TƏ́DA 17
17
Ganán gə̄ yā de gə̄ kə́ gō Kore tə́ gə̄
1-2Kɔ́ɔ̄ɓē mēr̄ Moijə kəda Eleajar ngōn̄ Aaro̰ kadə̄ ɔy ganán gə̄ kə́ kum hor tə́ kɔ̄ɔ́ ō, kə tə̄ndā yā̰l̄ hor kə́ kemeé kə tḭ̄ḭ̄ sa̰y kɔ̄ɔ́ ō, tɔdɔ̄ ganán gə̄ ní i yá̰á̰ kə́ táĺ gə̄. 3Ādə̄ tə́ndān̄ ganán gə̄ yā de gə̄ ń oyn̄ tām̄ majaĺ yādə́ tə́ ní kə mūú ādə̄ hɔɔ́lɔ̄ péĺ péĺ, ba lábə̄n̄ dɔ loo tun̄ yá̰á̰ tə́, tɔdɔ̄ ganán gə̄ ní ugə̄n̄ ta kum Kɔ́ɔ̄ɓē tə́ kɔ̄ɔ́ ɓá, adə̄ i yá̰á̰ kə́ táĺ gə̄ ō, a télən̄ yá̰á̰ kə́ yā kadə̄ əgań kem ngán Israel gə̄ dɔ yá̰á̰ ń rāā yá̰á̰ tə́ ní ō. 4Eleajar ń i nge tun̄ yá̰á̰ ní, ɔy ganán yā de gə̄ ń hor o̰o̰də́ á i kə́ rāā kə gində̄ nə̄ngá kasaá ní adə̄ tə́ndān̄ kə mūú adə̄ hɔɔ́lɔ̄ péĺ péĺ yā lábə̄ dɔ loo tun̄ yá̰á̰ tə́. 5Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.
Kósə de gə̄ tāmə̄n̄ kə Moijə nin̄ kə Aaro̰
6Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na:
I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní. 7Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá. 8Moijə nin̄ kə Aaro̰ aw̄n̄ ta kújə kənge naā tə́. 9Anī Kɔ́ɔ̄ɓē əda Moijə na:
10Ī-teēī kɔ̄ɔ́ dan gír de gə̄ ń toō tə́, tām̄ m-ā m̄-nujə sedə́ i gidə kógə̄ḿ beē.
Moijə nin̄ kə Aaro̰ əsō sébən̄ kumdə́ nang tə́. 11Ba Moijə əda Aaro̰ na:
Ún ganán yāí, ba ɔ́y yā̰l̄ hor kə́ dɔ loo tun̄ yá̰á̰ tə́ ī-ɓōkə́ kemeé ō, ī-ɓōkə́ kajaja kum yā̰l̄ hor ní tə́ ō, ba āw̄ láẃ ī-rāā yá̰a̰ kutə̄ dɔ majaĺ yā ngán Israel gə̄, tām̄ wōn̄g yā Kɔ́ɔ̄ɓē ḭḭ seneé kɔ̄ɔ́. Á̰a̰ā̰ mo̰y kə́ ngan̄g ngá̰ý əla gír tɔ̄l̄ de gə̄ kɔ̄ɔ́ ɓá. 12Aaro̰ rāā yá̰á̰ ń Moijə ədan ní. Ni-un ganán ba a̰ȳ ngɔ̄də̄ aw̄ dan de gə̄ tə́, anī a̰a̰ kadə̄ mo̰y ní əla gír tɔ̄l̄ de gə̄ kɔ̄ɔ́ ɓá. Ni-róō kajaja ō, rāā yá̰á̰ kə́ yā kutə̄ń dɔ majaĺ yā ngán Israel gə̄ ō. 13Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄. 14De gə̄ malang ń mo̰y ní tɔ̄l̄də́ ní i deē dūbú kutə gidə i sɔ́ kə́ ɓú sīrí, kanjə̄ tə́da de gə̄ kə́ gō Kore tə́ ń oyn̄ kété ní. 15Dan ń mo̰y ní asən tɔ̄l̄ de gə̄ anī, Aaro̰ tél aw̄ gogə́ rɔ̄ Moijə tə́ ta kújə kənge naā tə́.
Kāgə̄ jī yā Aaro̰
16Kɔ́ɔ̄ɓē əda Moijə na:
17Ə́dá ngán Israel gə̄ ādə̄ adīn̄ kāgə̄ ngār kógə̄ḿ kógə̄ḿ kə gō gír ɓē gēé. Ādə̄ ngār gə̄ kə́ dɔ gír ɓē gə̄ tə́ adīn̄ kāgə̄ jīdə́ gə̄ kógə̄ḿ kógə̄ḿ, kadə̄ kāgə̄ malang i kutə gidə i jōó. Ā ī-ndang rīdə́ tū kāgə̄ yādə́ gə̄ tə́. 18Ba ā ī-ndang rī Aaro̰ tū kāgə̄ yā de gə̄ kə́ gír ɓē yā Lebi tə́. Tām̄ ngār gə̄ kə́ dɔ gír ɓē gə̄ tə́ a adə̄n̄ kāgə̄ i kógə̄ḿ kógə̄ḿ. 19Ā ī-ɓōkə́ kāgə̄ gə̄ ní kem kújə kənge naā tə́, no sandúkə ndū najə̄ tə́, loo ń m-ā m-ə́ngésí tū tə́ tə́ ní. 20Deē ń kāgə̄ yān sitə anī i deē ń noō n m̄-gə̄rān ní. I beé n gír tām̄ ń ngán Israel gə̄ tāmə̄n̄ sesí ní a gāngəń kɔ̄ɔ́ ta kumḿ tə́ ní.
21Moijə əda ngán Israel gə̄ najə̄ ní, anī ngār yādə́ gə̄ adə̄nən̄ kāgə̄ kógə̄ḿ kógə̄ḿ kə dɔ gír ɓē gēé. Adə̄ kāgə̄ malang ń ni-ənge ní i kāgə̄ kutə gidə i jōó, yā Aaro̰ i tū tə́ ō. 22Moijə ɓōkə́ kāgə̄ gə̄ ní ta kum Kɔ́ɔ̄ɓē tə́, kem kújə́ ń sandúkə ndū najə̄ i kemeé tə́ ní. 23Teē kə ndɔ̄ kə́ noō Moijə udə kújú anī, a̰a̰ kāgə̄ yā Aaro̰ ń i kāgə̄ yā de gə̄ kə́ gír ɓē yā Lebi tə́ ní sitə. Kāgə̄ ní sitə mbī ō, hútə̄ ō, an̄ kan̄ kāgə̄ amand gə̄ kə́ kərēn̄ kɔ̄ɔ́ ō. 24Moijə ɔy kāgə̄ gə̄ ní kɔ̄ɔ́ ta kum Kɔ́ɔ̄ɓē tə́, ba aw̄ń ɔjə ngán Israel gə̄. De gə̄ malang a̰a̰n̄ ō, ngār gə̄ tél ɔyn̄ kāgə̄ yādə́ gə̄ kógə̄ḿ kógə̄ḿ gogə́ ō. 25Kɔ́ɔ̄ɓē əda Moijə na:
Ī-tél kə kāgə̄ yā Aaro̰ āw̄ ə̄nī no sandúkə ndū najə̄ tə́, ba ī-ngɔ̄m̄ kadə̄ i yá̰á̰ kə́ yā kɔjə ngé dɔ ngan̄g gə̄. I beé n nin̄ a ɓar̄nəń najə̄ ta kumḿ tə́ to̰ aĺ, yā kadə̄ nin̄ oynə̄ń aĺ ní. 26Moijə rāā yá̰á̰ ń Kɔ́ɔ̄ɓē ədan ní.
Kəla rāā ngé tun̄ yá̰a̰ gə̄ ō, ngán Lebi gə̄ ō
27Ngán Israel gə̄ ədan̄ Moijə na:
J-a j-oy i mbée malang ní á̰a̰ā̰ aĺ a? 28Náā nəkɔ́ ń ugə̄ ta kújə yā Kɔ́ɔ̄ɓē tə́ anī yo tɔ̄lən kɔ̄ɔ́, ní j-a j-oy i beé yā təgāń a?
Currently Selected:
TƏ́DA 17: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
TƏ́DA 17
17
Ganán gə̄ yā de gə̄ kə́ gō Kore tə́ gə̄
1-2Kɔ́ɔ̄ɓē mēr̄ Moijə kəda Eleajar ngōn̄ Aaro̰ kadə̄ ɔy ganán gə̄ kə́ kum hor tə́ kɔ̄ɔ́ ō, kə tə̄ndā yā̰l̄ hor kə́ kemeé kə tḭ̄ḭ̄ sa̰y kɔ̄ɔ́ ō, tɔdɔ̄ ganán gə̄ ní i yá̰á̰ kə́ táĺ gə̄. 3Ādə̄ tə́ndān̄ ganán gə̄ yā de gə̄ ń oyn̄ tām̄ majaĺ yādə́ tə́ ní kə mūú ādə̄ hɔɔ́lɔ̄ péĺ péĺ, ba lábə̄n̄ dɔ loo tun̄ yá̰á̰ tə́, tɔdɔ̄ ganán gə̄ ní ugə̄n̄ ta kum Kɔ́ɔ̄ɓē tə́ kɔ̄ɔ́ ɓá, adə̄ i yá̰á̰ kə́ táĺ gə̄ ō, a télən̄ yá̰á̰ kə́ yā kadə̄ əgań kem ngán Israel gə̄ dɔ yá̰á̰ ń rāā yá̰á̰ tə́ ní ō. 4Eleajar ń i nge tun̄ yá̰á̰ ní, ɔy ganán yā de gə̄ ń hor o̰o̰də́ á i kə́ rāā kə gində̄ nə̄ngá kasaá ní adə̄ tə́ndān̄ kə mūú adə̄ hɔɔ́lɔ̄ péĺ péĺ yā lábə̄ dɔ loo tun̄ yá̰á̰ tə́. 5Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.
Kósə de gə̄ tāmə̄n̄ kə Moijə nin̄ kə Aaro̰
6Teē kə ndɔ̄ kə́ noō anī, ngán Israel gə̄ malang tāmə̄n̄ kə Moijə nin̄ kə Aa̰ro̰ ədan̄ na:
I sḭḭ̄ n ī-rāāī ādə̄ gír de gə̄ yā Kɔ́ɔ̄ɓē gə̄ oyn̄ ní. 7Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá. 8Moijə nin̄ kə Aaro̰ aw̄n̄ ta kújə kənge naā tə́. 9Anī Kɔ́ɔ̄ɓē əda Moijə na:
10Ī-teēī kɔ̄ɔ́ dan gír de gə̄ ń toō tə́, tām̄ m-ā m̄-nujə sedə́ i gidə kógə̄ḿ beē.
Moijə nin̄ kə Aaro̰ əsō sébən̄ kumdə́ nang tə́. 11Ba Moijə əda Aaro̰ na:
Ún ganán yāí, ba ɔ́y yā̰l̄ hor kə́ dɔ loo tun̄ yá̰á̰ tə́ ī-ɓōkə́ kemeé ō, ī-ɓōkə́ kajaja kum yā̰l̄ hor ní tə́ ō, ba āw̄ láẃ ī-rāā yá̰a̰ kutə̄ dɔ majaĺ yā ngán Israel gə̄, tām̄ wōn̄g yā Kɔ́ɔ̄ɓē ḭḭ seneé kɔ̄ɔ́. Á̰a̰ā̰ mo̰y kə́ ngan̄g ngá̰ý əla gír tɔ̄l̄ de gə̄ kɔ̄ɔ́ ɓá. 12Aaro̰ rāā yá̰á̰ ń Moijə ədan ní. Ni-un ganán ba a̰ȳ ngɔ̄də̄ aw̄ dan de gə̄ tə́, anī a̰a̰ kadə̄ mo̰y ní əla gír tɔ̄l̄ de gə̄ kɔ̄ɔ́ ɓá. Ni-róō kajaja ō, rāā yá̰á̰ kə́ yā kutə̄ń dɔ majaĺ yā ngán Israel gə̄ ō. 13Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄. 14De gə̄ malang ń mo̰y ní tɔ̄l̄də́ ní i deē dūbú kutə gidə i sɔ́ kə́ ɓú sīrí, kanjə̄ tə́da de gə̄ kə́ gō Kore tə́ ń oyn̄ kété ní. 15Dan ń mo̰y ní asən tɔ̄l̄ de gə̄ anī, Aaro̰ tél aw̄ gogə́ rɔ̄ Moijə tə́ ta kújə kənge naā tə́.
Kāgə̄ jī yā Aaro̰
16Kɔ́ɔ̄ɓē əda Moijə na:
17Ə́dá ngán Israel gə̄ ādə̄ adīn̄ kāgə̄ ngār kógə̄ḿ kógə̄ḿ kə gō gír ɓē gēé. Ādə̄ ngār gə̄ kə́ dɔ gír ɓē gə̄ tə́ adīn̄ kāgə̄ jīdə́ gə̄ kógə̄ḿ kógə̄ḿ, kadə̄ kāgə̄ malang i kutə gidə i jōó. Ā ī-ndang rīdə́ tū kāgə̄ yādə́ gə̄ tə́. 18Ba ā ī-ndang rī Aaro̰ tū kāgə̄ yā de gə̄ kə́ gír ɓē yā Lebi tə́. Tām̄ ngār gə̄ kə́ dɔ gír ɓē gə̄ tə́ a adə̄n̄ kāgə̄ i kógə̄ḿ kógə̄ḿ. 19Ā ī-ɓōkə́ kāgə̄ gə̄ ní kem kújə kənge naā tə́, no sandúkə ndū najə̄ tə́, loo ń m-ā m-ə́ngésí tū tə́ tə́ ní. 20Deē ń kāgə̄ yān sitə anī i deē ń noō n m̄-gə̄rān ní. I beé n gír tām̄ ń ngán Israel gə̄ tāmə̄n̄ sesí ní a gāngəń kɔ̄ɔ́ ta kumḿ tə́ ní.
21Moijə əda ngán Israel gə̄ najə̄ ní, anī ngār yādə́ gə̄ adə̄nən̄ kāgə̄ kógə̄ḿ kógə̄ḿ kə dɔ gír ɓē gēé. Adə̄ kāgə̄ malang ń ni-ənge ní i kāgə̄ kutə gidə i jōó, yā Aaro̰ i tū tə́ ō. 22Moijə ɓōkə́ kāgə̄ gə̄ ní ta kum Kɔ́ɔ̄ɓē tə́, kem kújə́ ń sandúkə ndū najə̄ i kemeé tə́ ní. 23Teē kə ndɔ̄ kə́ noō Moijə udə kújú anī, a̰a̰ kāgə̄ yā Aaro̰ ń i kāgə̄ yā de gə̄ kə́ gír ɓē yā Lebi tə́ ní sitə. Kāgə̄ ní sitə mbī ō, hútə̄ ō, an̄ kan̄ kāgə̄ amand gə̄ kə́ kərēn̄ kɔ̄ɔ́ ō. 24Moijə ɔy kāgə̄ gə̄ ní kɔ̄ɔ́ ta kum Kɔ́ɔ̄ɓē tə́, ba aw̄ń ɔjə ngán Israel gə̄. De gə̄ malang a̰a̰n̄ ō, ngār gə̄ tél ɔyn̄ kāgə̄ yādə́ gə̄ kógə̄ḿ kógə̄ḿ gogə́ ō. 25Kɔ́ɔ̄ɓē əda Moijə na:
Ī-tél kə kāgə̄ yā Aaro̰ āw̄ ə̄nī no sandúkə ndū najə̄ tə́, ba ī-ngɔ̄m̄ kadə̄ i yá̰á̰ kə́ yā kɔjə ngé dɔ ngan̄g gə̄. I beé n nin̄ a ɓar̄nəń najə̄ ta kumḿ tə́ to̰ aĺ, yā kadə̄ nin̄ oynə̄ń aĺ ní. 26Moijə rāā yá̰á̰ ń Kɔ́ɔ̄ɓē ədan ní.
Kəla rāā ngé tun̄ yá̰a̰ gə̄ ō, ngán Lebi gə̄ ō
27Ngán Israel gə̄ ədan̄ Moijə na:
J-a j-oy i mbée malang ní á̰a̰ā̰ aĺ a? 28Náā nəkɔ́ ń ugə̄ ta kújə yā Kɔ́ɔ̄ɓē tə́ anī yo tɔ̄lən kɔ̄ɔ́, ní j-a j-oy i beé yā təgāń a?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.