2 YÁ̰A̰ GƏ̄ 15
15
Asa tūr̄ gíŕ yá̰a̰
(Á̰a̰ī 1 Mba 15.12-15)
1Ajaria ngōn̄ Oded ń Ndíĺ Nə́ɓā i dɔn tə́ ní 2teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō. 3Israel gə̄ ndin̄ kanjə̄ Nə́ɓā kə́ rɔ̄kum ō, kanjə̄ nge tun̄ yá̰á̰ kə́ yā ndóōdə́ yá̰a̰ ō, kanjə̄ ndū najə̄ ō, dan i ngá̰ý. 4Ba dan ń wur kɔl əsō dɔdə́ tə́ anī, tél reēn̄ gogə́ rɔ̄ Kɔ́ɔ̄ɓē tə́, rɔ̄ Nə́ɓā yā Israel tə́. Nin̄ sāān̄ Kɔ́ɔ̄ɓē ō, Kɔ́ɔ̄ɓē əya̰ rɔ̄n adə̄ əngenən̄ ō. 5Dan ngeé ń noō tə́ ní, de gə̄ ń a aw̄n̄ ō, a télən̄ ō, ní asən̄ kənī kemdə́ alé. I ɓōĺ kə́ ngá̰ý n rāā de gə̄ malang kə̄ kem ɓē gə̄ tə́ ní. 6Nápar de gə̄ a rɔ̄ɔ̄n̄ i naā ō, ɓē gə̄ a rɔ̄ɔ̄n̄ i naā ō, tɔdɔ̄ Nə́ɓā yéȳdə́ kə wur kɔl kə́ tayā tayā gə̄ kə́ əsōn̄ dɔ ɓē tə́. 7Banī sḭḭ̄ ī-ndiī ngan̄g. Ī-lōōī kəya̰ rɔ̄ɔ̄sí kadə̄ ɔrə̄n̄ tɔ́gə́sí kɔ̄ɔ́. A əndān̄ njasí tām̄ yā kəla ń ī-rāāī tə́ ní.
8Dan ń Asa oō najə̄ gə̄ ń noō ō, najə̄ gə̄ ń Oded nge koō ta ɔr̄ kə́ nge koō ta tə́ ō ní anī, ənge tɔ́gə adə̄ ni-rāā adə̄ ɓesə̄ gə̄ gətóon̄ kɔ̄ɔ́ dɔ nang kə́ Juda tə́ malang ō, dɔ nang yā Benjamḛ tə́ ō, kem ɓē gə̄ ń ni táādə́ gō nang kə́ mbalá yā Epəraim tə́ ní ō. Ni-rāā loo tun̄ yá̰a̰ yā Kɔ́ɔ̄ɓē ń ra ta ngōn̄ kújə́ kə́ ta róbə́ kújə yā Kɔ́ɔ̄ɓē tə́ ní adə̄ to kijə ō. 9Israel gə̄ ngá̰ý kə́ gír ɓē yā Epəraim tə́ ō, Manase tə́ ō, Simeo̰ tə́ ō, tél reēn̄ gō mban̄g Asa tə́. Nin̄ ndin̄ kem ɓē ko̰o̰ yān tə́ tɔdɔ̄ a̰a̰n̄ kadə̄ Kɔ́ɔ̄ɓē i naā tə́ seneé. Mban̄g ɓāŕdə́ ō, ɓāŕ Juda gə̄ malang ō, Benjamḛ gə̄ ō. 10Nin̄ kánə̄n̄ naā Jerusalem kem nāā kə́ nge ko̰ mətá tə́, yā ɓāl̄ nge ko̰ kutə gidə i mí ń Asa o̰o̰ń ɓē tə́ ní. 11Yá̰a̰ kənge kə́ kəhɔ ta rɔ̄ɔ̄ tə́ gə̄ ń ɔy reēnneé ní, ɔrə̄n̄ man̄g gə̄ ɓú sīrí ō, batə̄ gə̄ dūbú sīrí ō, ba tun̄ adə̄n̄ Kɔ́ɔ̄ɓē ndɔ̄ ń noō tə́. 12Nin̄-əhɔn̄ madə̄ naā kə Kɔ́ɔ̄ɓē gogə́ rang yā rāań yá̰á̰ ń Kɔ́ɔ̄ɓē Nə́ɓā yā kaadə́ gə̄ ndigə ní kə ngarā̰ kemdə́ mámák ō, kə rɔ̄də́ malang ō. 13Ngōn̄, aláa de kə́ tɔgə, dəngam, aláa dəyá̰ ń a rāā yá̰á̰ ń kem Kɔ́ɔ̄ɓē Nə́ɓā yā Israel ndigə̄ ní aĺ ní a tɔ̄l̄nən̄ kɔ̄ɔ́. 14Ndūdə́ ń ənīn̄ adə̄n̄ Kɔ́ɔ̄ɓē ní dānə̄n̄ gō kə kɔĺ kə́ kur ngá̰ý ō, kə tōw̄ kə́ kɔĺ gə̄ ō, kə bərúnjə kə́ kɔ̄ŕ gə̄ ō. 15Tā anī Juda gə̄ malang rāān̄ rɔ̄nel̄ najə̄ ndūdə́ ń ənīn̄ tə́ ní. Tɔdɔ̄ ənīn̄ i kə ngarā̰ kemdə́ mámák ō, sāān̄ Kɔ́ɔ̄ɓē i kə gír̄ kə́ majaá ō. Loo ń noō tə́ Kɔ́ɔ̄ɓē əya̰ rɔ̄n adə̄ əngenən̄ ō, rāā adə̄ lápə́ya to dɔ nin̄ dɔ nang yādə́ gə̄ tə́ malang ō.
16Loo kə́ to rɔȳ ń əndān̄ Maaka kaa mban̄g Asa tū tə́ a mēr̄ kadə̄ a ɓārə́n̄ kaan na i dəyá̰ kə́ bo ní, Asa ɔrə̄n tū tə́ kɔ̄ɔ́. Tɔdɔ̄ Maaka udə ɓesə̄ kógə̄ḿ kə́ majaĺ ngá̰ý yā rɔȳń Asera. Asa tə́gā ɓesə̄ kə́ majaĺ ngá̰ý ní kɔ̄ɔ́. Ni tə́tə̄n rárák ba əla hor dɔ tə́ kum wól loo kə́ Sedəro̰ tə́. 17Banī ni-rāā adə̄ loo ndɔ̄ȳ gə̄ gətóon̄ kɔ̄ɔ́ dɔ nang kə́ Israel tə́ alé. Ɓá tā ba Asa táŕ Kɔ́ɔ̄ɓē kə ngarā̰ kemənneé mámák kə dɔ ndɔ̄ gə̄ malang ń ni ndiń kə kumneé ní. 18Yá̰a̰ ndējə̄ gə̄ ń bɔbə̄n ɔr̄ kam̄ tayā ō, nəkɔ́ ɔr̄ kam̄ tayā ō ní, aw̄ń kem kújə yā Kɔ́ɔ̄ɓē tə́, adə̄ i gində̄ arjā̰a̰ ō, lɔ́r ō, yá̰á̰ kə́ rang kə́ tayā tayā gə̄ ō. 19Rɔ̄ɔ̄ gətóó bátə́ ugə̄ń ɓāl̄ ko̰o̰ ɓē kə́ nge ko̰ kutə mətá gidə i mí yā Asa tə́.
Currently Selected:
2 YÁ̰A̰ GƏ̄ 15: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
2 YÁ̰A̰ GƏ̄ 15
15
Asa tūr̄ gíŕ yá̰a̰
(Á̰a̰ī 1 Mba 15.12-15)
1Ajaria ngōn̄ Oded ń Ndíĺ Nə́ɓā i dɔn tə́ ní 2teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō. 3Israel gə̄ ndin̄ kanjə̄ Nə́ɓā kə́ rɔ̄kum ō, kanjə̄ nge tun̄ yá̰á̰ kə́ yā ndóōdə́ yá̰a̰ ō, kanjə̄ ndū najə̄ ō, dan i ngá̰ý. 4Ba dan ń wur kɔl əsō dɔdə́ tə́ anī, tél reēn̄ gogə́ rɔ̄ Kɔ́ɔ̄ɓē tə́, rɔ̄ Nə́ɓā yā Israel tə́. Nin̄ sāān̄ Kɔ́ɔ̄ɓē ō, Kɔ́ɔ̄ɓē əya̰ rɔ̄n adə̄ əngenən̄ ō. 5Dan ngeé ń noō tə́ ní, de gə̄ ń a aw̄n̄ ō, a télən̄ ō, ní asən̄ kənī kemdə́ alé. I ɓōĺ kə́ ngá̰ý n rāā de gə̄ malang kə̄ kem ɓē gə̄ tə́ ní. 6Nápar de gə̄ a rɔ̄ɔ̄n̄ i naā ō, ɓē gə̄ a rɔ̄ɔ̄n̄ i naā ō, tɔdɔ̄ Nə́ɓā yéȳdə́ kə wur kɔl kə́ tayā tayā gə̄ kə́ əsōn̄ dɔ ɓē tə́. 7Banī sḭḭ̄ ī-ndiī ngan̄g. Ī-lōōī kəya̰ rɔ̄ɔ̄sí kadə̄ ɔrə̄n̄ tɔ́gə́sí kɔ̄ɔ́. A əndān̄ njasí tām̄ yā kəla ń ī-rāāī tə́ ní.
8Dan ń Asa oō najə̄ gə̄ ń noō ō, najə̄ gə̄ ń Oded nge koō ta ɔr̄ kə́ nge koō ta tə́ ō ní anī, ənge tɔ́gə adə̄ ni-rāā adə̄ ɓesə̄ gə̄ gətóon̄ kɔ̄ɔ́ dɔ nang kə́ Juda tə́ malang ō, dɔ nang yā Benjamḛ tə́ ō, kem ɓē gə̄ ń ni táādə́ gō nang kə́ mbalá yā Epəraim tə́ ní ō. Ni-rāā loo tun̄ yá̰a̰ yā Kɔ́ɔ̄ɓē ń ra ta ngōn̄ kújə́ kə́ ta róbə́ kújə yā Kɔ́ɔ̄ɓē tə́ ní adə̄ to kijə ō. 9Israel gə̄ ngá̰ý kə́ gír ɓē yā Epəraim tə́ ō, Manase tə́ ō, Simeo̰ tə́ ō, tél reēn̄ gō mban̄g Asa tə́. Nin̄ ndin̄ kem ɓē ko̰o̰ yān tə́ tɔdɔ̄ a̰a̰n̄ kadə̄ Kɔ́ɔ̄ɓē i naā tə́ seneé. Mban̄g ɓāŕdə́ ō, ɓāŕ Juda gə̄ malang ō, Benjamḛ gə̄ ō. 10Nin̄ kánə̄n̄ naā Jerusalem kem nāā kə́ nge ko̰ mətá tə́, yā ɓāl̄ nge ko̰ kutə gidə i mí ń Asa o̰o̰ń ɓē tə́ ní. 11Yá̰a̰ kənge kə́ kəhɔ ta rɔ̄ɔ̄ tə́ gə̄ ń ɔy reēnneé ní, ɔrə̄n̄ man̄g gə̄ ɓú sīrí ō, batə̄ gə̄ dūbú sīrí ō, ba tun̄ adə̄n̄ Kɔ́ɔ̄ɓē ndɔ̄ ń noō tə́. 12Nin̄-əhɔn̄ madə̄ naā kə Kɔ́ɔ̄ɓē gogə́ rang yā rāań yá̰á̰ ń Kɔ́ɔ̄ɓē Nə́ɓā yā kaadə́ gə̄ ndigə ní kə ngarā̰ kemdə́ mámák ō, kə rɔ̄də́ malang ō. 13Ngōn̄, aláa de kə́ tɔgə, dəngam, aláa dəyá̰ ń a rāā yá̰á̰ ń kem Kɔ́ɔ̄ɓē Nə́ɓā yā Israel ndigə̄ ní aĺ ní a tɔ̄l̄nən̄ kɔ̄ɔ́. 14Ndūdə́ ń ənīn̄ adə̄n̄ Kɔ́ɔ̄ɓē ní dānə̄n̄ gō kə kɔĺ kə́ kur ngá̰ý ō, kə tōw̄ kə́ kɔĺ gə̄ ō, kə bərúnjə kə́ kɔ̄ŕ gə̄ ō. 15Tā anī Juda gə̄ malang rāān̄ rɔ̄nel̄ najə̄ ndūdə́ ń ənīn̄ tə́ ní. Tɔdɔ̄ ənīn̄ i kə ngarā̰ kemdə́ mámák ō, sāān̄ Kɔ́ɔ̄ɓē i kə gír̄ kə́ majaá ō. Loo ń noō tə́ Kɔ́ɔ̄ɓē əya̰ rɔ̄n adə̄ əngenən̄ ō, rāā adə̄ lápə́ya to dɔ nin̄ dɔ nang yādə́ gə̄ tə́ malang ō.
16Loo kə́ to rɔȳ ń əndān̄ Maaka kaa mban̄g Asa tū tə́ a mēr̄ kadə̄ a ɓārə́n̄ kaan na i dəyá̰ kə́ bo ní, Asa ɔrə̄n tū tə́ kɔ̄ɔ́. Tɔdɔ̄ Maaka udə ɓesə̄ kógə̄ḿ kə́ majaĺ ngá̰ý yā rɔȳń Asera. Asa tə́gā ɓesə̄ kə́ majaĺ ngá̰ý ní kɔ̄ɔ́. Ni tə́tə̄n rárák ba əla hor dɔ tə́ kum wól loo kə́ Sedəro̰ tə́. 17Banī ni-rāā adə̄ loo ndɔ̄ȳ gə̄ gətóon̄ kɔ̄ɔ́ dɔ nang kə́ Israel tə́ alé. Ɓá tā ba Asa táŕ Kɔ́ɔ̄ɓē kə ngarā̰ kemənneé mámák kə dɔ ndɔ̄ gə̄ malang ń ni ndiń kə kumneé ní. 18Yá̰a̰ ndējə̄ gə̄ ń bɔbə̄n ɔr̄ kam̄ tayā ō, nəkɔ́ ɔr̄ kam̄ tayā ō ní, aw̄ń kem kújə yā Kɔ́ɔ̄ɓē tə́, adə̄ i gində̄ arjā̰a̰ ō, lɔ́r ō, yá̰á̰ kə́ rang kə́ tayā tayā gə̄ ō. 19Rɔ̄ɔ̄ gətóó bátə́ ugə̄ń ɓāl̄ ko̰o̰ ɓē kə́ nge ko̰ kutə mətá gidə i mí yā Asa tə́.
Bibəl ta Sar̄ © L'Alliance Biblique du Tchad, 2006, 2010.