JOJUE 2
2
Jojue əla ngé kəndā ma̰ȳ loo gə̄ jōó Jeriko
1Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.
2Anī de gə̄ ədan̄ mban̄g kə́ Jeriko na ngán Israel kə́rēý gə̄ na reē ugə̄n̄ ndɔ̄ɔ́ laā, na reēn̄ i kəndā ma̰ȳ looó. 3Anī mban̄g kə́ Jeriko əla əda Rahab na:
De gə̄ ń reēn̄ looí á udən̄ kújə yāí tə́ ní, ī-teē sedə́ ādə̄jí, tɔdɔ̄ reēn̄ i kəndā ma̰ȳ loo malang kə́ gō nang yājí tə́. 4Rahab ɓɔ̄ɔ̄ de kə́ jōó gə̄ ní, banī tél əda na:
De gə̄ ní reēn̄ rɔ̄ḿ tə́ rɔ̄kum, banī m̄-ger̄ loo ń in̄ tū tə́ ní alé. 5Dan ń a utə̄n̄ ta róbə#2.5 Utə̄n̄ ta róbə, i yā kɔgə̄ń madə̄ ba̰ā̰ gə̄ kudə kem ɓēé ndɔ̄ɔ́. kə́ yā kudəń kə̄ kem ɓēé loo tíbí ní, de gə̄ ní teēn̄ kɔ̄ɔ́, adə̄ m̄-ger̄ loo ń aw̄ń tū tə́ ní alé. Ba ré ī-ngɔ̄dī gōdə́ láẃ anī ā ə́ngeīdə́. 6Kə́ rɔ̄kum tə́ tā anī Rahab ɓɔ̄ɔ̄ de gə̄ ní i dɔ kújú dɔɔ́#2.6 Dɔ kújə́ i kə́ laa, adə̄ de gə̄ a ton̄ dɔ tə́ karī., gíŕ kádə́ lḛ́ḛ gə̄ ń ni-najə tə́ ní. 7De gə̄ ń nban̄g əladə́ ní teē ngɔ̄də̄n̄ gō ngán Israel gə̄ ní kum kə̄ bā Jurdḛ tə́, dām̄ loo gə̄ ń de gə̄ a udən̄ man̄ tū tə́ ní tə́. Dan ń teēn̄ kɔ̄ɔ́ kem ɓēé anī, utə̄n̄ ta róbə gír njadə́ tə́. 8Rahab tél al̄ aw̄ dɔ kújú rɔ̄ ngé kəndā ma̰ȳ loo gə̄ tə́ pá tá kadə̄ ton̄ nang tə́ ɓáý. 9Ni-ədadə́ na:
m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō. 10Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō. 11Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō. 12Ngɔlaā ní ī-túbə ādə̄mī kə rī Kɔ́ɔ̄ɓē, kadə̄ ā ī-rāāī kem majə kə de gə̄ kə́ gír kojə yāḿ tə́ tītə̄ ń m̄-rāań kem majə sesí ní. 13Ādə̄mī yá̰á̰ kə́rēý kə́ ɔjə kadə̄ bɔbə́ḿ ō, kó̰ó̰ḿ ō, ngákó̰ó̰ḿ kə́ dəngam gə̄ ō, kə́ dəyá̰ gə̄ ō, ngéédə́ gə̄ malang ō ní ā ə́ya̰īdə́ kadə̄ ndin̄ kə kumdə́ ō, yá̰á̰ kə́ ɔjə kadə̄ ā ə́ya̰ī de gə̄ kadə̄ tɔ̄lə̄n̄jí aĺ ō. 14De gə̄ ní tūr̄ ədanən̄ na:
Ré jə-rāā yá̰á̰ ń j-a j-ədaī toó aĺ anī, ādə̄ j-oy kɔ̄ɔ́, ba i loo ń ūtə̄ taí dɔ yá̰á̰ ń jə-rāā ní tə́ tá. Ré Kɔ́ɔ̄ɓē adə̄jí dɔ nang ń toō oy anī, j-a jə-rāā seí yá̰á̰ kə́ gōtə́, adə̄ j-a jə-rāā kem majə seí. 15Gō tə́ anī Rahab adə̄ teēn̄ ko̰rō̰ kújə́ tə́ kə̄ ndágá, ba risən̄ kə kəlaá gidə loo tə́, tām̄ kújə́ ń ni-ndi kemeé ní rāān̄ i tū ndogə̄ mbal̄#2.15 Ndogə̄ mbal̄ ní laa ngá̰ý adə̄ de gə̄ rāān̄ kújə tū tə́. kə́ ənīn̄ dɔ ɓē tə́ tə́. 16Ni-ədadə́ na:
Āwī kum kə̄ mbalá na sōgə́ ngé ngɔ̄də̄ gōsí gə̄ əngen̄sí, āw̄ ī-ɓɔ̄ɔ̄ī rɔ̄sí mbo̰ō̰ mbal̄ gə̄ tə́ ndɔ̄ mətá, ādə̄ ngé ngɔ̄də̄ gōsí gə̄ télən̄ pá tá ɔ̄rī rɔ̄sí dɔɔ́ āwī ɓáý. 17De gə̄ ní ədanən̄ na:
Ndījí ń ī-mēr̄jí kənī kadī ní, j-a jə-ra dɔ tə́. 18Ba yá̰á̰ ā ī-rāā ní ń toó: Ré j-a j-udə kə̄ kem ɓē kə́ Kanaan tə́ anī, ī-do̰ō̰ kəlā kə́ kərē ń toō tū ko̰rō̰ kújə ń ə́lájí kum tə́ ādə̄ jə-risəń kə̄ gidə kə́rēý tə́ ní, ba ī-kán̄ bɔbí gē, kó̰ó̰í gə̄ gə̄gē ngééí gə̄ malang ní ī-kán̄də́ gōí tə́ kem kújə yāí tə́. 19Ré deē kógə̄ḿ kə́ dansí tə́ teē ndágá anī, mósən a əsō i dɔn nəkɔ́ tə́, ba najə̄ a gətóo dɔjí tə́, ba ré deē kógə̄ḿ ndi kújú gōí tə́ tá deē əla jīn ɔdənneéanī, mósən a tél yā kəsō dɔjí tə́. 20Ba ré ə́dá yá̰á̰ ń jə-reē rāā ní ādə̄ deē oō gotə anī, ndūjí ń ī-mēr̄jí kənī kadī ní, j-a jə-ra dɔ tə́ alé. 21Rahab tél ədadə́ na:
Ādə̄ i tītə̄ ń ə́daīń noō. Gō tə́ anī, ni əya̰də́ adə̄ aw̄n̄. Dan ń aw̄n̄ kɔ̄ɔ́ anī, do̰ō̰ kəla kə́ kərē ta ko̰rō̰ kújə́ kə́ tū kújə yān tə́ tə́. 22Ngé kum̄ loo gə̄ ní aw̄n̄ kumdə́ kə̄ mbalá, aw̄ ndin̄ noó ndɔ̄ mətá, bátə́ adə̄ ngé ngɔ̄də̄ gōdə́ gə̄ tél reēn̄neé gogə́ kem ɓēé. Ngé ngɔ̄də̄ gōdə́ gə̄ ní sāān̄də́ kə gō róbə gēé sétə́ əngen̄də́ alé. 23Tā anī ngé kum loo gə̄ kə́ jōó gə̄ ní risən̄ dɔ mbalá, teēn̄ ba Jurdḛ ba tél reēn̄ gogə́ rɔ̄ Jojue tə́. Nin̄ ənīnən̄ gotə yá̰a̰ malang ń rāādə́ ní. 24Nin̄ ədan̄ Jojue na:
Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.
Currently Selected:
JOJUE 2: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
JOJUE 2
2
Jojue əla ngé kəndā ma̰ȳ loo gə̄ jōó Jeriko
1Dan ń Jojue ngōn̄ Nun i Sitim ní, əla de gə̄ jōó kadə̄ aw̄ əndān̄ ma̰ȳ dɔ nang kə́ Jeriko ō, ɓē kə́ Jeriko nəkɔ́ ō jəke. De gə̄ ní aw̄ ugə̄n̄ Jeriko anī əhɔn̄ ɓē mbā i ɓē yā dəyá̰ ájə́bá kógə̄ḿ kə́ rīn na i Rahab.
2Anī de gə̄ ədan̄ mban̄g kə́ Jeriko na ngán Israel kə́rēý gə̄ na reē ugə̄n̄ ndɔ̄ɔ́ laā, na reēn̄ i kəndā ma̰ȳ looó. 3Anī mban̄g kə́ Jeriko əla əda Rahab na:
De gə̄ ń reēn̄ looí á udən̄ kújə yāí tə́ ní, ī-teē sedə́ ādə̄jí, tɔdɔ̄ reēn̄ i kəndā ma̰ȳ loo malang kə́ gō nang yājí tə́. 4Rahab ɓɔ̄ɔ̄ de kə́ jōó gə̄ ní, banī tél əda na:
De gə̄ ní reēn̄ rɔ̄ḿ tə́ rɔ̄kum, banī m̄-ger̄ loo ń in̄ tū tə́ ní alé. 5Dan ń a utə̄n̄ ta róbə#2.5 Utə̄n̄ ta róbə, i yā kɔgə̄ń madə̄ ba̰ā̰ gə̄ kudə kem ɓēé ndɔ̄ɔ́. kə́ yā kudəń kə̄ kem ɓēé loo tíbí ní, de gə̄ ní teēn̄ kɔ̄ɔ́, adə̄ m̄-ger̄ loo ń aw̄ń tū tə́ ní alé. Ba ré ī-ngɔ̄dī gōdə́ láẃ anī ā ə́ngeīdə́. 6Kə́ rɔ̄kum tə́ tā anī Rahab ɓɔ̄ɔ̄ de gə̄ ní i dɔ kújú dɔɔ́#2.6 Dɔ kújə́ i kə́ laa, adə̄ de gə̄ a ton̄ dɔ tə́ karī., gíŕ kádə́ lḛ́ḛ gə̄ ń ni-najə tə́ ní. 7De gə̄ ń nban̄g əladə́ ní teē ngɔ̄də̄n̄ gō ngán Israel gə̄ ní kum kə̄ bā Jurdḛ tə́, dām̄ loo gə̄ ń de gə̄ a udən̄ man̄ tū tə́ ní tə́. Dan ń teēn̄ kɔ̄ɔ́ kem ɓēé anī, utə̄n̄ ta róbə gír njadə́ tə́. 8Rahab tél al̄ aw̄ dɔ kújú rɔ̄ ngé kəndā ma̰ȳ loo gə̄ tə́ pá tá kadə̄ ton̄ nang tə́ ɓáý. 9Ni-ədadə́ na:
m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō. 10Tɔdɔ̄ j-oō kadə̄ Kɔ́ɔ̄ɓē rāā adə̄ bā tə̄ɓā gə̄ ḭḭ kɔ̄ɔ́ nosí tə́ adə̄ ī-manīneé dan ń ī-teēī kɔ̄ɔ́ kem ɓē kə́ Ejiptə tə́ ní ō, j-oō kadə̄ ī-tɔ̄lī mban̄g kə́ jōó gə̄ yā Amor gə̄ ń ndin̄ gidə bā Jurdḛ tə́ ní, adə̄ i mban̄g Sihon ō, mban̄g Og ō, tá na ī-nujiī yá̰a̰ yādə́ gə̄ kɔ̄ɔ́ malang tām̄ yā Nə́ɓā tə́ ɓáý to̰ ō. 11Adə̄ dan ń j-oō beé ní, kemjí gān̄g man̄ kɔ̄ɔ́ ō, tɔ́gə́jí ur̄ wak nosí tə́ ō, tɔdɔ̄ Kɔ́ɔ̄ɓē Nə́ɓā yāsí i Nə́ɓā dɔ rā̰ tə́ dɔɔ́ ō, dɔ nang tə́ laā ō. 12Ngɔlaā ní ī-túbə ādə̄mī kə rī Kɔ́ɔ̄ɓē, kadə̄ ā ī-rāāī kem majə kə de gə̄ kə́ gír kojə yāḿ tə́ tītə̄ ń m̄-rāań kem majə sesí ní. 13Ādə̄mī yá̰á̰ kə́rēý kə́ ɔjə kadə̄ bɔbə́ḿ ō, kó̰ó̰ḿ ō, ngákó̰ó̰ḿ kə́ dəngam gə̄ ō, kə́ dəyá̰ gə̄ ō, ngéédə́ gə̄ malang ō ní ā ə́ya̰īdə́ kadə̄ ndin̄ kə kumdə́ ō, yá̰á̰ kə́ ɔjə kadə̄ ā ə́ya̰ī de gə̄ kadə̄ tɔ̄lə̄n̄jí aĺ ō. 14De gə̄ ní tūr̄ ədanən̄ na:
Ré jə-rāā yá̰á̰ ń j-a j-ədaī toó aĺ anī, ādə̄ j-oy kɔ̄ɔ́, ba i loo ń ūtə̄ taí dɔ yá̰á̰ ń jə-rāā ní tə́ tá. Ré Kɔ́ɔ̄ɓē adə̄jí dɔ nang ń toō oy anī, j-a jə-rāā seí yá̰á̰ kə́ gōtə́, adə̄ j-a jə-rāā kem majə seí. 15Gō tə́ anī Rahab adə̄ teēn̄ ko̰rō̰ kújə́ tə́ kə̄ ndágá, ba risən̄ kə kəlaá gidə loo tə́, tām̄ kújə́ ń ni-ndi kemeé ní rāān̄ i tū ndogə̄ mbal̄#2.15 Ndogə̄ mbal̄ ní laa ngá̰ý adə̄ de gə̄ rāān̄ kújə tū tə́. kə́ ənīn̄ dɔ ɓē tə́ tə́. 16Ni-ədadə́ na:
Āwī kum kə̄ mbalá na sōgə́ ngé ngɔ̄də̄ gōsí gə̄ əngen̄sí, āw̄ ī-ɓɔ̄ɔ̄ī rɔ̄sí mbo̰ō̰ mbal̄ gə̄ tə́ ndɔ̄ mətá, ādə̄ ngé ngɔ̄də̄ gōsí gə̄ télən̄ pá tá ɔ̄rī rɔ̄sí dɔɔ́ āwī ɓáý. 17De gə̄ ní ədanən̄ na:
Ndījí ń ī-mēr̄jí kənī kadī ní, j-a jə-ra dɔ tə́. 18Ba yá̰á̰ ā ī-rāā ní ń toó: Ré j-a j-udə kə̄ kem ɓē kə́ Kanaan tə́ anī, ī-do̰ō̰ kəlā kə́ kərē ń toō tū ko̰rō̰ kújə ń ə́lájí kum tə́ ādə̄ jə-risəń kə̄ gidə kə́rēý tə́ ní, ba ī-kán̄ bɔbí gē, kó̰ó̰í gə̄ gə̄gē ngééí gə̄ malang ní ī-kán̄də́ gōí tə́ kem kújə yāí tə́. 19Ré deē kógə̄ḿ kə́ dansí tə́ teē ndágá anī, mósən a əsō i dɔn nəkɔ́ tə́, ba najə̄ a gətóo dɔjí tə́, ba ré deē kógə̄ḿ ndi kújú gōí tə́ tá deē əla jīn ɔdənneéanī, mósən a tél yā kəsō dɔjí tə́. 20Ba ré ə́dá yá̰á̰ ń jə-reē rāā ní ādə̄ deē oō gotə anī, ndūjí ń ī-mēr̄jí kənī kadī ní, j-a jə-ra dɔ tə́ alé. 21Rahab tél ədadə́ na:
Ādə̄ i tītə̄ ń ə́daīń noō. Gō tə́ anī, ni əya̰də́ adə̄ aw̄n̄. Dan ń aw̄n̄ kɔ̄ɔ́ anī, do̰ō̰ kəla kə́ kərē ta ko̰rō̰ kújə́ kə́ tū kújə yān tə́ tə́. 22Ngé kum̄ loo gə̄ ní aw̄n̄ kumdə́ kə̄ mbalá, aw̄ ndin̄ noó ndɔ̄ mətá, bátə́ adə̄ ngé ngɔ̄də̄ gōdə́ gə̄ tél reēn̄neé gogə́ kem ɓēé. Ngé ngɔ̄də̄ gōdə́ gə̄ ní sāān̄də́ kə gō róbə gēé sétə́ əngen̄də́ alé. 23Tā anī ngé kum loo gə̄ kə́ jōó gə̄ ní risən̄ dɔ mbalá, teēn̄ ba Jurdḛ ba tél reēn̄ gogə́ rɔ̄ Jojue tə́. Nin̄ ənīnən̄ gotə yá̰a̰ malang ń rāādə́ ní. 24Nin̄ ədan̄ Jojue na:
Kɔ́ɔ̄ɓē adə̄jí dɔ nang ní malang rɔ̄kum. Kem de gə̄ malang kə́ dɔ nang ní tə́ gān̄g man̄, adə̄ tɔ́gə́də́ oy yélélé kɔ̄ɔ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.