LEBI GƏ̄ 12
12
Ndū najə̄ kə́ dɔ kó ndō tə́
1Kɔ́ɔ̄ɓē mēr̄ Moijə 2kəda ngán Israel gə̄ najə̄ ń toō:
Ré dəyá̰ ndān̄ ba ojə ngōn̄ kə́ dəngam anī ā ī-rāāin̄ i dəyá̰ kə́ kə́ yḛr tə́ tītə̄ yā dəyá̰ ń mósə əhɔn ní ndɔ̄ sīrí. 3Kə ndɔ̄ kə́ nge ko̰ sɔ́sɔ́ anī, a əjan̄ mɔtə ngōn̄ ní. 4Moijə ń teē rɔ̄ dəyá̰ tə́ ndɔ̄ kojə ngōn̄ tə́ ní rāā adə̄ ni-tél dəyá̰ kə́ majaĺ tákə̄n, adə̄ ní a ndi ndɔ̄ kutə mətá gidə i mətá ɓáý to̰ yā ngóoń ndɔ̄ kun mósə́ kə́ rɔ̄n tə́ tə́. Ni a ɔdə rɔ̄ yá̰á̰ kə́ kɔr̄ kam̄ tām̄ yā Nə́ɓā tə́ aĺ ō, a udə kem loo kə́ táĺ yā Nə́ɓā tə́ aĺ ō, bátə́ kadə̄ ndɔ̄ ń a unənə̄ń mósə rɔ̄n tə́ ní asəń.
5Ré dəyá̰ ní ojə i ngōn̄ kə́ dəyá̰ anī, ā ī-rāāin̄ i dəyá̰ kə́ yḛr tə́ tītə̄ yā dəyá̰ ń mósə əhɔn ní tə́ dəmásə jōó. Gō tə́ anī a ndi ndɔ̄ kutə mehḛ́ gidə i mehḛ́ yā ngóoń ndɔ̄ kun mósə́ kə́ rɔ̄n tə́ tə́.
6Ndɔ̄ ń a unənə̄ń mósə́ rɔ̄n tə́ ní, kó ndōō ń ojə ngōn̄ kə́ dəngam aláa ngōn̄ kə́ dəyá̰ ní a reē kə ngōn̄ batə̄ kə́ ɓāl̄ kógə̄ḿ ō, dér dum aláa dér gutə kógə̄ḿ ō, yā kadə̄ nge tun̄ yá̰a̰ ta kújə kənge naā tə́. Ngōn̄ batə̄ kə́ ɓāl̄ kógə̄ḿ ní i yá̰a̰ tun̄ kə́ yā róō horoó kadə̄ Kɔ́ɔ̄ɓē, ba dér dum aláa dér gutə ní i yá̰a̰ tun̄ kə́ tām̄ yā majaĺ tə́.
7Nge tun̄ yá̰a̰ a ndējə̄ Kɔ́ɔ̄ɓē. Ré ni-rāā yá̰á̰ kə́ yā kutə̄ń dɔ majaĺ yā dəyá̰ oy anī, mósə́ kə́ rɔ̄n tə́ ní i kə́ kun kɔ̄ɔ́.
Ndū najə̄ kə́ dɔ kó ndō tə́ n noó.
8Ré dəyá̰ ní asə kənga ngōn̄ batə̄ aĺ anī, a əhɔ dér gutə gə̄ jōó aláa dér dum gə̄ jōó, yā reēń kadə̄ nge tun̄ yá̰a̰. Kə́ kógə̄ḿ i yá̰a̰ tun̄ kə́ yā róō horoó kadə̄ Kɔ́ɔ̄ɓē ō, kə́rēý i yá̰a̰ tun̄ kə́ tām̄ yā majaĺ tə́ ō. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ yā dəyá̰ ní oy anī, mósə́ kə́ rɔ̄n tə́ i kə́ kun kɔ̄ɔ́.
Currently Selected:
LEBI GƏ̄ 12: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
LEBI GƏ̄ 12
12
Ndū najə̄ kə́ dɔ kó ndō tə́
1Kɔ́ɔ̄ɓē mēr̄ Moijə 2kəda ngán Israel gə̄ najə̄ ń toō:
Ré dəyá̰ ndān̄ ba ojə ngōn̄ kə́ dəngam anī ā ī-rāāin̄ i dəyá̰ kə́ kə́ yḛr tə́ tītə̄ yā dəyá̰ ń mósə əhɔn ní ndɔ̄ sīrí. 3Kə ndɔ̄ kə́ nge ko̰ sɔ́sɔ́ anī, a əjan̄ mɔtə ngōn̄ ní. 4Moijə ń teē rɔ̄ dəyá̰ tə́ ndɔ̄ kojə ngōn̄ tə́ ní rāā adə̄ ni-tél dəyá̰ kə́ majaĺ tákə̄n, adə̄ ní a ndi ndɔ̄ kutə mətá gidə i mətá ɓáý to̰ yā ngóoń ndɔ̄ kun mósə́ kə́ rɔ̄n tə́ tə́. Ni a ɔdə rɔ̄ yá̰á̰ kə́ kɔr̄ kam̄ tām̄ yā Nə́ɓā tə́ aĺ ō, a udə kem loo kə́ táĺ yā Nə́ɓā tə́ aĺ ō, bátə́ kadə̄ ndɔ̄ ń a unənə̄ń mósə rɔ̄n tə́ ní asəń.
5Ré dəyá̰ ní ojə i ngōn̄ kə́ dəyá̰ anī, ā ī-rāāin̄ i dəyá̰ kə́ yḛr tə́ tītə̄ yā dəyá̰ ń mósə əhɔn ní tə́ dəmásə jōó. Gō tə́ anī a ndi ndɔ̄ kutə mehḛ́ gidə i mehḛ́ yā ngóoń ndɔ̄ kun mósə́ kə́ rɔ̄n tə́ tə́.
6Ndɔ̄ ń a unənə̄ń mósə́ rɔ̄n tə́ ní, kó ndōō ń ojə ngōn̄ kə́ dəngam aláa ngōn̄ kə́ dəyá̰ ní a reē kə ngōn̄ batə̄ kə́ ɓāl̄ kógə̄ḿ ō, dér dum aláa dér gutə kógə̄ḿ ō, yā kadə̄ nge tun̄ yá̰a̰ ta kújə kənge naā tə́. Ngōn̄ batə̄ kə́ ɓāl̄ kógə̄ḿ ní i yá̰a̰ tun̄ kə́ yā róō horoó kadə̄ Kɔ́ɔ̄ɓē, ba dér dum aláa dér gutə ní i yá̰a̰ tun̄ kə́ tām̄ yā majaĺ tə́.
7Nge tun̄ yá̰a̰ a ndējə̄ Kɔ́ɔ̄ɓē. Ré ni-rāā yá̰á̰ kə́ yā kutə̄ń dɔ majaĺ yā dəyá̰ oy anī, mósə́ kə́ rɔ̄n tə́ ní i kə́ kun kɔ̄ɔ́.
Ndū najə̄ kə́ dɔ kó ndō tə́ n noó.
8Ré dəyá̰ ní asə kənga ngōn̄ batə̄ aĺ anī, a əhɔ dér gutə gə̄ jōó aláa dér dum gə̄ jōó, yā reēń kadə̄ nge tun̄ yá̰a̰. Kə́ kógə̄ḿ i yá̰a̰ tun̄ kə́ yā róō horoó kadə̄ Kɔ́ɔ̄ɓē ō, kə́rēý i yá̰a̰ tun̄ kə́ tām̄ yā majaĺ tə́ ō. Ré nge tun̄ yá̰a̰ rāā yá̰á̰ kə́ yā kutə̄ń dɔ majaĺ yā dəyá̰ ní oy anī, mósə́ kə́ rɔ̄n tə́ i kə́ kun kɔ̄ɔ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.