matiyu 20
20
Ruuɓusine a shɔvi shone Jaa i yuu
1Kpati roone a kolapa nami. Shɔwɔ ɗɔn shɛ gadi zɨɨnkɔ nen kã shɔ i pɛlin vishɔne a jaa, 2Nwanya a yini, i shi a yuu azurfa gbete (lasaka gbete u saa a yuu ni waa-ne), kopi lɛpiya kɛdɔn ãi narɛ yɛne jaa.
3Shɔ jau Shɛɓili sɔ̃n a kpaa shɔwɔyi aɗɔ shilinɛ weze a nya ɗɔ moo, si ɗaa yetɛ kɔsine taat. 4A geliyinɛ, <<Ɔ yɛne ɔ shɔvii ang jaa, n yɛn shɔrɔ vigbete tɔ̃vɨng.>> 5Nankɔ i yɛrɛ.
Shɛɓili sɔ̃n a tette niti a shɛ wɔsɔ̃n ɗa kɔsine taat a gɛlii sɔ̃n jo nagbete geli shɔ gãsii yɛ. 6Shɛ sɔ̃n ɗa kɔsine maani, a kpaa shɔwɔyi sɔ̃n ɗɔ shiline a nya ɗɔ moo. A hɨnɛ, Ɔ shiline vi siji gadi ane ɗaddarɛ ɓa vishone ɓaviya?
7Shɔwɔ ji tuuɓa vishɔne niɓa. Nya gbeteyi kasiyɛ, kɛɗɔn a geliyi sɔ̃njo ne ɔ yɛne ɔ shɔvi ang jaa. 8Naa ɗarɛ pɛlitɛ, shɔjau geliu jawɛrɛ ne, ɓa shɔ jalanewi yãne a shorii saa jalane rɛ, a gaa a shɔgbete shɔ kuna ayini yɛ yɛne shɔgbete shɔ gaa a yini yɛ.
9Shɔgbeteyi a aɗaɗɗarɛ yɛ shɔ ãi saa azufa gbete kopiya. 10Shɔgbete ai gaa yuu jalane yɛ, i tee sisɨn nei tɛ bang. I tɛli sɔ̃njo azurfa gbete kopi gbete piya. 11Naa i tɛlitɛ saa jau tɛ, i gaa shɔ jau marine rɛ. 12Shɔgbeteyi a jaa a kntim i lajaa jo rine gbete, i sha nankɔ, shɔ gbeteu lajaa naa ɗa kɛ nyoune a shɔriu saa yini zali aruu viya.
13Kɛɗɔn shɔ jaa kasi gbete wɔɔ nyane, <<Masa, n ji mulɔɓa.>> Aji kasi nya ɓa nɛn yɛ lajaa azurfa gbete ɓaya? 14Tɛa saa nɛ a yɛ wɛrɛ. N kɔng kasi shɔ gbete au a kntim ãne jo naa n kasiyɛ. 15N nyaba ɓa ɗɔnni n pɛline nɔgbete n kasi n pɛli ang saa ni ɓaya? A yɛti lɛsitɔ a tɔ̃vɨng gbete n pɛli yɛni nya? 16<<Yesɔ yisi nwanya ashanɛ Yɛ ɔ̃ nankɔ, shɔ knti i yɛ sɔɔ ɗekn, shɔ ɗekn i yɛ sɔɔ knti.>>
Yesɔ nwanya sɔ̃n ɓa taati aruu u vɔnɛ
17Aɗagbete Yesɔ usi a ɗɔ Urushalima yɛnɛ, gɔ̃u jadoyi kagbete a gelinɛ, 18U yɛkɛ Ushalima, aɗɔwakɔ shɔyɛ ã jashɔzɛ a shɔ yupẽni nyawaanɛ jaa Ɗa a shɔmala yã ãsine naa. I yɛ bẽutɔ a nyɔu vɔrɔ 19i yɛ ãu kɛ shɔgbeteyi gn Ɗa ɓayɛ a naa, i ãriu nya, i waurɛ, i ɓau naa a laa u vɔrɛ. A knti lee taati shɔ yɛ yusiu lapa a suru ni.
Jawɔyi ɓini gakki nɛ
20Kɛɗɔn Zebedi ɓeso arɛ a Yesɔ ɗɔbii a jaayi ni ziti, ta a yuu gboti, a gakki vii tɔ̃vɨng au naa. 21<<A kasi iviya?>>Yesɔ hɨu rɛ. A shanɛ, <<yasin nyaba pɛ a tette majaami wɔɔu ɔ̃ aa nakn wɔɔu ɔ̃ aa nagãng aa kpati roone.>>
22<<Ɔji zɛ vigbete ɔ gakki yɛ ɓa,>> Yesɔ geliyi rɛ. <<Ɔyɛ ɓoo kati a jawaa gbete n yɛn ɓoo yɛ ya?>>I kasi nyarɛ<<U zɛnoo tɔ.>> 23Yesɔ geliyi nɛ, <<Ɔ yɛ ɓootɔ ang jawaa ni nizɛ, ɔ̃nɛ ang nakn ko ang nagãng ɓang maɓa.>> Ɗɔ ɔ̃nem pɛ shɔ gbete mayɛ pɔ̃siyi yɛ i ɓɛɛ. 24Naa Yesɔ jadɔyi kopi gãsi i nta vimtɛ, i yɛti lɛsi a ɓɛzɔ̃ ziti ni waanɛ. 25Yesɔ ɓai nyarɛ piti kpai a shanɛ,<<Ɔ zɛ shɔ gbeteyi gn Ɗa ɓam, kpati roonɛ tɛttɔ i pɛlivi a kakaa ni, i yupẽni ma i tasi shɔ kakaa. 26Yɛ ɔ̃ ɓa nankɔ awɔ tette niɓa. Shɔu kɛ kasine neng ɔ̃ yupɛ̃ni awɔɔ tette u kɔu ɔ̃rɛ jashɔne, 27Shou kɛ kasine nɛn ɔ̃ shɔ ɗekn ukɔ yɛ ɔ̃rɛ ɔ foo-- 28Naa gbete Yesɔ, jashɔzɛ jo aɓa nɛ shɔu shɔshin viɓa, ama u shɔshi shɔvi, u ãu suru naa jamɛɛrɛ aruu shɔgbeteyi giu yɛ i raa naa piti kpai.>>
Yesɔ gati shɔnoo gbãtiyi ziti
29Naa Yesɔ yulapa tɛ au jadɔyi ni yɛne koomoo Jeriko, moo waane i gɨu dɔɔ ni. 30Shɔnoo gbãtiyi ziti i ɔ̃ a nyakara nyaba, Naa i ntarɛ nɛ Yesɔ kɛ tɛne, i shaati nyarɛ nɛ,<<Uɓeyelapa, Ɗauda ɓejaa, tãu raajoǃ>> 31Mooyi marirɛ a geliyi nei zɨɨ nyanɛ, ama i shaati nyakɛ bang, <<Uɓeyelapa, Dauda nta u raajoǃ>> 32Yesɔ shirɛ a ɓai nyarɛ. <<Ɔ kasin nɛn pɛlɔɔ iviya?>> Vi gbete hɨyɛ. 33I kasi nyanɛ,<<Uɓeyɛlapa, U kasi ɗɔzɛnɛ.>>
34Aruumkɔ raa pɛli Yesɔrɛ, dee naarɛ ai nɔɔ, akntiuni tɛ̃ɛ̃ti i ga ɗɔɔ zɛnɛrɛ kɛɗɔn i gn Yesɔrɛ.
Currently Selected:
matiyu 20: Laa
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria
matiyu 20
20
Ruuɓusine a shɔvi shone Jaa i yuu
1Kpati roone a kolapa nami. Shɔwɔ ɗɔn shɛ gadi zɨɨnkɔ nen kã shɔ i pɛlin vishɔne a jaa, 2Nwanya a yini, i shi a yuu azurfa gbete (lasaka gbete u saa a yuu ni waa-ne), kopi lɛpiya kɛdɔn ãi narɛ yɛne jaa.
3Shɔ jau Shɛɓili sɔ̃n a kpaa shɔwɔyi aɗɔ shilinɛ weze a nya ɗɔ moo, si ɗaa yetɛ kɔsine taat. 4A geliyinɛ, <<Ɔ yɛne ɔ shɔvii ang jaa, n yɛn shɔrɔ vigbete tɔ̃vɨng.>> 5Nankɔ i yɛrɛ.
Shɛɓili sɔ̃n a tette niti a shɛ wɔsɔ̃n ɗa kɔsine taat a gɛlii sɔ̃n jo nagbete geli shɔ gãsii yɛ. 6Shɛ sɔ̃n ɗa kɔsine maani, a kpaa shɔwɔyi sɔ̃n ɗɔ shiline a nya ɗɔ moo. A hɨnɛ, Ɔ shiline vi siji gadi ane ɗaddarɛ ɓa vishone ɓaviya?
7Shɔwɔ ji tuuɓa vishɔne niɓa. Nya gbeteyi kasiyɛ, kɛɗɔn a geliyi sɔ̃njo ne ɔ yɛne ɔ shɔvi ang jaa. 8Naa ɗarɛ pɛlitɛ, shɔjau geliu jawɛrɛ ne, ɓa shɔ jalanewi yãne a shorii saa jalane rɛ, a gaa a shɔgbete shɔ kuna ayini yɛ yɛne shɔgbete shɔ gaa a yini yɛ.
9Shɔgbeteyi a aɗaɗɗarɛ yɛ shɔ ãi saa azufa gbete kopiya. 10Shɔgbete ai gaa yuu jalane yɛ, i tee sisɨn nei tɛ bang. I tɛli sɔ̃njo azurfa gbete kopi gbete piya. 11Naa i tɛlitɛ saa jau tɛ, i gaa shɔ jau marine rɛ. 12Shɔgbeteyi a jaa a kntim i lajaa jo rine gbete, i sha nankɔ, shɔ gbeteu lajaa naa ɗa kɛ nyoune a shɔriu saa yini zali aruu viya.
13Kɛɗɔn shɔ jaa kasi gbete wɔɔ nyane, <<Masa, n ji mulɔɓa.>> Aji kasi nya ɓa nɛn yɛ lajaa azurfa gbete ɓaya? 14Tɛa saa nɛ a yɛ wɛrɛ. N kɔng kasi shɔ gbete au a kntim ãne jo naa n kasiyɛ. 15N nyaba ɓa ɗɔnni n pɛline nɔgbete n kasi n pɛli ang saa ni ɓaya? A yɛti lɛsitɔ a tɔ̃vɨng gbete n pɛli yɛni nya? 16<<Yesɔ yisi nwanya ashanɛ Yɛ ɔ̃ nankɔ, shɔ knti i yɛ sɔɔ ɗekn, shɔ ɗekn i yɛ sɔɔ knti.>>
Yesɔ nwanya sɔ̃n ɓa taati aruu u vɔnɛ
17Aɗagbete Yesɔ usi a ɗɔ Urushalima yɛnɛ, gɔ̃u jadoyi kagbete a gelinɛ, 18U yɛkɛ Ushalima, aɗɔwakɔ shɔyɛ ã jashɔzɛ a shɔ yupẽni nyawaanɛ jaa Ɗa a shɔmala yã ãsine naa. I yɛ bẽutɔ a nyɔu vɔrɔ 19i yɛ ãu kɛ shɔgbeteyi gn Ɗa ɓayɛ a naa, i ãriu nya, i waurɛ, i ɓau naa a laa u vɔrɛ. A knti lee taati shɔ yɛ yusiu lapa a suru ni.
Jawɔyi ɓini gakki nɛ
20Kɛɗɔn Zebedi ɓeso arɛ a Yesɔ ɗɔbii a jaayi ni ziti, ta a yuu gboti, a gakki vii tɔ̃vɨng au naa. 21<<A kasi iviya?>>Yesɔ hɨu rɛ. A shanɛ, <<yasin nyaba pɛ a tette majaami wɔɔu ɔ̃ aa nakn wɔɔu ɔ̃ aa nagãng aa kpati roone.>>
22<<Ɔji zɛ vigbete ɔ gakki yɛ ɓa,>> Yesɔ geliyi rɛ. <<Ɔyɛ ɓoo kati a jawaa gbete n yɛn ɓoo yɛ ya?>>I kasi nyarɛ<<U zɛnoo tɔ.>> 23Yesɔ geliyi nɛ, <<Ɔ yɛ ɓootɔ ang jawaa ni nizɛ, ɔ̃nɛ ang nakn ko ang nagãng ɓang maɓa.>> Ɗɔ ɔ̃nem pɛ shɔ gbete mayɛ pɔ̃siyi yɛ i ɓɛɛ. 24Naa Yesɔ jadɔyi kopi gãsi i nta vimtɛ, i yɛti lɛsi a ɓɛzɔ̃ ziti ni waanɛ. 25Yesɔ ɓai nyarɛ piti kpai a shanɛ,<<Ɔ zɛ shɔ gbeteyi gn Ɗa ɓam, kpati roonɛ tɛttɔ i pɛlivi a kakaa ni, i yupẽni ma i tasi shɔ kakaa. 26Yɛ ɔ̃ ɓa nankɔ awɔ tette niɓa. Shɔu kɛ kasine neng ɔ̃ yupɛ̃ni awɔɔ tette u kɔu ɔ̃rɛ jashɔne, 27Shou kɛ kasine nɛn ɔ̃ shɔ ɗekn ukɔ yɛ ɔ̃rɛ ɔ foo-- 28Naa gbete Yesɔ, jashɔzɛ jo aɓa nɛ shɔu shɔshin viɓa, ama u shɔshi shɔvi, u ãu suru naa jamɛɛrɛ aruu shɔgbeteyi giu yɛ i raa naa piti kpai.>>
Yesɔ gati shɔnoo gbãtiyi ziti
29Naa Yesɔ yulapa tɛ au jadɔyi ni yɛne koomoo Jeriko, moo waane i gɨu dɔɔ ni. 30Shɔnoo gbãtiyi ziti i ɔ̃ a nyakara nyaba, Naa i ntarɛ nɛ Yesɔ kɛ tɛne, i shaati nyarɛ nɛ,<<Uɓeyelapa, Ɗauda ɓejaa, tãu raajoǃ>> 31Mooyi marirɛ a geliyi nei zɨɨ nyanɛ, ama i shaati nyakɛ bang, <<Uɓeyelapa, Dauda nta u raajoǃ>> 32Yesɔ shirɛ a ɓai nyarɛ. <<Ɔ kasin nɛn pɛlɔɔ iviya?>> Vi gbete hɨyɛ. 33I kasi nyanɛ,<<Uɓeyɛlapa, U kasi ɗɔzɛnɛ.>>
34Aruumkɔ raa pɛli Yesɔrɛ, dee naarɛ ai nɔɔ, akntiuni tɛ̃ɛ̃ti i ga ɗɔɔ zɛnɛrɛ kɛɗɔn i gn Yesɔrɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word for the World International and The Word for the World Nigeria