Roomawa 10
10
1Mazɔ̃yi, nɔgbete n kasi ang sisɨn yɛ piti kpai n gaki n shɔ biyi Ɗa i kpaa raanɛtɔ! Nɔgbete n Ɗalapa ai yuu yɛ! 2N shi tɛttɔ ai kɨnti ni i sisɨn Ɗalapa bɛlinɛ aɗɔn; ama sisɨn ãnɛ ɓa aru vi zɛnɛ tɔ̃vɨn ɓa. 3I ji zɛ nyaba gbete Ɗalapa pɔ̃rɛ shɔu ɔ̃rɛ tɔ̃vɨn a ukɔni ɓa, kɛɗɔn i kã kɛji i nyaba yuu aru i ɔ̃ shɔ tɔ̃vɨn a Ɗalapa ɗekɨn, ama shɔm kɔ pɔ̃rɛ i ji ã yuu ɓa aru i ɔ̃ shɔ tɔ̃vɨn a Ɗalapa ɗekɨn ni ɓa. 4Aru Kirisri kɔ shiri vishonɛ pɛlinɛrɛ a nya-ãsinɛni, nɔgbete kopiya kɛ ã sisɨn nɛ aɗɔn u kpaa ɔ̃nɛ tɔ̃vɨn a Ɗalapa ɗekɨn.
Raanɛ pɛ Kopiya Ɓɛɛ
5Musa bee tɛttɔ nɔgbete shɔ kpaa ɔ̃nɛ tɔ̃vɨn a nyaba nya-āsinɛ gɨnnɛː<< Shɔu kɛ gɨn ruu nya-ãsinɛyi nɛ yɛ ɔ̃tɔ a suruni.>> 6Ama vi gbete Ɗanyaruubii shayɛ ayuu ɔ̃nɛ tɔ̃vɨn a Ɗalapa ɗekɨn a nyaba sisɨn ãnɛ ukɔ ɔrɛ:<<Mɔkɔ hɨ a yuu nɛ, nɛ pi yɛ, yɛ kolapa piya?>>( Kɛ aru, u n ti Kirisi tipi). 7<<Ko mɔkɔ hɨ a yuu nɛ, pi yɛ nɔ kotipi dii pi>> (Kɛ aru u yusi Kirisi a sàà). 8Vigbete Ɗanyaruubii shaye ukɔ ɔ̃rɛ:<<Ɗanyaruubii ji awɔ ɗɔbii ɗɔɔli, awɔ nya wɔsɔ̃n awɔ sisɨn>>Kɛ ukɔ ɔ̃rɛ ruu sisɨn ãnɛ gbete ɔ nwayɛ. 9Akɛ shanɛ a nya nɛ, Yesɔ kɔ ɔ̃rɛ Uɓeyelapa aa ã sisɨn nɛ Ɗalapa yusiutɛ a sàà, Ɗalapa yɛ raatɔ. 10Ji aru sisɨn ãnɛ kɔ u ɔ̃kɛkɨn tɔ̃vɨn a Ɗalapa ɗekɨn ni; ji a nyakɔ shɔ gbete kɛ geli shɔwɔ nɛ nɛn gɨn Yesɔ tɛ Ɗalapa yɛ rautɔ. 11Ɗanyaruubii shanɛ, <<Kopiya gbete kɛ ã sisɨn nɛ au biini shɔ yɛ ãwu yusẽɓa.>> 12Shɔm sã kopiya, aruiviya ko Yahudawayi ko shɔ gbete ɓa Yahudawayi ɓa i vɔsinɛ ɓa a ɗɔmɓa; Ɗalapam gbete ukɔ ɔ̃rɛ kopiya Uɓeyelapa, ukɔ tasi shɔ vɔɔ susãrirɛ a bi kpai shɔ gbete kɛ ɓaa nyanɛ au ɗɔbii. 13Ji nagbete Ɗanyaruubii shayɛ nɛ,<< Kopiya kɛ ɓaa nyanɛ a Uɓeyelapa nii aru napɔ̃sinɛ, Ɗalapa yɛ rautɔ.>>
14Ama i kɛ tɔnɛu pɔ̃siyinaa i yɛ ɓau nya kɛpikovi i ji ã sisɨn ɓau biini ɓa viya? A i yɛ ã sisɨn kɛpikovi i ji nta ruu ɓa viya? Toti i yɛ nta kɛpikovi naa shɔ ji nwariyi ruu ɓa viya? 15Shɔ yɛ nwa ruu kɛpikovi naa shɔ ji sho Jashonɛyi ɓa viya? Ji nagbete Ɗanyaruubii shayɛ nɛ,<<Yɛ ɔ̃ vibiizaanɛ pikoviya jashonɛyi kaanɛ shɔ gbeteyi i n ti ruu tɔ̃vɨn yɛ!>> 16Ama ɓa shɔzɛ pitiyi i tɛ ruu tɔ̃vɨnyi rɛ ɓa. Ishaya ayuu shanɛ, <<Uɓeyelapa, pi a sisɨn au ruuni piya?>> 17Aru nankɔ shɔ nta ji ruukɔ shɔ a sisɨn kn, shɔ nta ruu sɔ̃n ji ayuu nyanwanɛ Kirisikɔ.
18Ama n hɨ pɛ: I ji nta ruu ɓa nizɛ ya? I nta tɛttɔ, Aru Ɗanyaruubii shanɛ:<<I yeenya yɛ tɛttɔ a kootipi kpai;
I ruu to ɗɔ gbete kootipi doonya tɛttɔ.>>
19Toti n hɨ pɛ: nɛ shɔ Israilayi i ji zɛ ɓa ya? Musa au yuu kasinya nɛ:
<< N yɛn pɛli vishonɛ kn shɔzɛ gbete i ɓa shɔzɛ ɓa
n pɔ̃rɛ n shɔbiiyi kaagɨn;
a n yɛn shɔvi a shɔ gbeteyi i rãngyi
n pɔ̃ n shɔbiiyi i sisɨn u lɛsirɛ.>>
20A Ishaya yɔriyuutɔ tɔnɛ Ɗalapa shanɛ,
<<Shɔgbete i kpanrɛ pɛ shɔgbeteyi i ji kãn ɗɔɓayɛ;
N shɛ a shɔ gbeteyi i ji kãn ɗɔɓayɛ bi.>>
21Ama aru Israila a shailinɛ,<<A ko-pi lee piya kpai n ɓaa nyaa shɔgbeteyi i masinya a nkɔni i weshoo ɓa ang nyani ɓa.>>
Currently Selected:
Roomawa 10: Laa
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
Roomawa 10
10
1Mazɔ̃yi, nɔgbete n kasi ang sisɨn yɛ piti kpai n gaki n shɔ biyi Ɗa i kpaa raanɛtɔ! Nɔgbete n Ɗalapa ai yuu yɛ! 2N shi tɛttɔ ai kɨnti ni i sisɨn Ɗalapa bɛlinɛ aɗɔn; ama sisɨn ãnɛ ɓa aru vi zɛnɛ tɔ̃vɨn ɓa. 3I ji zɛ nyaba gbete Ɗalapa pɔ̃rɛ shɔu ɔ̃rɛ tɔ̃vɨn a ukɔni ɓa, kɛɗɔn i kã kɛji i nyaba yuu aru i ɔ̃ shɔ tɔ̃vɨn a Ɗalapa ɗekɨn, ama shɔm kɔ pɔ̃rɛ i ji ã yuu ɓa aru i ɔ̃ shɔ tɔ̃vɨn a Ɗalapa ɗekɨn ni ɓa. 4Aru Kirisri kɔ shiri vishonɛ pɛlinɛrɛ a nya-ãsinɛni, nɔgbete kopiya kɛ ã sisɨn nɛ aɗɔn u kpaa ɔ̃nɛ tɔ̃vɨn a Ɗalapa ɗekɨn.
Raanɛ pɛ Kopiya Ɓɛɛ
5Musa bee tɛttɔ nɔgbete shɔ kpaa ɔ̃nɛ tɔ̃vɨn a nyaba nya-āsinɛ gɨnnɛː<< Shɔu kɛ gɨn ruu nya-ãsinɛyi nɛ yɛ ɔ̃tɔ a suruni.>> 6Ama vi gbete Ɗanyaruubii shayɛ ayuu ɔ̃nɛ tɔ̃vɨn a Ɗalapa ɗekɨn a nyaba sisɨn ãnɛ ukɔ ɔrɛ:<<Mɔkɔ hɨ a yuu nɛ, nɛ pi yɛ, yɛ kolapa piya?>>( Kɛ aru, u n ti Kirisi tipi). 7<<Ko mɔkɔ hɨ a yuu nɛ, pi yɛ nɔ kotipi dii pi>> (Kɛ aru u yusi Kirisi a sàà). 8Vigbete Ɗanyaruubii shaye ukɔ ɔ̃rɛ:<<Ɗanyaruubii ji awɔ ɗɔbii ɗɔɔli, awɔ nya wɔsɔ̃n awɔ sisɨn>>Kɛ ukɔ ɔ̃rɛ ruu sisɨn ãnɛ gbete ɔ nwayɛ. 9Akɛ shanɛ a nya nɛ, Yesɔ kɔ ɔ̃rɛ Uɓeyelapa aa ã sisɨn nɛ Ɗalapa yusiutɛ a sàà, Ɗalapa yɛ raatɔ. 10Ji aru sisɨn ãnɛ kɔ u ɔ̃kɛkɨn tɔ̃vɨn a Ɗalapa ɗekɨn ni; ji a nyakɔ shɔ gbete kɛ geli shɔwɔ nɛ nɛn gɨn Yesɔ tɛ Ɗalapa yɛ rautɔ. 11Ɗanyaruubii shanɛ, <<Kopiya gbete kɛ ã sisɨn nɛ au biini shɔ yɛ ãwu yusẽɓa.>> 12Shɔm sã kopiya, aruiviya ko Yahudawayi ko shɔ gbete ɓa Yahudawayi ɓa i vɔsinɛ ɓa a ɗɔmɓa; Ɗalapam gbete ukɔ ɔ̃rɛ kopiya Uɓeyelapa, ukɔ tasi shɔ vɔɔ susãrirɛ a bi kpai shɔ gbete kɛ ɓaa nyanɛ au ɗɔbii. 13Ji nagbete Ɗanyaruubii shayɛ nɛ,<< Kopiya kɛ ɓaa nyanɛ a Uɓeyelapa nii aru napɔ̃sinɛ, Ɗalapa yɛ rautɔ.>>
14Ama i kɛ tɔnɛu pɔ̃siyinaa i yɛ ɓau nya kɛpikovi i ji ã sisɨn ɓau biini ɓa viya? A i yɛ ã sisɨn kɛpikovi i ji nta ruu ɓa viya? Toti i yɛ nta kɛpikovi naa shɔ ji nwariyi ruu ɓa viya? 15Shɔ yɛ nwa ruu kɛpikovi naa shɔ ji sho Jashonɛyi ɓa viya? Ji nagbete Ɗanyaruubii shayɛ nɛ,<<Yɛ ɔ̃ vibiizaanɛ pikoviya jashonɛyi kaanɛ shɔ gbeteyi i n ti ruu tɔ̃vɨn yɛ!>> 16Ama ɓa shɔzɛ pitiyi i tɛ ruu tɔ̃vɨnyi rɛ ɓa. Ishaya ayuu shanɛ, <<Uɓeyelapa, pi a sisɨn au ruuni piya?>> 17Aru nankɔ shɔ nta ji ruukɔ shɔ a sisɨn kn, shɔ nta ruu sɔ̃n ji ayuu nyanwanɛ Kirisikɔ.
18Ama n hɨ pɛ: I ji nta ruu ɓa nizɛ ya? I nta tɛttɔ, Aru Ɗanyaruubii shanɛ:<<I yeenya yɛ tɛttɔ a kootipi kpai;
I ruu to ɗɔ gbete kootipi doonya tɛttɔ.>>
19Toti n hɨ pɛ: nɛ shɔ Israilayi i ji zɛ ɓa ya? Musa au yuu kasinya nɛ:
<< N yɛn pɛli vishonɛ kn shɔzɛ gbete i ɓa shɔzɛ ɓa
n pɔ̃rɛ n shɔbiiyi kaagɨn;
a n yɛn shɔvi a shɔ gbeteyi i rãngyi
n pɔ̃ n shɔbiiyi i sisɨn u lɛsirɛ.>>
20A Ishaya yɔriyuutɔ tɔnɛ Ɗalapa shanɛ,
<<Shɔgbete i kpanrɛ pɛ shɔgbeteyi i ji kãn ɗɔɓayɛ;
N shɛ a shɔ gbeteyi i ji kãn ɗɔɓayɛ bi.>>
21Ama aru Israila a shailinɛ,<<A ko-pi lee piya kpai n ɓaa nyaa shɔgbeteyi i masinya a nkɔni i weshoo ɓa ang nyani ɓa.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria