2 YÁ̰A̰ GƏ̄ 23
23
Əndān̄ Joas mban̄g
(Á̰a̰ī 2 Mba 11.4-20)
1Kem ɓāl̄ kə́ nge ko̰ sīrí tə́ anī, Yoyada nge tun̄ yá̰a̰ rāā kem kógə̄ḿ kə ngol áskar kə́ ɓú gēé. Adə̄ i kə Ajaria ngōn̄ Yeroam ō, Ismael ngōn̄ Yohanan ō, Ajaria ngōn̄ Obed ō, Maseya ngōn̄ Adaya ō, Elisapat ngōn̄ Jikəri ō. 2Nin̄ unən̄ gō ɓē gə̄ kə́ Juda ba ɓārə́n̄ ngán Lebi gə̄ kə́ kem ɓē gə̄ kə́ Juda tə́ malang ō, ngār gə̄ kə́ dɔ gír kaa gə̄ yā ngán Israel gə̄ tə́ ō, ba reēn̄ sedə́ Jerusalem. 3Ngé kán̄ naā gə̄ malang rāān̄ kem kógə̄ḿ kə mbangāá kem kújə yā Nə́ɓā tə́ Yoyada ədadə́ na: Ngōn̄ mban̄g n toó. I gáŕ kadə̄ ni-o̰o̰ ɓē kə gō najə̄ ń Kɔ́ɔ̄ɓē əda tām̄ yā ngán Dabid gə̄ tə́ ní. 4Yá̰á̰ ń kadə̄ ī-rāāī ní n toó: Dan ń ngé tun̄ yá̰a̰ gə̄ ō, ngán Lebi gə̄ ō, a rāān̄ kəla yādə́ kə́ ndɔ̄ sabat tə́ anī, gír ɓūtə̄ kə́ ta kəga dɔ a ngɔ̄m̄ ta róbə gə̄ kə́ yā kudəń kə̄ kem kújə yā Kɔ́ɔ̄ɓē tə́ ō, 5ɓūtə̄ kə́ nge ko̰ jōó a ngɔ̄m̄ kújə yā mban̄g ō, ɓūtə̄ kə́ nge ko̰ mətá a ngɔ̄m̄ ta róbə́ ń a ɓārə̄n̄ na i ta róbə ngəra kújə́ ní ō. Ngán Israel gə̄ malang a ran̄ ndágə loo kə́ gīr̄ gidə kújə yā Kɔ́ɔ̄ɓē gə̄ kə́ ta kújə yā Kɔ́ɔ̄ɓē tə́. 6Ādə̄ de kə́ rang udə kem kújə yā Kɔ́ɔ̄ɓē tə́ alé, ba ādə̄ i ngé tun̄ yá̰a̰ gə̄ ō, ngán Lebi gə̄ ō ń nin̄ i ngé rāā kəla gə̄ ní tá ngóy. Nin̄ asən̄ kudə tām̄ ɔrə̄n̄ kam̄də́ tayā. Ba de gə̄ malang a télən̄ ngé ngɔ̄m̄ loo gə̄ yā Kɔ́ɔ̄ɓē. 7Gotə ngán Lebi kə́ rang gə̄ a ran̄ kə yá̰a̰ rɔ̄ɔ̄ gēé jīdə́ tə́. Nin̄ a gīrə̄n̄ gidə mban̄g ō, a dānə̄nən̄ loo ń a aw̄ kə̄ tū tə́ ní ō. Deē ń a sāā kudə kem kújə yā Kɔ́ɔ̄ɓē tə́ ní a tɔ̄lə̄n̄ kɔ́ɔ̄ kɔ̄ɔ́! 8Ngán Lebi gə̄ ō, Juda gə̄ malang ō, rāān̄ yá̰a̰ malang ń Yoyada nge tun̄ yá̰a̰ ədadə́ kadə̄ rāān̄ ní. Nin̄ kógə̄ḿ kógə̄ḿ ɔyn̄ deē yādə́ gə̄, ngé kun kəla ndɔ̄ sabat tə́ gə̄ ō, ngé kɔtə kəla ndɔ̄ sabat tə́ gə̄ ō, tɔdɔ̄ Yoyada əya̰ ɓūtə̄ kə́rēý adə̄ aw̄ ɓēé alé. 9Yoyada adə̄ ngol ngé rɔ̄ɔ̄ kə́ ɓú gə̄ nənga gə̄ ō, der kə́ tayā tayā gə̄ yā mban̄g Dabid ń ɓōkə́n̄ kem kújə yā Nə́ɓā tə́ ní ō. 10Ni tə́ndā de gə̄ malang kə yá̰a̰ rɔ̄ɔ̄ yādə́ gēé jīdə́ tə́ kíl bɔr kújə yā Kɔ́ɔ̄ɓē tə́ no loo tun̄ yá̰á̰ tə́, ran̄ dɔ rɔ̄də́ tə́ yā gīr̄ gidə mban̄g. 11Loo ń noō tə́ teēn̄ kə ngōn̄ mbangāá ndágá, adə̄nən̄ yá̰á̰ súū rɔ̄ kə́ ɔjə kadə̄ ni i mban̄g ō, makətūbə̄ ndū najə̄ gə̄ ō. Gō tə́ anī Yoyada nin̄ kə ngánən gēé urən̄ yibə̄ dɔn tə́ əndānə̄nəń mban̄g, ba unən̄ ndūdə́ kə̄ dɔɔ́ ədan̄neé kə tɔ́gə́də́ na: Ādə̄ mban̄g ndi kə kumneé!
12Dan ń Atali oō ká̰a̰ de gə̄ ń a a̰ȳn̄ ngɔ̄də̄ a reēn̄ ō, a urən̄ kɔĺ rɔ̄nel̄ tām̄ yā mban̄g tə́ ō ní anī, aw̄ gōdə́ tə́ kem kújə yā Kɔ́ɔ̄ɓē tə́. 13Dan ń a̰a̰ mban̄g ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ta róbə́ kújə́ tə́ ō, ngār gə̄ kə ngé kɔ̄ŕ bərúnjə gə̄ i rɔ̄ mban̄g tə́ ngɔr ō, rɔ̄ de kə́ kem ɓēé gə̄ malang nel̄də́ ō, a kɔ̄rə́n̄ bərúnjə ō, gōsə̄ gə̄ a əndan̄ yá̰á̰ kə́ ɓār̄ gōsə̄ yādə́ gə̄ ō, a ɔrən̄ no ngé kur kɔĺ rɔ̄nel̄ gə̄ kə yá̰á̰ kə́ ɓār̄ gōsōó gə̄ ō anī rə́yā̰ kūbə̄ kə́ rɔ̄n tə́ gə̄ ba un ndūn kə̄ dɔɔ́ ədan̄ kə tɔ́gəneé na: Ənīmə̄n̄ kɔ̄ɔ́! Ənīmə̄n̄ kɔ̄ɔ́! 14Yoyada ndigə kadə̄ tɔ̄l̄nən̄ kem kújə yā Kɔ́ɔ̄ɓē tə́ alé, adə̄ ɓāŕ ngol ngé ngɔ̄m̄ loo gə̄ ba ədadə́ na: Ī-teēī seneé kɔ̄ɔ́ dan de gə̄ tə́! Deē ń a aw̄ gōn tə́ ní kɔ́ɔ̄ a oy yo kaskar! 15Nin̄ əhɔn̄ Atali aw̄n̄ seneé ta kaw̄ kə̄ kújə yā mban̄g tə́. Dan ń ugə̄ ta róbə yā sə́nda gə̄ tə́ anī tɔ̄l̄nən̄ loo ń noō tə́. 16Yoyada ənī míndən ō, adə̄ de gə̄ ənīn̄ míndə́də́ ō, adə̄ mban̄g ənī míndən ō, kadə̄ nin̄ i gír de gə̄ yā Kɔ́ɔ̄ɓē. 17Gō tə́ anī kósə de gə̄ malang aw̄ tɔ̄ɔ̄n̄ kújə yā ɓesə̄ Baal ō, tɔ̄ɔ̄n̄ loo tun̄ yá̰a̰ yān gə̄ ō, tétə̄n̄ yá̰á̰ kə́ tɔ́sə ba kudə kum gotən gə̄ ō, tɔ̄lə̄n̄ Matan nge tun̄ yá̰a̰ yā ɓesə̄ Baal ta loo tun̄ yá̰a̰ gə̄ tə́ ō. 18Gō tə́ anī Yoyada adə̄ ngé tun̄ yá̰á̰ kə́ ngán Lebi gə̄ kəla ngɔ̄m̄ kújə yā Kɔ́ɔ̄ɓē. Kété ní Dabid əndādə́ i kə gō ɓūtə̄ yādə́ gēé kadə̄ ndējə̄n̄ yá̰a̰ tun̄ kə́ róō horoó kə taá malang gə̄ kem kújə yā Kɔ́ɔ̄ɓē tə́ kə gō ń ndangən̄neé kem ndū najə̄ yā Moijə tə́ ní. Ni ədadə́ kadə̄ rāān̄ kəla ní i kə rɔ̄nelēé ō, kə pā gēé tadə́ tə́ ō. 19Yoyada əndā ngé ngɔ̄m̄ loo gə̄ ta róbə́ kújə gə̄ yā Kɔ́ɔ̄ɓē tə́ kadə̄ ɔgə̄n̄ de kə́ majaĺ tákə̄də́ gə̄ kudə kem kújə yā Kɔ́ɔ̄ɓē tə́ ō. 20Yoyada ɔy ngol ngé rɔ̄ɔ̄ kə́ ɓú gə̄ ō, de kə́ bo gə̄ ō, ngé kɔr no de gə̄ ō, de kə́ gō nang kə́ Juda tə́ malang ō, ba teē kə mbangāá kɔ̄ɔ́ kem kújə yā Kɔ́ɔ̄ɓē tə́. Nin̄ udən̄ seneé kem kújə yā mban̄g tə́ kə ta róbə́ kə́ dɔɔ́ ba əndānən̄ dɔ kōr̄ kāgə̄ mbang tə́. 21Rɔ̄ de kə́ gō nang kə́ Juda tə́ gə̄ malang nel̄də́ ba de kə́ Jerusalem gə̄ ndin̄ loo yādə́ jəke. Tɔ̄lə̄n̄ Atali i kə kaskaraá.
Currently Selected:
2 YÁ̰A̰ GƏ̄ 23: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 YÁ̰A̰ GƏ̄ 23
23
Əndān̄ Joas mban̄g
(Á̰a̰ī 2 Mba 11.4-20)
1Kem ɓāl̄ kə́ nge ko̰ sīrí tə́ anī, Yoyada nge tun̄ yá̰a̰ rāā kem kógə̄ḿ kə ngol áskar kə́ ɓú gēé. Adə̄ i kə Ajaria ngōn̄ Yeroam ō, Ismael ngōn̄ Yohanan ō, Ajaria ngōn̄ Obed ō, Maseya ngōn̄ Adaya ō, Elisapat ngōn̄ Jikəri ō. 2Nin̄ unən̄ gō ɓē gə̄ kə́ Juda ba ɓārə́n̄ ngán Lebi gə̄ kə́ kem ɓē gə̄ kə́ Juda tə́ malang ō, ngār gə̄ kə́ dɔ gír kaa gə̄ yā ngán Israel gə̄ tə́ ō, ba reēn̄ sedə́ Jerusalem. 3Ngé kán̄ naā gə̄ malang rāān̄ kem kógə̄ḿ kə mbangāá kem kújə yā Nə́ɓā tə́ Yoyada ədadə́ na: Ngōn̄ mban̄g n toó. I gáŕ kadə̄ ni-o̰o̰ ɓē kə gō najə̄ ń Kɔ́ɔ̄ɓē əda tām̄ yā ngán Dabid gə̄ tə́ ní. 4Yá̰á̰ ń kadə̄ ī-rāāī ní n toó: Dan ń ngé tun̄ yá̰a̰ gə̄ ō, ngán Lebi gə̄ ō, a rāān̄ kəla yādə́ kə́ ndɔ̄ sabat tə́ anī, gír ɓūtə̄ kə́ ta kəga dɔ a ngɔ̄m̄ ta róbə gə̄ kə́ yā kudəń kə̄ kem kújə yā Kɔ́ɔ̄ɓē tə́ ō, 5ɓūtə̄ kə́ nge ko̰ jōó a ngɔ̄m̄ kújə yā mban̄g ō, ɓūtə̄ kə́ nge ko̰ mətá a ngɔ̄m̄ ta róbə́ ń a ɓārə̄n̄ na i ta róbə ngəra kújə́ ní ō. Ngán Israel gə̄ malang a ran̄ ndágə loo kə́ gīr̄ gidə kújə yā Kɔ́ɔ̄ɓē gə̄ kə́ ta kújə yā Kɔ́ɔ̄ɓē tə́. 6Ādə̄ de kə́ rang udə kem kújə yā Kɔ́ɔ̄ɓē tə́ alé, ba ādə̄ i ngé tun̄ yá̰a̰ gə̄ ō, ngán Lebi gə̄ ō ń nin̄ i ngé rāā kəla gə̄ ní tá ngóy. Nin̄ asən̄ kudə tām̄ ɔrə̄n̄ kam̄də́ tayā. Ba de gə̄ malang a télən̄ ngé ngɔ̄m̄ loo gə̄ yā Kɔ́ɔ̄ɓē. 7Gotə ngán Lebi kə́ rang gə̄ a ran̄ kə yá̰a̰ rɔ̄ɔ̄ gēé jīdə́ tə́. Nin̄ a gīrə̄n̄ gidə mban̄g ō, a dānə̄nən̄ loo ń a aw̄ kə̄ tū tə́ ní ō. Deē ń a sāā kudə kem kújə yā Kɔ́ɔ̄ɓē tə́ ní a tɔ̄lə̄n̄ kɔ́ɔ̄ kɔ̄ɔ́! 8Ngán Lebi gə̄ ō, Juda gə̄ malang ō, rāān̄ yá̰a̰ malang ń Yoyada nge tun̄ yá̰a̰ ədadə́ kadə̄ rāān̄ ní. Nin̄ kógə̄ḿ kógə̄ḿ ɔyn̄ deē yādə́ gə̄, ngé kun kəla ndɔ̄ sabat tə́ gə̄ ō, ngé kɔtə kəla ndɔ̄ sabat tə́ gə̄ ō, tɔdɔ̄ Yoyada əya̰ ɓūtə̄ kə́rēý adə̄ aw̄ ɓēé alé. 9Yoyada adə̄ ngol ngé rɔ̄ɔ̄ kə́ ɓú gə̄ nənga gə̄ ō, der kə́ tayā tayā gə̄ yā mban̄g Dabid ń ɓōkə́n̄ kem kújə yā Nə́ɓā tə́ ní ō. 10Ni tə́ndā de gə̄ malang kə yá̰a̰ rɔ̄ɔ̄ yādə́ gēé jīdə́ tə́ kíl bɔr kújə yā Kɔ́ɔ̄ɓē tə́ no loo tun̄ yá̰á̰ tə́, ran̄ dɔ rɔ̄də́ tə́ yā gīr̄ gidə mban̄g. 11Loo ń noō tə́ teēn̄ kə ngōn̄ mbangāá ndágá, adə̄nən̄ yá̰á̰ súū rɔ̄ kə́ ɔjə kadə̄ ni i mban̄g ō, makətūbə̄ ndū najə̄ gə̄ ō. Gō tə́ anī Yoyada nin̄ kə ngánən gēé urən̄ yibə̄ dɔn tə́ əndānə̄nəń mban̄g, ba unən̄ ndūdə́ kə̄ dɔɔ́ ədan̄neé kə tɔ́gə́də́ na: Ādə̄ mban̄g ndi kə kumneé!
12Dan ń Atali oō ká̰a̰ de gə̄ ń a a̰ȳn̄ ngɔ̄də̄ a reēn̄ ō, a urən̄ kɔĺ rɔ̄nel̄ tām̄ yā mban̄g tə́ ō ní anī, aw̄ gōdə́ tə́ kem kújə yā Kɔ́ɔ̄ɓē tə́. 13Dan ń a̰a̰ mban̄g ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ta róbə́ kújə́ tə́ ō, ngār gə̄ kə ngé kɔ̄ŕ bərúnjə gə̄ i rɔ̄ mban̄g tə́ ngɔr ō, rɔ̄ de kə́ kem ɓēé gə̄ malang nel̄də́ ō, a kɔ̄rə́n̄ bərúnjə ō, gōsə̄ gə̄ a əndan̄ yá̰á̰ kə́ ɓār̄ gōsə̄ yādə́ gə̄ ō, a ɔrən̄ no ngé kur kɔĺ rɔ̄nel̄ gə̄ kə yá̰á̰ kə́ ɓār̄ gōsōó gə̄ ō anī rə́yā̰ kūbə̄ kə́ rɔ̄n tə́ gə̄ ba un ndūn kə̄ dɔɔ́ ədan̄ kə tɔ́gəneé na: Ənīmə̄n̄ kɔ̄ɔ́! Ənīmə̄n̄ kɔ̄ɔ́! 14Yoyada ndigə kadə̄ tɔ̄l̄nən̄ kem kújə yā Kɔ́ɔ̄ɓē tə́ alé, adə̄ ɓāŕ ngol ngé ngɔ̄m̄ loo gə̄ ba ədadə́ na: Ī-teēī seneé kɔ̄ɔ́ dan de gə̄ tə́! Deē ń a aw̄ gōn tə́ ní kɔ́ɔ̄ a oy yo kaskar! 15Nin̄ əhɔn̄ Atali aw̄n̄ seneé ta kaw̄ kə̄ kújə yā mban̄g tə́. Dan ń ugə̄ ta róbə yā sə́nda gə̄ tə́ anī tɔ̄l̄nən̄ loo ń noō tə́. 16Yoyada ənī míndən ō, adə̄ de gə̄ ənīn̄ míndə́də́ ō, adə̄ mban̄g ənī míndən ō, kadə̄ nin̄ i gír de gə̄ yā Kɔ́ɔ̄ɓē. 17Gō tə́ anī kósə de gə̄ malang aw̄ tɔ̄ɔ̄n̄ kújə yā ɓesə̄ Baal ō, tɔ̄ɔ̄n̄ loo tun̄ yá̰a̰ yān gə̄ ō, tétə̄n̄ yá̰á̰ kə́ tɔ́sə ba kudə kum gotən gə̄ ō, tɔ̄lə̄n̄ Matan nge tun̄ yá̰a̰ yā ɓesə̄ Baal ta loo tun̄ yá̰a̰ gə̄ tə́ ō. 18Gō tə́ anī Yoyada adə̄ ngé tun̄ yá̰á̰ kə́ ngán Lebi gə̄ kəla ngɔ̄m̄ kújə yā Kɔ́ɔ̄ɓē. Kété ní Dabid əndādə́ i kə gō ɓūtə̄ yādə́ gēé kadə̄ ndējə̄n̄ yá̰a̰ tun̄ kə́ róō horoó kə taá malang gə̄ kem kújə yā Kɔ́ɔ̄ɓē tə́ kə gō ń ndangən̄neé kem ndū najə̄ yā Moijə tə́ ní. Ni ədadə́ kadə̄ rāān̄ kəla ní i kə rɔ̄nelēé ō, kə pā gēé tadə́ tə́ ō. 19Yoyada əndā ngé ngɔ̄m̄ loo gə̄ ta róbə́ kújə gə̄ yā Kɔ́ɔ̄ɓē tə́ kadə̄ ɔgə̄n̄ de kə́ majaĺ tákə̄də́ gə̄ kudə kem kújə yā Kɔ́ɔ̄ɓē tə́ ō. 20Yoyada ɔy ngol ngé rɔ̄ɔ̄ kə́ ɓú gə̄ ō, de kə́ bo gə̄ ō, ngé kɔr no de gə̄ ō, de kə́ gō nang kə́ Juda tə́ malang ō, ba teē kə mbangāá kɔ̄ɔ́ kem kújə yā Kɔ́ɔ̄ɓē tə́. Nin̄ udən̄ seneé kem kújə yā mban̄g tə́ kə ta róbə́ kə́ dɔɔ́ ba əndānən̄ dɔ kōr̄ kāgə̄ mbang tə́. 21Rɔ̄ de kə́ gō nang kə́ Juda tə́ gə̄ malang nel̄də́ ba de kə́ Jerusalem gə̄ ndin̄ loo yādə́ jəke. Tɔ̄lə̄n̄ Atali i kə kaskaraá.
Bibəl ta Sar̄ © L'Alliance Biblique du Tchad, 2006, 2010.