1 MAKABE GƏ̄ 7
7
Demetəriyus kə́ ta kəga dɔ taā ɓē kṵ
1Kem ɓāl̄ kə́ nge kṵ ɓú kə kutə mí kə kalən kə́ kógə̄ḿ tə́ ní, Demetəriyus kə́ ngōn̄ Selokus teē Rom a̰ȳ, ba aw̄ kumən kə̄ ɓē kógə̄ḿ kə́ kadə bā bo tə́ kə ɓūtə̄ de gé seneé. Nəkɔ́ aw̄ əndā rɔ̄n mban̄g kem ɓē ní tə́. 2Dan ń ni a udə kə̄ kem kújə mban̄g yā kaan gə̄ tə́ kem ɓē kə́ A̰tiyos tə́ anī, áskar gə̄ əhɔn̄ A̰tiyokus Opator ō, Lijiyas ō, yā reē sedə́ rɔ̄n tə́. 3De gə̄ reē ədanən̄ najə̄ ní, anī ni əda na: ī-lōōī kadə̄ m-á̰a̰ kumdə́. 4Lo ń nuū tə́ áskar gə̄ tɔ̄lə̄n̄də́ kɔ̄ɔ́ ō, Demetəriyus ndi dɔ kōr̄ kāgə̄ mbang yān tə́ ō. 5Anī de gə̄ malang kə́ Israel tə́ ń taā kem yādə́ gətóo ō, ndū najə̄ yādə́ gətóo ō ní, reēn̄ rɔ̄n tə́. Deē ń ɔr nodə́ ní i Alkim ń əndā kumən rāā kəla nge tun̄ yá̰á̰ kə́ bo tə́ ní. 6Nin̄ əndān̄ najə̄ dɔ ngáń Israel gə̄ tə́ ta kum mban̄g tə́ ədan̄ na: Judas kə ngákṵ́ṵn gēé tɔ̄lə̄n̄ madə̄ taí gə̄ malang kɔ̄ɔ́ ō, tə̄ɓān̄jí kɔ̄ɔ́ dɔ nang yājí tə́ ō. 7I beé ní, ə́la deē kógə̄ḿ kə́ ī-taā kemən ngɔr ń toō tə́, ādə̄ aw̄ a̰a̰ yá̰a̰ yājí ō, yá̰a̰ malang kə́ gō nang yā mban̄g tə́ ō ń Judas nujəń kɔ̄ɔ́ ní. Ādə̄ rāān̄də́ yá̰á̰ kə́ tōr̄ tām̄ yá̰a̰ rāādə́ tə́, nin̄ ō, ngé kɔsə kíĺdə́ gə̄ ō.
Bakides nin̄ kə Alkim i dɔ nang kə́ Jude tə́
8Mban̄g gə̄rā Bakides ń i deē kógə̄ḿ kə́ dan madə̄ tan gə̄ tə́ ō, i nge kṵ ɓē gə̄ kə́ gō nang kə́ gidə bā Opəratə tə́ ō, i de kə́ bo kə́ kem ɓē kṵ tə́ ō, i de kə́ nge kəhɔ gō mban̄g ngándáńg ō ní. 9Ni əladə́ kə Alkim ń i de kə́ nge rāā yá̰a̰ gō yā Nə́ɓā tə́ aĺ ní. Ni əndā kəla tun̄ yá̰a̰ dɔ Alkim tə́ ō, mērən rāā Israel gə̄ yá̰á̰ kə́ tōr̄ kum gotə yá̰á̰ kə́ majə aĺ ń rāān̄ ní ō. 10Nin̄ aw̄n̄ kə ngé rɔ̄ɔ̄ gə̄ kə́ kutədə́ i ngá̰ý ō, aw̄ ugə̄n̄ dɔ nang yā Juda tə́ ō. Əlan̄ de gə̄ rɔ̄ Judas nin̄ kə ngákṵ́ṵn gēé tə́ kadə̄ aw̄ ədan̄də́ najə̄ kə́ dɔ lɔm tə́ kə gól̄ loó gírí. 11Jipə gə̄ a̰a̰n̄ kadə̄ reēn̄ i kə ngé rɔ̄ɔ̄ kə́ ngá̰ý gēé, adə̄ taān̄ kem najə̄ kɔr̄də́ alé. 12Ɓá tā ba ngé ndang makətūbə̄ gə̄ ɔsən̄ dɔdə́ naā tə́ ɓē Alkim nin̄ kə Bakides yā sāań ta róbə́ kə́ sóótə́. 13Dan ngáń Israel gə̄ tə́ ní, de kə́ ta kəga dɔ gə̄ ń dəjen̄ najə̄ lɔm ní, i Aside gə̄. 14Tɔdɔ̄ nin̄ ədan̄ na: I nge tun̄ yá̰á̰ kə́ gír yā Aaro̰ tə́ n reē kə ɓūtə̄ áskar gēé ní. Ni a rāā yá̰á̰ kógə̄ḿ kə́ gōtə́ aĺ sejí alé. 15Ni ɔr̄ najə̄ kə́ dɔ lɔm tə́ sedə́ ō, túbə ɔjəńdə́ kadə̄ i najə̄ kə́ rɔ̄kum ō əda na: Jḭḭ j-a jə-sāā ta róbə rāā yá̰á̰ kógə̄ḿ kə́ majə aĺ sesí aĺ ō, kə madə̄ tasí gēé aĺ ō. 16Nin̄ taān̄ kemən ɓá tā banī əhɔ de gə̄ kutə mehḛ́ dandə́ tə́ adə̄ tɔ̄lə̄n̄də́ malang kɔ̄ɔ́ ndɔ̄ kógə̄ḿ beē, tītə̄ ń ndangnə̄ń kem makətūbūú na: 17Ɓōkə́n̄ nīń de kə́ táĺ yāí gə̄ ō, mósə́də́ ō, kə gō gidə ɓē kə́ Jerusalem ō, de kə́ yā dubə̄də́ gətóo ō ní.#7.17 Á̰a̰ī: Pā 79.2 18Lo ń nuū tə́ ngáń Israel gə̄ malang ndin̄ i kə sōlōó ō, ɓōlə́n̄ ngá̰ý ō. De gə̄ ədan̄ na najə̄ kə́ rɔ̄kum ō, yá̰á̰ kə́ gōtə́ ō na gətóo ɓē de gə̄ ń toō. Tɔdɔ̄ nin̄ ɓōlə́n̄ gidə ndūjí ń j-əndāī naā tə́ sedə́ ní aĺ ō, ɓōlə́n̄ túbə́ ń nin̄ túbən̄ ní aĺ ō. 19Bakides ḭḭ Jerusalem aw̄ əndā géŕ ger yān Betəjetə. Ni əla de gə̄ adə̄ aw̄ əhɔn̄ de gə̄ ngá̰ý dan de gə̄ ń tetən̄ rɔ̄də́ gōn tə́ ní ō, adə̄ əhɔn̄ de kə́rēý gə̄ dan ngáń Israel gə̄ tə́ ō. Ni tə́jā míndə́də́ ba ɓōkə́də́ kem bəlo man̄ kə́ bo tə́. 20Ni tél kə gō nang ní adə̄ Alkim ō, əya̰ ngé rɔ̄ɔ̄ gə̄ adə̄n kadə̄ ɔsən̄ kílən ō. Gō tə́ anī, Bakides tél reē gogə́ rɔ̄ mban̄g tə́. 21Alkim rāā yá̰á̰ malang ń tɔ́gən asə ní yā kadə̄ de gə̄ ger̄nəń kadə̄ ni i nge tun̄ yá̰á̰ kə́ bo ō, 22ngé nujə kem de gə̄ malang kə́ kem ɓēé gə̄ əgan̄ naā dɔn tə́ ō. Nin̄ télən̄ kɔ́ɔ̄ dɔ nang kə́ Juda ō, rāān̄ ngáń Israel gə̄ yá̰á̰ kə́ majə aĺ ngá̰ý ō. 23Judas a̰ā̰ kadə̄ Alkim nin̄ kə madə̄n gēé rāān̄ ngáń Israel gə̄ yá̰á̰ kə́ majə aĺ tɔȳ yā de gə̄ ń nin̄ i Jipə aĺ gə̄ ní ɓáý. 24Anī njə̄rā gō nang malang kə́ Jude tə́. Ngé kigə kə madə̄də́ gēé ní, rāādə́ yá̰á̰ kə́ tōr̄ rāań ba̰ā̰ ngáń Israel gə̄ ō, ɔgə̄də́ njə̄rā kem ɓēé ō.
Mban̄g əla Nikanor kadə̄ aw̄ rɔ̄ɔ̄ Judas
25Dan ń Alkim a̰ā̰ kadə̄ Judas kə madə̄n gēé ní tɔ́gə́də́ i ngá̰ý ō, n-asə dum̄ tadə́ aĺ ō anī, tél dɔ tə́ aw̄ gogə́ ɓē mbangá ba əndā najə̄ dɔdə́ tə́ əda na: Nin̄ na rāān̄ yá̰á̰ kə́ majə aĺ ngá̰ý gə̄. 26Mban̄g əla Nikanor ń i de kógə̄ḿ kə́ dan ngol ngé rɔ̄ɔ̄ kə́ bo yān gə̄ tə́ kə́ rīdə́ ɓār̄ ngá̰ý gə̄ ní. Nikanor ɔjə kə̄ ndágá kadə̄ ni im̄ ngáń Israel gə̄ ō, i madə̄ ba̰ā̰də́ ō. Mban̄g adə̄n ndūn kadə̄ tɔ̄ɔ̄ kōō ngáń Israel gə̄ kɔ̄ɔ́. 27Nikanor reē Jerusalem kə ngé rɔ̄ɔ̄ gə̄ kə́ kutədə́ i ngá̰ý ō, ɔr̄ najə̄ kə́ dɔ lɔm tə́ kə gól̄ loó kə Judas nin̄ kə ngákṵ́ṵn gēé ō, ədadə́ na: 28Sḭḭ̄ ō, mā ō ní, majə kadə̄ rɔ̄ɔ̄ gətóo dɔ dáńjí tə́. Ɓūtə̄ áskar kə́ sḛ́ý beē gə̄ a dān̄mə̄n̄ kadə̄ jə-reē j-ɔrī najə̄ kə́ dɔ lɔm tə́. 29Ni reē ugə̄ ɓē Judas ō, rāān̄ naā lápə́ya kə́ to ngee naā ō. Banī madə̄ ba̰ā̰ gə̄ ndin̄ dɔ rɔ̄də́ tə́ yā kəhɔ Judas. 30Dan ń Judas a̰ā̰ kadə̄ Nikanor reē ɓē yān tə́ i kə gír̄ kə́ kə ngamaá anī, kemən rāan adə̄ mbātə́ kɔr̄ najə̄ seneé. 31Dan ń Nikanor a̰ā̰ kadə̄ gír ngam yān i kə́ teē dɔɔ́ anī, əya̰ ɓē kə́ Jerusalem ba aw̄ kənge Judas tə́ ngɔr kə Kaparsalama yā rɔ̄ɔn. 32Dām̄ yā Nikanor tə́ ɓáa de gə̄ kə́ asən̄ ɓú mí ń nuū oyn̄ ta rɔ̄ɔ̄ tə́ ō, gotə gə̄ a̰ȳ aw̄n̄ kem ɓē yā Dabid tə́ ō.
33Gō yá̰a̰ gə̄ ń nuū ń rāān̄ yá̰á̰ tə́ ní, Nikanor aw̄ dɔ mbal̄ Siyo̰ tə́. Anī ngé tun̄ yá̰a̰ gə̄ teēn̄ kem kújə́ kə́ táĺ tə́, naā tə́ kə kum kɔɔ̄ gə̄ yā ngáń Israel gēé yā rāan lápə́ya kə́ to ngee naā ō, yā kɔjən yá̰a̰ tun̄ kə́ róō horoó tām̄ yā mban̄g tə́ ō. 34Banī ni mbóo sedə́ ō, tájə̄də́ ō, ndájə̄ najə̄ dɔdə́ tə́ ō. 35Ni túbə kə wūngūú əda na: Kə́ ɓōó ń toō, ré əlan̄ Judas kə ngé rɔ̄ɔ̄ yān gēé jīḿ tə́ aĺ ō, lɔm to adə̄ m̄-tél m̄-reē ō anī, m-ā m-ə́la hor dɔ kújə́ ń toō tə́ kɔ̄ɔ́. Ba ɔtə aw̄ kə wūn̄g gēé. 36Ngé tun̄ yá̰a̰ gə̄ tél aw̄n̄ gogə́. Anī dəban̄ ta dabə tun̄ yá̰á̰ tə́ ta kújə kə́ táĺ yā Kɔ́ɔ̄ɓē tə́, ba ədan̄ kə man̄ nuú kumdə́ tə́ na: 37Nə́ɓā, i ḭ̄ n ī-gə̄rā kújə́ ń toō kadə̄ rīí ɓār̄ dɔ tə́, yā kadə̄ tél i kújə ndɔ̄ȳ ō, kújə rāā ɓɔ́ ō ní. 38Ī-rāā ba̰ā̰ kə deē ń toō nin̄ kə ngé rɔ̄ɔ̄ yān gēé ō, adə̄ oyn̄ yo kaskar ō! Ādə̄ əga kemií dɔ ngonjə̄ ń ngonjə̄n̄ dɔí tə́ ní ō, ī-lōō ka̰a̰ kum tō ndoō yādə́ ō.
Tetən̄ Nikanor rɔ̄ɔ̄ ō, oy ō
39Nikanor teē kɔ̄ɔ́ kem ɓē kə́ Jerusalem tə́, ba aw̄ əndā géŕ ger Betəhoro̰. Ngé rɔ̄ɔ̄ kə́ Siri gə̄ reē əngenən̄ i lo ń nuū tə́. 40Judas əndā géŕ ger Adasa kə de gə̄ dūbú mətá. Lo ń nuū tə́ ni ndɔ̄ȳ əda na: 41Dan ń ngámbang kəla gə̄ yā mban̄g tájə̄n̄ ndū ní, deē yāí kə́ dɔ rā̰ tə́ teē ba tɔ̄l̄ de gə̄ dūbú ɓú kə kutə sɔ́sɔ́ kə kalən kə́ mí dandə́ tə́. 42I beé ní, ī-tetə áskar gə̄ ń toō rɔ̄ɔ̄ nojí tə́ ɓōólaā ādə̄jí, yā kadə̄ gotə de gə̄ ger̄nəń kadə̄ ni ɔr̄ najə̄ kə́ majə aĺ dɔ lo kə́ táĺ yāí tə́. Ī-gān̄g sarya dɔn tə́ sɔɔ̄ń kem ndul yān. 43Ngé rɔ̄ɔ̄ gə̄ udən̄ naā tə́ rɔ̄ɔ̄n̄ naā kə ndɔ̄ kə́ nge kṵ kutə gidə i mətá yā nāā Adar, anī tetən̄ áskar gə̄ yā Nikanor rɔ̄ɔ̄ ō, i nəkɔ́ n oy ta kəga dɔ ta rɔ̄ɔ̄ tə́ ní ō. 44Dan ń áskar yān gə̄ a̰a̰n̄ kadə̄ ni oy kɔ̄ɔ́ anī, ɓōkə́n̄ yá̰a̰ rɔ̄ɔ̄ yādə́ gə̄ kɔ̄ɔ́ ba a̰ȳn̄ naā. 45Jipə gə̄ ngɔ̄də̄n̄də́ ndɔ̄ kógə̄ḿ kə taá. Ḭḭn̄ sedə́ Adasa bátə́ ugə̄n̄ sedə́ bɔ̄gə̄ ɓē kə́ Gajara tə́. Ba dan ń a ngɔ̄də̄n̄də́ ní, kɔ̄rə́n̄ burúnjə gōdə́ tə́ kə ngɔ̄dɔ̄ɔ́. 46Ngán ɓē gə̄ malang kə́ Jude tə́ ń ndin̄ kə gō gidií ní, de gə̄ teēn̄ kemeé gīrə̄n̄də́ ō, kēl̄ə̄n̄də́ kə̄ ta ngé ngɔ̄də̄də́ gə̄ tə́ ō. Nin̄ malang oyn̄ yo kaskar ō, de kógə̄ḿ kə́ teē gətóo ō. 47Jipə gə̄ ɔyn̄ yá̰a̰ rɔ̄ɔ̄ gə̄ yā ngé ka̰ȳ naā gə̄ ō, yá̰a̰ kənge yādə́ gə̄ ō, gāngə̄n̄ dɔ Nikanor ō, jīn kə́ kṵṵ́ ń əla kə̄ dɔɔ́ ɔjəń rɔ̄n ní ō. Nin̄ aw̄ ɓōkə́n̄ ndágə loó yā kadə̄ de kə́ Jerusalem gə̄ a̰a̰n̄. 48Ngáń Israel gə̄ malang rāān̄ rɔ̄nel̄ ngá̰ý ō, rāān̄ ndɔ̄ ń nuū i ndɔ̄ rɔ̄nel̄ kə́ bo tə́ ō. 49Jipə gə̄ unən̄ ndūdə́ kadə̄ kə dɔ ɓāl̄ gə̄ ɓáa de gə̄ rāān̄ ndɔ̄ kə́ nge kṵ kutə gidə i mətá yā nāā Adar i ndɔ̄ rāā nāā tə́. 50Dɔ nang kə́ Juda ənge kum mbang sḛ́ý ɔrə̄ń koō.
Currently Selected:
1 MAKABE GƏ̄ 7: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
1 MAKABE GƏ̄ 7
7
Demetəriyus kə́ ta kəga dɔ taā ɓē kṵ
1Kem ɓāl̄ kə́ nge kṵ ɓú kə kutə mí kə kalən kə́ kógə̄ḿ tə́ ní, Demetəriyus kə́ ngōn̄ Selokus teē Rom a̰ȳ, ba aw̄ kumən kə̄ ɓē kógə̄ḿ kə́ kadə bā bo tə́ kə ɓūtə̄ de gé seneé. Nəkɔ́ aw̄ əndā rɔ̄n mban̄g kem ɓē ní tə́. 2Dan ń ni a udə kə̄ kem kújə mban̄g yā kaan gə̄ tə́ kem ɓē kə́ A̰tiyos tə́ anī, áskar gə̄ əhɔn̄ A̰tiyokus Opator ō, Lijiyas ō, yā reē sedə́ rɔ̄n tə́. 3De gə̄ reē ədanən̄ najə̄ ní, anī ni əda na: ī-lōōī kadə̄ m-á̰a̰ kumdə́. 4Lo ń nuū tə́ áskar gə̄ tɔ̄lə̄n̄də́ kɔ̄ɔ́ ō, Demetəriyus ndi dɔ kōr̄ kāgə̄ mbang yān tə́ ō. 5Anī de gə̄ malang kə́ Israel tə́ ń taā kem yādə́ gətóo ō, ndū najə̄ yādə́ gətóo ō ní, reēn̄ rɔ̄n tə́. Deē ń ɔr nodə́ ní i Alkim ń əndā kumən rāā kəla nge tun̄ yá̰á̰ kə́ bo tə́ ní. 6Nin̄ əndān̄ najə̄ dɔ ngáń Israel gə̄ tə́ ta kum mban̄g tə́ ədan̄ na: Judas kə ngákṵ́ṵn gēé tɔ̄lə̄n̄ madə̄ taí gə̄ malang kɔ̄ɔ́ ō, tə̄ɓān̄jí kɔ̄ɔ́ dɔ nang yājí tə́ ō. 7I beé ní, ə́la deē kógə̄ḿ kə́ ī-taā kemən ngɔr ń toō tə́, ādə̄ aw̄ a̰a̰ yá̰a̰ yājí ō, yá̰a̰ malang kə́ gō nang yā mban̄g tə́ ō ń Judas nujəń kɔ̄ɔ́ ní. Ādə̄ rāān̄də́ yá̰á̰ kə́ tōr̄ tām̄ yá̰a̰ rāādə́ tə́, nin̄ ō, ngé kɔsə kíĺdə́ gə̄ ō.
Bakides nin̄ kə Alkim i dɔ nang kə́ Jude tə́
8Mban̄g gə̄rā Bakides ń i deē kógə̄ḿ kə́ dan madə̄ tan gə̄ tə́ ō, i nge kṵ ɓē gə̄ kə́ gō nang kə́ gidə bā Opəratə tə́ ō, i de kə́ bo kə́ kem ɓē kṵ tə́ ō, i de kə́ nge kəhɔ gō mban̄g ngándáńg ō ní. 9Ni əladə́ kə Alkim ń i de kə́ nge rāā yá̰a̰ gō yā Nə́ɓā tə́ aĺ ní. Ni əndā kəla tun̄ yá̰a̰ dɔ Alkim tə́ ō, mērən rāā Israel gə̄ yá̰á̰ kə́ tōr̄ kum gotə yá̰á̰ kə́ majə aĺ ń rāān̄ ní ō. 10Nin̄ aw̄n̄ kə ngé rɔ̄ɔ̄ gə̄ kə́ kutədə́ i ngá̰ý ō, aw̄ ugə̄n̄ dɔ nang yā Juda tə́ ō. Əlan̄ de gə̄ rɔ̄ Judas nin̄ kə ngákṵ́ṵn gēé tə́ kadə̄ aw̄ ədan̄də́ najə̄ kə́ dɔ lɔm tə́ kə gól̄ loó gírí. 11Jipə gə̄ a̰a̰n̄ kadə̄ reēn̄ i kə ngé rɔ̄ɔ̄ kə́ ngá̰ý gēé, adə̄ taān̄ kem najə̄ kɔr̄də́ alé. 12Ɓá tā ba ngé ndang makətūbə̄ gə̄ ɔsən̄ dɔdə́ naā tə́ ɓē Alkim nin̄ kə Bakides yā sāań ta róbə́ kə́ sóótə́. 13Dan ngáń Israel gə̄ tə́ ní, de kə́ ta kəga dɔ gə̄ ń dəjen̄ najə̄ lɔm ní, i Aside gə̄. 14Tɔdɔ̄ nin̄ ədan̄ na: I nge tun̄ yá̰á̰ kə́ gír yā Aaro̰ tə́ n reē kə ɓūtə̄ áskar gēé ní. Ni a rāā yá̰á̰ kógə̄ḿ kə́ gōtə́ aĺ sejí alé. 15Ni ɔr̄ najə̄ kə́ dɔ lɔm tə́ sedə́ ō, túbə ɔjəńdə́ kadə̄ i najə̄ kə́ rɔ̄kum ō əda na: Jḭḭ j-a jə-sāā ta róbə rāā yá̰á̰ kógə̄ḿ kə́ majə aĺ sesí aĺ ō, kə madə̄ tasí gēé aĺ ō. 16Nin̄ taān̄ kemən ɓá tā banī əhɔ de gə̄ kutə mehḛ́ dandə́ tə́ adə̄ tɔ̄lə̄n̄də́ malang kɔ̄ɔ́ ndɔ̄ kógə̄ḿ beē, tītə̄ ń ndangnə̄ń kem makətūbūú na: 17Ɓōkə́n̄ nīń de kə́ táĺ yāí gə̄ ō, mósə́də́ ō, kə gō gidə ɓē kə́ Jerusalem ō, de kə́ yā dubə̄də́ gətóo ō ní.#7.17 Á̰a̰ī: Pā 79.2 18Lo ń nuū tə́ ngáń Israel gə̄ malang ndin̄ i kə sōlōó ō, ɓōlə́n̄ ngá̰ý ō. De gə̄ ədan̄ na najə̄ kə́ rɔ̄kum ō, yá̰á̰ kə́ gōtə́ ō na gətóo ɓē de gə̄ ń toō. Tɔdɔ̄ nin̄ ɓōlə́n̄ gidə ndūjí ń j-əndāī naā tə́ sedə́ ní aĺ ō, ɓōlə́n̄ túbə́ ń nin̄ túbən̄ ní aĺ ō. 19Bakides ḭḭ Jerusalem aw̄ əndā géŕ ger yān Betəjetə. Ni əla de gə̄ adə̄ aw̄ əhɔn̄ de gə̄ ngá̰ý dan de gə̄ ń tetən̄ rɔ̄də́ gōn tə́ ní ō, adə̄ əhɔn̄ de kə́rēý gə̄ dan ngáń Israel gə̄ tə́ ō. Ni tə́jā míndə́də́ ba ɓōkə́də́ kem bəlo man̄ kə́ bo tə́. 20Ni tél kə gō nang ní adə̄ Alkim ō, əya̰ ngé rɔ̄ɔ̄ gə̄ adə̄n kadə̄ ɔsən̄ kílən ō. Gō tə́ anī, Bakides tél reē gogə́ rɔ̄ mban̄g tə́. 21Alkim rāā yá̰á̰ malang ń tɔ́gən asə ní yā kadə̄ de gə̄ ger̄nəń kadə̄ ni i nge tun̄ yá̰á̰ kə́ bo ō, 22ngé nujə kem de gə̄ malang kə́ kem ɓēé gə̄ əgan̄ naā dɔn tə́ ō. Nin̄ télən̄ kɔ́ɔ̄ dɔ nang kə́ Juda ō, rāān̄ ngáń Israel gə̄ yá̰á̰ kə́ majə aĺ ngá̰ý ō. 23Judas a̰ā̰ kadə̄ Alkim nin̄ kə madə̄n gēé rāān̄ ngáń Israel gə̄ yá̰á̰ kə́ majə aĺ tɔȳ yā de gə̄ ń nin̄ i Jipə aĺ gə̄ ní ɓáý. 24Anī njə̄rā gō nang malang kə́ Jude tə́. Ngé kigə kə madə̄də́ gēé ní, rāādə́ yá̰á̰ kə́ tōr̄ rāań ba̰ā̰ ngáń Israel gə̄ ō, ɔgə̄də́ njə̄rā kem ɓēé ō.
Mban̄g əla Nikanor kadə̄ aw̄ rɔ̄ɔ̄ Judas
25Dan ń Alkim a̰ā̰ kadə̄ Judas kə madə̄n gēé ní tɔ́gə́də́ i ngá̰ý ō, n-asə dum̄ tadə́ aĺ ō anī, tél dɔ tə́ aw̄ gogə́ ɓē mbangá ba əndā najə̄ dɔdə́ tə́ əda na: Nin̄ na rāān̄ yá̰á̰ kə́ majə aĺ ngá̰ý gə̄. 26Mban̄g əla Nikanor ń i de kógə̄ḿ kə́ dan ngol ngé rɔ̄ɔ̄ kə́ bo yān gə̄ tə́ kə́ rīdə́ ɓār̄ ngá̰ý gə̄ ní. Nikanor ɔjə kə̄ ndágá kadə̄ ni im̄ ngáń Israel gə̄ ō, i madə̄ ba̰ā̰də́ ō. Mban̄g adə̄n ndūn kadə̄ tɔ̄ɔ̄ kōō ngáń Israel gə̄ kɔ̄ɔ́. 27Nikanor reē Jerusalem kə ngé rɔ̄ɔ̄ gə̄ kə́ kutədə́ i ngá̰ý ō, ɔr̄ najə̄ kə́ dɔ lɔm tə́ kə gól̄ loó kə Judas nin̄ kə ngákṵ́ṵn gēé ō, ədadə́ na: 28Sḭḭ̄ ō, mā ō ní, majə kadə̄ rɔ̄ɔ̄ gətóo dɔ dáńjí tə́. Ɓūtə̄ áskar kə́ sḛ́ý beē gə̄ a dān̄mə̄n̄ kadə̄ jə-reē j-ɔrī najə̄ kə́ dɔ lɔm tə́. 29Ni reē ugə̄ ɓē Judas ō, rāān̄ naā lápə́ya kə́ to ngee naā ō. Banī madə̄ ba̰ā̰ gə̄ ndin̄ dɔ rɔ̄də́ tə́ yā kəhɔ Judas. 30Dan ń Judas a̰ā̰ kadə̄ Nikanor reē ɓē yān tə́ i kə gír̄ kə́ kə ngamaá anī, kemən rāan adə̄ mbātə́ kɔr̄ najə̄ seneé. 31Dan ń Nikanor a̰ā̰ kadə̄ gír ngam yān i kə́ teē dɔɔ́ anī, əya̰ ɓē kə́ Jerusalem ba aw̄ kənge Judas tə́ ngɔr kə Kaparsalama yā rɔ̄ɔn. 32Dām̄ yā Nikanor tə́ ɓáa de gə̄ kə́ asən̄ ɓú mí ń nuū oyn̄ ta rɔ̄ɔ̄ tə́ ō, gotə gə̄ a̰ȳ aw̄n̄ kem ɓē yā Dabid tə́ ō.
33Gō yá̰a̰ gə̄ ń nuū ń rāān̄ yá̰á̰ tə́ ní, Nikanor aw̄ dɔ mbal̄ Siyo̰ tə́. Anī ngé tun̄ yá̰a̰ gə̄ teēn̄ kem kújə́ kə́ táĺ tə́, naā tə́ kə kum kɔɔ̄ gə̄ yā ngáń Israel gēé yā rāan lápə́ya kə́ to ngee naā ō, yā kɔjən yá̰a̰ tun̄ kə́ róō horoó tām̄ yā mban̄g tə́ ō. 34Banī ni mbóo sedə́ ō, tájə̄də́ ō, ndájə̄ najə̄ dɔdə́ tə́ ō. 35Ni túbə kə wūngūú əda na: Kə́ ɓōó ń toō, ré əlan̄ Judas kə ngé rɔ̄ɔ̄ yān gēé jīḿ tə́ aĺ ō, lɔm to adə̄ m̄-tél m̄-reē ō anī, m-ā m-ə́la hor dɔ kújə́ ń toō tə́ kɔ̄ɔ́. Ba ɔtə aw̄ kə wūn̄g gēé. 36Ngé tun̄ yá̰a̰ gə̄ tél aw̄n̄ gogə́. Anī dəban̄ ta dabə tun̄ yá̰á̰ tə́ ta kújə kə́ táĺ yā Kɔ́ɔ̄ɓē tə́, ba ədan̄ kə man̄ nuú kumdə́ tə́ na: 37Nə́ɓā, i ḭ̄ n ī-gə̄rā kújə́ ń toō kadə̄ rīí ɓār̄ dɔ tə́, yā kadə̄ tél i kújə ndɔ̄ȳ ō, kújə rāā ɓɔ́ ō ní. 38Ī-rāā ba̰ā̰ kə deē ń toō nin̄ kə ngé rɔ̄ɔ̄ yān gēé ō, adə̄ oyn̄ yo kaskar ō! Ādə̄ əga kemií dɔ ngonjə̄ ń ngonjə̄n̄ dɔí tə́ ní ō, ī-lōō ka̰a̰ kum tō ndoō yādə́ ō.
Tetən̄ Nikanor rɔ̄ɔ̄ ō, oy ō
39Nikanor teē kɔ̄ɔ́ kem ɓē kə́ Jerusalem tə́, ba aw̄ əndā géŕ ger Betəhoro̰. Ngé rɔ̄ɔ̄ kə́ Siri gə̄ reē əngenən̄ i lo ń nuū tə́. 40Judas əndā géŕ ger Adasa kə de gə̄ dūbú mətá. Lo ń nuū tə́ ni ndɔ̄ȳ əda na: 41Dan ń ngámbang kəla gə̄ yā mban̄g tájə̄n̄ ndū ní, deē yāí kə́ dɔ rā̰ tə́ teē ba tɔ̄l̄ de gə̄ dūbú ɓú kə kutə sɔ́sɔ́ kə kalən kə́ mí dandə́ tə́. 42I beé ní, ī-tetə áskar gə̄ ń toō rɔ̄ɔ̄ nojí tə́ ɓōólaā ādə̄jí, yā kadə̄ gotə de gə̄ ger̄nəń kadə̄ ni ɔr̄ najə̄ kə́ majə aĺ dɔ lo kə́ táĺ yāí tə́. Ī-gān̄g sarya dɔn tə́ sɔɔ̄ń kem ndul yān. 43Ngé rɔ̄ɔ̄ gə̄ udən̄ naā tə́ rɔ̄ɔ̄n̄ naā kə ndɔ̄ kə́ nge kṵ kutə gidə i mətá yā nāā Adar, anī tetən̄ áskar gə̄ yā Nikanor rɔ̄ɔ̄ ō, i nəkɔ́ n oy ta kəga dɔ ta rɔ̄ɔ̄ tə́ ní ō. 44Dan ń áskar yān gə̄ a̰a̰n̄ kadə̄ ni oy kɔ̄ɔ́ anī, ɓōkə́n̄ yá̰a̰ rɔ̄ɔ̄ yādə́ gə̄ kɔ̄ɔ́ ba a̰ȳn̄ naā. 45Jipə gə̄ ngɔ̄də̄n̄də́ ndɔ̄ kógə̄ḿ kə taá. Ḭḭn̄ sedə́ Adasa bátə́ ugə̄n̄ sedə́ bɔ̄gə̄ ɓē kə́ Gajara tə́. Ba dan ń a ngɔ̄də̄n̄də́ ní, kɔ̄rə́n̄ burúnjə gōdə́ tə́ kə ngɔ̄dɔ̄ɔ́. 46Ngán ɓē gə̄ malang kə́ Jude tə́ ń ndin̄ kə gō gidií ní, de gə̄ teēn̄ kemeé gīrə̄n̄də́ ō, kēl̄ə̄n̄də́ kə̄ ta ngé ngɔ̄də̄də́ gə̄ tə́ ō. Nin̄ malang oyn̄ yo kaskar ō, de kógə̄ḿ kə́ teē gətóo ō. 47Jipə gə̄ ɔyn̄ yá̰a̰ rɔ̄ɔ̄ gə̄ yā ngé ka̰ȳ naā gə̄ ō, yá̰a̰ kənge yādə́ gə̄ ō, gāngə̄n̄ dɔ Nikanor ō, jīn kə́ kṵṵ́ ń əla kə̄ dɔɔ́ ɔjəń rɔ̄n ní ō. Nin̄ aw̄ ɓōkə́n̄ ndágə loó yā kadə̄ de kə́ Jerusalem gə̄ a̰a̰n̄. 48Ngáń Israel gə̄ malang rāān̄ rɔ̄nel̄ ngá̰ý ō, rāān̄ ndɔ̄ ń nuū i ndɔ̄ rɔ̄nel̄ kə́ bo tə́ ō. 49Jipə gə̄ unən̄ ndūdə́ kadə̄ kə dɔ ɓāl̄ gə̄ ɓáa de gə̄ rāān̄ ndɔ̄ kə́ nge kṵ kutə gidə i mətá yā nāā Adar i ndɔ̄ rāā nāā tə́. 50Dɔ nang kə́ Juda ənge kum mbang sḛ́ý ɔrə̄ń koō.
Bibəl ta Sar̄ © L'Alliance Biblique du Tchad, 2006, 2010.