2 SAMUEL 21
21
Gabaon gə̄ nin̄ kə de kə́ gír kojə yā Saul tə́ gə̄
1Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní. 2Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán Israel gə̄ alé. Nin̄ i gotə Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́#21.2 Kété ní … ndin̄ kə kumdə́: Á̰a̰ī Joj 9.3-27. Banī mósə Saul tə́ngān ngá̰ý najə̄ yā Israel gə̄ tə́ ō, Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang. 3Dabid dəje Gabaon gə̄ na ké i yá̰á̰ rí n kə n-rāā tām̄ yādə́ tə́ wa. Ké yá̰á̰ kə́ majaĺ ń rāādə́ ní ké n-a n-əgā kə̄rān i kə rí tá a tɔ́rə̄n̄neé tadə́ dɔ de gə̄ yā Kɔ́ɔ̄ɓē tə́ wa. 4Gabaon gə̄ tḛ́l ədan̄ Dabid na najə̄ ń to dɔ dáńdə́ tə́ kə Saulú ō, kə de gə̄ kə́ gír kojə Saul tə́ ō ní, deē na a əndā naā tə́ i kə gində̄ arjā̰a̰á̰ aĺ ō, kə lɔ́rɔ́ aĺ ō, kə yo de kə́rēý kə́ Israel tə́ aĺ ō. Anī Dabid tél ədadə́ na kə ədanən̄ yá̰á̰ ń kemdə́ gḛy ní na n-a n-rāā yā kadə̄də́. 5Loo ń noō tə́ Gabaon gə̄ ədan̄ mban̄g na: Deē ń sāā tɔ̄l̄jí kɔ̄ɔ́ malang ō, ni ɔjəń na jə-gətóo kɔ̄ɔ́ dɔ nang kə́ Israel tə́ ō ní, 6Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄#21.6,9 Yá̰á̰ kə́ tōr̄: A rāān̄də́ i yá̰á̰ kə́ kadə̄ ta rɔtədə́ gə̄ ḭḭ ta naā tə́. ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní. 7Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé. 8Mban̄g əhɔ ngán Risəpa kə́ ngōn̄ Aya ń ojədə́ kə Saulú ní adə̄ i Armoni ō, Mepiboset ō, əhɔ ngán Mikal kə́ ngōn̄ Saul ń ojədə́ kə Adriel ngōn̄ Barjilai kə́ Mehola ní mí ō, 9ba adə̄də́ kə Gabaon gēé ādə̄ rāān̄də́ yá̰á̰ kə́ tōr̄ dɔ mbal̄ tə́ ta kum Kɔ́ɔ̄ɓē tə́. Nin̄ oyn̄ naā tə́ sīrí mbak. Tɔ̄lə̄n̄də́ i dan ń a əlan̄ gír sāā kōō ɔrjə gə̄ ní.
10Risəpa kə́ ngōn̄ Aya ń i dəyá̰ gotə yo yā Saul ní un kūbə̄ yo, seĺ dɔ mbal̄ tə́, ba ndi loo ní tə́ dan yā kəla gír sāā kōō tə́ bátə́ adə̄ man̄ kə́ dɔɔ́ reē edəń dɔ nīń gə̄ ní tə́. Kadaá anī ni ɔgə̄ yel̄ gə̄ jə̄ngā dɔ nīń gə̄ ní tə́ ō, ndɔ̄ɔ́ anī ni ɔgə̄ dā̰ kə́ bembeé gə̄ reē rɔ̄ tə́ ō. 11Ədan̄ Dabid yá̰á̰ ń Risəpa kə́ ngōn̄ Aya rāā ní. 12Dabid aw̄ taā kə̄ngā Saul gə̄ ō, kə̄ngā Jonatan gə̄ ō, jī de kə́ kem ɓē kə́ Yabes kə́ Galaad tə́ gə̄ tə́. Tɔdɔ̄ i nin̄ n aw̄ ɓogən̄ nīń Saul nin̄ kə Jonatan ta ɓē kə́ Bet Sean tə́ ní. Tām̄ dan ń Pilistin gə̄ tetən̄ Saul rɔ̄ɔ̄ Gilboa ní do̰ō̰n̄ nīnə́n ō, nīń Jonatan ō i loo ní tə́. 13Dabid ɔy kə̄ngā Saul gə̄ ō, kə̄ngā Jonatan gə̄ ō, kɔ̄ɔ́ kem ɓē kə́ Yabes tə́ aw̄ń. Gō tə́ anī ɔyn̄ kə̄ngā de kə́ sīrí gə̄ ń tɔ̄lə̄n̄də́ ní, 14aw̄ ɓōkə́n̄ kem bəlo ɓádə yā Kis kə́ bɔbə̄ Saul tə́, naā tə́ kə kə̄ngā Saul gə̄ ō, kə̄ngā Jonatan gə̄ ō, kem ɓē kə́ Sela tə́ gō nang yā Benjamḛ tə́. Dan ń rāān̄ yá̰a̰ malang ń mban̄g ədadə́ kadə̄ rāān̄ ní oy anī, Nə́ɓā ɔjə kem majə yān kə́ tām̄ yā ɓē tə́ kə̄ ndágá.
Israel gə̄ rɔ̄ɔ̄n̄ Pilistin gə̄
(Á̰a̰ī 1 Yá̰a̰ 20.4-8)
15 Israel gə̄ nin̄ kə Pilistin gēé rɔ̄ɔ̄n̄ naā ɓáý to̰. Dabid nin̄ kə deē yān gēé aw̄ ənīn̄ Pilistin gə̄ rɔ̄ɔ̄. Kɔr rāā Dabid. 16Anī Isəbi Benob ń i de kə́ gír kaa yā Harapa tə́ ní gḛy tɔ̄lən. Yá̰a̰ rɔ̄ɔ̄ gə̄ yā Isəbi Benob i kə́ kijə ō, njár̄ nə̄ngā yān ń i gində̄ nə̄ngá kasə n oon̄neé ní kɔȳn tɔȳ kəlōo mətá ō. 17Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé#21.17 Ɓē ko̰o̰ udəń kɔ̄ɔ́ Israel tə́: Kumən na ré Dabid oy ɓáa, i ta mban̄g kə́ Israel tə́ n ɗogə́rō kōó noó..
18Gō tə́ anī Israel gə̄ rɔ̄ɔ̄n̄ naā kə Pilistin gēé ɓáý to̰ kem ɓē kə́ Gob tə́. Sap ń i de kə́ rang kə́ gír kaa yā Harapa tə́ ní, Sibəkai kə́ ngōn̄ Husa tɔ̄lən i ta rɔ̄ɔ̄ ngeé ń noō tə́.
19Israel gə̄ rɔ̄ɔ̄n̄ naā kə Pilistin gēé Gob ɓáý to̰. Elanan ngōn̄ Yaare Oregim kə́ Betlehem tɔ̄l̄ Goliat kə́ Gat i ta rɔ̄ɔ̄ ngeé ń noō tə́. Kāgə̄ nənga yā Goliat ní bon asə naā kə goy kəlā kə́ jī nge kəjō kūbə̄ tə́. 20Rɔ̄ kə́ rang əsō kem ɓē kə́ Gat tə́ ɓáý to̰. Go̰ rɔ̄ɔ̄ kógə̄ḿ i noó. Ta ngán jīn gə̄ i mehḛ́ mehḛ́ ō, ta ngán njan gə̄ i mehḛ́ mehḛ́ ō, adə̄ ta ngán jīn gē njan gē malang i kutə jōó gidə i sɔ́. Ni i de kə́ gír kaa yā Harapa tə́ ō. 21Go̰ rɔ̄ɔ̄ ní sāā ta Israel gə̄, ni tájə̄də́. Anī Yonatan ngōn̄ Simea kə́ ngōkó̰o̰ Dabid tɔ̄lən. 22Dabid nin̄ kə deē yān gēé tɔ̄lə̄n̄ Pilistin kə́ sɔ́ gə̄ ń nin̄ i de gə̄ kə́ gír kaa yā Harapa kə́ Gat tə́ ní.
Currently Selected:
2 SAMUEL 21: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 SAMUEL 21
21
Gabaon gə̄ nin̄ kə de kə́ gír kojə yā Saul tə́ gə̄
1Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní. 2Loo ń noō tə́ mban̄g ɓāŕ Gabaon gə̄ ba ɔr̄ najə̄ sedə́. Gabaon gə̄ i ngán Israel gə̄ alé. Nin̄ i gotə Amor gə̄ ń teēn̄ ta yo tə́ ní. Kété ní ngán Israel gə̄ ənīn̄ ndūdə́ adə̄n̄də́, ədan̄ na n-a n-əyan̄də́ kadə̄ ndin̄ kə kumdə́#21.2 Kété ní … ndin̄ kə kumdə́: Á̰a̰ī Joj 9.3-27. Banī mósə Saul tə́ngān ngá̰ý najə̄ yā Israel gə̄ tə́ ō, Juda gə̄ tə́ ō, adə̄ ni sāā tɔ̄l̄ Gabaon gə̄ kɔ̄ɔ́ malang. 3Dabid dəje Gabaon gə̄ na ké i yá̰á̰ rí n kə n-rāā tām̄ yādə́ tə́ wa. Ké yá̰á̰ kə́ majaĺ ń rāādə́ ní ké n-a n-əgā kə̄rān i kə rí tá a tɔ́rə̄n̄neé tadə́ dɔ de gə̄ yā Kɔ́ɔ̄ɓē tə́ wa. 4Gabaon gə̄ tḛ́l ədan̄ Dabid na najə̄ ń to dɔ dáńdə́ tə́ kə Saulú ō, kə de gə̄ kə́ gír kojə Saul tə́ ō ní, deē na a əndā naā tə́ i kə gində̄ arjā̰a̰á̰ aĺ ō, kə lɔ́rɔ́ aĺ ō, kə yo de kə́rēý kə́ Israel tə́ aĺ ō. Anī Dabid tél ədadə́ na kə ədanən̄ yá̰á̰ ń kemdə́ gḛy ní na n-a n-rāā yā kadə̄də́. 5Loo ń noō tə́ Gabaon gə̄ ədan̄ mban̄g na: Deē ń sāā tɔ̄l̄jí kɔ̄ɔ́ malang ō, ni ɔjəń na jə-gətóo kɔ̄ɔ́ dɔ nang kə́ Israel tə́ ō ní, 6Ādə̄ adə̄n̄jí de kə́ gír kaan tə́ gə̄ sīrí ādə̄ jə-rāādə́ yá̰á̰ kə́ tōr̄#21.6,9 Yá̰á̰ kə́ tōr̄: A rāān̄də́ i yá̰á̰ kə́ kadə̄ ta rɔtədə́ gə̄ ḭḭ ta naā tə́. ta kum Kɔ́ɔ̄ɓē tə́ kem ɓē kə́ Gibea yā Saul tə́, Saul ń i de kə́ Kɔ́ɔ̄ɓē gə̄rān ní. Mban̄g əda na n-ā n-adə̄də́ kə de gə̄ ní. 7Banī mban̄g əya̰ Mepiboset ngōn̄ Jonatan kə́ ngōn̄ Saul adə̄ ndi kə kumneé sɔɔ̄ń madə̄ naā ń to dɔ dáńdə́ tə́ ní. Tɔdɔ̄ kété ní Dabid nin̄ kə Jonatan kə́ ngōn̄ Saul əhɔn̄ madə̄ naā kə rī Kɔ́ɔ̄ɓēé. 8Mban̄g əhɔ ngán Risəpa kə́ ngōn̄ Aya ń ojədə́ kə Saulú ní adə̄ i Armoni ō, Mepiboset ō, əhɔ ngán Mikal kə́ ngōn̄ Saul ń ojədə́ kə Adriel ngōn̄ Barjilai kə́ Mehola ní mí ō, 9ba adə̄də́ kə Gabaon gēé ādə̄ rāān̄də́ yá̰á̰ kə́ tōr̄ dɔ mbal̄ tə́ ta kum Kɔ́ɔ̄ɓē tə́. Nin̄ oyn̄ naā tə́ sīrí mbak. Tɔ̄lə̄n̄də́ i dan ń a əlan̄ gír sāā kōō ɔrjə gə̄ ní.
10Risəpa kə́ ngōn̄ Aya ń i dəyá̰ gotə yo yā Saul ní un kūbə̄ yo, seĺ dɔ mbal̄ tə́, ba ndi loo ní tə́ dan yā kəla gír sāā kōō tə́ bátə́ adə̄ man̄ kə́ dɔɔ́ reē edəń dɔ nīń gə̄ ní tə́. Kadaá anī ni ɔgə̄ yel̄ gə̄ jə̄ngā dɔ nīń gə̄ ní tə́ ō, ndɔ̄ɔ́ anī ni ɔgə̄ dā̰ kə́ bembeé gə̄ reē rɔ̄ tə́ ō. 11Ədan̄ Dabid yá̰á̰ ń Risəpa kə́ ngōn̄ Aya rāā ní. 12Dabid aw̄ taā kə̄ngā Saul gə̄ ō, kə̄ngā Jonatan gə̄ ō, jī de kə́ kem ɓē kə́ Yabes kə́ Galaad tə́ gə̄ tə́. Tɔdɔ̄ i nin̄ n aw̄ ɓogən̄ nīń Saul nin̄ kə Jonatan ta ɓē kə́ Bet Sean tə́ ní. Tām̄ dan ń Pilistin gə̄ tetən̄ Saul rɔ̄ɔ̄ Gilboa ní do̰ō̰n̄ nīnə́n ō, nīń Jonatan ō i loo ní tə́. 13Dabid ɔy kə̄ngā Saul gə̄ ō, kə̄ngā Jonatan gə̄ ō, kɔ̄ɔ́ kem ɓē kə́ Yabes tə́ aw̄ń. Gō tə́ anī ɔyn̄ kə̄ngā de kə́ sīrí gə̄ ń tɔ̄lə̄n̄də́ ní, 14aw̄ ɓōkə́n̄ kem bəlo ɓádə yā Kis kə́ bɔbə̄ Saul tə́, naā tə́ kə kə̄ngā Saul gə̄ ō, kə̄ngā Jonatan gə̄ ō, kem ɓē kə́ Sela tə́ gō nang yā Benjamḛ tə́. Dan ń rāān̄ yá̰a̰ malang ń mban̄g ədadə́ kadə̄ rāān̄ ní oy anī, Nə́ɓā ɔjə kem majə yān kə́ tām̄ yā ɓē tə́ kə̄ ndágá.
Israel gə̄ rɔ̄ɔ̄n̄ Pilistin gə̄
(Á̰a̰ī 1 Yá̰a̰ 20.4-8)
15 Israel gə̄ nin̄ kə Pilistin gēé rɔ̄ɔ̄n̄ naā ɓáý to̰. Dabid nin̄ kə deē yān gēé aw̄ ənīn̄ Pilistin gə̄ rɔ̄ɔ̄. Kɔr rāā Dabid. 16Anī Isəbi Benob ń i de kə́ gír kaa yā Harapa tə́ ní gḛy tɔ̄lən. Yá̰a̰ rɔ̄ɔ̄ gə̄ yā Isəbi Benob i kə́ kijə ō, njár̄ nə̄ngā yān ń i gində̄ nə̄ngá kasə n oon̄neé ní kɔȳn tɔȳ kəlōo mətá ō. 17Banī Abisai ń rī kó̰o̰n na i Seruya ní dḭḭ̄ mban̄g, adə̄ ni tɔ̄l̄ Pilistin ní. Loo ń noō tə́ áskar gə̄ ənīn̄ ndūdə́ adə̄n̄ Dabid ədan̄ na n-aw̄n̄ sedə́ ta rɔ̄ɔ̄ tə́ to̰ alé, tá kadə̄ ɓē ko̰o̰ udəń kɔ̄ɔ́ Israel tə́ alé#21.17 Ɓē ko̰o̰ udəń kɔ̄ɔ́ Israel tə́: Kumən na ré Dabid oy ɓáa, i ta mban̄g kə́ Israel tə́ n ɗogə́rō kōó noó..
18Gō tə́ anī Israel gə̄ rɔ̄ɔ̄n̄ naā kə Pilistin gēé ɓáý to̰ kem ɓē kə́ Gob tə́. Sap ń i de kə́ rang kə́ gír kaa yā Harapa tə́ ní, Sibəkai kə́ ngōn̄ Husa tɔ̄lən i ta rɔ̄ɔ̄ ngeé ń noō tə́.
19Israel gə̄ rɔ̄ɔ̄n̄ naā kə Pilistin gēé Gob ɓáý to̰. Elanan ngōn̄ Yaare Oregim kə́ Betlehem tɔ̄l̄ Goliat kə́ Gat i ta rɔ̄ɔ̄ ngeé ń noō tə́. Kāgə̄ nənga yā Goliat ní bon asə naā kə goy kəlā kə́ jī nge kəjō kūbə̄ tə́. 20Rɔ̄ kə́ rang əsō kem ɓē kə́ Gat tə́ ɓáý to̰. Go̰ rɔ̄ɔ̄ kógə̄ḿ i noó. Ta ngán jīn gə̄ i mehḛ́ mehḛ́ ō, ta ngán njan gə̄ i mehḛ́ mehḛ́ ō, adə̄ ta ngán jīn gē njan gē malang i kutə jōó gidə i sɔ́. Ni i de kə́ gír kaa yā Harapa tə́ ō. 21Go̰ rɔ̄ɔ̄ ní sāā ta Israel gə̄, ni tájə̄də́. Anī Yonatan ngōn̄ Simea kə́ ngōkó̰o̰ Dabid tɔ̄lən. 22Dabid nin̄ kə deē yān gēé tɔ̄lə̄n̄ Pilistin kə́ sɔ́ gə̄ ń nin̄ i de gə̄ kə́ gír kaa yā Harapa kə́ Gat tə́ ní.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.