ESTER KƏ TA GƏREK 4
4
Mardose dəje Ester kadə̄ dḭḭ̄n
1Dan ń Mardose oō najə̄ ń nuū ní, rə́yā̰ kūbə̄ kə́ rɔ̄n tə́ ō, ṵṵ̄ kūbə̄ sákə̄ ō, əga bū kə̄ dɔn tə́ ō, aw̄ láẃ kum róbə kə́ kem ɓēé tə́ ba un ndūn kə̄ dɔɔ́ ngá̰ý əgań kɔŕ ō, əda na: De gə̄ tɔ̄ɔ̄n̄ kōō gíŕ nápar de gə̄ kə́ kanjə̄ najə̄ dɔdə́ tə́! 2Kutə̄ gō anī aw̄ bátə́ ugə̄ ta róbə́ kə́ ndogó mbangaá tə́, ba dəba ra lo ń nuū tə́. Tɔdɔ̄ adə̄nən̄ ta róbə kudə ndogó mbangaá kə kūbə̄ sákāá rɔ̄n tə́ aĺ ō, kə būú dɔn tə́ aĺ ō.
3Tá, kə gō ngán ɓē gə̄ malang ń tə́dan̄ makətūbə̄ ní kemeé ní, de gə̄ a nūūn̄ i rɔ̄də́ ō, a əndan̄ i kadədə́ par par ō, adə̄ i kəhɔ ndoō kə́ ngá̰ý tām̄ yā Jipə gə̄ tə́. Nin̄ ton̄ i dɔ sákə̄ gə̄ tə́ ō, kum bū tə́ ō.
4Ngáń kə́ dəyá̰ kə́ ngé rāā kəla yā Ester gə̄ ō, áji mbang yān gə̄ ō, reē ədanən̄ gotə yá̰á̰ ń rāā yá̰á̰ ní. Dan ń Ester oō yá̰á̰ ń rāā yá̰á̰ ní anī, kemən nujə sák sák kɔ̄ɔ́. Gō tə́ anī əla kə kūbūú adə̄ Mardose kadə̄ əla rɔ̄n tə́, ba kə ɔrə̄ń kūbə̄ sákə̄ ní kɔ̄ɔ́. Banī Mardose mbātə́ kɔ̄ɔ́. 5Lo ń nuū tə́ Ester ɓāŕ Hakəratayos, áji mbang yān ń əndānən̄ kə rī rāā kəla yāneé ní, ba əlan rɔ̄ Mardose tə́ kadə̄ aw̄ oō gír najə̄ kə́ rɔ̄kum ba kə reē kə ədan.#4.5 Kem makətūbə̄ kə́ kə ta Gərek ní, kəlān kə́ nge kṵ mehḛ́ gətóo tū tə́.
7Lo ń nuū tə́ Mardose ɔjən kum yá̰á̰ ń rāā yá̰á̰ ní ō, ədan najə̄ yā Haman ń ənī ndūn adə̄ mban̄g yā ɓōkə́ sə́lē gində̄ arjā̰a̰ kə́ kɔȳn i kəlōo dūbú ɓú mətá lo ngɔ̄m̄ nar yā mban̄g tə́ yā tɔ̄ɔń kōō Jipə gə̄ ní ō, 8Mardose adə̄ Hakəratayos makətūbə̄ mbēr̄ ń ənīn̄ kem ɓē kə́ Sujə tə́ yā tɔ̄ɔń kōō Jipə gə̄ kɔ̄ɔ́ ní, kadə̄ aw̄ń ɔjə Ester ō. Tá ɓáý tṵ ní, Mardose ədan na kə aw̄ kə əda Ester kadə̄ kə aw̄ ɓē mbangaá kə dəjen kadə̄ kə rajədə́ ō, kə rāan ɓɔ́ tām̄ yā gír deē yān gə̄ tə́ ō. Əda ɓáý tṵ na: Ḭ̄ Ester, ādə̄ əga kemií dɔ ndɔ̄ gə̄ ń ḭ̄ i yá̰a̰ alé á m-ə̄tōiń tə́ ní. Tɔdɔ̄ Haman ń i deē kə́ nge kṵ jōó kə́ dɔ ɓē kṵ tə́ ní, ɔr̄ najə̄ kə́ majə aĺ dɔjí tə́ rɔ̄ mban̄g tə́ kadə̄ kə tɔ̄lə̄n̄jí kɔ̄ɔ́. Ī-ɓāŕ Kɔ́ɔ̄ɓē ādə̄ dḭḭ̄jí ō, ɔ̄r̄ najə̄ kə mbangá tām̄ yājí tə́ ō, ba ɔ̄r̄jí kɔ̄ɔ́ ta yo tə́.
9Hakəratayos reē əda Ester najə̄ gə̄ ń nuū malang. 10Anī Ester əda Hakəratayos na: Āw̄ ə́da Mardose najə̄ ń toō: 11Gíŕ nápar de gə̄ malang kə́ kem ɓē kṵ tə́ gerə̄n̄ majə kadə̄ náā nəkɔ́ ń i dəngam, aláa dəyá̰, ba aw̄ rɔ̄ mban̄g tə́ ndágə lo kə́ kemeé tə́ kanjə̄ kadə̄ ɓāŕnən̄ i mbé ní, kɔ́ɔ̄ əndā rɔ̄n i ta yo tə́. Ba i deē ń mban̄g əla kāgə̄ kṵ ɓē yān kə́ rāā kə lɔ́rɔ́ ɔjəń dɔn ní tá kɔ́ɔ̄ a ajə. Kə́ tām̄ yāḿ mā tə́ tā anī, asə ndɔ̄ kutə mətá kɔ̄ɔ́ tā n əlan̄ gōḿ tə́ kadə̄ m-āw̄ rɔ̄ mban̄g tə́ aĺ ní. 12Hakəratayos əda Mardose najə̄ malang ń Ester ɔr̄ ní.
13Anī Mardose tél əda Hakəratayos kadə̄ aw̄ əda Ester najə̄ ń toō: Ī-lōō kɔjəń na yá̰á̰ ń a rāā yā rāā Jipə gə̄ ní, i ḭ̄kɔ́ kə kérí ngóy kem ɓē kṵ tə́ kə taá malang n ā ī-teē kum tə́ ní. 14Tɔdɔ̄ kum mbang kə́ majə ń adīn̄ toó ré ī-rāā mbíkī ta tə́ anī, a dḭḭ̄n̄ Jipə gə̄ ō, a ngɔ̄mə̄n̄də́ ō kə ta róbə́ kə́ rangaá, banī ḭ̄ ō, gír kojə yāí ō, a tɔ̄ɔ̄n̄ kōōsí kɔ̄ɔ́. Tá i náā n a ger̄ ní? Majə aĺ anī ī-tél nə̄yá̰ mban̄g i tām̄ yā kadə̄ ə̄ndā rɔ̄í ta yá̰á̰ kə́ beē tə́.
15Ester tél əla deē ń reē rɔ̄n tə́ ní gogə́ kadə̄ aw̄ əda Mardose najə̄ ń toō: 16Jipə gə̄ ń ndin̄ kem ɓē kə́ Sujə tə́ ní, āw̄ ɔ́sə dɔdə́ naā tə́, ba ī-ndiī ɓōō tām̄ yāḿ tə́: ə́saī yá̰a̰ aĺ ō, ī-lōōī ka̰ȳ man̄ ō ndɔ̄ mətá, kadaá aĺ ō, ndɔ̄ɔ́ aĺ ō. Mə̄kɔ́ ō, ngáń kə́ dəyá̰ kə́ ngé rāā kəla yāḿ gə̄ ō ní, j-a j-ɔgə̄ rɔ̄jí yá̰a̰ kəsa ō. Yá̰á̰ ń toō i yá̰á̰ kə́ ndū najə̄ ɔgə̄ ɓá tā, ba m-ā m-āw̄ rɔ̄ mban̄g tə́, ká ré i yā kadə̄ m-óy gə̄gē ní. 17Mardose aw̄ rāā yá̰a̰ malang ń Ester ədan kadə̄ rāā ní.
Currently Selected:
ESTER KƏ TA GƏREK 4: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
ESTER KƏ TA GƏREK 4
4
Mardose dəje Ester kadə̄ dḭḭ̄n
1Dan ń Mardose oō najə̄ ń nuū ní, rə́yā̰ kūbə̄ kə́ rɔ̄n tə́ ō, ṵṵ̄ kūbə̄ sákə̄ ō, əga bū kə̄ dɔn tə́ ō, aw̄ láẃ kum róbə kə́ kem ɓēé tə́ ba un ndūn kə̄ dɔɔ́ ngá̰ý əgań kɔŕ ō, əda na: De gə̄ tɔ̄ɔ̄n̄ kōō gíŕ nápar de gə̄ kə́ kanjə̄ najə̄ dɔdə́ tə́! 2Kutə̄ gō anī aw̄ bátə́ ugə̄ ta róbə́ kə́ ndogó mbangaá tə́, ba dəba ra lo ń nuū tə́. Tɔdɔ̄ adə̄nən̄ ta róbə kudə ndogó mbangaá kə kūbə̄ sákāá rɔ̄n tə́ aĺ ō, kə būú dɔn tə́ aĺ ō.
3Tá, kə gō ngán ɓē gə̄ malang ń tə́dan̄ makətūbə̄ ní kemeé ní, de gə̄ a nūūn̄ i rɔ̄də́ ō, a əndan̄ i kadədə́ par par ō, adə̄ i kəhɔ ndoō kə́ ngá̰ý tām̄ yā Jipə gə̄ tə́. Nin̄ ton̄ i dɔ sákə̄ gə̄ tə́ ō, kum bū tə́ ō.
4Ngáń kə́ dəyá̰ kə́ ngé rāā kəla yā Ester gə̄ ō, áji mbang yān gə̄ ō, reē ədanən̄ gotə yá̰á̰ ń rāā yá̰á̰ ní. Dan ń Ester oō yá̰á̰ ń rāā yá̰á̰ ní anī, kemən nujə sák sák kɔ̄ɔ́. Gō tə́ anī əla kə kūbūú adə̄ Mardose kadə̄ əla rɔ̄n tə́, ba kə ɔrə̄ń kūbə̄ sákə̄ ní kɔ̄ɔ́. Banī Mardose mbātə́ kɔ̄ɔ́. 5Lo ń nuū tə́ Ester ɓāŕ Hakəratayos, áji mbang yān ń əndānən̄ kə rī rāā kəla yāneé ní, ba əlan rɔ̄ Mardose tə́ kadə̄ aw̄ oō gír najə̄ kə́ rɔ̄kum ba kə reē kə ədan.#4.5 Kem makətūbə̄ kə́ kə ta Gərek ní, kəlān kə́ nge kṵ mehḛ́ gətóo tū tə́.
7Lo ń nuū tə́ Mardose ɔjən kum yá̰á̰ ń rāā yá̰á̰ ní ō, ədan najə̄ yā Haman ń ənī ndūn adə̄ mban̄g yā ɓōkə́ sə́lē gində̄ arjā̰a̰ kə́ kɔȳn i kəlōo dūbú ɓú mətá lo ngɔ̄m̄ nar yā mban̄g tə́ yā tɔ̄ɔń kōō Jipə gə̄ ní ō, 8Mardose adə̄ Hakəratayos makətūbə̄ mbēr̄ ń ənīn̄ kem ɓē kə́ Sujə tə́ yā tɔ̄ɔń kōō Jipə gə̄ kɔ̄ɔ́ ní, kadə̄ aw̄ń ɔjə Ester ō. Tá ɓáý tṵ ní, Mardose ədan na kə aw̄ kə əda Ester kadə̄ kə aw̄ ɓē mbangaá kə dəjen kadə̄ kə rajədə́ ō, kə rāan ɓɔ́ tām̄ yā gír deē yān gə̄ tə́ ō. Əda ɓáý tṵ na: Ḭ̄ Ester, ādə̄ əga kemií dɔ ndɔ̄ gə̄ ń ḭ̄ i yá̰a̰ alé á m-ə̄tōiń tə́ ní. Tɔdɔ̄ Haman ń i deē kə́ nge kṵ jōó kə́ dɔ ɓē kṵ tə́ ní, ɔr̄ najə̄ kə́ majə aĺ dɔjí tə́ rɔ̄ mban̄g tə́ kadə̄ kə tɔ̄lə̄n̄jí kɔ̄ɔ́. Ī-ɓāŕ Kɔ́ɔ̄ɓē ādə̄ dḭḭ̄jí ō, ɔ̄r̄ najə̄ kə mbangá tām̄ yājí tə́ ō, ba ɔ̄r̄jí kɔ̄ɔ́ ta yo tə́.
9Hakəratayos reē əda Ester najə̄ gə̄ ń nuū malang. 10Anī Ester əda Hakəratayos na: Āw̄ ə́da Mardose najə̄ ń toō: 11Gíŕ nápar de gə̄ malang kə́ kem ɓē kṵ tə́ gerə̄n̄ majə kadə̄ náā nəkɔ́ ń i dəngam, aláa dəyá̰, ba aw̄ rɔ̄ mban̄g tə́ ndágə lo kə́ kemeé tə́ kanjə̄ kadə̄ ɓāŕnən̄ i mbé ní, kɔ́ɔ̄ əndā rɔ̄n i ta yo tə́. Ba i deē ń mban̄g əla kāgə̄ kṵ ɓē yān kə́ rāā kə lɔ́rɔ́ ɔjəń dɔn ní tá kɔ́ɔ̄ a ajə. Kə́ tām̄ yāḿ mā tə́ tā anī, asə ndɔ̄ kutə mətá kɔ̄ɔ́ tā n əlan̄ gōḿ tə́ kadə̄ m-āw̄ rɔ̄ mban̄g tə́ aĺ ní. 12Hakəratayos əda Mardose najə̄ malang ń Ester ɔr̄ ní.
13Anī Mardose tél əda Hakəratayos kadə̄ aw̄ əda Ester najə̄ ń toō: Ī-lōō kɔjəń na yá̰á̰ ń a rāā yā rāā Jipə gə̄ ní, i ḭ̄kɔ́ kə kérí ngóy kem ɓē kṵ tə́ kə taá malang n ā ī-teē kum tə́ ní. 14Tɔdɔ̄ kum mbang kə́ majə ń adīn̄ toó ré ī-rāā mbíkī ta tə́ anī, a dḭḭ̄n̄ Jipə gə̄ ō, a ngɔ̄mə̄n̄də́ ō kə ta róbə́ kə́ rangaá, banī ḭ̄ ō, gír kojə yāí ō, a tɔ̄ɔ̄n̄ kōōsí kɔ̄ɔ́. Tá i náā n a ger̄ ní? Majə aĺ anī ī-tél nə̄yá̰ mban̄g i tām̄ yā kadə̄ ə̄ndā rɔ̄í ta yá̰á̰ kə́ beē tə́.
15Ester tél əla deē ń reē rɔ̄n tə́ ní gogə́ kadə̄ aw̄ əda Mardose najə̄ ń toō: 16Jipə gə̄ ń ndin̄ kem ɓē kə́ Sujə tə́ ní, āw̄ ɔ́sə dɔdə́ naā tə́, ba ī-ndiī ɓōō tām̄ yāḿ tə́: ə́saī yá̰a̰ aĺ ō, ī-lōōī ka̰ȳ man̄ ō ndɔ̄ mətá, kadaá aĺ ō, ndɔ̄ɔ́ aĺ ō. Mə̄kɔ́ ō, ngáń kə́ dəyá̰ kə́ ngé rāā kəla yāḿ gə̄ ō ní, j-a j-ɔgə̄ rɔ̄jí yá̰a̰ kəsa ō. Yá̰á̰ ń toō i yá̰á̰ kə́ ndū najə̄ ɔgə̄ ɓá tā, ba m-ā m-āw̄ rɔ̄ mban̄g tə́, ká ré i yā kadə̄ m-óy gə̄gē ní. 17Mardose aw̄ rāā yá̰a̰ malang ń Ester ədan kadə̄ rāā ní.
Bibəl ta Sar̄ © L'Alliance Biblique du Tchad, 2006, 2010.