Roomawa 13
13
Yupɛ̃niyi Nya Gɨnnɛ
1Kopiya ɔ̃riutɛ kaka jazɨng akɔrɔ u gɨn nya ãsinɛ tipitɔ aru iviya nya ãnɛ wɔɔ yɛ shi ɓa naa Ɗalapa ji pɔ̃naa ɓa dɔni bayɛ, ama nya ãsinɛ a shiyɛ pɛ Ɗalapa pɔ̃urɛ ɗɔuni. 2Shɔgbete ji gɨn vigbete nyaãsinɛ a shayɛ ɓa, si bɛ̃ɛ̃ pɛ vigbete Ɗalapa ãsinya ɗɔn; Ama shɔgbete kɛ pɛlinɛ namni si n ti ruyeenɛtɛ au yuuni. 3Shɔ gbeteyi pɛli tɔ̃vɨn i nta Kpatiyi seti ɓa, see shɔgbete i pɛli rukɔ̃linɛ yɛ. Ɔ kasi nɛi ntaa seti kpatiyi ya? Ɔ ji kasi nam ɓa ɔ pɛli vigbete tɔ̃vɨn, nɔgbete i yɛ basɔɔ yɛ, 4Aru i pɛ Ɗalapa jashonɛyi shoshi vitɔ̃vɨng jo ɔkɔyi. Ama ɔ kɛ pɛli vikɔ̃linɛ nɛ ɔ ntayi setittɔ, aru i kaka shɔ yusho gɔ̃nɛ pɛ nizɛ. I pɛ Ɗalapa jashnɛyi i n ti ruu Ɗalapa shɔ yusho gɔ̃nɛ a shɔgbeteyi pɛli ruukɔ̃linɛ yɛ yuu. 5Arumkɔ ɔ̃rɔɔtɛ kaka jazɨng akɔrɔ ɔ gɨn nya ãsinɛmtɔ, ɓa nɛ aru Ɗalapa shɔ yusho gɔ̃nɛ ɓa, ama sɔ̃njo ayuu ruumkɔ.
6Sɔ̃njo ruumkɔ ɔ sho saabɛnɛ rɛ, aru nya ãsinɛmyi i shoshi Ɗalapa vishonɛ i yisi nya vishonɛ gbete shɔ pɔ̃yi nɛi pɛliyɛ. 7Ɔ shori kopiya vigbete i gɨnwɔ yɛtɔ; Ɔ basiyitɔ nagbete i banɛ sã yɛ wɔsɔ̃n ɔ shori saabɛnɛ awɔ yuu viiyi ni piti kpai.
Ɔ Ɔri Zɔtɔ
8Ɔkɔ ya shɔwɔ ruukɔ̃linɛ nɛ awɔ yuu, ruugbete yɛ ɔ̃ awɔ yuu ukɔ ɔ̃rɛ ɔ ɔri zɔtɔ shɔgbete kɛ pɛli vim nɛ si gɨn nya ãsinɛmtɛ. 9Nya ãsinɛu shanɛ, <<Mɔkɔ roonɛ a suuni; Mɔkɔ ɓɔɔ-ɓɔɔnɛ; Mɔkɔ kagɨnnɛ shɔwɔ vinaa ni>> shom piti kpai a shɔ gãsi wɔyini i ɓasirɛ i ɔ̃kɛ nya ãsinɛ gbete shanɛ, <<Ɔraa shɔnyakãsiri nagbete a ɔraa yuu yɛ.>> 10Akɛ ɔraa ɔri shɔ gãsiyinɛ iyɛ pɛliyi vikɔ̃linɛ ɓa; Kɛɗɔn ji nankɔ akɛ pɛlinɛ nam si a gɨn nya ãsinɛtɛ piti kpai.
11Ɔ̃raatɛ kaka jazɨng akɔrɔ ɔ pɛli vimrɛ, aru iviya ɔ zɛtɛttɔ ɗagbete ɔyɛ nisi a nɔroo yɛ pɛlitɛttɔ. Aru ɗagbete shɔyɛ rauyɛ atɛtɔ maani, dɔdɔrim ɓa naa ɗagbete u gaa sisɨn ãnɛ yɛ ɓa. 12Tete zɨnba pɛlitɛttɔ dii ma atɛ ɗɔn kanɛ, ya viɗɔɔ kɨnri pɛlinɛ kati, ɔ tuu vibaawaanɛ aru ɔ wabaa a ɗɔsẽsẽẽ. 13U kɔyuutɔ tɔ̃vɨn naa shɔgbete i ɔ̃ a ɗɔsẽsẽẽ yɛ, ɔkɔ pɛli viyumusinɛ kɔ̃linɛ nɛ naa shɔgbete i ɓoo saa i wiriyɛ ɓa, shɔ roonɛ a soro ko vɔshɔ ɓa ko nya yeelinɛ ko yukɔ̃nɛ n tinɛ ko shɔ yuuvɔ nyɔnɛ ko gɨnkaanɛ ɓa. 14Ama ɔ tu Yesɔ kirisi vibaawaanɛ, ɔ yawɔ nyaba ruuvini pɛlinɛ kati a yuu ãnɛ a vikɔ̃linɛ gbete i a kotipimini pɔ̃nɛ a sisɨn.
Currently Selected:
Roomawa 13: Laa
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
Roomawa 13
13
Yupɛ̃niyi Nya Gɨnnɛ
1Kopiya ɔ̃riutɛ kaka jazɨng akɔrɔ u gɨn nya ãsinɛ tipitɔ aru iviya nya ãnɛ wɔɔ yɛ shi ɓa naa Ɗalapa ji pɔ̃naa ɓa dɔni bayɛ, ama nya ãsinɛ a shiyɛ pɛ Ɗalapa pɔ̃urɛ ɗɔuni. 2Shɔgbete ji gɨn vigbete nyaãsinɛ a shayɛ ɓa, si bɛ̃ɛ̃ pɛ vigbete Ɗalapa ãsinya ɗɔn; Ama shɔgbete kɛ pɛlinɛ namni si n ti ruyeenɛtɛ au yuuni. 3Shɔ gbeteyi pɛli tɔ̃vɨn i nta Kpatiyi seti ɓa, see shɔgbete i pɛli rukɔ̃linɛ yɛ. Ɔ kasi nɛi ntaa seti kpatiyi ya? Ɔ ji kasi nam ɓa ɔ pɛli vigbete tɔ̃vɨn, nɔgbete i yɛ basɔɔ yɛ, 4Aru i pɛ Ɗalapa jashonɛyi shoshi vitɔ̃vɨng jo ɔkɔyi. Ama ɔ kɛ pɛli vikɔ̃linɛ nɛ ɔ ntayi setittɔ, aru i kaka shɔ yusho gɔ̃nɛ pɛ nizɛ. I pɛ Ɗalapa jashnɛyi i n ti ruu Ɗalapa shɔ yusho gɔ̃nɛ a shɔgbeteyi pɛli ruukɔ̃linɛ yɛ yuu. 5Arumkɔ ɔ̃rɔɔtɛ kaka jazɨng akɔrɔ ɔ gɨn nya ãsinɛmtɔ, ɓa nɛ aru Ɗalapa shɔ yusho gɔ̃nɛ ɓa, ama sɔ̃njo ayuu ruumkɔ.
6Sɔ̃njo ruumkɔ ɔ sho saabɛnɛ rɛ, aru nya ãsinɛmyi i shoshi Ɗalapa vishonɛ i yisi nya vishonɛ gbete shɔ pɔ̃yi nɛi pɛliyɛ. 7Ɔ shori kopiya vigbete i gɨnwɔ yɛtɔ; Ɔ basiyitɔ nagbete i banɛ sã yɛ wɔsɔ̃n ɔ shori saabɛnɛ awɔ yuu viiyi ni piti kpai.
Ɔ Ɔri Zɔtɔ
8Ɔkɔ ya shɔwɔ ruukɔ̃linɛ nɛ awɔ yuu, ruugbete yɛ ɔ̃ awɔ yuu ukɔ ɔ̃rɛ ɔ ɔri zɔtɔ shɔgbete kɛ pɛli vim nɛ si gɨn nya ãsinɛmtɛ. 9Nya ãsinɛu shanɛ, <<Mɔkɔ roonɛ a suuni; Mɔkɔ ɓɔɔ-ɓɔɔnɛ; Mɔkɔ kagɨnnɛ shɔwɔ vinaa ni>> shom piti kpai a shɔ gãsi wɔyini i ɓasirɛ i ɔ̃kɛ nya ãsinɛ gbete shanɛ, <<Ɔraa shɔnyakãsiri nagbete a ɔraa yuu yɛ.>> 10Akɛ ɔraa ɔri shɔ gãsiyinɛ iyɛ pɛliyi vikɔ̃linɛ ɓa; Kɛɗɔn ji nankɔ akɛ pɛlinɛ nam si a gɨn nya ãsinɛtɛ piti kpai.
11Ɔ̃raatɛ kaka jazɨng akɔrɔ ɔ pɛli vimrɛ, aru iviya ɔ zɛtɛttɔ ɗagbete ɔyɛ nisi a nɔroo yɛ pɛlitɛttɔ. Aru ɗagbete shɔyɛ rauyɛ atɛtɔ maani, dɔdɔrim ɓa naa ɗagbete u gaa sisɨn ãnɛ yɛ ɓa. 12Tete zɨnba pɛlitɛttɔ dii ma atɛ ɗɔn kanɛ, ya viɗɔɔ kɨnri pɛlinɛ kati, ɔ tuu vibaawaanɛ aru ɔ wabaa a ɗɔsẽsẽẽ. 13U kɔyuutɔ tɔ̃vɨn naa shɔgbete i ɔ̃ a ɗɔsẽsẽẽ yɛ, ɔkɔ pɛli viyumusinɛ kɔ̃linɛ nɛ naa shɔgbete i ɓoo saa i wiriyɛ ɓa, shɔ roonɛ a soro ko vɔshɔ ɓa ko nya yeelinɛ ko yukɔ̃nɛ n tinɛ ko shɔ yuuvɔ nyɔnɛ ko gɨnkaanɛ ɓa. 14Ama ɔ tu Yesɔ kirisi vibaawaanɛ, ɔ yawɔ nyaba ruuvini pɛlinɛ kati a yuu ãnɛ a vikɔ̃linɛ gbete i a kotipimini pɔ̃nɛ a sisɨn.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria