2 YÁ̰A̰ GƏ̄ 21
21
1Josapat oy aw̄ gō kaan gə̄ tə́. Dubə̄nən̄ i loo ń dubə̄n̄ kaan gə̄ tū tə́ kem ɓē yā Dabid tə́ ní. I ngōnən Joram n o̰o̰ ɓē gotən tə́ ní.
Joram o̰o̰ ɓē
(Á̰a̰ī 2 Mba 8.16-24)
2Ngákó̰o̰ Joram kə́ ngán Josapat mban̄g kə́ Israel tə́ gə̄ i ngá̰ý. Rīdə́ n toó: Ajaria, Yehiel, Jakari, Ajariahu, Mikael, Sepatia. 3Bɔbə̄də́ Josapat adə̄də́ kadə̄ karī gə̄ ngá̰ý. I yá̰a̰ gə̄ kə́ rāān̄də́ kə gində̄ arjā̰a̰á̰ ō, kə lɔ́rɔ́ ō, kə yá̰a̰ gə̄ kə́ gātə̄də́ i ngá̰ý gə̄ ō, adə̄də́ ɓē kə́ ngan̄g gə̄ kə́ Juda tə́ adə̄ ndin̄ dɔ tə́ ō. Banī i Joram n ni gə̄rān kadə̄ o̰o̰ ɓē gotən tə́ ní, tɔdɔ̄ ni i ngōn̄ hágən. 4Adə̄ Joram o̰o̰ ɓē gotə bɔbə̄n tə́ ō, mbūsə̄ gír ko̰o̰ ɓē yān adə̄ ngan̄g ō. Gō tə́ anī tɔ̄l̄ ngákó̰o̰n gə̄ malang kɔ̄ɔ́ ō, tɔ̄l̄ ngār kə́rēý gə̄ kə́ Israel tə́ kɔ̄ɔ́ ō kə kaskaraá.
5Dan ń Joram ndi mban̄g ní ɓālə̄n i kutə mətá gidə i jōó. Ni o̰o̰ ɓē ɓāl̄ sɔ́sɔ́ kem ɓē kə́ Jerusalem tə́. 6Ni ndájə̄ háĺ kə́ majaĺ gə̄ yā mban̄g gə̄ kə́ Israel tə́ tītə̄ ń de kə́ kem kújə yā Akab tə́ gə̄ rāān̄neé ní, tɔdɔ̄ nə̄yá̰n i ngōn̄ Akab. Ni rāā yá̰á̰ kə́ nel̄ Kɔ́ɔ̄ɓē alé. 7Banī Kɔ́ɔ̄ɓē ndigə nujə de kə́ gír kojə yā Dabid tə́ gə̄ kɔ̄ɔ́ alé, sɔɔ̄ń madə̄ naā ń ni əhɔ kə Dabidí ní ō, kəda ń ni əda na n-a n-adə̄ Dabid nin̄ kə ngánən gēé hor lámbá kə́ a to ngándáńg ō ní. 8I ɓāl̄ ko̰o̰ ɓē yā Joram tə́ n Edom gə̄ mbātə́n̄neé kadə̄ Juda gə̄ ndin̄ dɔdə́ tə́ ba əndān̄neé mban̄g yādə́ dɔdə́ tə́ ní. 9Joram ɔy ngol áskar yān gə̄ ō, púsə rɔ̄ɔ̄ yān gə̄ malang ō, ba aw̄ rɔ̄ɔ̄ tə́. Ni ḭḭ dɔɔ́ ndɔ̄ɔ́ tə̄ndā Edom gə̄ ń gīrə̄n̄ gidən ní ō, ngol ngé kal̄ púsə rɔ̄ɔ̄ gə̄ ō, tə̄ndā tḭ̄ḭ̄də́. 10Ɓá tā banī bátə́ ɓōólaā gə̄gē ní Edom gə̄ mbātə́n̄ kadə̄ Juda gə̄ o̰o̰n̄ ɓē dɔdə́ tə́. Dan ngeé ń noō tə́ ní ɓē kə́ Libəna mbātə́ kadə̄ Juda gə̄ ndin̄ dɔdə́ tə́ ō, tām̄ Joram əya̰ Kɔ́ɔ̄ɓē yā kaan gə̄ kɔ̄ɔ́. 11Ni rāā loo ndɔ̄ȳ gə̄ dɔ mbal̄ gə̄ kə́ Juda tə́ sə̄lań de kə́ Jerusalem gə̄ ō, kə́ Juda tə́ gə̄ ō, kadə̄ rāān̄ ájə́ba rāā ɓesə̄ ō, háĺ kə́ gōtə́ aĺ ō. 12Joram ənge makətūbə̄ kógə̄ḿ kə́ Eli nge koō ta ndang əlań adə̄n. Najə̄ kə́ kem makətūbə̄ ní tə́ n toó: Najə̄ ń Kɔ́ɔ̄ɓē Nə́ɓā yā kaaí Dabid əda ní n toó: Ḭ̄ ī-ndájə̄ hál bɔbí Josapat aĺ ō, hál kaaí Asa mban̄g kə́ Juda tə́ aĺ ō, 13ba ī-ndájə̄ i hál mban̄g gə̄ kə́ Israel tə́. Ḭ̄ ī-sə̄lā de kə́ Jerusalem gə̄ ō, de kə́ Juda gə̄ ō, adə̄ tūrə̄n̄ rɔ̄də́ kə̄ rɔ̄ nə́ɓā kə́ rɔ̄kum aĺ gə̄ tə́ tītə̄ yā de kə́ kem kújə yā Akab tə́ gə̄. Ngákó̰ó̰í gə̄ ń majən̄ tɔȳnī ní gə̄gē ḭ̄ ī-tɔ̄l̄də́ kɔ̄ɔ́. 14I tām̄ najə̄ ń noō tə́ n Kɔ́ɔ̄ɓē a ənda gír deē yāí gə̄ ō, ngání gə̄ ō, nə̄yá̰í gə̄ ō, yá̰a̰ kənge yāí gə̄ malang ō ndéý kə́ ngá̰ý ní. 15Īkɔ́ tā a mo̰y kə́ ngan̄g kə́ tayā tayā gə̄ a rāānī. Ba dan mo̰y gə̄ ngeé ń toō tə́ ní nge kə́ kógə̄ḿ a aw̄ i kum kə̄ kété kété kə dɔ ndɔ̄ gə̄ bátə́ kadə̄ tií gə̄ teēn̄neé ndágá.
16Loo ń noō tə́ Kɔ́ɔ̄ɓē sə̄lā Pilistin gə̄ ō, Arabə gə̄ ń ndin̄ kadə Kusi gə̄ tə́ ní ō, kadə̄ rɔ̄ɔ̄n̄ Joram. 17Nin̄ reē ənīn̄ ɓē kə́ Juda rɔ̄ɔ̄ ba udən̄ kemeé. Ɔyn̄ yá̰a̰ kənge gə̄ kə́ kem kújə yā mban̄g tə́ malang ō, əhɔn̄ ngánən gə̄ ō, nə̄yá̰n gə̄ ō, aw̄n̄ sedə́ ɓəloó. I ngōnən kə́ dūú ń rīn na i Ahajia ní ngóy n na̰y ní. 18Gō yá̰a̰ gə̄ ń noō tə́ malang ɓáa Kɔ́ɔ̄ɓē ənda Joram ɓáý to̰ kə mo̰y kə́ a əya̰ deē alé tiīn tə́. 19Ndɔ̄ gə̄ mānə̄n̄. Ba dan ń ɓāl̄ kə́ nge ko̰ jōó rāā yā təgā anī, mo̰y ní rāā adə̄ tiīn gə̄ teēn̄ ndágá, adə̄ ni-oy kə rɔ̄ tōr̄ kə́ to ɓōĺ ngá̰ý. Gír deē yān gə̄ rāān̄ hor kə́ bo rɔȳnən̄neé tītə̄ ń rāān̄ tām̄ yā kaan gə̄ tə́ ní alé. 20Dan ń Joram ndi mban̄g ní ɓālə̄n i kutə mətá gidə i jōó. Ni o̰o̰ ɓē ɓāl̄ sɔ́sɔ́ kem ɓē kə́ Jerusalem tə́. Dan ń oy ní deē nōō ndoōn alé. Dubə̄nən̄ i kem ɓē yā Dabid tə́, banī i kem bəlo ɓádá yā mban̄g gə̄ tə́ alé.
Currently Selected:
2 YÁ̰A̰ GƏ̄ 21: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 YÁ̰A̰ GƏ̄ 21
21
1Josapat oy aw̄ gō kaan gə̄ tə́. Dubə̄nən̄ i loo ń dubə̄n̄ kaan gə̄ tū tə́ kem ɓē yā Dabid tə́ ní. I ngōnən Joram n o̰o̰ ɓē gotən tə́ ní.
Joram o̰o̰ ɓē
(Á̰a̰ī 2 Mba 8.16-24)
2Ngákó̰o̰ Joram kə́ ngán Josapat mban̄g kə́ Israel tə́ gə̄ i ngá̰ý. Rīdə́ n toó: Ajaria, Yehiel, Jakari, Ajariahu, Mikael, Sepatia. 3Bɔbə̄də́ Josapat adə̄də́ kadə̄ karī gə̄ ngá̰ý. I yá̰a̰ gə̄ kə́ rāān̄də́ kə gində̄ arjā̰a̰á̰ ō, kə lɔ́rɔ́ ō, kə yá̰a̰ gə̄ kə́ gātə̄də́ i ngá̰ý gə̄ ō, adə̄də́ ɓē kə́ ngan̄g gə̄ kə́ Juda tə́ adə̄ ndin̄ dɔ tə́ ō. Banī i Joram n ni gə̄rān kadə̄ o̰o̰ ɓē gotən tə́ ní, tɔdɔ̄ ni i ngōn̄ hágən. 4Adə̄ Joram o̰o̰ ɓē gotə bɔbə̄n tə́ ō, mbūsə̄ gír ko̰o̰ ɓē yān adə̄ ngan̄g ō. Gō tə́ anī tɔ̄l̄ ngákó̰o̰n gə̄ malang kɔ̄ɔ́ ō, tɔ̄l̄ ngār kə́rēý gə̄ kə́ Israel tə́ kɔ̄ɔ́ ō kə kaskaraá.
5Dan ń Joram ndi mban̄g ní ɓālə̄n i kutə mətá gidə i jōó. Ni o̰o̰ ɓē ɓāl̄ sɔ́sɔ́ kem ɓē kə́ Jerusalem tə́. 6Ni ndájə̄ háĺ kə́ majaĺ gə̄ yā mban̄g gə̄ kə́ Israel tə́ tītə̄ ń de kə́ kem kújə yā Akab tə́ gə̄ rāān̄neé ní, tɔdɔ̄ nə̄yá̰n i ngōn̄ Akab. Ni rāā yá̰á̰ kə́ nel̄ Kɔ́ɔ̄ɓē alé. 7Banī Kɔ́ɔ̄ɓē ndigə nujə de kə́ gír kojə yā Dabid tə́ gə̄ kɔ̄ɔ́ alé, sɔɔ̄ń madə̄ naā ń ni əhɔ kə Dabidí ní ō, kəda ń ni əda na n-a n-adə̄ Dabid nin̄ kə ngánən gēé hor lámbá kə́ a to ngándáńg ō ní. 8I ɓāl̄ ko̰o̰ ɓē yā Joram tə́ n Edom gə̄ mbātə́n̄neé kadə̄ Juda gə̄ ndin̄ dɔdə́ tə́ ba əndān̄neé mban̄g yādə́ dɔdə́ tə́ ní. 9Joram ɔy ngol áskar yān gə̄ ō, púsə rɔ̄ɔ̄ yān gə̄ malang ō, ba aw̄ rɔ̄ɔ̄ tə́. Ni ḭḭ dɔɔ́ ndɔ̄ɔ́ tə̄ndā Edom gə̄ ń gīrə̄n̄ gidən ní ō, ngol ngé kal̄ púsə rɔ̄ɔ̄ gə̄ ō, tə̄ndā tḭ̄ḭ̄də́. 10Ɓá tā banī bátə́ ɓōólaā gə̄gē ní Edom gə̄ mbātə́n̄ kadə̄ Juda gə̄ o̰o̰n̄ ɓē dɔdə́ tə́. Dan ngeé ń noō tə́ ní ɓē kə́ Libəna mbātə́ kadə̄ Juda gə̄ ndin̄ dɔdə́ tə́ ō, tām̄ Joram əya̰ Kɔ́ɔ̄ɓē yā kaan gə̄ kɔ̄ɔ́. 11Ni rāā loo ndɔ̄ȳ gə̄ dɔ mbal̄ gə̄ kə́ Juda tə́ sə̄lań de kə́ Jerusalem gə̄ ō, kə́ Juda tə́ gə̄ ō, kadə̄ rāān̄ ájə́ba rāā ɓesə̄ ō, háĺ kə́ gōtə́ aĺ ō. 12Joram ənge makətūbə̄ kógə̄ḿ kə́ Eli nge koō ta ndang əlań adə̄n. Najə̄ kə́ kem makətūbə̄ ní tə́ n toó: Najə̄ ń Kɔ́ɔ̄ɓē Nə́ɓā yā kaaí Dabid əda ní n toó: Ḭ̄ ī-ndájə̄ hál bɔbí Josapat aĺ ō, hál kaaí Asa mban̄g kə́ Juda tə́ aĺ ō, 13ba ī-ndájə̄ i hál mban̄g gə̄ kə́ Israel tə́. Ḭ̄ ī-sə̄lā de kə́ Jerusalem gə̄ ō, de kə́ Juda gə̄ ō, adə̄ tūrə̄n̄ rɔ̄də́ kə̄ rɔ̄ nə́ɓā kə́ rɔ̄kum aĺ gə̄ tə́ tītə̄ yā de kə́ kem kújə yā Akab tə́ gə̄. Ngákó̰ó̰í gə̄ ń majən̄ tɔȳnī ní gə̄gē ḭ̄ ī-tɔ̄l̄də́ kɔ̄ɔ́. 14I tām̄ najə̄ ń noō tə́ n Kɔ́ɔ̄ɓē a ənda gír deē yāí gə̄ ō, ngání gə̄ ō, nə̄yá̰í gə̄ ō, yá̰a̰ kənge yāí gə̄ malang ō ndéý kə́ ngá̰ý ní. 15Īkɔ́ tā a mo̰y kə́ ngan̄g kə́ tayā tayā gə̄ a rāānī. Ba dan mo̰y gə̄ ngeé ń toō tə́ ní nge kə́ kógə̄ḿ a aw̄ i kum kə̄ kété kété kə dɔ ndɔ̄ gə̄ bátə́ kadə̄ tií gə̄ teēn̄neé ndágá.
16Loo ń noō tə́ Kɔ́ɔ̄ɓē sə̄lā Pilistin gə̄ ō, Arabə gə̄ ń ndin̄ kadə Kusi gə̄ tə́ ní ō, kadə̄ rɔ̄ɔ̄n̄ Joram. 17Nin̄ reē ənīn̄ ɓē kə́ Juda rɔ̄ɔ̄ ba udən̄ kemeé. Ɔyn̄ yá̰a̰ kənge gə̄ kə́ kem kújə yā mban̄g tə́ malang ō, əhɔn̄ ngánən gə̄ ō, nə̄yá̰n gə̄ ō, aw̄n̄ sedə́ ɓəloó. I ngōnən kə́ dūú ń rīn na i Ahajia ní ngóy n na̰y ní. 18Gō yá̰a̰ gə̄ ń noō tə́ malang ɓáa Kɔ́ɔ̄ɓē ənda Joram ɓáý to̰ kə mo̰y kə́ a əya̰ deē alé tiīn tə́. 19Ndɔ̄ gə̄ mānə̄n̄. Ba dan ń ɓāl̄ kə́ nge ko̰ jōó rāā yā təgā anī, mo̰y ní rāā adə̄ tiīn gə̄ teēn̄ ndágá, adə̄ ni-oy kə rɔ̄ tōr̄ kə́ to ɓōĺ ngá̰ý. Gír deē yān gə̄ rāān̄ hor kə́ bo rɔȳnən̄neé tītə̄ ń rāān̄ tām̄ yā kaan gə̄ tə́ ní alé. 20Dan ń Joram ndi mban̄g ní ɓālə̄n i kutə mətá gidə i jōó. Ni o̰o̰ ɓē ɓāl̄ sɔ́sɔ́ kem ɓē kə́ Jerusalem tə́. Dan ń oy ní deē nōō ndoōn alé. Dubə̄nən̄ i kem ɓē yā Dabid tə́, banī i kem bəlo ɓádá yā mban̄g gə̄ tə́ alé.
Bibəl ta Sar̄ © L'Alliance Biblique du Tchad, 2006, 2010.