2 SAMUEL 7
7
Nə́ɓā ənī míndən adə̄ Dabid
(Á̰a̰ī 1 Yá̰a̰ 17.1-15)
1Dan ń mban̄g Dabid ənge kújə ndi kemeé ō, Kɔ́ɔ̄ɓē rāā adə̄ ngé ba̰ā̰n gə̄ malang ń gīrə̄n̄ gidə ɓē yān əlan̄ ta naā tə́ ní əya̰nən̄ adə̄ taā koō ō anī, 2ni-əda Natan ń i nge koō ta yā Nə́ɓā ní na: Á̰a̰ā̰, mā m̄-ndi i kem kújə́ kə́ rāā kə kāgə̄ sédəreé tə́, banī sandúkə yā Nə́ɓā ndi i gír kújə kūbūú. 3Natan əda mban̄g na: Yá̰a̰ malang ń ī-gír̄ kemií tə́ yā rāā ní aw̄ ī-rāā, tɔdɔ̄ Kɔ́ɔ̄ɓē i seí naā tə́. 4Banī ndɔ̄ ń noō tə́ ní Kɔ́ɔ̄ɓē ɔr̄ najə̄ kə Natan dan ndɔ̄ɔ́ ədan na: 5Āw̄ ə́nge nge kəla yāḿ Dabid ba ə́dan na najə̄ ń Kɔ́ɔ̄ɓē ɔr̄ seneé ní n toó: I ḭ̄ n ā ī-rāā kújə yā kadə̄ m̄-ndi tū tə́ a? 6Əla gír ndɔ̄ ń m̄-teēń kə ngán Israel gēé kɔ̄ɔ́ kem ɓē kə́ Ejiptə tə́ bátə́ ɓōólaā ní, m̄-ndi kem kújú aĺ ɓáý. m̄-njə̄rā i dɔɔ́ dɔɔ́ adə̄ loo ndi yāḿ i gíŕ kújə tandā tə́. 7Dan ń mā m̄-njə̄rań kə ngán Israel gēé ní, ngār gə̄ ń m-ādə̄də́ ta róbə kɔr no ngán Israel gə̄ ń i gír deē yāḿ gə̄ ní nin̄ i ngá̰ý, ɓá tā ba m-ə́da deē kógə̄ḿ dandə́ tə́ na ké tām̄ rí tə́ áké rāā kújə kə kāgə̄ sedər adə̄m̄ aĺ wa alé. 8Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́. 9Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́. 10M-ā m̄-gō̰ loo yā kadə̄ gír deē yāḿ gə̄ ń i Israel gə̄ ní. M-ā m-ə̄ndādə́ tū tə́ kadə̄ ndin̄ gotə kógə̄ḿ loo yādə́ tə́. Yá̰a̰ a yéȳdə́ to̰ aĺ ō, ngé rāā majaĺ gə̄ a rāān̄də́ ndoō tə́ tītə̄ kə́ kété ń 11m-ə̄ndań ngé sarya gə̄ dɔdə́ tə́ ní to̰ aĺ ō. Kété m-ādə̄ ī-taā koō tɔdɔ̄ m̄-rāā adə̄ madə̄ ba̰ā̰í gə̄ gə̄tóon kɔ̄ɔ́ malang rɔ̄í tə́. Ba ngɔlaā mə̄kɔ́ Kɔ́ɔ̄ɓē m-ə́daī na m-ā m̄-rāā kújə yā kadī. 12Loo ń ré ndɔ̄í gə̄ təgān̄ adə̄ óy āw̄ gō kaaí gə̄ tə́ anī, m-ā m-ə̄ndā ngōn̄ kemií gotií tə́. M-ā m̄-rāā kadə̄ a ndi ngan̄g dɔ ngār yān tə́. 13I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg. 14Kə́ tām̄ yān tə́ ɓáa mā i bɔbə̄n ba kə́ tām̄ yāḿ mā tə́ ɓáa ni i ngōnə̄ḿ. Ré ni-rāā majaĺ ɓáa, m-ā m-ɔ́jən kum kə ndéyé ō, m-ā m-ə́ndan tītə̄ ń de gə̄ a əndan̄neé ngándə́ gə̄ ní ō. 15Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé. 16De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé. 17Natan əda Dabid yá̰a̰ malang ń Nə́ɓā ɔjən yá̰á̰ ń ni a̰a̰ tə́ ní.
Ndɔ̄ȳ yā Dabid
(Á̰a̰ī 1 Yá̰a̰ 17.16-27)
18Anī mban̄g Dabid aw̄ ndi nang tə́ ta kum Kɔ́ɔ̄ɓē tə́ ba əda na: Kɔ́ɔ̄ɓē Nə́ɓā, mā i náā, aké de kə́ gír kojə yāḿ tə́ gə̄ nin̄ i rí kógə̄ḿ á ī-reē seḿ bátə́ loo ń toō tə́ laā ní? 19Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā? 20Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā? 21I tām̄ najə̄ yāí tə́ ō, i kə gō kem ndigə yāí ō n ī-rāań yá̰a̰ malang kə́ bo ngá̰ý gə̄ ń noō ba ɔ́jəm̄ mā nge kəla yāí ādə̄ m̄-ger̄ ní. 22Adə̄ Kɔ́ɔ̄ɓē Nə́ɓā, ḭ̄ i de kə́ bo, de kə́ tītīí gətóo. Nə́ɓā kə́ rang gətóo, ba i īkɔ́ ngóy tītə̄ ń j-oōń kə mbījí ní. 23I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́. 24Kɔ́ɔ̄ɓē, ḭ̄ ī-rāādə́ gír deē yāí gə̄ tə́ kə́ njɔ́ḿ gə̄ tə́ ō, ī-tél Nə́ɓā yādə́ ō. 25Ba ngɔlaā ní Kɔ́ɔ̄ɓē Nə́ɓā yāḿ najə̄ ń ə́da dɔḿ mā nge kəla yāí tə́ ō, dɔ gír kojə yāḿ tə́ ō ní, ī-ra dɔ tə́ ba ī-rāā tītə̄ ń taí ədań ní. 26I beé tá rīí a ɓār̄ ngándáńg. De gə̄ a ədan̄ na Kɔ́ɔ̄ɓē kə́ bo kə́ tɔ́gən i ngá̰ý i Nə́ɓā yā Israel. Ī-rāā ādə̄ gír kojə yāḿ ndi ngan̄g ta kumií tə́. 27Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, i īkɔ́ n ə́dam̄ na ā ī-rāā kújə yā kadə̄m̄ ní. I tām̄ ń noō tə́ n m-ə́ngeń tɔ́gə yā ndɔ̄yī tītə̄ ń toō ní. 28Kɔ́ɔ̄ɓē Nə́ɓā, i ḭ̄ n i Nə́ɓā. Najə̄ kɔrīí i najə̄ kə́ rɔ̄kum. Ba ngɔlaā ḭ̄ ə̄nī ndūí yā kadə̄m̄ rɔ̄nel̄ ń toō. 29m̄-rāāī ɓɔ́, ī-rāā majə kə gír kojə yāḿ ādə̄ o̰o̰ ɓē ngándáńg ta kumií tə́. Kɔ́ɔ̄ɓē Nə́ɓā yāḿ, tītə̄ ń ə̄niń ndūí ní, ī-rāā majə kə gír kojə yāḿ ngándáńg.
Currently Selected:
2 SAMUEL 7: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 SAMUEL 7
7
Nə́ɓā ənī míndən adə̄ Dabid
(Á̰a̰ī 1 Yá̰a̰ 17.1-15)
1Dan ń mban̄g Dabid ənge kújə ndi kemeé ō, Kɔ́ɔ̄ɓē rāā adə̄ ngé ba̰ā̰n gə̄ malang ń gīrə̄n̄ gidə ɓē yān əlan̄ ta naā tə́ ní əya̰nən̄ adə̄ taā koō ō anī, 2ni-əda Natan ń i nge koō ta yā Nə́ɓā ní na: Á̰a̰ā̰, mā m̄-ndi i kem kújə́ kə́ rāā kə kāgə̄ sédəreé tə́, banī sandúkə yā Nə́ɓā ndi i gír kújə kūbūú. 3Natan əda mban̄g na: Yá̰a̰ malang ń ī-gír̄ kemií tə́ yā rāā ní aw̄ ī-rāā, tɔdɔ̄ Kɔ́ɔ̄ɓē i seí naā tə́. 4Banī ndɔ̄ ń noō tə́ ní Kɔ́ɔ̄ɓē ɔr̄ najə̄ kə Natan dan ndɔ̄ɔ́ ədan na: 5Āw̄ ə́nge nge kəla yāḿ Dabid ba ə́dan na najə̄ ń Kɔ́ɔ̄ɓē ɔr̄ seneé ní n toó: I ḭ̄ n ā ī-rāā kújə yā kadə̄ m̄-ndi tū tə́ a? 6Əla gír ndɔ̄ ń m̄-teēń kə ngán Israel gēé kɔ̄ɔ́ kem ɓē kə́ Ejiptə tə́ bátə́ ɓōólaā ní, m̄-ndi kem kújú aĺ ɓáý. m̄-njə̄rā i dɔɔ́ dɔɔ́ adə̄ loo ndi yāḿ i gíŕ kújə tandā tə́. 7Dan ń mā m̄-njə̄rań kə ngán Israel gēé ní, ngār gə̄ ń m-ādə̄də́ ta róbə kɔr no ngán Israel gə̄ ń i gír deē yāḿ gə̄ ní nin̄ i ngá̰ý, ɓá tā ba m-ə́da deē kógə̄ḿ dandə́ tə́ na ké tām̄ rí tə́ áké rāā kújə kə kāgə̄ sedər adə̄m̄ aĺ wa alé. 8Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́. 9Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́. 10M-ā m̄-gō̰ loo yā kadə̄ gír deē yāḿ gə̄ ń i Israel gə̄ ní. M-ā m-ə̄ndādə́ tū tə́ kadə̄ ndin̄ gotə kógə̄ḿ loo yādə́ tə́. Yá̰a̰ a yéȳdə́ to̰ aĺ ō, ngé rāā majaĺ gə̄ a rāān̄də́ ndoō tə́ tītə̄ kə́ kété ń 11m-ə̄ndań ngé sarya gə̄ dɔdə́ tə́ ní to̰ aĺ ō. Kété m-ādə̄ ī-taā koō tɔdɔ̄ m̄-rāā adə̄ madə̄ ba̰ā̰í gə̄ gə̄tóon kɔ̄ɔ́ malang rɔ̄í tə́. Ba ngɔlaā mə̄kɔ́ Kɔ́ɔ̄ɓē m-ə́daī na m-ā m̄-rāā kújə yā kadī. 12Loo ń ré ndɔ̄í gə̄ təgān̄ adə̄ óy āw̄ gō kaaí gə̄ tə́ anī, m-ā m-ə̄ndā ngōn̄ kemií gotií tə́. M-ā m̄-rāā kadə̄ a ndi ngan̄g dɔ ngār yān tə́. 13I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg. 14Kə́ tām̄ yān tə́ ɓáa mā i bɔbə̄n ba kə́ tām̄ yāḿ mā tə́ ɓáa ni i ngōnə̄ḿ. Ré ni-rāā majaĺ ɓáa, m-ā m-ɔ́jən kum kə ndéyé ō, m-ā m-ə́ndan tītə̄ ń de gə̄ a əndan̄neé ngándə́ gə̄ ní ō. 15Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé. 16De kógə̄ḿ dan de gə̄ kə́ gír kojə yāí tə́ a o̰o̰ ɓē gotií tə́ ngándáńg, tɔdɔ̄ yá̰a̰ a yéȳ ko̰o̰ ɓē kə́ gír kojə yāí tə́ alé. 17Natan əda Dabid yá̰a̰ malang ń Nə́ɓā ɔjən yá̰á̰ ń ni a̰a̰ tə́ ní.
Ndɔ̄ȳ yā Dabid
(Á̰a̰ī 1 Yá̰a̰ 17.16-27)
18Anī mban̄g Dabid aw̄ ndi nang tə́ ta kum Kɔ́ɔ̄ɓē tə́ ba əda na: Kɔ́ɔ̄ɓē Nə́ɓā, mā i náā, aké de kə́ gír kojə yāḿ tə́ gə̄ nin̄ i rí kógə̄ḿ á ī-reē seḿ bátə́ loo ń toō tə́ laā ní? 19Tá nge ń noō asə aĺ ɓáý ta kumií ḭ̄ Kɔ́ɔ̄ɓē tə́, adə̄ ɔ̄r̄ najə̄ kə́ tām̄ yā gír kojə yāḿ tə́ kété no ndɔ̄n tə́ ɓáý to̰. Nge ń noō i yá̰á̰ ndóō yā deē ndul a Kɔ́ɔ̄ɓē Nə́ɓā? 20Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā? 21I tām̄ najə̄ yāí tə́ ō, i kə gō kem ndigə yāí ō n ī-rāań yá̰a̰ malang kə́ bo ngá̰ý gə̄ ń noō ba ɔ́jəm̄ mā nge kəla yāí ādə̄ m̄-ger̄ ní. 22Adə̄ Kɔ́ɔ̄ɓē Nə́ɓā, ḭ̄ i de kə́ bo, de kə́ tītīí gətóo. Nə́ɓā kə́ rang gətóo, ba i īkɔ́ ngóy tītə̄ ń j-oōń kə mbījí ní. 23I nápar de kə́ rá gə̄ n ton̄ tītə̄ gír deē yāí gə̄ ń i ngán Israel gə̄ ní? Gír de gə̄ kə́ dɔ nang tə́ kə́ ton̄ tītə̄ gír deē yāí gə̄ ń i ngán Israel gə̄ ní gətóo. Ḭ̄ ī-reē ī-gān̄g dɔdə́ jī de gə̄ kə́ Ejiptə tə́ ń i ngé rāādə́ majaĺ gə̄ ní tə́ ō, ī-gān̄g dɔdə́ jī ɓesə̄ gə̄ yā de gə̄ kə́ Ejiptə tə́ ō, ba ī-rāādə́ gír deē yāí gə̄ tə́. Ḭ̄ ī-rāā adə̄ rīdə́ ɓār̄ ngá̰ý, tɔdɔ̄ ī-rāā yá̰á̰ kə́ bo gə̄ aláa kə́ ton̄ ɓōĺ gə̄ tām̄ yādə́ tə́ kem ɓē yāí tə́. 24Kɔ́ɔ̄ɓē, ḭ̄ ī-rāādə́ gír deē yāí gə̄ tə́ kə́ njɔ́ḿ gə̄ tə́ ō, ī-tél Nə́ɓā yādə́ ō. 25Ba ngɔlaā ní Kɔ́ɔ̄ɓē Nə́ɓā yāḿ najə̄ ń ə́da dɔḿ mā nge kəla yāí tə́ ō, dɔ gír kojə yāḿ tə́ ō ní, ī-ra dɔ tə́ ba ī-rāā tītə̄ ń taí ədań ní. 26I beé tá rīí a ɓār̄ ngándáńg. De gə̄ a ədan̄ na Kɔ́ɔ̄ɓē kə́ bo kə́ tɔ́gən i ngá̰ý i Nə́ɓā yā Israel. Ī-rāā ādə̄ gír kojə yāḿ ndi ngan̄g ta kumií tə́. 27Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, i īkɔ́ n ə́dam̄ na ā ī-rāā kújə yā kadə̄m̄ ní. I tām̄ ń noō tə́ n m-ə́ngeń tɔ́gə yā ndɔ̄yī tītə̄ ń toō ní. 28Kɔ́ɔ̄ɓē Nə́ɓā, i ḭ̄ n i Nə́ɓā. Najə̄ kɔrīí i najə̄ kə́ rɔ̄kum. Ba ngɔlaā ḭ̄ ə̄nī ndūí yā kadə̄m̄ rɔ̄nel̄ ń toō. 29m̄-rāāī ɓɔ́, ī-rāā majə kə gír kojə yāḿ ādə̄ o̰o̰ ɓē ngándáńg ta kumií tə́. Kɔ́ɔ̄ɓē Nə́ɓā yāḿ, tītə̄ ń ə̄niń ndūí ní, ī-rāā majə kə gír kojə yāḿ ngándáńg.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.