Titus 2
2
Vitɔvɨng Au Shɔ Mati yɛ
1Ama ɔ̃tɛ kaka jazɨng a ɔkɔrɔɔ a mati sho vitɔ̃vɨng au tɔ̃vɨnyɛ. 2A mati shɔpɛ̃ni vɔshɔyi i sãi yuutɔ, i ɔ̃ a sẽrẽni, i ɔ̃ shɔ sisɨn ãnɛ tɔ̃vɨn, a ɔrinɛ, a sisɨn mɛnɛni. 3Sɔ̃n ji nankɔ a mati supɛ̃niyi vi i ɔ̃ jo ɔ̃nɛ tɔ̃vɨn naa soro gbete i ã yuu a vishonɛ tɔ̃vɨn i ɔ̃yɛ wɔsɔ-wɔsɔ. Ɓa shɔ gbeteyi lɛsi shɔ niiyɛ ɓa, ko ikɔ ã yuunɛ a mii inabini bang. Ɔ̃tɛ kaka jazɨng ɔkɔrɔɔ i mati shɔ vitɔ̃vɨng. 4Nɔgbete i mati jasoroyiyɛ, nɛi ɔri ɓɛvɔyitɔ a ɓɛɛjaayini 5i ɔ̃ shɔ yuu sãnɛ, shɔ wɔsɔ-wɔsɔ, su tɔ̃vɨn ayi sãyi wɛrɛtɔyɛ, gbeteyi ãyuutɔ a ɓɛvɔyi biini, nɔgbete shɔwɔ yɛ nwaruu kɔ̃linɛ dɔɔɓa a ruu gbete shɛ a Ɗalapa ɗɔbiini ɓa.
6Sɔ̃n ji nyabankɔ ɔ geli jakasayi i sãi yuutɔ. 7Ɔ̃tɛ kaka jazɨng a kɔrɔɔ a pɛli vitɔ̃vɨng a vi piti kpai u ɔ̃ vitasinɛ. A vigbete a mati shɔ yɛ a ãyuutɔ a ɔ̃ shɔ ruu tɔ̃vɨn shanɛ. 8A pɛlivishonɛ a ruu gbete nya taɓa aɗɔn ɓa, nɔgbete a ã a shɔnɔpɔ̃yi yusẽyɛ, i kpa vikɔ̃linɛ ai sha aa yuuni ɓa.
9A mati fooyitɔ i ã yuu ai shɔwɛrɛyi biini, a vi piti a gakiyitɔ, ɔ̃tɛ kaka jazɨng a kɔrɔɔ i kpeli i shɔwɛrɛyi nyaɓa. 10ko viɓɔɔnɛ i ɓɔɔ ɓa, nɔgbeteyi si pɛlinam, ɔ̃tɛ kaka jazɨng a kɔrɔɔ kopiɗaviya i tasinɛi pɛ shɔ tɔ̃vɨn, nɛi shɔ sisɨn ãnɛ, nɔgbete a vi gbete i pɛliyɛ kpai shɔ zɛ vi gbete shɔ mati a nyaba Ɗalapa u shɔ shɔraanɛ kn kiriri.
11Aru Ɗalapa tasiu raantanɛtɛ, a nyaba gbete kã shɔzɛ raanɛ kpai yɛ. 12Aru tɔ̃vɨn shonɛ matiu nɛu yaa vishonɛ a Ɗalapa nta tɔ̃vɨn ɓa awuni ɓayɛ, a vigbete shɔgbeteyi ji ãsisɨn ɓa i kasiyɛnitɔ, u ɔ̃ ɔ̃nɛ yuu sãnɛ, u ɔ̃ shɔ tɔ̃vɨn a sisɨn, u tasi ɔ̃nɛ Ɗalapa a kotipimni, 13u ɗɔgbete u ga lee Ɗa susãri tasinɛ bi yɛ ayɛ, aɗagbete u basiu Ɗalapa au ɓɛjaa Yesɔ Kirisi shɔ-shɔ raanɛ yɛ a yɛ. 14Yesɔ kɔ ãu yuurɛ a vɔrɛ au yuuni, aru u raau a ruuvini ni kpai u pɔ̃urɛ u ɔ̃ u shɔ wɔsɔ-wɔsɔ, badijo shɔ gbeteyi sisɨn vitɔ̃vɨng pɛlinɛ ɗɔnyɛ. 15A mati shɔ vim a kakani a masaa shɔ ntanɛyi bitɔ a gɔ̃yi yushotɔ. Mɔkɔ yaa shɔwɔnɛ u kanɔɔnɛrɛ a mɔkɔni.
Currently Selected:
Titus 2: Laa
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria