1 TESALONIK 3
3
1Loo ń noō tə́ ní, j-asə tə́gā tají to̰ alé, adə̄ jə-gír̄ kadə̄ kə́ só tə́ i kadə̄ jə-ndi Aten kə kéŕjí, 2ba ngōkó̰ó̰jí Timote ń i nge rāā kəla naā tə́ kə Nə́ɓāá loo kɔjə Najə̄ kə́ Majə yā Kərist tə́ ní, j-əlan kadə̄ aw̄ mbūsə̄sí ō, adə̄sí tɔ́gə loo taā kem yāsí tə́ ō. 3Yā kadə̄ yá̰á̰ kə́ tōr̄ gə̄ ń a rāān̄jí toō, ɔr̄ tɔ́gə deē kógə̄ḿ dansí tə́ alé. Tɔdɔ̄ sḭḭ̄ kɔ́ gə̄ ī-gerī kadə̄ Nə́ɓā əndā dɔ yá̰á̰ ń noō danaá kɔ̄ɔ́ ɓá tām̄ yājí tə́, 4adə̄ dan ń jḭḭ i sesí ní, jə-tāāsí kété j-əda na yá̰á̰ kə́ tōr̄ gə̄ na a rāān̄jí. I yá̰á̰ ní n rāā yá̰a̰ adə̄ ī-gerī majə ní. 5I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.
6Ba ngɔlaā ní, Timote ḭḭ rɔ̄sí tə́ tél ugə̄ rɔ̄jí tə́, ədají najə̄ kə́ majə kə́ dɔ taā kem yāsí tə́ ō, tár yāsí tə́ ō. Ədají na ī-gírī dɔjí tə́ majə ngándáńg ō, ngur ka̰a̰jí na rāāsí tītə̄ yājí ō. 7Adə̄, ngákó̰ó̰jí gə̄, taā kem yāsí rāā adə̄ kemjí tetə kə̄ nang tə́ dan yá̰á̰ kə́ to ɓōĺ gə̄ tə́ ō, yá̰á̰ kə́ tōr̄ gə̄ tə́ ō. 8Adə̄ ngɔlaā ní jə-tél jə-ndi kə kumjí gogə́, tɔdɔ̄ ī-raī ngan̄g loo ɓoo naā yāsí kə Kɔ́ɔ̄ɓēé. 9Rɔ̄nel̄ malang ń j-ənge tām̄ yāsí tə́ ní, j-a jə-rāā i ba̰ý n j-a jə-ndadə̄ń Nə́ɓā kadə asə gō tə́ ní? 10Ndɔ̄ɔ́ gə̄gē, kadaá gə̄gē ní, yá̰á̰ ń jə-dəje Nə́ɓā kə ngangāá ngá̰ý ní n toó: I kadə̄ adə̄jí ta róbə kadə̄ jə-tél j-a̰a̰ī naā gogə́ ō, kadə̄ j-adə̄sí yá̰á̰ ń gətóo tū taā kem yāsí tə́ ní ō.
11Kadə̄ Bɔbə̄jí Nə́ɓā nəkɔ́ ō, Kɔ́ɔ̄ɓē yājí Jeju ō, ndɔ́rə̄n̄jí ta róbə aw̄n̄neé sejí loosí. 12Ādə̄ Kɔ́ɔ̄ɓē rāā adə̄ tár yāsí kə́ tām̄ yā naā tə́ ō, tām̄ yā de gə̄ tə́ malang ō, to tītə̄ yājí ń j-aw̄ń tām̄ yāsí tə́ ní. 13Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!
Currently Selected:
1 TESALONIK 3: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
1 TESALONIK 3
3
1Loo ń noō tə́ ní, j-asə tə́gā tají to̰ alé, adə̄ jə-gír̄ kadə̄ kə́ só tə́ i kadə̄ jə-ndi Aten kə kéŕjí, 2ba ngōkó̰ó̰jí Timote ń i nge rāā kəla naā tə́ kə Nə́ɓāá loo kɔjə Najə̄ kə́ Majə yā Kərist tə́ ní, j-əlan kadə̄ aw̄ mbūsə̄sí ō, adə̄sí tɔ́gə loo taā kem yāsí tə́ ō. 3Yā kadə̄ yá̰á̰ kə́ tōr̄ gə̄ ń a rāān̄jí toō, ɔr̄ tɔ́gə deē kógə̄ḿ dansí tə́ alé. Tɔdɔ̄ sḭḭ̄ kɔ́ gə̄ ī-gerī kadə̄ Nə́ɓā əndā dɔ yá̰á̰ ń noō danaá kɔ̄ɔ́ ɓá tām̄ yājí tə́, 4adə̄ dan ń jḭḭ i sesí ní, jə-tāāsí kété j-əda na yá̰á̰ kə́ tōr̄ gə̄ na a rāān̄jí. I yá̰á̰ ní n rāā yá̰a̰ adə̄ ī-gerī majə ní. 5I tām̄ ń toō tə́ n m-ásə́ tə́gā taḿ to̰ alé, adə̄ m-ə́la Timote kadə̄ oō najə̄ kə́ dɔ taā kem yāsí tə́ ní. m̄-ɓōĺ kadə̄ Nge Nāā de gə̄ nāāsí, yā kadə̄ j-ɔr sesí i ndāńg karī.
6Ba ngɔlaā ní, Timote ḭḭ rɔ̄sí tə́ tél ugə̄ rɔ̄jí tə́, ədají najə̄ kə́ majə kə́ dɔ taā kem yāsí tə́ ō, tár yāsí tə́ ō. Ədají na ī-gírī dɔjí tə́ majə ngándáńg ō, ngur ka̰a̰jí na rāāsí tītə̄ yājí ō. 7Adə̄, ngákó̰ó̰jí gə̄, taā kem yāsí rāā adə̄ kemjí tetə kə̄ nang tə́ dan yá̰á̰ kə́ to ɓōĺ gə̄ tə́ ō, yá̰á̰ kə́ tōr̄ gə̄ tə́ ō. 8Adə̄ ngɔlaā ní jə-tél jə-ndi kə kumjí gogə́, tɔdɔ̄ ī-raī ngan̄g loo ɓoo naā yāsí kə Kɔ́ɔ̄ɓēé. 9Rɔ̄nel̄ malang ń j-ənge tām̄ yāsí tə́ ní, j-a jə-rāā i ba̰ý n j-a jə-ndadə̄ń Nə́ɓā kadə asə gō tə́ ní? 10Ndɔ̄ɔ́ gə̄gē, kadaá gə̄gē ní, yá̰á̰ ń jə-dəje Nə́ɓā kə ngangāá ngá̰ý ní n toó: I kadə̄ adə̄jí ta róbə kadə̄ jə-tél j-a̰a̰ī naā gogə́ ō, kadə̄ j-adə̄sí yá̰á̰ ń gətóo tū taā kem yāsí tə́ ní ō.
11Kadə̄ Bɔbə̄jí Nə́ɓā nəkɔ́ ō, Kɔ́ɔ̄ɓē yājí Jeju ō, ndɔ́rə̄n̄jí ta róbə aw̄n̄neé sejí loosí. 12Ādə̄ Kɔ́ɔ̄ɓē rāā adə̄ tár yāsí kə́ tām̄ yā naā tə́ ō, tām̄ yā de gə̄ tə́ malang ō, to tītə̄ yājí ń j-aw̄ń tām̄ yāsí tə́ ní. 13Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.