2 SAMUEL 16
16
Dabid nin̄ kə Siba
1Dabid risə dɔ mbal̄ tə́ sḛ́ý kum kə̄ gidə kə́rēý tə́ anī ənge Siba kə́ nge kəla yā Mepiboset ń reē tə́nī tan tə́ kə kərō gə̄ jōó kə́ yá̰a̰ kətō i gidədə́ tə́ ní: Mápa i ɓú jōó ō, bəra nduú kə́ tutə gə̄ i ɓú kógə̄ḿ ō, kan̄ kāgə̄ kə́ mbɔ̄l̄ gə̄ i ɓú kógə̄ḿ ō, sɔl kasə nduú i kógə̄ḿ ō. 2Mban̄g dəjen na ké ndigə i rāā rí kə yá̰a̰ gə̄ ń noō wa. Anī Siba tél əda mban̄g na kərō gə̄ i tām̄ yā kadə̄ kojə gə̄ yā mban̄g gə̄ alə̄n̄ dɔ tə́ ō, mápa gə̄ kə kan̄ kāgə̄ gə̄ i kadə̄ ngé rɔ̄ɔ̄ gə̄ yā mban̄g əsan̄ ō, kasə nduú i tām̄ yā ngé gə̄ ń kɔr a rāādə́ kem dəla loo tə́ ní ō. 3Mban̄g dəje Siba ɓáý to̰ na ké ngōn̄ kaa kɔ́ɔ̄n ké i rá wa. Anī Siba tél ədan na: Ndi gogə́ Jerusalem, tɔdɔ̄ ni ɔjəń na ngán Israel gə̄ a télen̄ kə ko̰o̰ ɓē yā kaneé yā kadə̄n ɓōólaā. 4Mban̄g əda Siba na: Majə, yá̰a̰ malang ń i yā Mepiboset ní m-ādī. Anī Siba ɔsə non nang tə́ ba əda na: Kɔ́ɔ̄ ɓē gə̄, m̄-rāāī kə́ra tām̄ kem majə kə́ ī-rāā seḿ tə́.
Simei ndɔ̄ĺ Dabid
5Dan ń mban̄g Dabid ugə̄ ngɔr kə̄ Bahurim#16.5 Bahurim, i ɓē yā de gə̄ kə́ gír kaa yā Benjamḛ tə́. anī deē kógə̄ḿ teē kemeé kə ndɔ̄lɔ́ tan tə́. Ni a ndɔ̄ĺ i Dabid. Deē ní i de kə́ gír kojə yā Saul tə́, rīn na i Simei. Ni i ngōn̄ Gera. 6Kósə de gə̄ kə́ ngé rɔ̄ɔ̄ gə̄ a njə̄rān̄ dɔ jī ko̰ Dabid tə́ ō, dɔ jī gelən tə́ ō, ɓá tā ba Dabid nin̄ kə ngé kəla yān gēé ní ni a tə́nīdə́ i mbée kə mbalá. 7Kum najə̄ gə̄ ń a ndɔ̄ĺəń Dabid ní n toó: Mbóo deē, nge ɓōkə́ mósə de gə̄ nang tə́, āw̄ kɔ̄ɔ́, āw̄ kɔ̄ɔ́! 8Ḭ̄ ó̰o̰ ɓē gotə Saul tə́ ba Kɔ́ɔ̄ɓē rāā adə̄ mósə Saul ō, mósə kojə yān gə̄ malang ō, əsō dɔí tə́. Kɔ́ɔ̄ɓē adə̄ ngōnīí Absalom ko̰o̰ ɓē. Yá̰á̰ kə́ to kum kaȳ aĺ əsō dɔí tə́ tɔdɔ̄ ḭ̄ i nge ɓōkə́ mósə de gə̄ nang tə́. 9Abisai ngōn̄ Seruya əda mban̄g na: Bísə́ kə́ nger əsan ń toō a ndɔ̄ĺ mban̄g yāḿ beé i tām̄ rí tə́? Ādə̄m̄ ta róbə ādə̄ m-āw̄ m-ə́ja dɔn m̄-gān̄g. 10Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní? 11Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄. 12Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.
13Dabid nin̄ kə deē yān gēé aw̄n̄ kə̄ nodə́ tə́. Simei njə̄rā kə gō kadədə́ kadə mbal̄ tə́ ba a ndɔ̄lə́nń Dabid ō, a tə́nīnneé kə mbalá ō, a ɔyń bumbə́ru kə̄ dɔɔ́ kə̄ dɔɔ́ ō. 14Mban̄g nin̄ kə de kə́ gōn tə́ gə̄ malang ugə̄n̄ kadə ba Jurdḛ tə́ anī kɔr asədə́ nák, adə̄ ɔrə̄n̄ koō loo ń noō tə́.
Husai aw̄ gō Absalom tə́
15Absalom udə kem ɓē kə́ Jerusalem tə́ kə ɓūtə̄ de kə́ dəngam gə̄ malang kə́ Israel tə́. Ahitopel i seneé ō. 16Husai kə́ Arki ń i madə̄ Dabid ní ugə̄ ngɔr rɔ̄ Absalom tə́ anī əga kɔŕ əda na: Ādə̄ kɔ́ɔ̄ ɓē gə̄ ndi ngándáńg! Ādə̄ kɔ́ɔ̄ ɓē gə̄ ndi ngándáńg#16.16 Kɔ́ɔ̄ ɓē gə̄: Husai tɔ̄ȳ i mban̄g ō, nelə̄n i kə mbangāá ō.! 17Absalom dəje Husai na ké i hál kə́ gōtə́ kə́ yā kadə̄ deē rāā kə madə̄neé n noó wa. Ké aw̄ kə madə̄neé aĺ i tām̄ rí tə́ wa. 18Husai tél əda Absalom na: m̄-ɔ́də alé, tɔdɔ̄ i deē ń Kɔ́ɔ̄ɓē ō, ngán Israel gə̄ malang ō, gə̄rānən̄ kadə̄ i ni n i mban̄g ní n mā i deē yān ní. Adə̄ m-ā m̄-ndi i seí ḭ̄ḭ́. 19Tá yá̰á̰ kə́rēý to̰ ní, i náā n kə m̄-rāā kəla kə m-ādə̄n ní? I ngōnən n majə kadə̄ m̄-rāā kəla m-ādə̄n ní aĺ a? I ḭ̄ n m-ā m̄-rāā kəla yāí tītə̄ ń m̄-rāań kəla yā bɔbí kété ní.
Absalom nin̄ kə nə̄yá̰ Dabid gə̄
20Absalom əda Ahitopel na: Ōōī naā dɔ yá̰á̰ ń kadə̄ jə-rāāī tə́ ní. 21Ahitopel əda Absalom na: Āw̄ ī-ɓīī kə də̄yá̰ gidə ndogə̄ yā bɔbí gə̄ ń əya̰də́ kadə̄ a̰a̰n̄ gō kem kújə́ ní. Tītə̄ ń noō ɓáa ngán Israel gə̄ malang a gerə̄n̄ kadə̄ ḭ̄ ī-rāā i yá̰á̰ kə́ nel bɔbí aĺ ngá̰ý, adə̄ bɔbí asə tə́gā tan dɔí tə́ to̰ aĺ ō, de kə́ gōí tə́ gə̄ malang a əngen̄ tɔ́gə ō. 22Adə̄ rāān̄ kújə tandā dɔ kújə́ dúŕ dur yā mban̄g tə́ dɔɔ́ adə̄ Absalom sāań də̄yá̰ gidə ndogə̄ yā bɔbə̄n gə̄ ta kum ngán Israel gə̄ tə́ malang. 23Dan ń noō tə́ ní de gə̄ a oōn̄ kɔjə̄ yā Ahitopel i tītə̄ loo koō najə̄ kə́ teē ta Nə́ɓā tə́ beē. Dabid ō, Absalom ō, a oōn̄ kɔjə̄ yān gə̄ malang ń a adə̄ ní i tītə̄ ń noō ō.
Currently Selected:
2 SAMUEL 16: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 SAMUEL 16
16
Dabid nin̄ kə Siba
1Dabid risə dɔ mbal̄ tə́ sḛ́ý kum kə̄ gidə kə́rēý tə́ anī ənge Siba kə́ nge kəla yā Mepiboset ń reē tə́nī tan tə́ kə kərō gə̄ jōó kə́ yá̰a̰ kətō i gidədə́ tə́ ní: Mápa i ɓú jōó ō, bəra nduú kə́ tutə gə̄ i ɓú kógə̄ḿ ō, kan̄ kāgə̄ kə́ mbɔ̄l̄ gə̄ i ɓú kógə̄ḿ ō, sɔl kasə nduú i kógə̄ḿ ō. 2Mban̄g dəjen na ké ndigə i rāā rí kə yá̰a̰ gə̄ ń noō wa. Anī Siba tél əda mban̄g na kərō gə̄ i tām̄ yā kadə̄ kojə gə̄ yā mban̄g gə̄ alə̄n̄ dɔ tə́ ō, mápa gə̄ kə kan̄ kāgə̄ gə̄ i kadə̄ ngé rɔ̄ɔ̄ gə̄ yā mban̄g əsan̄ ō, kasə nduú i tām̄ yā ngé gə̄ ń kɔr a rāādə́ kem dəla loo tə́ ní ō. 3Mban̄g dəje Siba ɓáý to̰ na ké ngōn̄ kaa kɔ́ɔ̄n ké i rá wa. Anī Siba tél ədan na: Ndi gogə́ Jerusalem, tɔdɔ̄ ni ɔjəń na ngán Israel gə̄ a télen̄ kə ko̰o̰ ɓē yā kaneé yā kadə̄n ɓōólaā. 4Mban̄g əda Siba na: Majə, yá̰a̰ malang ń i yā Mepiboset ní m-ādī. Anī Siba ɔsə non nang tə́ ba əda na: Kɔ́ɔ̄ ɓē gə̄, m̄-rāāī kə́ra tām̄ kem majə kə́ ī-rāā seḿ tə́.
Simei ndɔ̄ĺ Dabid
5Dan ń mban̄g Dabid ugə̄ ngɔr kə̄ Bahurim#16.5 Bahurim, i ɓē yā de gə̄ kə́ gír kaa yā Benjamḛ tə́. anī deē kógə̄ḿ teē kemeé kə ndɔ̄lɔ́ tan tə́. Ni a ndɔ̄ĺ i Dabid. Deē ní i de kə́ gír kojə yā Saul tə́, rīn na i Simei. Ni i ngōn̄ Gera. 6Kósə de gə̄ kə́ ngé rɔ̄ɔ̄ gə̄ a njə̄rān̄ dɔ jī ko̰ Dabid tə́ ō, dɔ jī gelən tə́ ō, ɓá tā ba Dabid nin̄ kə ngé kəla yān gēé ní ni a tə́nīdə́ i mbée kə mbalá. 7Kum najə̄ gə̄ ń a ndɔ̄ĺəń Dabid ní n toó: Mbóo deē, nge ɓōkə́ mósə de gə̄ nang tə́, āw̄ kɔ̄ɔ́, āw̄ kɔ̄ɔ́! 8Ḭ̄ ó̰o̰ ɓē gotə Saul tə́ ba Kɔ́ɔ̄ɓē rāā adə̄ mósə Saul ō, mósə kojə yān gə̄ malang ō, əsō dɔí tə́. Kɔ́ɔ̄ɓē adə̄ ngōnīí Absalom ko̰o̰ ɓē. Yá̰á̰ kə́ to kum kaȳ aĺ əsō dɔí tə́ tɔdɔ̄ ḭ̄ i nge ɓōkə́ mósə de gə̄ nang tə́. 9Abisai ngōn̄ Seruya əda mban̄g na: Bísə́ kə́ nger əsan ń toō a ndɔ̄ĺ mban̄g yāḿ beé i tām̄ rí tə́? Ādə̄m̄ ta róbə ādə̄ m-āw̄ m-ə́ja dɔn m̄-gān̄g. 10Mban̄g tél əda Abisai na: Sḭḭ̄ ngán Seruya, ā ə́laī tasí danaá i tām̄ rí tə́? Ré Kɔ́ɔ̄ɓē ədan na kə reē kə ndɔ̄ĺ Dabid anī, i náā n asə dəjen gír ní? 11Dabid əda Abisai ō, ngé kəla yān gə̄ malang ō na: Ngōn̄ kemḿ mə̄kɔ́ ba sāā tɔ̄lə̄m̄ anī, i ngōn̄ Benjamḛ ń toō tá a. Ə́ya̰n̄! Ré i Kɔ́ɔ̄ɓē n ədan anī ādə̄ ndɔ̄lə́m̄. 12Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.
13Dabid nin̄ kə deē yān gēé aw̄n̄ kə̄ nodə́ tə́. Simei njə̄rā kə gō kadədə́ kadə mbal̄ tə́ ba a ndɔ̄lə́nń Dabid ō, a tə́nīnneé kə mbalá ō, a ɔyń bumbə́ru kə̄ dɔɔ́ kə̄ dɔɔ́ ō. 14Mban̄g nin̄ kə de kə́ gōn tə́ gə̄ malang ugə̄n̄ kadə ba Jurdḛ tə́ anī kɔr asədə́ nák, adə̄ ɔrə̄n̄ koō loo ń noō tə́.
Husai aw̄ gō Absalom tə́
15Absalom udə kem ɓē kə́ Jerusalem tə́ kə ɓūtə̄ de kə́ dəngam gə̄ malang kə́ Israel tə́. Ahitopel i seneé ō. 16Husai kə́ Arki ń i madə̄ Dabid ní ugə̄ ngɔr rɔ̄ Absalom tə́ anī əga kɔŕ əda na: Ādə̄ kɔ́ɔ̄ ɓē gə̄ ndi ngándáńg! Ādə̄ kɔ́ɔ̄ ɓē gə̄ ndi ngándáńg#16.16 Kɔ́ɔ̄ ɓē gə̄: Husai tɔ̄ȳ i mban̄g ō, nelə̄n i kə mbangāá ō.! 17Absalom dəje Husai na ké i hál kə́ gōtə́ kə́ yā kadə̄ deē rāā kə madə̄neé n noó wa. Ké aw̄ kə madə̄neé aĺ i tām̄ rí tə́ wa. 18Husai tél əda Absalom na: m̄-ɔ́də alé, tɔdɔ̄ i deē ń Kɔ́ɔ̄ɓē ō, ngán Israel gə̄ malang ō, gə̄rānən̄ kadə̄ i ni n i mban̄g ní n mā i deē yān ní. Adə̄ m-ā m̄-ndi i seí ḭ̄ḭ́. 19Tá yá̰á̰ kə́rēý to̰ ní, i náā n kə m̄-rāā kəla kə m-ādə̄n ní? I ngōnən n majə kadə̄ m̄-rāā kəla m-ādə̄n ní aĺ a? I ḭ̄ n m-ā m̄-rāā kəla yāí tītə̄ ń m̄-rāań kəla yā bɔbí kété ní.
Absalom nin̄ kə nə̄yá̰ Dabid gə̄
20Absalom əda Ahitopel na: Ōōī naā dɔ yá̰á̰ ń kadə̄ jə-rāāī tə́ ní. 21Ahitopel əda Absalom na: Āw̄ ī-ɓīī kə də̄yá̰ gidə ndogə̄ yā bɔbí gə̄ ń əya̰də́ kadə̄ a̰a̰n̄ gō kem kújə́ ní. Tītə̄ ń noō ɓáa ngán Israel gə̄ malang a gerə̄n̄ kadə̄ ḭ̄ ī-rāā i yá̰á̰ kə́ nel bɔbí aĺ ngá̰ý, adə̄ bɔbí asə tə́gā tan dɔí tə́ to̰ aĺ ō, de kə́ gōí tə́ gə̄ malang a əngen̄ tɔ́gə ō. 22Adə̄ rāān̄ kújə tandā dɔ kújə́ dúŕ dur yā mban̄g tə́ dɔɔ́ adə̄ Absalom sāań də̄yá̰ gidə ndogə̄ yā bɔbə̄n gə̄ ta kum ngán Israel gə̄ tə́ malang. 23Dan ń noō tə́ ní de gə̄ a oōn̄ kɔjə̄ yā Ahitopel i tītə̄ loo koō najə̄ kə́ teē ta Nə́ɓā tə́ beē. Dabid ō, Absalom ō, a oōn̄ kɔjə̄ yān gə̄ malang ń a adə̄ ní i tītə̄ ń noō ō.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.