JOJUE 5
5
1Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.
Əjan̄ mɔtə ngán Israel gə̄ Gilgal tə́
2Dan ń ngeé ń nuū tə́ ní, Kɔ́ɔ̄ɓē əda Jojue na: Ī-rāā kəyā mbal̄ ba ə́jań mɔtə ngán Israel kə́ ngɔlaā gə̄ ń toō kɔ̄ɔ́. 3Anī Jojue rāā kəyā mbal̄ ba əjań mɔtədə́. Ni-əja mɔtədə́ i dɔ ngōn̄ mbal̄ ń a ɓārə́n̄ na i Ngōn̄ Mbal̄ ta mɔtə ní tə́. 4Yá̰á̰ ń rāā yá̰á̰ á Jojue əjań mɔtədə́ ní n toó: Ngán Israel gə̄ malang ń teēn̄ kɔ̄ɔ́ kem ɓē kə́ Ejiptə tə́ ní, kə́ dəngam gə̄ ń i ngé rɔ̄ɔ̄ gə̄ ní oyn̄ kɔ̄ɔ́ dɔ róbə́ tə́ kem dəla loo tə́. 5Nin̄ i de gə̄ kə́ əjan̄ mɔtədə́ kɔ̄ɔ́, ba ngán Israel kə́ dəngam gə̄ malang ń ojən̄də́ dɔ róbə́ tə́ kem dəla loo tə́ ní, deē əja mɔtədə́ alé. I tām̄ najə̄ ń noō tə́ n Jojue əjań mɔtədə́ ní. 6Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé, 7ba i ngáńdə́ gə̄ n ni-aw̄ sedə́ dɔ nang ní tə́ kum gotədə́ ní. I ngáńdə́ gə̄ ngeé ń toō n Jojue əja mɔtədə́ ní, tām̄ ta reēdə́ ní deē əja mɔtədə́ róbó alé. 8Dan ń əjan̄ mɔtədə́ malang oy anī, ndin̄ gotə kógə̄ḿ kem gérgereé bátə́ adə̄ do edə̄ń. 9Gō tə́ anī Kɔ́ɔ̄ɓē əda Jojue na: Rɔ̄sɔl̄ ń ḭ́ḭḭ̄ń dɔ nang kə́ Ejiptə tə́ ī-reēiń ní, ɓōólaā m-ɔ̄rən kɔ̄ɔ́ dɔsí tə́.
I tām najə̄ ń noō tə́ n bátə́ ɓōólaā gə̄gē a ɓārə́n̄ rī loo ní na i Gilgal ní#5.9 Gilgal ō, m-ɔ̄r̄ kɔ̄ɔ́ ō, kə ta Hebəro tītə̄n̄ naā sḛ́ý..
Pákə́ kə́ ta kəga dɔ kə́ dɔ nang kə́ Kanaan tə́
10Ngán Israel gə̄ ndin̄ Gilgal. Nin̄ rāān̄ nāā Pákə ndágə loo gə̄ kə́ Jeriko tə́ kə ndɔ̄ nāā kə́ nge ko̰ kutə gidə i sɔ́, ta loo tíbə́ tə́. 11Teē gidə gō ndɔ̄ Pákə anī əsan̄ mápá kə́ rāā kanjə̄ kaa mápa ō, əsan̄ dɔ kōō kə́ tə́ngā gə̄ ō. Nin̄ rāān̄ yá̰a̰ kəsa gə̄ ń nuū i kə kum kōō kə́ dɔ nang kə́ Kanaan tə́. 12Dan ń əsan̄ kum kōō kə́ dɔ nang ní tə́ kɔ̄ɔ́ ɓá ní, teē kə ndɔ̄ kə́ nuū anī gíŕ mána#5.12 Mána: Á̰a̰ī Teē 16.15,31; Tə́da 11.7-9; Ndū 8.3,16 gān̄g kɔ̄ɔ́, ngán Israel gə̄ əngen̄ mána to̰ alé. Kem ɓāl̄ ń nuū tə́ əsan̄ i yá̰á̰ kə́ teē dɔ nang kə́ Kanaan tə́.
Ngol ngé rɔ̄ɔ̄ gə̄ yā Kɔ́ɔ̄ɓē
13Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́? 14Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā? 15Anī ngol ngé rɔ̄ɔ̄ gə̄ yā Kɔ́ɔ̄ɓē əda Jojue na: Ɔ̄r̄ sākə̄rā kə́ njaí tə́#5.15 Kɔr̄ sākə̄rā nja tə́ i ɓōĺ loo kə́ táĺ yā Nə́ɓā. Á̰a̰ī najə̄ Teē 3.5 kɔ̄ɔ́, tām̄ loo ń ī-ra tū tə́ toó i loo kə́ tá. Anī Jojue rāā tītə̄ ń ədanəń ní.
Currently Selected:
JOJUE 5: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JOJUE 5
5
1Dan ń ngār gə̄ malang yā Amor gə̄ ń ndin̄ gidə bā Jurdḛ tə́ kum kə̄ no ɓē tə́ ní ō, ngār gə̄ malang yā Kanaan gə̄ ń ndin̄ kə gō kadə bā boó ní ō, oōn̄ kadə̄ Kɔ́ɔ̄ɓē rāā adə̄ bā Jurdḛ iī kɔ̄ɔ́ no ngán Israel gə̄ tə́ bátə́ adə̄ jə-teēiń bā Jurdḛ anī, kemdə́ gān̄g man̄ adə̄ rɔ̄də́ oy yélélé kɔ̄ɔ́ no ngán Israel gə̄ tə́.
Əjan̄ mɔtə ngán Israel gə̄ Gilgal tə́
2Dan ń ngeé ń nuū tə́ ní, Kɔ́ɔ̄ɓē əda Jojue na: Ī-rāā kəyā mbal̄ ba ə́jań mɔtə ngán Israel kə́ ngɔlaā gə̄ ń toō kɔ̄ɔ́. 3Anī Jojue rāā kəyā mbal̄ ba əjań mɔtədə́. Ni-əja mɔtədə́ i dɔ ngōn̄ mbal̄ ń a ɓārə́n̄ na i Ngōn̄ Mbal̄ ta mɔtə ní tə́. 4Yá̰á̰ ń rāā yá̰á̰ á Jojue əjań mɔtədə́ ní n toó: Ngán Israel gə̄ malang ń teēn̄ kɔ̄ɔ́ kem ɓē kə́ Ejiptə tə́ ní, kə́ dəngam gə̄ ń i ngé rɔ̄ɔ̄ gə̄ ní oyn̄ kɔ̄ɔ́ dɔ róbə́ tə́ kem dəla loo tə́. 5Nin̄ i de gə̄ kə́ əjan̄ mɔtədə́ kɔ̄ɔ́, ba ngán Israel kə́ dəngam gə̄ malang ń ojən̄də́ dɔ róbə́ tə́ kem dəla loo tə́ ní, deē əja mɔtədə́ alé. I tām̄ najə̄ ń noō tə́ n Jojue əjań mɔtədə́ ní. 6Ngán Israel gə̄ njə̄rān̄ ɓāl̄ kutə sɔ́ kem dəla loo tə́. Ta tɔ̄l̄ ta anī de gə̄ mang ń teēn̄ kɔ̄ɔ́ kem ɓē kə́ Ejiptə tə́ á nin̄ i ngé rɔ̄ɔ̄ gə̄ ní oyn̄ kɔ̄ɔ́ malang tām̄ oōn̄ ta Kɔ́ɔ̄ɓē alé. Dɔ nang kə́ mba ō, yibə̄ tejə ō, i ngá̰ý tū tə́ ń Kɔ́ɔ̄ɓē ənī ndūn adə̄ kaadə́ gə̄ yā kadə̄jí ní. Kɔ́ɔ̄ɓē túbə kə rɔ̄neé əda na n-a n-əya̰də́ kadə̄ a̰a̰n̄ dɔ nang ní alé, 7ba i ngáńdə́ gə̄ n ni-aw̄ sedə́ dɔ nang ní tə́ kum gotədə́ ní. I ngáńdə́ gə̄ ngeé ń toō n Jojue əja mɔtədə́ ní, tām̄ ta reēdə́ ní deē əja mɔtədə́ róbó alé. 8Dan ń əjan̄ mɔtədə́ malang oy anī, ndin̄ gotə kógə̄ḿ kem gérgereé bátə́ adə̄ do edə̄ń. 9Gō tə́ anī Kɔ́ɔ̄ɓē əda Jojue na: Rɔ̄sɔl̄ ń ḭ́ḭḭ̄ń dɔ nang kə́ Ejiptə tə́ ī-reēiń ní, ɓōólaā m-ɔ̄rən kɔ̄ɔ́ dɔsí tə́.
I tām najə̄ ń noō tə́ n bátə́ ɓōólaā gə̄gē a ɓārə́n̄ rī loo ní na i Gilgal ní#5.9 Gilgal ō, m-ɔ̄r̄ kɔ̄ɔ́ ō, kə ta Hebəro tītə̄n̄ naā sḛ́ý..
Pákə́ kə́ ta kəga dɔ kə́ dɔ nang kə́ Kanaan tə́
10Ngán Israel gə̄ ndin̄ Gilgal. Nin̄ rāān̄ nāā Pákə ndágə loo gə̄ kə́ Jeriko tə́ kə ndɔ̄ nāā kə́ nge ko̰ kutə gidə i sɔ́, ta loo tíbə́ tə́. 11Teē gidə gō ndɔ̄ Pákə anī əsan̄ mápá kə́ rāā kanjə̄ kaa mápa ō, əsan̄ dɔ kōō kə́ tə́ngā gə̄ ō. Nin̄ rāān̄ yá̰a̰ kəsa gə̄ ń nuū i kə kum kōō kə́ dɔ nang kə́ Kanaan tə́. 12Dan ń əsan̄ kum kōō kə́ dɔ nang ní tə́ kɔ̄ɔ́ ɓá ní, teē kə ndɔ̄ kə́ nuū anī gíŕ mána#5.12 Mána: Á̰a̰ī Teē 16.15,31; Tə́da 11.7-9; Ndū 8.3,16 gān̄g kɔ̄ɔ́, ngán Israel gə̄ əngen̄ mána to̰ alé. Kem ɓāl̄ ń nuū tə́ əsan̄ i yá̰á̰ kə́ teē dɔ nang kə́ Kanaan tə́.
Ngol ngé rɔ̄ɔ̄ gə̄ yā Kɔ́ɔ̄ɓē
13Ndɔ̄ kə́rēý tə́ Jojue i kadə ɓē kə́ Jeriko tə́ ngɔr ni-ɔr̄ dɔn dɔɔ́ anī, a̰a̰ deē kógə̄ḿ ra non tə́ kə kaskar kə́ kɔr̄ kɔ̄ɔ́ kem kɔ̄pən tə́ jīn tə́. Jojue aw̄ rɔ̄n tə́ ba dəjen najə̄ əda na: Ḭ̄ i de kə́ dām̄ yājí tə́ aké ḭ̄ i de kə́ dām̄ yā madə̄ ba̰ā̰jí gə̄ tə́? 14Deē ní tél ədan na: Mā i de kə́ dām̄ yāsí tə́ aĺ ō, kə́ dām̄ yā madə̄ ba̰ā̰sí gə̄ tə́ aĺ ō. Mā i ngol kósə́ ngé rɔ̄ɔ̄ gə̄ yā Kɔ́ɔ̄ɓē ba m-ūgə̄ i ngɔr ɓáý. Tā anī Jojue əsō sébə kumən nang tə́ rɔȳnneé ba ədan na: Mā i nge kəla yāí, i rí n kə m̄-rāā? 15Anī ngol ngé rɔ̄ɔ̄ gə̄ yā Kɔ́ɔ̄ɓē əda Jojue na: Ɔ̄r̄ sākə̄rā kə́ njaí tə́#5.15 Kɔr̄ sākə̄rā nja tə́ i ɓōĺ loo kə́ táĺ yā Nə́ɓā. Á̰a̰ī najə̄ Teē 3.5 kɔ̄ɔ́, tām̄ loo ń ī-ra tū tə́ toó i loo kə́ tá. Anī Jojue rāā tītə̄ ń ədanəń ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.