsa kə́ sēēn sɔl̄ kem Kɔ́ɔ̄ɓē.
2. Yá̰a̰ tun̄ kə́ ndɔ̄ Sabat tə́
9Ndɔ̄ sabat tə́ anī, a ndējə̄n̄ Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ jōó, kə́ loodə́ kógə̄ḿ nujə alé, naā tə́ kə ndujə̄ kə́ asə lāngá mehḛ́, kə́ ló̰ȳ kə yibīí ō, kə yá̰á̰ kə́ yā tə́te dɔ tə́ ō. 10Nge ń noō i dā̰ kə́ róō horoó ndɔ̄ sabat tə́. Kə dɔ ndɔ̄ sabat gə̄ malang ní a róōn̄ yā kərōń dā̰ kə́ róō kə dɔ ndɔ̄ gə̄ kadə̄ Kɔ́ɔ̄ɓē ō, kasə kə́ yā tə́te dɔ tə́ ō.
3. Yá̰a̰ tun̄ kə́ ndɔ̄ kə́ ta kəga dɔ yā nāā tə́
11Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó. 12Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí dɔ dā̰ gə̄ ń noō tə́ malang: Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 13kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. Nge ń noō i dā̰ kə́ róō horoó kə́ sēēn sɔl̄ kem Kɔ́ɔ̄ɓē. 14Kasə nduú i lāngá mətá kə dɔ man̄g kə́ bəra gēé ō, lāngá jōó dɔ bal batə̄ tə́ ō, i lāngá kógə̄ḿ kə núsə kə dɔ ngán batə̄ gēé ō. Dā̰ gə̄ kə́ yā róōdə́ horoó kə ndɔ̄ kə́ ta kəga dɔ yā nāā tə́ kə dɔ ɓāl̄ gə̄ n noó. 15Ā ī-tunī bal bə̄yā̰ kógə̄ḿ yā kadə̄ Kɔ́ɔ̄ɓē tām̄ yā majaĺ tə́ yā kərōń dā̰ kə́ róō horoó kə dɔ ndɔ̄ gə̄ ō, kasə nduú kə́ tə́te dɔ tə́ ō.
4. Yá̰a̰ tun̄ kə́ ndɔ̄ nāā Pákə tə́
16Kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ ní, ī-rāāī Pákə yā rɔȳń Kɔ́ɔ̄ɓē. 17Kə ndɔ̄ kə́ nge ko̰ kutə gidə i mí yā nāā ngeé ń noō ní, ā ə́laī gír rāā nāā mápá kə́ kanjə̄ kaa mápa, ā ə́saī mápá kə́ kanjə̄ kaa mápa ndɔ̄ sīrí. 18Kə ndɔ̄ kə́ ta kəga dɔɔ́ ní, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. 19Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄. 20Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí kə dɔ dā̰ gə̄ ń noō malang. Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 21ndujə̄ kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. 22Ā ī-tunī bal bə̄yā̰ kógə̄ḿ tām̄ yā majaĺ tə́ kadə̄ rāānəń yá̰á̰ kə́ yā kutə̄ń dɔ majaĺ yāsí. 23Ā ī-rāāī yá̰a̰ gə̄ ń noō malang yā kərōń yá̰á̰ kə́ róō kə ndɔ̄ý kə dɔ ndɔ̄ gə̄. 24Ā ī-ndējī Kɔ́ɔ̄ɓē yá̰a̰ kəsa kə́ róō horoó kə dɔ ndɔ̄ kə́ sīrí gə̄ ń noō kadə̄ sēēn sɔl̄ kemən. Ā ī-ndējīdə́ i yā kərōń dā̰ kə́ tun̄ kə dɔ ndɔ̄ gə̄ ō, kasə nduú kə́ tə́te dɔ tə́ ō. 25Kə ndɔ̄ kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē ɓáý to̰ ō, ā ī-rāāī kəla kə́ kə tɔ́gɔ́ aĺ ō.
5. Yá̰a̰ tun̄ kə́ ndɔ̄ nāā Pantəkotə tə́
26Dan ń ā ī-ndējī Kɔ́ɔ̄ɓē dɔ kōō yāsí kə́ kijə gə̄ ndɔ̄ nāā sāā kōō kə́ ta kəga dɔ tə́ yā rāań nāā yā dəmásə gə̄ anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. 27Ā ī-róōī dā̰ horoó kadə̄ sēēn sɔl̄ kem Kɔ́ɔ̄ɓē. I man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. 28Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí kə dɔ dā̰ gə̄ ń noō malang. Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 29ndujə̄ kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. 30Tá ā ī-ndējī Kɔ́ɔ̄ɓē bal bə̄yā̰ kógə̄ḿ kadə̄ rāānəń yá̰á̰ kə́ yā kutə̄ń dɔ majaĺ yāsí ō. 31Ā ī-ndējī Kɔ́ɔ̄ɓē dā̰ gə̄ ń noō ō, kasə nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.
Currently Selected:
TƏ́DA 28: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
TƏ́DA 28
28
Ndū najə̄ kə́ dɔ yá̰a̰ tun̄ gə̄ tə́
1. Yá̰a̰ tun̄ kə́ kə dɔ ndɔ̄ gə̄
1-2Kɔ́ɔ̄ɓē mēr̄ Moijə kəda ngán Israel gə̄ yá̰a̰ gə̄ ń toō kadə̄ rāān̄: Yá̰a̰ ndējə̄ kə́ tām̄ yā Kɔ́ɔ̄ɓē tə́ gə̄ ń rāān̄ rɔ̄də́ i yá̰a̰ kəsa kə́ róō horoó kə́ sēēdə́ nel̄ Kɔ́ɔ̄ɓē tə́ ní, ā ə̄ndāī kumsí gíŕdə́ tə́ yā ndējə̄ kə kum mbangdə́ gēé.
3Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē. 4A ndējə̄n̄ kógə̄ḿ kə ndɔ̄ý ō, kə́ noō loo sɔlí ō. 5A ndējə̄n̄ Kɔ́ɔ̄ɓē ngán batə̄ gə̄ ní i naā tə́ kə ndujə̄ kə́ asə lāngá mətá, kə́ ló̰ȳ kə yibə̄ olibə kə́ kásə̄ kə́ asə lāngá kógə̄ḿ kə núsə. 6Róō dā̰ horoó kə dɔ ndɔ̄ gə̄ ngeé ń toō un i ta nge ń əlan̄ gír dɔ mbal̄ Sinai tə́ ní. I yá̰a̰ kəsa kə́ sēēn sɔl̄ kem Kɔ́ɔ̄ɓē. 7A tə́ten̄ kasə kə́ ngan̄g kə́ asə lāngá kógə̄ḿ kə núsə tām̄ yā ngōn̄ batə̄ kə́ kə ndɔ̄ý tə́ yā ndējə̄ Kɔ́ɔ̄ɓē kem loo kə́ táĺ tə́. 8Ngōn̄ batə̄ kə́ nge ko̰ jōó ní a ndējə̄n̄ Kɔ́ɔ̄ɓē i loo sɔlí. A ndējə̄n̄ ndujə̄ ō, a tə́ten̄ kasə kə́ ngan̄g ō dɔ tə́ tītə̄ kə́ kə ndɔ̄ý. I yá̰a̰ kəsa kə́ sēēn sɔl̄ kem Kɔ́ɔ̄ɓē.
2. Yá̰a̰ tun̄ kə́ ndɔ̄ Sabat tə́
9Ndɔ̄ sabat tə́ anī, a ndējə̄n̄ Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ jōó, kə́ loodə́ kógə̄ḿ nujə alé, naā tə́ kə ndujə̄ kə́ asə lāngá mehḛ́, kə́ ló̰ȳ kə yibīí ō, kə yá̰á̰ kə́ yā tə́te dɔ tə́ ō. 10Nge ń noō i dā̰ kə́ róō horoó ndɔ̄ sabat tə́. Kə dɔ ndɔ̄ sabat gə̄ malang ní a róōn̄ yā kərōń dā̰ kə́ róō kə dɔ ndɔ̄ gə̄ kadə̄ Kɔ́ɔ̄ɓē ō, kasə kə́ yā tə́te dɔ tə́ ō.
3. Yá̰a̰ tun̄ kə́ ndɔ̄ kə́ ta kəga dɔ yā nāā tə́
11Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó. 12Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí dɔ dā̰ gə̄ ń noō tə́ malang: Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 13kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. Nge ń noō i dā̰ kə́ róō horoó kə́ sēēn sɔl̄ kem Kɔ́ɔ̄ɓē. 14Kasə nduú i lāngá mətá kə dɔ man̄g kə́ bəra gēé ō, lāngá jōó dɔ bal batə̄ tə́ ō, i lāngá kógə̄ḿ kə núsə kə dɔ ngán batə̄ gēé ō. Dā̰ gə̄ kə́ yā róōdə́ horoó kə ndɔ̄ kə́ ta kəga dɔ yā nāā tə́ kə dɔ ɓāl̄ gə̄ n noó. 15Ā ī-tunī bal bə̄yā̰ kógə̄ḿ yā kadə̄ Kɔ́ɔ̄ɓē tām̄ yā majaĺ tə́ yā kərōń dā̰ kə́ róō horoó kə dɔ ndɔ̄ gə̄ ō, kasə nduú kə́ tə́te dɔ tə́ ō.
4. Yá̰a̰ tun̄ kə́ ndɔ̄ nāā Pákə tə́
16Kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ ní, ī-rāāī Pákə yā rɔȳń Kɔ́ɔ̄ɓē. 17Kə ndɔ̄ kə́ nge ko̰ kutə gidə i mí yā nāā ngeé ń noō ní, ā ə́laī gír rāā nāā mápá kə́ kanjə̄ kaa mápa, ā ə́saī mápá kə́ kanjə̄ kaa mápa ndɔ̄ sīrí. 18Kə ndɔ̄ kə́ ta kəga dɔɔ́ ní, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. 19Ā ī-ndējī Kɔ́ɔ̄ɓē yá̰a̰ kəsa kə́ róō horoó, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ə́hɔī dā̰ kə́ loodə́ kógə̄ḿ nujə aĺ gə̄. 20Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí kə dɔ dā̰ gə̄ ń noō malang. Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 21ndujə̄ kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. 22Ā ī-tunī bal bə̄yā̰ kógə̄ḿ tām̄ yā majaĺ tə́ kadə̄ rāānəń yá̰á̰ kə́ yā kutə̄ń dɔ majaĺ yāsí. 23Ā ī-rāāī yá̰a̰ gə̄ ń noō malang yā kərōń yá̰á̰ kə́ róō kə ndɔ̄ý kə dɔ ndɔ̄ gə̄. 24Ā ī-ndējī Kɔ́ɔ̄ɓē yá̰a̰ kəsa kə́ róō horoó kə dɔ ndɔ̄ kə́ sīrí gə̄ ń noō kadə̄ sēēn sɔl̄ kemən. Ā ī-ndējīdə́ i yā kərōń dā̰ kə́ tun̄ kə dɔ ndɔ̄ gə̄ ō, kasə nduú kə́ tə́te dɔ tə́ ō. 25Kə ndɔ̄ kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē ɓáý to̰ ō, ā ī-rāāī kəla kə́ kə tɔ́gɔ́ aĺ ō.
5. Yá̰a̰ tun̄ kə́ ndɔ̄ nāā Pantəkotə tə́
26Dan ń ā ī-ndējī Kɔ́ɔ̄ɓē dɔ kōō yāsí kə́ kijə gə̄ ndɔ̄ nāā sāā kōō kə́ ta kəga dɔ tə́ yā rāań nāā yā dəmásə gə̄ anī, ā ī-kánī naā yā rɔȳ Kɔ́ɔ̄ɓē ō, ā ī-rāāī kəla kə́ kə tɔ́gɔ́ gə̄ aĺ ō. 27Ā ī-róōī dā̰ horoó kadə̄ sēēn sɔl̄ kem Kɔ́ɔ̄ɓē. I man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. 28Ā ī-ndējī Kɔ́ɔ̄ɓē ndujə̄ kə́ ló̰ȳ kə yibīí kə dɔ dā̰ gə̄ ń noō malang. Ndujə̄ kə́ dɔ man̄g kə́ bəra gə̄ tə́ a asə lāngá ndōhó kə dɔdə́ gēé ō, ndujə̄ kə́ dɔ bal batə̄ tə́ a asə lāngá mehḛ́ ō, 29ndujə̄ kə́ dɔ ngán batə̄ gə̄ tə́ a asə lāngá mətá kə dɔdə́ gēé ō. 30Tá ā ī-ndējī Kɔ́ɔ̄ɓē bal bə̄yā̰ kógə̄ḿ kadə̄ rāānəń yá̰á̰ kə́ yā kutə̄ń dɔ majaĺ yāsí ō. 31Ā ī-ndējī Kɔ́ɔ̄ɓē dā̰ gə̄ ń noō ō, kasə nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.