Acts Yutasinɛ
Yutasinɛ
Yesɔ jashonɛ i vishonɛ ukɔ yɛ ɗekɨn rɛ a ruu tɔ̃vɨn au shɛ a Lukka naani. Vi pɛ̃niba gbete shɔ kasirɛ nɛ shɔu zɛyɛ ukɔ ɔ̃rɛ shɔu geli shɔ laabeenɛ ɓalinɛm nɔgbete Yesɔ jashonɛyi yuu gbete gaa a yini ɗekɨn, nogbete a Suru Wɔsɔ-wɔsɔ gɨn a yini yɛ, i nwanya tɔ̃vɨn tɔ au yuu ni a ɗɔ i sãti ruum aɗɔ tot-tot<<a Urushalima, a Yahudiya a Samaritani kpai, a ɗɔgbete koo doo nya yɛ>>(1.8). N nogbete shɔ kɔri ruu a Kirisayi yuu ai ranɛni, a nogbete i gaa a tete Yahudawayi a shɔgbete i ɓa Yahudawa ɓa yuu kɛɗɔn a yɛ ɗekɨn a rikɛ vi sisɨnãnɛ a koo tipi kpai. Shɔ vi beenɛu pɔ̃ sisɨn sɔ̃njo nɛn tasi u shɔ laa ɓalinɛwi nɛ Kirisayi si ɓa shɔgbete ai kasi gɔmnati lɛsinɛ aɗɔgbete Raomayi roo kpati aɗɔnyɛ ɓa, sɔ̃n tɔti Kirisayi sisɨn ãnɛ si pɛ Yahudawayi naa vipɛlinɛ ai nyaba gɨnnɛ.
Yesɔ jadɔyi vishonɛ shɔyɛ vɔsi ɗɔɔtɔ ɗɔ taati, shɔyɛ tasi ɗɔgbete vim sha aɗɔnyɛ, a ɗɔgbete shɔ nwa ruu tɔ̃vɨn a Yesɔ yuu yɛ, a nogbete shɔ gaa Ɗalapa wɛrɛ bɛlinɛ yɛ: (1) Yɛ gaa a nogbete Kirisayi gaa ranɛ a Urushalima a pɛsikɛ nogbete Yesɔ gẽ lapayɛ; (2) Yɛ gɨnnaa kɛ yɛnɛ tipi Palasinawayi; a (3) Yɛ gɨnnaa kɛ bang yɛnɛ ɗɔɔ kpɛlɛ, yɛnɛ kotipi Meditenya a Rooma.
Vi tɔ̃vɨn gbete ɗekɨn a Yesɔ jadɔyi vishonɛyiukɔ ɔ̃rɛ Suru Wɔsɔ-wɔsɔ vishonɛ, gbeteu a a kakani a shɔ sisɨn ãnɛyi yuu a Urushalima a lee pɛntikos, au yɛ ɗekɨn ai vitasinɛni, a shɔ wɛrɛ Ɗayi kaka ãnɛ ai yupɛ̃niyi ni kopileepiya a vigbete i sha a ɓuzɨn labeenɛmi. Kirisa gbete i gaa yɛ i nyaruuba shɔ otɛttɔ a nomba nyawaanɛ, a vipɛlnɛ gbete shɔ bee a Yesɔ jadɔyi vishonɛ laabeenɛ, tasinɛ nyaruubau kaka aɗɔn atette shɔ sisɨn ãnɛyi ɗɔbii, a yuɓasinɛ gbete i ɓasi a wɛrɛ Ɗayɛ.
Vi au ɓuzɨn yɛ
vibiimaanɛ aru shɔshinɛkɨnti (1.1-26)
a. Yesɔ nyaãsinɛ au wasinaa a ruumanɛ (1.1-14)
b. Shɔ gbeteu tɛ Yahuza laa ɔ̃nɛ yɛ (1.15-26)
Shɔshinɛkɨnti a Urushalima (2.1-8.3)
Shɔshinɛkɨnti a Yahudiya a Samariya (8.4-12.25)
Bituru ɗɔvishonɛ (13.1-28.31)
a. Shɔ sisɨ ãnɛyi ɗɔyi gaa yɛnɛyɛ (13.1-14.28)
b. Kirisayi ɔ̃nɛ a Urushalima (15.1-35)
c. Shɔ sisɨn ãnɛyi ɗɔyi pɛsi yɛnɛyɛ (15.36-18.22) d. Shɔ sisɨn ãnɛyi pɛsi e taati yɛnɛyɛ (18.23-21.16)
e. Bituru shɔ jahm a Urushalima, Kaisariya, a Rooma ni (21.17-28.31)
Currently Selected:
Acts Yutasinɛ: Laa
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria