LEBI GƏ̄ 17
17
Kɔr̄ kam̄ yā ngán Israel gə̄
Ndū najə̄ kə́ dɔ mósə́ tə́
1Kɔ́ɔ̄ɓē mēr̄ Moijə 2kəda Aaro̰ nin̄ kə ngánən gēé ō, kəda ngán Israel gə̄ malang ō, ndū najə̄ gə̄ ń toō:
3Ré dəngam kógə̄ḿ kə́ Israel tə́ gḛy tɔ̄l̄ man̄g, aké batə̄, ba gḛy tɔ̄l̄ i kem ɓēé, aké i gidə ɓē tə́ ndágá, 4kanjə̄ kaw̄ń ta kújə kənge naā tə́ ndējə̄ Kɔ́ɔ̄ɓē anī, mósə dā̰ ní a nay dɔn tə́. Ni-ənī mósə nang tə́ i kə gōó alé, adə̄ a ɔr̄nən̄ kɔ̄ɔ́ dan ngán Israel gə̄ tə́. 5Ndū najə̄ ní i kadə̄ ngán Israel gə̄ reēnəń kə dā̰ gə̄ ń a sāān̄ tun̄ kem bembeé ní rɔ̄ nge tun̄ yá̰á̰ tə́ ta kújə kənge naā tə́ yā tun̄ tām̄ yā kem kógə̄ḿ tə́. 6Nge tun̄ yá̰a̰ a sə̄kā mósə dā̰ ní dɔ loo tun̄ yá̰á̰ ń ra ta kújə kənge naā tə́ ní ō, a róō yibə̄n horoó kadə̄ sēēn nel̄ Kɔ́ɔ̄ɓē ō. 7I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄#17.7 Bal bə̄yā̰ gə̄ ní i dā̰ gə̄ aláa i ndíĺ kə́ majaĺ gə̄ ń de gə̄ a ndɔ̄ȳn̄də́ ní.. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.
8-9Ā ə́dá ngán Israel gə̄ ɓáý to̰ na ré deē kógə̄ḿ kə́ dandə́ tə́, aláa dan tə̄rā gə̄ ń reē ndin̄ dandə́ tə́ ní róō dā̰ horoó aláa tun̄ dā̰ karī adə̄ Kɔ́ɔ̄ɓē kanjə̄ kaw̄ ta kújə kənge naā tə́ tá tun̄ kadə̄ Kɔ́ɔ̄ɓē anī, a ɔr̄nən̄ kɔ̄ɔ́ dan ngán Israel gə̄ tə́.
10Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō. 11Tɔdɔ̄ dā̰ rɔ̄ a ndi kə kumuú i kə ta kūl̄ mósə. Ba ādə̄ ī-rāāī mósə dɔ loo tun̄ yá̰á̰ tə́ i yā kutə̄ń dɔ majaĺ yāsí gə̄ tām̄ mósə a utə̄ dɔ majaĺ gə̄ tɔdɔ̄ mósə́ ní asə rāā kadə̄ deē ndi kə kumuú. 12I tām̄ najə̄ ń toō tə́ n m-ə́dań ngán Israel gə̄ na deē kógə̄ḿ dansí tə́ a əsa mósə aĺ ō, tə̄rā kə́ ndi dɔ dáńsí tə́ a əsa mósə aĺ ō ní.
13Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní aw̄ ndo̰ tə́ ba əhɔ dā̰, aláa əhɔ yel̄ kə́ to kəsa anī, a ənī mósən nang tə́ ba a əga nán̄g dɔ tə́.
14Tɔdɔ̄ dā̰ rɔ̄ a ndi kə kumuú i kə ta kūl̄ mósə́. I tām̄ najə̄ ń toō tə́ n m-ə́da ngán Israel gə̄ na: Ā ə́saī mósə dā̰ alé ní, tɔdɔ̄ dā̰ rɔ̄ a ndi kə kumuú i kə ta kūl̄ mósə, adə̄ deē ń a əsa dā̰ ní, a ɔr̄nəń kɔ̄ɔ́ dan ngán Israel gə̄ tə́.
15Ngōn̄ nge ɓē aláa tə̄rā ń a əsa nīń dā̰ kə́ koy, aláa a əsa dā̰ kə́ yá̰a̰ əhɔn ní a tə́go kūbə̄ yān gə̄ ō, a ndogə̄ man̄ ō, tél de kə́ yḛr bátə́ kadə̄ loo tíbə dɔn tə́ ō. Gō tə́ anī, ni i de kə́ yḛr to̰ alé. 16Ba ré ni tə́go kūbə̄ yān gə̄ aĺ ō, ndogə̄ man̄ aĺ ō anī, yá̰á̰ kə́ gōtə́ aĺ ń ni-rāā ní, a ənī najə̄ dɔn tə́.
Currently Selected:
LEBI GƏ̄ 17: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 17
17
Kɔr̄ kam̄ yā ngán Israel gə̄
Ndū najə̄ kə́ dɔ mósə́ tə́
1Kɔ́ɔ̄ɓē mēr̄ Moijə 2kəda Aaro̰ nin̄ kə ngánən gēé ō, kəda ngán Israel gə̄ malang ō, ndū najə̄ gə̄ ń toō:
3Ré dəngam kógə̄ḿ kə́ Israel tə́ gḛy tɔ̄l̄ man̄g, aké batə̄, ba gḛy tɔ̄l̄ i kem ɓēé, aké i gidə ɓē tə́ ndágá, 4kanjə̄ kaw̄ń ta kújə kənge naā tə́ ndējə̄ Kɔ́ɔ̄ɓē anī, mósə dā̰ ní a nay dɔn tə́. Ni-ənī mósə nang tə́ i kə gōó alé, adə̄ a ɔr̄nən̄ kɔ̄ɔ́ dan ngán Israel gə̄ tə́. 5Ndū najə̄ ní i kadə̄ ngán Israel gə̄ reēnəń kə dā̰ gə̄ ń a sāān̄ tun̄ kem bembeé ní rɔ̄ nge tun̄ yá̰á̰ tə́ ta kújə kənge naā tə́ yā tun̄ tām̄ yā kem kógə̄ḿ tə́. 6Nge tun̄ yá̰a̰ a sə̄kā mósə dā̰ ní dɔ loo tun̄ yá̰á̰ ń ra ta kújə kənge naā tə́ ní ō, a róō yibə̄n horoó kadə̄ sēēn nel̄ Kɔ́ɔ̄ɓē ō. 7I beé tá ngán Israel gə̄ a lōōnəń gír tun̄ yá̰á̰ kə́ rim tə́ kadə̄ ɓesə̄ bal bə̄yā̰ gə̄#17.7 Bal bə̄yā̰ gə̄ ní i dā̰ gə̄ aláa i ndíĺ kə́ majaĺ gə̄ ń de gə̄ a ndɔ̄ȳn̄də́ ní.. Nge ń noō i ndū najə̄ kə́ to ngándáńg tām̄ yādə́ ō, tām̄ yā ngáńdə́ gə̄ tə́ ō, ngán kaadə́ gə̄ tə́ ō.
8-9Ā ə́dá ngán Israel gə̄ ɓáý to̰ na ré deē kógə̄ḿ kə́ dandə́ tə́, aláa dan tə̄rā gə̄ ń reē ndin̄ dandə́ tə́ ní róō dā̰ horoó aláa tun̄ dā̰ karī adə̄ Kɔ́ɔ̄ɓē kanjə̄ kaw̄ ta kújə kənge naā tə́ tá tun̄ kadə̄ Kɔ́ɔ̄ɓē anī, a ɔr̄nən̄ kɔ̄ɔ́ dan ngán Israel gə̄ tə́.
10Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní əsa mósə dā̰ anī, a nelə̄m̄ mā Kɔ́ɔ̄ɓē seneé aĺ ō, m-ā m-ɔ̄rən kɔ̄ɔ́ dan ngán Israel gə̄ tə́ ō. 11Tɔdɔ̄ dā̰ rɔ̄ a ndi kə kumuú i kə ta kūl̄ mósə. Ba ādə̄ ī-rāāī mósə dɔ loo tun̄ yá̰á̰ tə́ i yā kutə̄ń dɔ majaĺ yāsí gə̄ tām̄ mósə a utə̄ dɔ majaĺ gə̄ tɔdɔ̄ mósə́ ní asə rāā kadə̄ deē ndi kə kumuú. 12I tām̄ najə̄ ń toō tə́ n m-ə́dań ngán Israel gə̄ na deē kógə̄ḿ dansí tə́ a əsa mósə aĺ ō, tə̄rā kə́ ndi dɔ dáńsí tə́ a əsa mósə aĺ ō ní.
13Ré deē kógə̄ḿ kə́ dan ngán Israel gə̄ tə́, aláa kə́ dan tə̄rā gə̄ ń reē ndin̄ dandə́ tə́ ní aw̄ ndo̰ tə́ ba əhɔ dā̰, aláa əhɔ yel̄ kə́ to kəsa anī, a ənī mósən nang tə́ ba a əga nán̄g dɔ tə́.
14Tɔdɔ̄ dā̰ rɔ̄ a ndi kə kumuú i kə ta kūl̄ mósə́. I tām̄ najə̄ ń toō tə́ n m-ə́da ngán Israel gə̄ na: Ā ə́saī mósə dā̰ alé ní, tɔdɔ̄ dā̰ rɔ̄ a ndi kə kumuú i kə ta kūl̄ mósə, adə̄ deē ń a əsa dā̰ ní, a ɔr̄nəń kɔ̄ɔ́ dan ngán Israel gə̄ tə́.
15Ngōn̄ nge ɓē aláa tə̄rā ń a əsa nīń dā̰ kə́ koy, aláa a əsa dā̰ kə́ yá̰a̰ əhɔn ní a tə́go kūbə̄ yān gə̄ ō, a ndogə̄ man̄ ō, tél de kə́ yḛr bátə́ kadə̄ loo tíbə dɔn tə́ ō. Gō tə́ anī, ni i de kə́ yḛr to̰ alé. 16Ba ré ni tə́go kūbə̄ yān gə̄ aĺ ō, ndogə̄ man̄ aĺ ō anī, yá̰á̰ kə́ gōtə́ aĺ ń ni-rāā ní, a ənī najə̄ dɔn tə́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.