ESTER KƏ TA GƏREK B
B
Ndū kə́ kun yā tɔ̄ɔń kōō Jipə gə̄ kɔ̄ɔ́
14 Makətūbə̄ ń ndangən̄ ní n toó: Artajerses mban̄g kə́ bo ndang makətūbə̄ adə̄ ngé kṵ ɓē gə̄ ō, ngé kɔsə kíĺdə́ kem kəla gə̄ tə́ ō, ń ndin̄ dɔ ngán ɓē kə́ ɓú kə kutə jōó kə kalən kə́ sīrí tə́ á, əla gíŕ i Ḛndə tə́ bátə́ Etiyopi tə́ ní. 15 Mā m-ṵ́ṵ ɓē dɔ gíŕ nápar de gə̄ kə́ ngá̰ý gə̄ tə́ ō, tɔ́gə́ḿ taā lo dɔ nang tə́ malang ō ɓá tā, ba m̄-gḛy kṵ ɓē kə kɔjə rɔ̄ɔ́ alé. Banī m̄-gḛy kṵ ɓē ngándáńg i kə kem majaá ō, i kə yá̰á̰ kə́ rāā kadə̄ al̄ ngandə̄ aĺ ō. I beé tá m-ā m-ásəń rāā kadə̄ ɓer̄ yāḿ gə̄ ndin̄ ngándáńg kanjə̄ kadə̄ yá̰á̰ kógə̄ḿ hóȳdə́ ō, m-ásəń rāā kadə̄ kumdə́ teē ō, de gə̄ njə̄rān̄ kə́ kɔ́ɔ̄ rɔ̄də́ gə̄ tə́ bátə́ ta ngóy ɓē kṵ yāḿ tə́ ō, m-ásəń rāā kadə̄ lɔm ń de gə̄ malang gḛyn̄ ní, to kem ɓēé ō. 16 Dan ń m̄-dəje ngé kadə̄m̄ kɔjə̄ gə̄ najə̄ kadə̄ m-ōoń yādə́ ké m-ā m̄-rāā i ba̰ý n m-ā m̄-rāań yá̰a̰ gə̄ ń toō kadə̄ udən̄ gírí ní wa anī, de kógə̄ḿ kə́ danjí tə́ kə́ kum kedə̄ yān tɔȳ yā madə̄n gə̄, kə́ ɔjə kə̄ ndágá ngándáńg kadə̄ kəla rāan gə̄ i kə́ majə ō, i de kə́ sew rɔ̄kum ō, əndānən̄ adə̄ i ni n i deē kə́ nge kṵ jōó kə́ kem ɓēé ō ní, rīn na i Haman. 17 Ni ɔjəjí kadə̄ dan gír ɓē gə̄ malang kə́ dɔ nang tə́ laā ní, gír de kógə̄ḿ kə́ ngé kem ndul gə̄ i tū tə́. Ndū najə̄ yādə́ gə̄ rāā adə̄ nin̄ i madə̄ ba̰ā̰ gíŕ nápar de gə̄ malang. Nin̄ i de kə́ ngé mbātə́ ndū najə̄ gə̄ yā mban̄g dejə, yā kadə̄ kṵ ɓē ń jə-ndiī dɔ tə́ kə háĺ kə́ súūmú ō, kanjə̄ najə̄ dɔjí tə́ ō ní, kə nujəń kɔ̄ɔ́. 18 Adə̄ j-oō kadə̄ i gíŕ nápar de gə̄ ń toō ngóy n i madə̄ ba̰ā̰ de gə̄ malang dejə ní ō, nin̄ ndin̄ i kə kéŕdə́ ō, rāān̄ yá̰a̰ i kə gō ndū najə̄ kə́ rang gə̄ ō. Tá j-oō kadə̄ nel̄də́ kə kəla rāājí gə̄ aĺ ngá̰ý, adə̄ rāān̄ yá̰á̰ kə́ majə aĺ ngá̰ý gə̄, ba rāān̄ nge ń nuū i yā kadə̄ ɓē kṵ ndiń jəke alé. 19 Adə̄ sɔɔ̄ń yá̰a̰ rāādə́ ní, j-əda kadə̄ ngé gə̄ ń Haman ń əndānən̄ dɔ kəla gə̄ tə́ ō, ni i bɔbə̄jí kə́ nge kṵ jōó ō, ndang makətūbə̄ adə̄sí najə̄ yādə́ tə́ ní, ī-tɔ̄ɔ̄ī kōōdə́ malang kə dəyá̰ gə̄, kə ngán gə̄, kə kaskar yā madə̄ ba̰ā̰də́ gēé, kanjə̄ kadə̄ kumsí ṵṵsí ō, kanjə̄ kəya̰ de kógə̄ḿ ō, kə ndɔ̄ kə́ nge kṵ kutə gidə i sɔ́, yā nāā kə́ nge kṵ kutə gidə i jōó, adə̄ i nāā Adar kə́ kōnīí laā. 20 Lo ń nuū tə́ de gə̄ ń tagə́bēé ō, ɓōólaā ō, nin̄ i madə̄ ba̰ā̰ de gə̄ ní, mbə́rē tə́nīn̄də́ ɓádá dɔ gúú tə́ kem ndɔ̄ kə́ kógə̄ḿ beē tə́. I beé tá kem ndɔ̄ gə̄ ń a reēn̄ tə́ ní, yá̰a̰ gə̄ a njə̄rān̄ majə ō, lo a to lɔm ō.
Currently Selected:
ESTER KƏ TA GƏREK B: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
ESTER KƏ TA GƏREK B
B
Ndū kə́ kun yā tɔ̄ɔń kōō Jipə gə̄ kɔ̄ɔ́
14 Makətūbə̄ ń ndangən̄ ní n toó: Artajerses mban̄g kə́ bo ndang makətūbə̄ adə̄ ngé kṵ ɓē gə̄ ō, ngé kɔsə kíĺdə́ kem kəla gə̄ tə́ ō, ń ndin̄ dɔ ngán ɓē kə́ ɓú kə kutə jōó kə kalən kə́ sīrí tə́ á, əla gíŕ i Ḛndə tə́ bátə́ Etiyopi tə́ ní. 15 Mā m-ṵ́ṵ ɓē dɔ gíŕ nápar de gə̄ kə́ ngá̰ý gə̄ tə́ ō, tɔ́gə́ḿ taā lo dɔ nang tə́ malang ō ɓá tā, ba m̄-gḛy kṵ ɓē kə kɔjə rɔ̄ɔ́ alé. Banī m̄-gḛy kṵ ɓē ngándáńg i kə kem majaá ō, i kə yá̰á̰ kə́ rāā kadə̄ al̄ ngandə̄ aĺ ō. I beé tá m-ā m-ásəń rāā kadə̄ ɓer̄ yāḿ gə̄ ndin̄ ngándáńg kanjə̄ kadə̄ yá̰á̰ kógə̄ḿ hóȳdə́ ō, m-ásəń rāā kadə̄ kumdə́ teē ō, de gə̄ njə̄rān̄ kə́ kɔ́ɔ̄ rɔ̄də́ gə̄ tə́ bátə́ ta ngóy ɓē kṵ yāḿ tə́ ō, m-ásəń rāā kadə̄ lɔm ń de gə̄ malang gḛyn̄ ní, to kem ɓēé ō. 16 Dan ń m̄-dəje ngé kadə̄m̄ kɔjə̄ gə̄ najə̄ kadə̄ m-ōoń yādə́ ké m-ā m̄-rāā i ba̰ý n m-ā m̄-rāań yá̰a̰ gə̄ ń toō kadə̄ udən̄ gírí ní wa anī, de kógə̄ḿ kə́ danjí tə́ kə́ kum kedə̄ yān tɔȳ yā madə̄n gə̄, kə́ ɔjə kə̄ ndágá ngándáńg kadə̄ kəla rāan gə̄ i kə́ majə ō, i de kə́ sew rɔ̄kum ō, əndānən̄ adə̄ i ni n i deē kə́ nge kṵ jōó kə́ kem ɓēé ō ní, rīn na i Haman. 17 Ni ɔjəjí kadə̄ dan gír ɓē gə̄ malang kə́ dɔ nang tə́ laā ní, gír de kógə̄ḿ kə́ ngé kem ndul gə̄ i tū tə́. Ndū najə̄ yādə́ gə̄ rāā adə̄ nin̄ i madə̄ ba̰ā̰ gíŕ nápar de gə̄ malang. Nin̄ i de kə́ ngé mbātə́ ndū najə̄ gə̄ yā mban̄g dejə, yā kadə̄ kṵ ɓē ń jə-ndiī dɔ tə́ kə háĺ kə́ súūmú ō, kanjə̄ najə̄ dɔjí tə́ ō ní, kə nujəń kɔ̄ɔ́. 18 Adə̄ j-oō kadə̄ i gíŕ nápar de gə̄ ń toō ngóy n i madə̄ ba̰ā̰ de gə̄ malang dejə ní ō, nin̄ ndin̄ i kə kéŕdə́ ō, rāān̄ yá̰a̰ i kə gō ndū najə̄ kə́ rang gə̄ ō. Tá j-oō kadə̄ nel̄də́ kə kəla rāājí gə̄ aĺ ngá̰ý, adə̄ rāān̄ yá̰á̰ kə́ majə aĺ ngá̰ý gə̄, ba rāān̄ nge ń nuū i yā kadə̄ ɓē kṵ ndiń jəke alé. 19 Adə̄ sɔɔ̄ń yá̰a̰ rāādə́ ní, j-əda kadə̄ ngé gə̄ ń Haman ń əndānən̄ dɔ kəla gə̄ tə́ ō, ni i bɔbə̄jí kə́ nge kṵ jōó ō, ndang makətūbə̄ adə̄sí najə̄ yādə́ tə́ ní, ī-tɔ̄ɔ̄ī kōōdə́ malang kə dəyá̰ gə̄, kə ngán gə̄, kə kaskar yā madə̄ ba̰ā̰də́ gēé, kanjə̄ kadə̄ kumsí ṵṵsí ō, kanjə̄ kəya̰ de kógə̄ḿ ō, kə ndɔ̄ kə́ nge kṵ kutə gidə i sɔ́, yā nāā kə́ nge kṵ kutə gidə i jōó, adə̄ i nāā Adar kə́ kōnīí laā. 20 Lo ń nuū tə́ de gə̄ ń tagə́bēé ō, ɓōólaā ō, nin̄ i madə̄ ba̰ā̰ de gə̄ ní, mbə́rē tə́nīn̄də́ ɓádá dɔ gúú tə́ kem ndɔ̄ kə́ kógə̄ḿ beē tə́. I beé tá kem ndɔ̄ gə̄ ń a reēn̄ tə́ ní, yá̰a̰ gə̄ a njə̄rān̄ majə ō, lo a to lɔm ō.
Bibəl ta Sar̄ © L'Alliance Biblique du Tchad, 2006, 2010.