1 YÁ̰A̰ GƏ̄ 27
27
Loo rāā kəla yā áskar gə̄ kə́ kem ɓē ko̰o̰ yā Dabid tə́
1Ngán Israel gə̄ ń a rāān̄ kəla yā mban̄g ní i de kə́ dɔ gír kojə gə̄ tə́ ō, ngol gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, pajā gə̄ yā mban̄g ń kəla yādə́ i kəla malang kə́ ɔjə dɔ ɓūtə̄ ngé rɔ̄ɔ̄ gə̄ ní ō. Ɓūtə̄ gə̄ ní a mānə̄n̄ i gír naā, ngé reē gə̄ ō, ngé kaw̄ gə̄ ō. Ɓūtə̄ kógə̄ḿ a rāā kəla nāā kógə̄ḿ. A rāān̄ i tītə̄ ń noō kə dɔ nāā gə̄ malang, bátə́ kadə̄ nāā gə̄ kə́ kem ɓāl̄ kə́ kógə̄ḿ tə́ təgān̄neé. Ɓūtə̄ kə́ kógə̄ḿ beē ní de kə́ kemeé gə̄ i dūbú kutə jōó gidə i sɔ́. 2De kə́ dɔ ɓūtə̄ kə́ ta kəga dɔ tə́ kə́ kem nāā kə́ ta kəga dɔ tə́ i Yasobam ngōn̄ Jabədiel. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́. 3Ni i de kə́ gír kaa yā Peres tə́. I ni n o̰o̰ ɓē dɔ ngol gə̄ kə́ dɔ ngé rɔ̄ɔ̄ gə̄ tə́ malang kem nāā kə́ ta kəga dɔ tə́ ní.
4De kə́ dɔ ɓūtə̄ kə́ kem nāā kə́ nge ko̰ jōó tə́ i Dodai kə́ Ahoa. I nge kɔsə kílən kem kəla yān tə́ ń rīn na i Mikəlotə ní n i ngol kə́ dɔ ɓūtə̄ yān tə́ ní. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́.
5Ngol ɓūtə̄ kə́ nge ko̰ mətá kə́ tām̄ yā nāā kə́ nge ko̰ mətá tə́, i Benaya ngōn̄ ngol ngé tun̄ yá̰a̰ gə̄ ń i Yoyada ní. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́. 6Benaya ngeé ń toó i dan de kə́ kem ɓūtə̄ yā ngé kə́ kutə mətá gə̄ tə́ ō, ni i ngol kə́ dɔ ɓūtə̄ yā ngé kə́ kutə mətá gə̄ tə́ ō. Ngōnən Amijabad i kem ɓūtə̄ yān tə́ ō.
7Ngol kə́ nge ko̰ sɔ́ kə́ tām̄ yā nāā kə́ nge ko̰ sɔ́ tə́ i Asael kə́ ngōkó̰o̰ Joab. I ngōnən Jebadia n un gotən ní. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
8Ngol kə́ nge ko̰ mí kə́ tām̄ yā nāā kə́ nge ko̰ mí tə́ i Samutə. Ni i de kə́ gír kaa yā Ijəra tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
9Ngol kə́ nge ko̰ mehḛ́ kə́ tām̄ yā nāā kə́ nge ko̰ mehḛ́ tə́ i Ira kə́ ngōn̄ Ikes kə́ Tekoa. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́. 10Ngol kə́ nge ko̰ sīrí kə́ tām̄ yā nāā kə́ nge ko̰ sīrí tə́ i Heles kə́ Palon. Ni i de kə́ gír ɓē yā Epəraim tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
11Ngol kə́ nge ko̰ sɔ́sɔ́ kə́ tām̄ yā nāā kə́ nge ko̰ sɔ́sɔ́ tə́ i Sibəkai kə́ Husa. Ni i de kə́ gír kaa yā Jera tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
12Ngol kə́ nge ko̰ ndōhó kə́ tām̄ yā nāā kə́ nge ko̰ ndōhó tə́ i Abiejer kə́ Anatot. Ni i de kə́ gír ɓē yā Benjamḛ tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
13Ngol kə́ nge ko̰ kutə kə́ tām̄ yā nāā kə́ nge ko̰ kutə tə́ i Marai kə́ Netopa. Ni i de kə́ gír kaa yā Jera tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́. 14Ngol kə́ nge ko̰ kutə gidə i kógə̄ḿ kə́ tām̄ yā nāā kə́ nge ko̰ kutə gidə i kógə̄ḿ tə́ i Benaya kə́ Piraton. Ni i de kə́ gír ɓē yā Epəraim tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
15Ngol kə́ nge ko̰ kutə gidə i jōó kə́ tām̄ yā nāā kə́ nge ko̰ kutə gidə i jōó tə́ i Helday kə́ Netopa. Ni i de kə́ gír kaa yā Otəniel tə́. De kə́ kem ɓūtə̄ yān tə́ gə̄ malang i deē dūbú kutə gidə i sɔ́.
Ngār gə̄ kə́ dɔ gír ɓē gə̄ tə́
16Rī ngār kə́ dɔ gír ɓē gə̄ kə́ Israel tə́ n toó: Ngār kə́ dɔ de gə̄ kə́ gír ɓē yā Ruben tə́ gə̄ i Eliejer ngōn̄ Jikəri. Ngār kə́ dɔ de gə̄ kə́ gír ɓē yā Simeo̰ tə́ gə̄ i Sepatia ngōn̄ Maaka. 17Ngār kə́ dɔ de kə́ gír ɓē yā Lebi tə́ gə̄ i Hasabia kə́ ngōn̄ Kemuel. Ngār kə́ dɔ de kə́ gír kojə yā Aaro̰ tə́ gə̄ i Sadok. 18Ngār kə́ dɔ de gə̄ kə́ gír ɓē yā Juda tə́ i Elihu ń i dan ngákó̰o̰ Dabid kógə̄ḿ ní. Ngār kə́ dɔ de gə̄ kə́ gír ɓē yā Isakar gə̄ tə́ i Omri kə́ ngōn̄ Mikael. 19Ngār kə́ dɔ de kə́ gír ɓē yā Jabulo̰ tə́ gə̄ i Isəmaya kə́ ngōn̄ Obadia. Ngār kə́ dɔ de kə́ gír ɓē yā Nepətali tə́ gə̄ i Yerimot kə́ ngōn̄ Ajriel. 20Ngār kə́ dɔ de gə̄ kə́ gír ɓē yā Epəraim tə́ gə̄ i Ose kə́ ngōn̄ Ajajia. Ngār kə́ dɔ núsə de gə̄ kə́ gír ɓē yā Manase tə́ gə̄ ń ndin̄ dām̄ kə́ no ɓē tə́ ní i Joel kə́ ngōn̄ Pedaya. 21Núsə de gə̄ kə́ gír ɓē yā Manase tə́ gə̄ ń ndin̄ dɔ nang kə́ Galaad tə́ dām̄ kə́ gír ɓē tə́ ní, ngār kə́ dɔdə́ tə́ i Ido kə́ ngōn̄ Jakari.
Ngār kə́ dɔ de kə́ gír ɓē yā Benjamḛ tə́ gə̄ i Yasiel kə́ ngōn̄ Abner. 22Ngār kə́ dɔ de kə́ gír ɓē yā Dan gə̄ tə́ i Ajarel kə́ ngōn̄ Yeroam.
Rī ngār kə́ dɔ gír ɓē gə̄ kə́ Israel tə́ gə̄ n noó.
23De gə̄ ń ɓāl̄də́ ḭḭ dɔ kutə jōó tə́ ba tél kum kə̄ nang tə́ ní Dabid tə́da kutədə́ alé, tɔdɔ̄ Kɔ́ɔ̄ɓē əda kété na n-a n-rāā kadə̄ kutə Israel gə̄ a reē ngá̰ý tītə̄ yā kutə tə́yō̰ kə́ dɔ rā̰ tə́ gə̄. 24Joab kə́ ngōn̄ Seruya əla gír tə́da kutə de gə̄ ní, banī ni tɔ̄l̄ ta alé. Tɔdɔ̄ wōn̄g rāā Nə́ɓā kə Israel gēé najə̄ yā tə́da kutə de gə̄ ní tə́. Adə̄ ndangən̄ kutə de gə̄ ní kem makətūbə̄ kəla rāā mban̄g Dabid tə́ alé.
Ngé kəndā kumdə́ gír yá̰a̰ kənge yā mban̄g tə́ gə̄
25De kə́ dɔ yá̰a̰ kənge yā mban̄g tə́ i Asmabet kə́ ngōn̄ Adiel. Yá̰a̰ kənge kə́ dɔ nang kə́ Israel tə́, adə̄ i yá̰a̰ kənge kə́ kán̄ kə̄ dɔ naā tə́ kem ɓē bo gə̄ tə́ ō, kə̄ kem ngán ɓē gə̄ tə́ ō, kə̄ loo ngɔm gə̄ tə́ ō ní, i Yonatan kə́ ngōn̄ Ojias n ndi dɔ tə́ ní. 26De kə́ dɔ ngé ndɔr̄ gə̄ kə́ kem ngán ɓē gə̄ tə́ i Ejəri kə́ ngōn̄ Kelub. 27De kə́ dɔ ngé ndɔr̄ kāgə̄ nduú gə̄ tə́ i Simei kə́ Rama. Kasə nduú kə́ yā ngɔ̄m̄ gə̄ ń ḭḭn̄neé loo ndɔr̄ kāgə̄ nduú gə̄ tə́ ní, de kə́ dɔ tə́ i Jabədi kə́ Sepam. 28Kāgə̄ olibə gə̄ ō, kāgə̄ sikomor gə̄ ō, kə́ gō nang kə́ mbal̄ bo gətóo tū tə́ tə́ ní, de kə́ dɔ tə́ i Baal Hanan kə́ Bet Geder. De kə́ dɔ yibə̄ kə́ kán̄ kə̄ dɔ naā tə́ yā ngɔ̄m̄ tə́ i Yoas. 29Man̄g gə̄ ń a əsan̄ yá̰a̰ wól loo kə́ Saron tə́ ní, de kə́ dɔ ngé kuldə́ gə̄ tə́ i Sitərai kə́ Saron. Man̄g gə̄ ń a əsan̄ yá̰a̰ wól loo kə́ rang gə̄ tə́ ní, de kə́ dɔ ngé kuldə́ gə̄ tə́ i Sapat kə́ ngōn̄ Adəlai. 30De kə́ dɔ ngé kul̄ jámbal gə̄ tə́ i Obil ń i de kə́ gír kaa yā Ismael tə́ ní. De kə́ dɔ ngé kul̄ kó̰o̰ kərō gə̄ tə́ i Yedia kə́ Meronot. 31De kə́ dɔ ngé kul̄ batə̄ gə̄ tə́ ō, bə̄yā̰ gə̄ tə́ ō, i Yajijə ń ni i Hagəri deē ní. Rī de kə́ dɔ yá̰a̰ kənge gə̄ yā mban̄g Dabid tə́ gə̄ malang n noó.
De kə́ ngɔr rɔ̄ Dabid tə́ gə̄
32Yonatan i nge kadə̄ mban̄g kɔjə̄. Ni i ngōkó̰o̰ bɔbə̄ Dabid. I de kə́ ger̄ najə̄ ō, i nge ndang makətūbə̄ ō, Yehiel kə́ ngōn̄ Hakəmon i nge ndóō ngán kem mban̄g yá̰a̰ i Yehiel. 33Ahitopel i nge kadə̄ mban̄g kɔjə̄ kə́rēý to̰, Husai i madə̄ ta mban̄g. Ni i Arki deē. 34De gə̄ ń unən̄ gotə Ahitopel ní i Yoyada kə́ ngōn̄ Benaya ō, Abiatar ō. Ngol ngé rɔ̄ɔ̄ gə̄ yā mban̄g i Joab.
Currently Selected:
1 YÁ̰A̰ GƏ̄ 27: SARDC
Highlight
Copy
Compare
Share
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.
1 YÁ̰A̰ GƏ̄ 27
27
Loo rāā kəla yā áskar gə̄ kə́ kem ɓē ko̰o̰ yā Dabid tə́
1Ngán Israel gə̄ ń a rāān̄ kəla yā mban̄g ní i de kə́ dɔ gír kojə gə̄ tə́ ō, ngol gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, pajā gə̄ yā mban̄g ń kəla yādə́ i kəla malang kə́ ɔjə dɔ ɓūtə̄ ngé rɔ̄ɔ̄ gə̄ ní ō. Ɓūtə̄ gə̄ ní a mānə̄n̄ i gír naā, ngé reē gə̄ ō, ngé kaw̄ gə̄ ō. Ɓūtə̄ kógə̄ḿ a rāā kəla nāā kógə̄ḿ. A rāān̄ i tītə̄ ń noō kə dɔ nāā gə̄ malang, bátə́ kadə̄ nāā gə̄ kə́ kem ɓāl̄ kə́ kógə̄ḿ tə́ təgān̄neé. Ɓūtə̄ kə́ kógə̄ḿ beē ní de kə́ kemeé gə̄ i dūbú kutə jōó gidə i sɔ́. 2De kə́ dɔ ɓūtə̄ kə́ ta kəga dɔ tə́ kə́ kem nāā kə́ ta kəga dɔ tə́ i Yasobam ngōn̄ Jabədiel. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́. 3Ni i de kə́ gír kaa yā Peres tə́. I ni n o̰o̰ ɓē dɔ ngol gə̄ kə́ dɔ ngé rɔ̄ɔ̄ gə̄ tə́ malang kem nāā kə́ ta kəga dɔ tə́ ní.
4De kə́ dɔ ɓūtə̄ kə́ kem nāā kə́ nge ko̰ jōó tə́ i Dodai kə́ Ahoa. I nge kɔsə kílən kem kəla yān tə́ ń rīn na i Mikəlotə ní n i ngol kə́ dɔ ɓūtə̄ yān tə́ ní. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́.
5Ngol ɓūtə̄ kə́ nge ko̰ mətá kə́ tām̄ yā nāā kə́ nge ko̰ mətá tə́, i Benaya ngōn̄ ngol ngé tun̄ yá̰a̰ gə̄ ń i Yoyada ní. De kə́ kem ɓūtə̄ yān tə́ gə̄ i deē dūbú kutə jōó gidə i sɔ́. 6Benaya ngeé ń toó i dan de kə́ kem ɓūtə̄ yā ngé kə́ kutə mətá gə̄ tə́ ō, ni i ngol kə́ dɔ ɓūtə̄ yā ngé kə́ kutə mətá gə̄ tə́ ō. Ngōnən Amijabad i kem ɓūtə̄ yān tə́ ō.
7Ngol kə́ nge ko̰ sɔ́ kə́ tām̄ yā nāā kə́ nge ko̰ sɔ́ tə́ i Asael kə́ ngōkó̰o̰ Joab. I ngōnən Jebadia n un gotən ní. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
8Ngol kə́ nge ko̰ mí kə́ tām̄ yā nāā kə́ nge ko̰ mí tə́ i Samutə. Ni i de kə́ gír kaa yā Ijəra tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
9Ngol kə́ nge ko̰ mehḛ́ kə́ tām̄ yā nāā kə́ nge ko̰ mehḛ́ tə́ i Ira kə́ ngōn̄ Ikes kə́ Tekoa. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́. 10Ngol kə́ nge ko̰ sīrí kə́ tām̄ yā nāā kə́ nge ko̰ sīrí tə́ i Heles kə́ Palon. Ni i de kə́ gír ɓē yā Epəraim tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
11Ngol kə́ nge ko̰ sɔ́sɔ́ kə́ tām̄ yā nāā kə́ nge ko̰ sɔ́sɔ́ tə́ i Sibəkai kə́ Husa. Ni i de kə́ gír kaa yā Jera tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
12Ngol kə́ nge ko̰ ndōhó kə́ tām̄ yā nāā kə́ nge ko̰ ndōhó tə́ i Abiejer kə́ Anatot. Ni i de kə́ gír ɓē yā Benjamḛ tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
13Ngol kə́ nge ko̰ kutə kə́ tām̄ yā nāā kə́ nge ko̰ kutə tə́ i Marai kə́ Netopa. Ni i de kə́ gír kaa yā Jera tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́. 14Ngol kə́ nge ko̰ kutə gidə i kógə̄ḿ kə́ tām̄ yā nāā kə́ nge ko̰ kutə gidə i kógə̄ḿ tə́ i Benaya kə́ Piraton. Ni i de kə́ gír ɓē yā Epəraim tə́. De kə́ kem ɓūtə̄ yān tə́ gə̄ malang i deē dūbú kutə jōó gidə i sɔ́.
15Ngol kə́ nge ko̰ kutə gidə i jōó kə́ tām̄ yā nāā kə́ nge ko̰ kutə gidə i jōó tə́ i Helday kə́ Netopa. Ni i de kə́ gír kaa yā Otəniel tə́. De kə́ kem ɓūtə̄ yān tə́ gə̄ malang i deē dūbú kutə gidə i sɔ́.
Ngār gə̄ kə́ dɔ gír ɓē gə̄ tə́
16Rī ngār kə́ dɔ gír ɓē gə̄ kə́ Israel tə́ n toó: Ngār kə́ dɔ de gə̄ kə́ gír ɓē yā Ruben tə́ gə̄ i Eliejer ngōn̄ Jikəri. Ngār kə́ dɔ de gə̄ kə́ gír ɓē yā Simeo̰ tə́ gə̄ i Sepatia ngōn̄ Maaka. 17Ngār kə́ dɔ de kə́ gír ɓē yā Lebi tə́ gə̄ i Hasabia kə́ ngōn̄ Kemuel. Ngār kə́ dɔ de kə́ gír kojə yā Aaro̰ tə́ gə̄ i Sadok. 18Ngār kə́ dɔ de gə̄ kə́ gír ɓē yā Juda tə́ i Elihu ń i dan ngákó̰o̰ Dabid kógə̄ḿ ní. Ngār kə́ dɔ de gə̄ kə́ gír ɓē yā Isakar gə̄ tə́ i Omri kə́ ngōn̄ Mikael. 19Ngār kə́ dɔ de kə́ gír ɓē yā Jabulo̰ tə́ gə̄ i Isəmaya kə́ ngōn̄ Obadia. Ngār kə́ dɔ de kə́ gír ɓē yā Nepətali tə́ gə̄ i Yerimot kə́ ngōn̄ Ajriel. 20Ngār kə́ dɔ de gə̄ kə́ gír ɓē yā Epəraim tə́ gə̄ i Ose kə́ ngōn̄ Ajajia. Ngār kə́ dɔ núsə de gə̄ kə́ gír ɓē yā Manase tə́ gə̄ ń ndin̄ dām̄ kə́ no ɓē tə́ ní i Joel kə́ ngōn̄ Pedaya. 21Núsə de gə̄ kə́ gír ɓē yā Manase tə́ gə̄ ń ndin̄ dɔ nang kə́ Galaad tə́ dām̄ kə́ gír ɓē tə́ ní, ngār kə́ dɔdə́ tə́ i Ido kə́ ngōn̄ Jakari.
Ngār kə́ dɔ de kə́ gír ɓē yā Benjamḛ tə́ gə̄ i Yasiel kə́ ngōn̄ Abner. 22Ngār kə́ dɔ de kə́ gír ɓē yā Dan gə̄ tə́ i Ajarel kə́ ngōn̄ Yeroam.
Rī ngār kə́ dɔ gír ɓē gə̄ kə́ Israel tə́ gə̄ n noó.
23De gə̄ ń ɓāl̄də́ ḭḭ dɔ kutə jōó tə́ ba tél kum kə̄ nang tə́ ní Dabid tə́da kutədə́ alé, tɔdɔ̄ Kɔ́ɔ̄ɓē əda kété na n-a n-rāā kadə̄ kutə Israel gə̄ a reē ngá̰ý tītə̄ yā kutə tə́yō̰ kə́ dɔ rā̰ tə́ gə̄. 24Joab kə́ ngōn̄ Seruya əla gír tə́da kutə de gə̄ ní, banī ni tɔ̄l̄ ta alé. Tɔdɔ̄ wōn̄g rāā Nə́ɓā kə Israel gēé najə̄ yā tə́da kutə de gə̄ ní tə́. Adə̄ ndangən̄ kutə de gə̄ ní kem makətūbə̄ kəla rāā mban̄g Dabid tə́ alé.
Ngé kəndā kumdə́ gír yá̰a̰ kənge yā mban̄g tə́ gə̄
25De kə́ dɔ yá̰a̰ kənge yā mban̄g tə́ i Asmabet kə́ ngōn̄ Adiel. Yá̰a̰ kənge kə́ dɔ nang kə́ Israel tə́, adə̄ i yá̰a̰ kənge kə́ kán̄ kə̄ dɔ naā tə́ kem ɓē bo gə̄ tə́ ō, kə̄ kem ngán ɓē gə̄ tə́ ō, kə̄ loo ngɔm gə̄ tə́ ō ní, i Yonatan kə́ ngōn̄ Ojias n ndi dɔ tə́ ní. 26De kə́ dɔ ngé ndɔr̄ gə̄ kə́ kem ngán ɓē gə̄ tə́ i Ejəri kə́ ngōn̄ Kelub. 27De kə́ dɔ ngé ndɔr̄ kāgə̄ nduú gə̄ tə́ i Simei kə́ Rama. Kasə nduú kə́ yā ngɔ̄m̄ gə̄ ń ḭḭn̄neé loo ndɔr̄ kāgə̄ nduú gə̄ tə́ ní, de kə́ dɔ tə́ i Jabədi kə́ Sepam. 28Kāgə̄ olibə gə̄ ō, kāgə̄ sikomor gə̄ ō, kə́ gō nang kə́ mbal̄ bo gətóo tū tə́ tə́ ní, de kə́ dɔ tə́ i Baal Hanan kə́ Bet Geder. De kə́ dɔ yibə̄ kə́ kán̄ kə̄ dɔ naā tə́ yā ngɔ̄m̄ tə́ i Yoas. 29Man̄g gə̄ ń a əsan̄ yá̰a̰ wól loo kə́ Saron tə́ ní, de kə́ dɔ ngé kuldə́ gə̄ tə́ i Sitərai kə́ Saron. Man̄g gə̄ ń a əsan̄ yá̰a̰ wól loo kə́ rang gə̄ tə́ ní, de kə́ dɔ ngé kuldə́ gə̄ tə́ i Sapat kə́ ngōn̄ Adəlai. 30De kə́ dɔ ngé kul̄ jámbal gə̄ tə́ i Obil ń i de kə́ gír kaa yā Ismael tə́ ní. De kə́ dɔ ngé kul̄ kó̰o̰ kərō gə̄ tə́ i Yedia kə́ Meronot. 31De kə́ dɔ ngé kul̄ batə̄ gə̄ tə́ ō, bə̄yā̰ gə̄ tə́ ō, i Yajijə ń ni i Hagəri deē ní. Rī de kə́ dɔ yá̰a̰ kənge gə̄ yā mban̄g Dabid tə́ gə̄ malang n noó.
De kə́ ngɔr rɔ̄ Dabid tə́ gə̄
32Yonatan i nge kadə̄ mban̄g kɔjə̄. Ni i ngōkó̰o̰ bɔbə̄ Dabid. I de kə́ ger̄ najə̄ ō, i nge ndang makətūbə̄ ō, Yehiel kə́ ngōn̄ Hakəmon i nge ndóō ngán kem mban̄g yá̰a̰ i Yehiel. 33Ahitopel i nge kadə̄ mban̄g kɔjə̄ kə́rēý to̰, Husai i madə̄ ta mban̄g. Ni i Arki deē. 34De gə̄ ń unən̄ gotə Ahitopel ní i Yoyada kə́ ngōn̄ Benaya ō, Abiatar ō. Ngol ngé rɔ̄ɔ̄ gə̄ yā mban̄g i Joab.
Bibəl ta Sar̄ © L'Alliance Biblique du Tchad, 2006, 2010.