2 SAMUEL 4
4
Baana nin̄ kə Rekab tɔ̄lə̄n̄ Isəboset
1Dan ń Isəboset ngōn̄ Saul oō kadə̄ Abner oy kɔ̄ɔ́ Hebron, anī tɔ́gən ur̄ wak ō, kem ngán Israel gə̄ malang ndi kə gōo to̰ aĺ ō. 2Isəboset ngōn̄ Saul aw̄ kə ngol ɓūtə̄ ngé rɔ̄ɔ̄ gə̄ jōó: Kógə̄ḿ rīn na i Baana, ba kə́rēý rīn na i Rekab. Nin̄ i ngán Rimon kə́ Beerot. Rimon i de kə́ gír ɓē yā Benjamḛ tə́. Tɔdɔ̄ tə́dan̄ ɓē kə́ Beerot i dan ɓē gə̄ yā Benjamḛ tə́. 3De kə́ Beerot gə̄ a̰ȳ aw̄ ndin̄ Gitaim. Nin̄ ndin̄ noō bátə́ ɓōólaā. 4Jonatan ngōn̄ Saul aw̄ kə ngōnən kə́ dəngam kógə̄ḿ kə́ njan lígə̄rī dām̄ jōó mbak. Rī ngōnən ní na i Mepiboset. Dan ń najə̄ yo Saul ḭḭ Jisreel reē ugə̄ ní, ɓāl̄ Mepiboset i mí. Kókətōn unən yā ka̰ȳ seneé, banī tebəle asən nák adə̄ ngōn̄ ní teē jīn tə́ əsō. I yá̰á̰ ń noō n nja ngōn̄ nujəń kɔ̄ɔ́ kə́ njɔ́ḿ gə̄ tə́ ní.
5Ngán Rimon kə́ Beerot ń i Rekab nin̄ kə Baana ní əsōn̄ róbó, aw̄ ugə̄n̄ ɓē Isəboset i kə kum mbang ń mbang a ɔsəń ngá̰ý ní tə́. Isəboset to nang tə́ a ɔr̄ koō. 6-7Nin̄ udən̄ kújú gōn tə́ tītə̄ kə́ aw̄n̄ i kə kōō gémēé beē, əngenən̄ kújə ɓīīn tə́, to nang tə́ kem tə̄rá. Nin̄ ɔsənən̄ kemən tə́ ɔsə tɔ̄l̄nən̄, ba gāngə̄n̄ dɔn aw̄n̄neé. Njə̄rān̄ ndɔ̄ɔ́ kə́ njɔ́ḿ gə̄ tə́ kə róbə́ kə́ gō nang kə́ Araba tə́. 8Aw̄n̄ kə dɔn ní adə̄n̄ mban̄g Dabid kem ɓē kə́ Hebron tə́ ba ədanən̄ na: Kɔ́ɔ̄ ɓē gə̄, dɔ Isəboset kə́ ngōn̄ madə̄ ba̰ā̰í Saul ń gḛy tɔ̄lī ní n toó. Ɓōólaā Kɔ́ɔ̄ɓē dal ba̰ā̰í dɔ Saul tə́ ō, dɔ gír kaan tə́ ō. 9Dabid tél əda ngán Rimon kə́ Beerot ń i Rekab nin̄ kə ngōkó̰o̰n Baana ni na: Tītə̄ ń Kɔ́ɔ̄ɓē nge kɔrə̄m̄ kum yá̰á̰ kə́ tōr̄ gə̄ tə́ malang ndiń kə kumneé noō, 10deē ń ədam̄ na Saul na oy ní gír̄ kadə̄ n-ədam̄ na i najə̄ kə́ majə, banī m-ə́hɔn m̄-tɔ̄lən kem ɓē kə́ Sikəlag tə́. M-ə̄ndā njan tām̄ najə̄ kə́ majə yān tə́ i tītə̄ ń noō. 11Anī ngé rāā majaĺ gə̄ kə́ tɔ̄lə̄n̄ de kə́ kanjə̄ najə̄ dɔn tə́, kə́ to kújú kem tə̄rá yān tə́ ní tá, kə m-ə̄ndā njadə́ kadə̄ tɔ̄ȳ nge ń noō aĺ a? Deē ń ī-tɔ̄lī ní mósən a əsō dɔsí tə́. M-ā m̄-rāā kadə̄ a ī-gətóoī kɔ̄ɔ́ dɔ nang tə́. 12Dabid mēr̄ balsáa gə̄ tɔ̄l̄də́, adə̄ balsáa gə̄ tɔ̄lə̄n̄ Rekab nin̄ kə Baana. Gō tə́ anī gángə̄n̄ jīdə́ gə̄ ō, njadə́ gə̄ ō, ba əgan̄də́ dɔɔ́ kadə dang kə́ Hebron tə́. Banī dɔ Isəboset tá un dubə̄n̄ Hebron kem bəlo ń dubə̄n̄ Abner tū tə́ ní tə́.
Currently Selected:
2 SAMUEL 4: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 SAMUEL 4
4
Baana nin̄ kə Rekab tɔ̄lə̄n̄ Isəboset
1Dan ń Isəboset ngōn̄ Saul oō kadə̄ Abner oy kɔ̄ɔ́ Hebron, anī tɔ́gən ur̄ wak ō, kem ngán Israel gə̄ malang ndi kə gōo to̰ aĺ ō. 2Isəboset ngōn̄ Saul aw̄ kə ngol ɓūtə̄ ngé rɔ̄ɔ̄ gə̄ jōó: Kógə̄ḿ rīn na i Baana, ba kə́rēý rīn na i Rekab. Nin̄ i ngán Rimon kə́ Beerot. Rimon i de kə́ gír ɓē yā Benjamḛ tə́. Tɔdɔ̄ tə́dan̄ ɓē kə́ Beerot i dan ɓē gə̄ yā Benjamḛ tə́. 3De kə́ Beerot gə̄ a̰ȳ aw̄ ndin̄ Gitaim. Nin̄ ndin̄ noō bátə́ ɓōólaā. 4Jonatan ngōn̄ Saul aw̄ kə ngōnən kə́ dəngam kógə̄ḿ kə́ njan lígə̄rī dām̄ jōó mbak. Rī ngōnən ní na i Mepiboset. Dan ń najə̄ yo Saul ḭḭ Jisreel reē ugə̄ ní, ɓāl̄ Mepiboset i mí. Kókətōn unən yā ka̰ȳ seneé, banī tebəle asən nák adə̄ ngōn̄ ní teē jīn tə́ əsō. I yá̰á̰ ń noō n nja ngōn̄ nujəń kɔ̄ɔ́ kə́ njɔ́ḿ gə̄ tə́ ní.
5Ngán Rimon kə́ Beerot ń i Rekab nin̄ kə Baana ní əsōn̄ róbó, aw̄ ugə̄n̄ ɓē Isəboset i kə kum mbang ń mbang a ɔsəń ngá̰ý ní tə́. Isəboset to nang tə́ a ɔr̄ koō. 6-7Nin̄ udən̄ kújú gōn tə́ tītə̄ kə́ aw̄n̄ i kə kōō gémēé beē, əngenən̄ kújə ɓīīn tə́, to nang tə́ kem tə̄rá. Nin̄ ɔsənən̄ kemən tə́ ɔsə tɔ̄l̄nən̄, ba gāngə̄n̄ dɔn aw̄n̄neé. Njə̄rān̄ ndɔ̄ɔ́ kə́ njɔ́ḿ gə̄ tə́ kə róbə́ kə́ gō nang kə́ Araba tə́. 8Aw̄n̄ kə dɔn ní adə̄n̄ mban̄g Dabid kem ɓē kə́ Hebron tə́ ba ədanən̄ na: Kɔ́ɔ̄ ɓē gə̄, dɔ Isəboset kə́ ngōn̄ madə̄ ba̰ā̰í Saul ń gḛy tɔ̄lī ní n toó. Ɓōólaā Kɔ́ɔ̄ɓē dal ba̰ā̰í dɔ Saul tə́ ō, dɔ gír kaan tə́ ō. 9Dabid tél əda ngán Rimon kə́ Beerot ń i Rekab nin̄ kə ngōkó̰o̰n Baana ni na: Tītə̄ ń Kɔ́ɔ̄ɓē nge kɔrə̄m̄ kum yá̰á̰ kə́ tōr̄ gə̄ tə́ malang ndiń kə kumneé noō, 10deē ń ədam̄ na Saul na oy ní gír̄ kadə̄ n-ədam̄ na i najə̄ kə́ majə, banī m-ə́hɔn m̄-tɔ̄lən kem ɓē kə́ Sikəlag tə́. M-ə̄ndā njan tām̄ najə̄ kə́ majə yān tə́ i tītə̄ ń noō. 11Anī ngé rāā majaĺ gə̄ kə́ tɔ̄lə̄n̄ de kə́ kanjə̄ najə̄ dɔn tə́, kə́ to kújú kem tə̄rá yān tə́ ní tá, kə m-ə̄ndā njadə́ kadə̄ tɔ̄ȳ nge ń noō aĺ a? Deē ń ī-tɔ̄lī ní mósən a əsō dɔsí tə́. M-ā m̄-rāā kadə̄ a ī-gətóoī kɔ̄ɔ́ dɔ nang tə́. 12Dabid mēr̄ balsáa gə̄ tɔ̄l̄də́, adə̄ balsáa gə̄ tɔ̄lə̄n̄ Rekab nin̄ kə Baana. Gō tə́ anī gángə̄n̄ jīdə́ gə̄ ō, njadə́ gə̄ ō, ba əgan̄də́ dɔɔ́ kadə dang kə́ Hebron tə́. Banī dɔ Isəboset tá un dubə̄n̄ Hebron kem bəlo ń dubə̄n̄ Abner tū tə́ ní tə́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.