2 SAMUEL 12
12
Natan əda Dabid najə̄ ndéy yā Nə́ɓā
1Kɔ́ɔ̄ɓē əla Natan rɔ̄ Dabid tə́. Natan aw̄ rɔ̄ mban̄g tə́ ba ədan na: De gə̄ jōó ndin̄ kem ɓē kógə̄ḿ tə́. Kógə̄ḿ i de kə́ ənge yá̰á̰ ngá̰ý, ba kə́rēý i de kə́ nge ndoō. 2Nge kənge yá̰á̰ ngá̰ý ní batə̄ yān gə̄ i ngá̰ý ō, man̄g yān gə̄ i ngá̰ý ō. 3Ba nge ndoō ní ənge yá̰á̰ kə́ rang alé, yá̰a̰ kənge yān i ngōn̄ mandə batə̄ kə́ dūú ń ni mang ní ngóy. Ni-ul̄ ngōn̄ batə̄ ní adə̄ tɔgə naā tə́ kə ngánən gēé. Ngōn̄ batə̄ ní a əsa i yá̰á̰ ń ni a əsa ní ō, a a̰ȳ man̄ i kem kál yān tə́ ō, a to i kem jīn tə́ ō. Ni-rāān i ngōn̄ kemən kə́ dəyá̰ tə́. 4Ndɔ̄ kə́rēý tə́ anī de kə́ nge kənge yá̰á̰ ngá̰ý ní ənge mbā. Ni-mbātə́ kəhɔ yá̰a̰ kul̄ yān rāań mbā, ba əhɔ ngōn̄ batə̄ yā nge ndoō ní tá tɔ̄l̄ rāań mbā.
5Wōn̄g rāā Dabid ngá̰ý dɔ deē ní tə́ adə̄ ni-əda Natan na. Tītə̄ ń Kɔ́ɔ̄ɓē ndiń kə kumneé noō deē ń rāā yá̰á̰ kə́ tītə̄ ń noō ní majə kadə̄ ni-oy. 6Ni a adə̄ batə̄ gə̄ sɔ́ yā kəgāń kə̄rā ngōn̄ batə̄ ní tām̄ yá̰á̰ ń ni-rāā tītə̄ ń noō tə́ ní ō, tām̄ kumən ń o̰o̰n aĺ tə́ ní ō. 7Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō. 8M-ə́la de gə̄ kə́ kem ndogə̄ yā kɔ́ɔ̄í Saul tə́ gír tɔ́gə yāí tə́ ō, m-ādī nə̄yá̰n gə̄ ādə̄ ə́hɔ́də́ kem jīí tə́ ō. M-ādī de gə̄ kə́ Israel tə́ ō, de gə̄ kə́ Juda tə́ ō. Ba ré asiī aĺ ɓáý anī m-ā m-ādī yá̰á̰ kə́ rang gə̄ dɔ tə́ ɓáý. 9I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n. 10Adə̄ ngɔlaā ní kaskar a əya̰ gír kojə yāí to̰ aĺ i kə́ bátə́ gə̄ tə́, tɔdɔ̄ ḭ̄ ídə taí gíríḿ tə́ ō, ī-taā nə̄yá̰ Uri kə́ Het ō. 11Najə̄ ń Kɔ́ɔ̄ɓē əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔí tə́. Yá̰á̰ kə́ majaĺ ní a ḭḭ i dan de gə̄ kə́ gír kojə yāí īkɔ́ tə́. M-ā m̄-taā nə̄yá̰í gə̄ jīí tə́ yā kadə̄ ngeeí kə́rēý kə́ ngɔr ngá̰ý kadə̄ ɓīī sedə́ kadaá. 12Ḭ̄ ī-rāā yāí loo ɓɔ̄ɔ̄ rɔ̄ tə́, ba mā m-ā m̄-rāā yāḿ i dan kadaá njóý njóý ta kum ngán Israel gə̄ tə́ malang. 13Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé. 14Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy. 15Ba Natan tél dɔ tə́ aw̄ gogə́ ɓēé.
Ngōn̄ Batəseba oy
Kɔ́ɔ̄ɓē rāā adə̄ ngōn̄ ń Batəseba nə̄yá̰ nge yo Uri ojə adə̄ Dabid ní əsō mo̰y. 16Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō. 17Kum kɔɔ̄ gə̄ kə́ ɓēé looneé ran̄ seneé ngá̰ý kadə̄ ḭḭ dɔɔ́ banī ni ɔdə aĺ ō, əsa yá̰a̰ sedə́ aĺ ō. 18Kə ndɔ̄ kə́ nge ko̰ sīrí anī, ngōn̄ ní oy. Ngé kəla yā Dabid gə̄ ɓōlə́n̄ kəda Dabid najə̄ yon, tɔdɔ̄ ədan̄ naā dɔ dáńdə́ tə́ na: Dan ń ngōn̄ i kə kumneé ɓáý ní, j-ədan najə̄ anī ɔdə koō najə̄ yājí alé. Ba ń ngōn̄ oy toó ní, loo kədan na ngōn̄ na oy i ba̰ý? Ré j-ədaneē anī a ḭḭ yā rāā yá̰á̰ kə́ to kum kaȳ aĺ! 19Dan ń Dabid a̰ā̰ kadə̄ ngé kəla yān gə̄ a kɔdə̄n̄ naā najə̄ dɔ dáńdə́ tə́ anī, ger̄ kadə̄ ngōn̄ ní oy. Ni-dəje ngé kəla yān gə̄ na ké ngōn̄ ní ké oy wa? Anī nin̄ tél ədanən̄ na ngōn̄ ní na oy. 20Loo ń noō tə́ Dabid ɔsə nang ḭḭ dɔɔ́, ndogə̄ man̄ ō, rāā ítər dɔn tə́ ō, tə́la kūbə̄ kə́ rang gə̄ rɔ̄n tə́ ō. Gō tə́ anī udə kem kújə yā Kɔ́ɔ̄ɓē tə́ ba ɔsə non nang tə́ rɔȳń Kɔ́ɔ̄ɓē. Dan ń tél aw̄ ɓēé anī dəje yá̰a̰ kəsa, adə̄ reēn̄neé adə̄ əsa. 21Ngé kəla yān gə̄ ədanən̄ na: I rí kə́ beé n ā i rāā toó? Dan ń ngōn̄ i kə kumneé anī ī-*ndi ɓō tām̄ yā Nə́ɓā tə́ najə̄ yān tə́ ō, ī-nōō tām̄ yān tə́ ō. Ba ré ngōn̄ oy anī ɔ́sə nang ḭ́ḭ dɔɔ́ ba ə́sá yá̰a̰! 22Dabid əda na: Dan ń ngōn̄ i kə kumneé ɓáý ní, m̄-*ndi ɓō tām̄ yā Nə́ɓā tə́ ō, m̄-nōō ō tɔdɔ̄ m-gír̄ kemḿ tə́ m-ə́da na majanī Kɔ́ɔ̄ɓē a a̰a̰ kum tō ndoō yāḿ yā kadə̄ ngōn̄ a ajə. 23Ba dan ń ni-oy kɔ̄ɔ́ ɓá ní, kə m̄-*ndi ɓō tām̄ yā Nə́ɓā tə́ i tām̄ rí tə́? M-ásə rāā kadə̄ ni-tél reē gogə́ ɓáý a? I mā n m-ā m-āw̄ gōn tə́, banī ni a tél yā reē rɔ̄ḿ tə́ to̰ alé.
24Gō tə́ anī Dabid sɔl̄ kem nə̄yá̰n Batəseba. Ni-aw̄ rɔ̄n tə́, ɓīī seneé. Batəseba ojə ngōn̄ kə́ dəngam, anī Dabid əndā rīn na i Salomo̰. Kɔ́ɔ̄ɓē tár ngōn̄ ní 25adə̄ əla əda Dabid najə̄n. Deē ń Kɔ́ɔ̄ɓē əlan ní i nge koō ta yān Natan. Ni-əndā rī ngōn̄ ní na i Yedidia tām̄ tár yā Kɔ́ɔ̄ɓē ní tə́. Kum Yedidia ní na i Kɔ́ɔ̄ɓē tárən.
Dabid taā ɓē kə́ Raba
(Á̰a̰ī 1 Yá̰a̰ 20.1-3)
26Joab rɔ̄ɔ̄ ɓē kə́ Raba ń i ɓē yā ngán Amon gə̄ ní. Ni taā ɓē yā mban̄g, 27ba əla kəla əda Dabid na: m̄-rɔ̄ɔ̄ ɓē kə́ Raba. m̄-taā núsən ń man̄ i tū tə́ ní kɔ̄ɔ́, 28ba ɔ́y gotə de gə̄ ń nayn̄ ní, ī-reē ī-gīrəń gidə ɓē, ba ī-tetən rɔ̄ɔ̄, na sōgə́ ré i mā n m̄-tetə ɓē ní rɔ̄ɔ̄ anī, i rīḿ mā n a ɓār̄ dɔ tə́ ní. 29Dabid ɔy gotə ngán Israel gə̄ malang ń nayn̄ ní aw̄ rɔ̄ɔń ɓē kə́ Raba ba tetən. 30Ni-ɔr̄ jākā mbang yā mban̄g yādə́ dɔn tə́ kɔ̄ɔ́, kɔȳ jākā ní tɔȳ kəlōo kutə mətá. Mbal̄ gə̄ kə́ gātə̄də́ i ngá̰ý gə̄ i tū tə́. Ɔrə̄n̄ əndān̄ dɔ Dabid tə́. Yá̰a̰ kənge gə̄ ń Dabid ɔy kem ɓēé aw̄ń ní i ngá̰ý.
31Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.
Currently Selected:
2 SAMUEL 12: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 SAMUEL 12
12
Natan əda Dabid najə̄ ndéy yā Nə́ɓā
1Kɔ́ɔ̄ɓē əla Natan rɔ̄ Dabid tə́. Natan aw̄ rɔ̄ mban̄g tə́ ba ədan na: De gə̄ jōó ndin̄ kem ɓē kógə̄ḿ tə́. Kógə̄ḿ i de kə́ ənge yá̰á̰ ngá̰ý, ba kə́rēý i de kə́ nge ndoō. 2Nge kənge yá̰á̰ ngá̰ý ní batə̄ yān gə̄ i ngá̰ý ō, man̄g yān gə̄ i ngá̰ý ō. 3Ba nge ndoō ní ənge yá̰á̰ kə́ rang alé, yá̰a̰ kənge yān i ngōn̄ mandə batə̄ kə́ dūú ń ni mang ní ngóy. Ni-ul̄ ngōn̄ batə̄ ní adə̄ tɔgə naā tə́ kə ngánən gēé. Ngōn̄ batə̄ ní a əsa i yá̰á̰ ń ni a əsa ní ō, a a̰ȳ man̄ i kem kál yān tə́ ō, a to i kem jīn tə́ ō. Ni-rāān i ngōn̄ kemən kə́ dəyá̰ tə́. 4Ndɔ̄ kə́rēý tə́ anī de kə́ nge kənge yá̰á̰ ngá̰ý ní ənge mbā. Ni-mbātə́ kəhɔ yá̰a̰ kul̄ yān rāań mbā, ba əhɔ ngōn̄ batə̄ yā nge ndoō ní tá tɔ̄l̄ rāań mbā.
5Wōn̄g rāā Dabid ngá̰ý dɔ deē ní tə́ adə̄ ni-əda Natan na. Tītə̄ ń Kɔ́ɔ̄ɓē ndiń kə kumneé noō deē ń rāā yá̰á̰ kə́ tītə̄ ń noō ní majə kadə̄ ni-oy. 6Ni a adə̄ batə̄ gə̄ sɔ́ yā kəgāń kə̄rā ngōn̄ batə̄ ní tām̄ yá̰á̰ ń ni-rāā tītə̄ ń noō tə́ ní ō, tām̄ kumən ń o̰o̰n aĺ tə́ ní ō. 7Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō. 8M-ə́la de gə̄ kə́ kem ndogə̄ yā kɔ́ɔ̄í Saul tə́ gír tɔ́gə yāí tə́ ō, m-ādī nə̄yá̰n gə̄ ādə̄ ə́hɔ́də́ kem jīí tə́ ō. M-ādī de gə̄ kə́ Israel tə́ ō, de gə̄ kə́ Juda tə́ ō. Ba ré asiī aĺ ɓáý anī m-ā m-ādī yá̰á̰ kə́ rang gə̄ dɔ tə́ ɓáý. 9I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n. 10Adə̄ ngɔlaā ní kaskar a əya̰ gír kojə yāí to̰ aĺ i kə́ bátə́ gə̄ tə́, tɔdɔ̄ ḭ̄ ídə taí gíríḿ tə́ ō, ī-taā nə̄yá̰ Uri kə́ Het ō. 11Najə̄ ń Kɔ́ɔ̄ɓē əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔí tə́. Yá̰á̰ kə́ majaĺ ní a ḭḭ i dan de gə̄ kə́ gír kojə yāí īkɔ́ tə́. M-ā m̄-taā nə̄yá̰í gə̄ jīí tə́ yā kadə̄ ngeeí kə́rēý kə́ ngɔr ngá̰ý kadə̄ ɓīī sedə́ kadaá. 12Ḭ̄ ī-rāā yāí loo ɓɔ̄ɔ̄ rɔ̄ tə́, ba mā m-ā m̄-rāā yāḿ i dan kadaá njóý njóý ta kum ngán Israel gə̄ tə́ malang. 13Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé. 14Ba yá̰á̰ ń ī-rāā ní adə̄ madə̄ ba̰ā̰ Kɔ́ɔ̄ɓē gə̄ ta róbə́ kídə̄n. Adə̄ ngōn̄ ń ójə́ ní a oy. 15Ba Natan tél dɔ tə́ aw̄ gogə́ ɓēé.
Ngōn̄ Batəseba oy
Kɔ́ɔ̄ɓē rāā adə̄ ngōn̄ ń Batəseba nə̄yá̰ nge yo Uri ojə adə̄ Dabid ní əsō mo̰y. 16Dabid rāā Nə́ɓā ɓɔ́ tām̄ yā ngōn̄ ní tə́. Ni-*ndi ɓō tām̄ yā Nə́ɓā tə́ ō, ré a aw̄ kə̄ kətoó nang tə́ ndɔ̄ɔ́ anī, a to i dɔ dā nang tə́ ō. 17Kum kɔɔ̄ gə̄ kə́ ɓēé looneé ran̄ seneé ngá̰ý kadə̄ ḭḭ dɔɔ́ banī ni ɔdə aĺ ō, əsa yá̰a̰ sedə́ aĺ ō. 18Kə ndɔ̄ kə́ nge ko̰ sīrí anī, ngōn̄ ní oy. Ngé kəla yā Dabid gə̄ ɓōlə́n̄ kəda Dabid najə̄ yon, tɔdɔ̄ ədan̄ naā dɔ dáńdə́ tə́ na: Dan ń ngōn̄ i kə kumneé ɓáý ní, j-ədan najə̄ anī ɔdə koō najə̄ yājí alé. Ba ń ngōn̄ oy toó ní, loo kədan na ngōn̄ na oy i ba̰ý? Ré j-ədaneē anī a ḭḭ yā rāā yá̰á̰ kə́ to kum kaȳ aĺ! 19Dan ń Dabid a̰ā̰ kadə̄ ngé kəla yān gə̄ a kɔdə̄n̄ naā najə̄ dɔ dáńdə́ tə́ anī, ger̄ kadə̄ ngōn̄ ní oy. Ni-dəje ngé kəla yān gə̄ na ké ngōn̄ ní ké oy wa? Anī nin̄ tél ədanən̄ na ngōn̄ ní na oy. 20Loo ń noō tə́ Dabid ɔsə nang ḭḭ dɔɔ́, ndogə̄ man̄ ō, rāā ítər dɔn tə́ ō, tə́la kūbə̄ kə́ rang gə̄ rɔ̄n tə́ ō. Gō tə́ anī udə kem kújə yā Kɔ́ɔ̄ɓē tə́ ba ɔsə non nang tə́ rɔȳń Kɔ́ɔ̄ɓē. Dan ń tél aw̄ ɓēé anī dəje yá̰a̰ kəsa, adə̄ reēn̄neé adə̄ əsa. 21Ngé kəla yān gə̄ ədanən̄ na: I rí kə́ beé n ā i rāā toó? Dan ń ngōn̄ i kə kumneé anī ī-*ndi ɓō tām̄ yā Nə́ɓā tə́ najə̄ yān tə́ ō, ī-nōō tām̄ yān tə́ ō. Ba ré ngōn̄ oy anī ɔ́sə nang ḭ́ḭ dɔɔ́ ba ə́sá yá̰a̰! 22Dabid əda na: Dan ń ngōn̄ i kə kumneé ɓáý ní, m̄-*ndi ɓō tām̄ yā Nə́ɓā tə́ ō, m̄-nōō ō tɔdɔ̄ m-gír̄ kemḿ tə́ m-ə́da na majanī Kɔ́ɔ̄ɓē a a̰a̰ kum tō ndoō yāḿ yā kadə̄ ngōn̄ a ajə. 23Ba dan ń ni-oy kɔ̄ɔ́ ɓá ní, kə m̄-*ndi ɓō tām̄ yā Nə́ɓā tə́ i tām̄ rí tə́? M-ásə rāā kadə̄ ni-tél reē gogə́ ɓáý a? I mā n m-ā m-āw̄ gōn tə́, banī ni a tél yā reē rɔ̄ḿ tə́ to̰ alé.
24Gō tə́ anī Dabid sɔl̄ kem nə̄yá̰n Batəseba. Ni-aw̄ rɔ̄n tə́, ɓīī seneé. Batəseba ojə ngōn̄ kə́ dəngam, anī Dabid əndā rīn na i Salomo̰. Kɔ́ɔ̄ɓē tár ngōn̄ ní 25adə̄ əla əda Dabid najə̄n. Deē ń Kɔ́ɔ̄ɓē əlan ní i nge koō ta yān Natan. Ni-əndā rī ngōn̄ ní na i Yedidia tām̄ tár yā Kɔ́ɔ̄ɓē ní tə́. Kum Yedidia ní na i Kɔ́ɔ̄ɓē tárən.
Dabid taā ɓē kə́ Raba
(Á̰a̰ī 1 Yá̰a̰ 20.1-3)
26Joab rɔ̄ɔ̄ ɓē kə́ Raba ń i ɓē yā ngán Amon gə̄ ní. Ni taā ɓē yā mban̄g, 27ba əla kəla əda Dabid na: m̄-rɔ̄ɔ̄ ɓē kə́ Raba. m̄-taā núsən ń man̄ i tū tə́ ní kɔ̄ɔ́, 28ba ɔ́y gotə de gə̄ ń nayn̄ ní, ī-reē ī-gīrəń gidə ɓē, ba ī-tetən rɔ̄ɔ̄, na sōgə́ ré i mā n m̄-tetə ɓē ní rɔ̄ɔ̄ anī, i rīḿ mā n a ɓār̄ dɔ tə́ ní. 29Dabid ɔy gotə ngán Israel gə̄ malang ń nayn̄ ní aw̄ rɔ̄ɔń ɓē kə́ Raba ba tetən. 30Ni-ɔr̄ jākā mbang yā mban̄g yādə́ dɔn tə́ kɔ̄ɔ́, kɔȳ jākā ní tɔȳ kəlōo kutə mətá. Mbal̄ gə̄ kə́ gātə̄də́ i ngá̰ý gə̄ i tū tə́. Ɔrə̄n̄ əndān̄ dɔ Dabid tə́. Yá̰a̰ kənge gə̄ ń Dabid ɔy kem ɓēé aw̄ń ní i ngá̰ý.
31Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.