2 TIMOTE 2
2
Áskar yā Jeju Kərist kə́ nge ra dɔ ndūn tə́
1I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g. 2Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.
3Á̰á̰ tápə̄ loo áskar kə́ majə yā Kərist Jeju tə́ ō. 4Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́. 5Nge ka̰ȳ ngɔ̄də̄ kə de kə́ rang gēé a ənge jākā mbang i dan ń a a̰ȳ ngɔ̄də̄ kə gō looneé ní tá. 6I nge ndɔr̄ ń rāā kəla ngá̰ý ní n i nge kənge kōō ndɔrə̄n kété ní. 7Ā ī-ger̄ kum najə̄ ń m-ə́da toó, tɔdɔ̄ Kɔ́ɔ̄ɓē a rāā kadə̄ ā ī-ger̄ kum yá̰a̰ malang.
8Ādə̄ əga kemií dɔ Jeju Kərist kə́ gír kaa yā Dabid tə́ ń ndól̄ dan de kə́ koy gə̄ tə́ kə gō Najə̄ kə́ Majə ń m-ɔ́jə́ tə́ ní. 9Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē. 10I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō. 11Najə̄ gə̄ ń toō i ngarān̄g kum najə̄:
Ré j-oyiī seneé anī, j-a jə-ndiī kə kumjí naā tə́ seneé ō.
12Ré jə-raī ngan̄g anī, j-a j-o̰ō̰ī ɓēé naā tə́ seneé ō.
Ré jə-mbātíin̄ anī, ni a mbātə́jí ō.
13Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́,
tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.
Nge rāā kəla kə́ nāān̄ tɔ́gən
14Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy. 15Ī-ngatə́rā dɔ rɔ̄í tə́ kadə̄ ī-ra ta kum Nə́ɓā tə́ kə́ de kə́ nāānən̄ ba asə tə́ ō, kə́ nge rāā kəla kə́ rɔ̄n sɔlə̄n aĺ tə́ ō, kə́ de kə́ nge kɔjə najə̄ kə́ rɔ̄kum kə gōó tə́ ō. 16Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété. 17Najə̄ yādə́ ń i tītə̄ do səya̰ beé ní, a əsa i kum kə̄ kété kété. Himene nin̄ kə Piletə i sedə́ ō. 18Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé. 19Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na:
Kɔ́ɔ̄ɓē ger̄ ngé gə̄ ń nin̄ i yān gə̄ ní ō,
ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.
20Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō. 21Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.
22Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní. 23Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā. 24Ba majə kadə̄ nge rāā kəla yā Kɔ́ɔ̄ɓē kɔ̄l̄ alé. Majə kadə̄ ni-ndi lɔm kə de gēé malang ō, asə ndóō de gə̄ yá̰a̰ ō, tə́gā tan dɔ najə̄ kɔr̄ ngé tɔ́sə̄ najə̄ gə̄ tə́ ō. 25Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō. 26Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.
Currently Selected:
2 TIMOTE 2: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 TIMOTE 2
2
Áskar yā Jeju Kərist kə́ nge ra dɔ ndūn tə́
1I beé ní, ḭ̄ ngōnə̄ḿ, rajə ń Kərist Jeju a rajə ngé gə̄ ń ɓoon̄ naā seneé ní, ī-ra dɔ tə́ ādə̄ ngan̄g. 2Yá̰a̰ gə̄ ń ōō taḿ tə́ ta kum de kə́ kum tə́ gə̄ kə́ ngá̰ý ní, ɔ́jə de kə́ ngé ra dɔ ndūdə́ tə́ gə̄, kə́ asən̄ ndóō de kə́ rang gə̄ kə̄ kété ō.
3Á̰á̰ tápə̄ loo áskar kə́ majə yā Kərist Jeju tə́ ō. 4Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́. 5Nge ka̰ȳ ngɔ̄də̄ kə de kə́ rang gēé a ənge jākā mbang i dan ń a a̰ȳ ngɔ̄də̄ kə gō looneé ní tá. 6I nge ndɔr̄ ń rāā kəla ngá̰ý ní n i nge kənge kōō ndɔrə̄n kété ní. 7Ā ī-ger̄ kum najə̄ ń m-ə́da toó, tɔdɔ̄ Kɔ́ɔ̄ɓē a rāā kadə̄ ā ī-ger̄ kum yá̰a̰ malang.
8Ādə̄ əga kemií dɔ Jeju Kərist kə́ gír kaa yā Dabid tə́ ń ndól̄ dan de kə́ koy gə̄ tə́ kə gō Najə̄ kə́ Majə ń m-ɔ́jə́ tə́ ní. 9Najə̄ kə́ Majə ngeé ń toō ní, m-á̰á̰ tápə̄ najə̄n tə́ bátə́ do̰ō̰mə̄n̄ kə súĺ gə̄gē, tītə̄ kə́ mā i de kə́ nge rāā yá̰a̰ majaĺ beē. 10I tām̄ ń toō tə́ n m̄-tə́gā taḿ tām̄ yā ngé gə̄ ń Nə́ɓā gə̄rādə́ tə́ ní, yā kadə̄ nin̄ ajən̄neé kə ta kūl̄ Jeju Kərist ō, əngen̄neé yá̰a̰ malang kə́ to kɔsə gɔn ngándáńg ō. 11Najə̄ gə̄ ń toō i ngarān̄g kum najə̄:
Ré j-oyiī seneé anī, j-a jə-ndiī kə kumjí naā tə́ seneé ō.
12Ré jə-raī ngan̄g anī, j-a j-o̰ō̰ī ɓēé naā tə́ seneé ō.
Ré jə-mbātíin̄ anī, ni a mbātə́jí ō.
13Ré jḭḭ̄ jə-raī dɔ ndūjí tə́ aĺ anī, ni a ra dɔ ndūn tə́,
tɔdɔ̄ ni-asə rāā yá̰á̰ kə́ rang kum gotə yá̰á̰ ń tan əda ní alé.
Nge rāā kəla kə́ nāān̄ tɔ́gən
14Ɔ́jə́də́ yá̰a̰ gə̄ ń toō adə̄ əga kemdə́ dɔ tə́. Ī-rāādə́ ɓɔ́ ta kum Nə́ɓā tə́ kadə̄ lōōn̄ tṵ́ṵ̄ naā tām̄ yā kum najə̄ gə̄ tə́. Tɔdɔ̄ nge ń noō a teē yá̰a̰ alé, ba a nujə i ngé gə̄ ń oōn̄ ní ngóy. 15Ī-ngatə́rā dɔ rɔ̄í tə́ kadə̄ ī-ra ta kum Nə́ɓā tə́ kə́ de kə́ nāānən̄ ba asə tə́ ō, kə́ nge rāā kəla kə́ rɔ̄n sɔlə̄n aĺ tə́ ō, kə́ de kə́ nge kɔjə najə̄ kə́ rɔ̄kum kə gōó tə́ ō. 16Ba ré i wál̄ najə̄ kə́ kanjə̄ kumən kə́ dɔ yá̰á̰ kə́ karī gə̄ tə́ anī, ī-gōn̄g kɔ̄ɔ́, tɔdɔ̄ ngé gə̄ ń wálə̄n̄ najə̄ kə́ tītə̄ ń noō gə̄ ní, a mbātə́n̄ rāā yá̰a̰ kə gō ń Nə́ɓā ndigə ní kə̄ kété kété. 17Najə̄ yādə́ ń i tītə̄ do səya̰ beé ní, a əsa i kum kə̄ kété kété. Himene nin̄ kə Piletə i sedə́ ō. 18Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé. 19Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na:
Kɔ́ɔ̄ɓē ger̄ ngé gə̄ ń nin̄ i yān gə̄ ní ō,
ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.
20Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō. 21Deē ń nəkɔ́ tə́gó yá̰á̰ kə́ yḛr gə̄ ń noō rɔ̄n tə́ kɔ̄ɔ́ ní, ni a téĺ jóó kə́ to rɔȳ ō, kə́ ɔrə̄n̄ kam̄ tayā tām̄ yā Nə́ɓā tə́ ō, kə́ to rāā kəla tām̄ yā ngolən tə́ ō, kə́ əndān̄ dɔ danaá tām̄ yā kəla malang kə́ majə tə́ ō.
22Ī-lōō gíŕ yá̰a̰ gə̄ ń ngurən a rāā balsáa gə̄ tə́ ní, ba ī-sāā yá̰a̰ rāā kə́ gōtə́ ō, yá̰á̰ ń i taā kem ō, tár ō, ndi lɔm ō ní, naā tə́ kə ngé gə̄ ń ɓārə́n̄ rī Kɔ́ɔ̄ɓē kə kem kə́ unjə̄ njáý njáý ní. 23Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā. 24Ba majə kadə̄ nge rāā kəla yā Kɔ́ɔ̄ɓē kɔ̄l̄ alé. Majə kadə̄ ni-ndi lɔm kə de gēé malang ō, asə ndóō de gə̄ yá̰a̰ ō, tə́gā tan dɔ najə̄ kɔr̄ ngé tɔ́sə̄ najə̄ gə̄ tə́ ō. 25Ni a gɔŕyɔ̄ ngé mbātə́ najə̄ gə̄ ní i kə kem kə́ sɔl̄ lɔmɔɔ́. Na majanī Nə́ɓā a rāā sedə́ kadə̄ tūrə̄n̄ háĺdə́ ō, gerə̄n̄ najə̄ kə́ rɔ̄kum ō. 26Loo ń noō tə́ kumdə́ a gán̄g, adə̄ a ɔrə̄n̄ rɔ̄də́ kɔ̄ɔ́ kum gūmbə̄ yā diabəl ń əhɔdə́ adə̄ a rāān̄ i yá̰á̰ ń kemən ndigə ní tə́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.