Acts 28
28
Bulus a Doddo Tete Mii a Malita
1Akɨnti gbete u raanaayɛ, u zɛ kɛkn nɛ doddo tete mii shɔ ɓaanɛ Malita. 2Shɔ ɗɔwiyi a nɔgbete u si shɔzati kpai i pɛliu vi tɔ̃vɨntɔ fɛ̃ɛm, i tɛunaatɔ si mii aɗɔ anɛ a sɔrɔ baanɛni i wusiu yaarɛ. 3Bulus toli layaa wunɛ u ɗɔ tɛ̃ɛnɛ a yaa, kɛɗɔn sɔɔ shɛrɛ au zɔ̃pɔ̃ aɗɔni aru yaa shɛ̃shɛ̃, a rɛɛ au naa. 4Naa shɔ koowiyi zɛ sɔɔutɛ u ɗɔɔ rotinɛ a Bulus naa i geli zɔnɛ, << Ɔ̃tɛ kaka jazɨng akɔrɔ Jaam u pɛ shɔshɔnyonɛ, ko ranaatɛ a mii waponi, ama Ɗalapa sisɨn lɛsinɛ yɛ yau ɓa u ɔ̃ a suru ni ɓa.>> 5Ama Bulus zɨnti naa a loki sɔɔurɛ a yaa, ji pɛliu viwɔɔ ɓa. 6Shɔwiyi gaurɛ, i tɔnɛ mɛnɛ yɛ puutɔ, ko yɛ nwesi a tipi u vɔrɛ. ama a knti gbeteyi gatɛ fɛ̃ɛm, i zɛrɛ yukɔnɛ wɔɔ ji kpau ɓa, ai kɔsi sisɨnrɛ ai shanɛ, <<Bulus u pɛ jaaɗa!>>
7Ɓa kpɛlɛ a ɗɔuni ɓa ɗɔ wɔɔ siɗɔn jaa wɔɔ ɓɛɛ shɔ ɓaunɛ Pubilu, si ukɔ yupɛ̃ni a doddo tete mii. A tɛu naarɛ au wɛrɛ tɔ̃vɨn lee taati u gbete shaarurɛ aru u shɔzati. 8Pubilu ɓeye u si a ɗɔroonɛ, nɔri a yɛti sonɛ pɛliutɔ. kɛɗɔn Bulus to au jaa a gakiu Ɗarɛ pɔ̃siunaa a yuu, a jaau gatirɛ. 9Naa vim pɛlitɛ, kɛɗɔn gãsi shɔvɔrɔyi a doddo tete mii kpai i arɛ a Bulus gatiyirɛ. 10I ãu vi waanɛ, naa u tokɛ latosi u yɛrɛ, ai toli vigbete u kasiyɛ kpai i tɛ̃ɛriurɛ a latosi.
Bulus Yaa Malita a Yɛ Rooma
11Akɨnti shɛlɛ taati u to latosi a Ɛlizandiriya, shɔ ɓaanɛ,<<Jabɔ̃nɛ Ɗalapayi,>> U shaa goosi ji a doddo tete miiukɔ. 12U to komoo a Siraku au ɔ̃rɛ ɗɔukɔ lee taati. 13A ɗɔwakɔ u to latosirɛ yɛnɛ komoo Regiyum. A dii ɓuru sɔrɔ gaa ɗusunɛrɛ aka dii, a lee ziti u to komoo pitiyoli-rɛ. 14U kpaa gãsi shɔ sisɨn ãnɛyi a Ɗabii a ɗɔwakɔ, i gakiu rɛ nɛu ɔ̃ pɛ ayini dɔɔ maanzii, ji nankɔ au to tipi Roomarɛ. 15Naa shɔ sisɨn ãnɛyi a Ɗa bi a Rooma i ntau ruubiitɛ, ai arɛ nɛi tɛunaa pɛ a tolimoo Apiyu wɔsɔ̃n a ɗɔ gbete shɔ ɓaanɛ ɗɔsusunɛ taati. Naa Bulus zɛ shɔwiyitɛ a dɔ̃ri Ɗalaparɛ, u kaka lakirɛ fɛ̃ɛm.
Bulus nwari Shɔ Ɗa nyaruubii a Rooma
16Naa u to Roomatɛ shɔ yaa Bulus rɛ nɛu ɔ̃ au yuu, a soja gbete gauyɛni.
17Akɨnti lee taati Bulus ɓaa yupɛ̃ni yahudawayi nya kpai aru ɔ̃nɛ, naa i tolinyatɛ a geliyi nɛ,<<N shɔbii Israilayi, ko n ji pɛli n shɔbiiyi ruukɔ̃linɛ wɔɔ ɓa, ko ruukɔ̃linɛ aru u nakoo gbete u tɛ a mauruyi naa n ji pɛliɓa, a shɔmni kpai shɔ sãn a Urushalima a shɔ ãn Roomayi a naa nɛi mang a jaahm. 18Naa shɔ Roomayi hɨlin ruutɛ i kasin naa yaanɛtɔ, aruviya i ji kpang ɓa a ruukɔ̃linɛni gbete yɛtɛ a nɔgbete shɔu nyo vɔrɔyɛni ɓa. 19Ama naa yahudawayi i ɓɛ̃ɛ̃ vimtɛ, kɛɗɔn ɔ̃rinkɛ kaka jazɨng akɔrɔ n gaki rɛ shɔ n ting ruu yɛnɛ kayisar ɗekɨn, ɓa nɛ n wuli mashɔzɛyi tɔ ɓa. 20Arumkɔ n kasɔɔ zɛnɛrɛ n nwanya a ɔkɔɔni, nizɛ kɔ n pɛ jaahm aru gbete n ã sisɨn a shɔ gbete u shɔ Israilayi i pɔ̃-sisɨn nɛ kaanɛyɛ.>>
21I geliunɛ, <<U ji kpaa sẽkoo wɔɔ ji au shɛ a tipi Yahudawa aa yuuni ɓa, ko u shɔbii wɔɔ ji a ɗɔmɓa ko gbete aru u sha ruukɔ̃linɛ ko viwɔɔ kɔ̃linɛ aa yuuni ɓa. 22Ama u kasirɛ u nta vigbete aa nyatɔ, aruviya u zɛ tɛtɔ kopiɗɔpiya shɔ sha ruu kɔ̃linɛtɔ aru kɨn gbete a ɗɔnni ni.>>
23Kɛɗɔn i pɔ̃ lee gbete i yɛ a Bulus ɗɔbiirɛ, i waanɛ i arɛ a leeukɔ a ɗɔ gbete Bulus ɔ̃yɛ, a Bulus gai dɔɔ ruu Ɗa kpati roonɛ tasinɛrɛ yuunɛ a gadi anɛ ɗarɛ, a kasinɛn kɔsiyi sisɨntɔ nɛi Yesɔ kɔ ɔ̃rɛ shɔshɔranɛ, ama pɛli vishonɛ labeenɛ Musa nya-ãsinɛ a janyagadiyi vibeenɛ. 24Shɔ gãsiyi ã sisɨntɔ au nya shanɛni, ama i shɔ gãsiyi ji ãsisɨn ɓa. 25Ai yaa ɗɔurɛ, arumkɔ ai nɔɔ Yahudawayi i ji tɛ zɔ ruu tɔɓa, a kɨnti gbete Bulus sha vimtɛː <<Ɗa suru sha si pɛ vitɔ̃vɨng a mɛuruyi yuuni, gbete sha a janyagadi Ishaya nya! 26Aru shanɛ
<<Yɛnɛ a geli shɔmiyi nɛ:
ɔ yɛ weshoo a weshoo ama ɔ yɛ zɛ ruu dɔɔ ɓa;
ɔ yɛ kɨnnɔɔ a kɨnnɔɔ ama ɔ yɛ zɛ ɗɔ ɓa
27Aru shɔmiyi sisɨn nɔɔtɛttɔ
i nɔliyi shootɛ
ai kukiyi nɔɔtɛ
aru nɛi yɛ zɛ ɗɔrɛ ai nɔɔni,
i yɛ nta ruurɛ ai shooni
i yɛ zɛ ruurɛ ai sisɨni
i sɔɔn ɗɔbiirɛ, Ɗalapa sharɛ,
aru n yɛn gatirɛ.>>
28Bulus yisinyanwanɛ nɛ:<< Ɔ zɛtɔ nɛ, Ɗa ruu shɔraanɛ, shɔ sho tɛttɔ yɛnɛ shɔ gbeteyi ɓa Yahudawa i ɗɔbiini i yɛ weshootɔ ɗɔnǃ>> 29Naa Bulus sha vimtɛ nankɔ kɛɗɔn Yahudawayi yuurɛ a ɗɔuni i ɗɔ nyamasinɛ a kakani ai nɔɔ, aɗa gbeteyi kɛ yɛnɛyɛ.
30Bulus ɔ̃ saa ziti a wɛrɛ au tɛ a saa, a tɛ shɔ gbeteyi au ɗɔbii nɛi zɛuyɛ naarɛ 31Nwari shɔ nya aru Ɗa kpati roonɛ, wɔsɔ̃n mati shɔ vi ayuu Uɓeyelapa Yesɔ kirisi nii, sha nya a kakani ji nta seeti ɓa.
Currently Selected:
Acts 28: Laa
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
Acts 28
28
Bulus a Doddo Tete Mii a Malita
1Akɨnti gbete u raanaayɛ, u zɛ kɛkn nɛ doddo tete mii shɔ ɓaanɛ Malita. 2Shɔ ɗɔwiyi a nɔgbete u si shɔzati kpai i pɛliu vi tɔ̃vɨntɔ fɛ̃ɛm, i tɛunaatɔ si mii aɗɔ anɛ a sɔrɔ baanɛni i wusiu yaarɛ. 3Bulus toli layaa wunɛ u ɗɔ tɛ̃ɛnɛ a yaa, kɛɗɔn sɔɔ shɛrɛ au zɔ̃pɔ̃ aɗɔni aru yaa shɛ̃shɛ̃, a rɛɛ au naa. 4Naa shɔ koowiyi zɛ sɔɔutɛ u ɗɔɔ rotinɛ a Bulus naa i geli zɔnɛ, << Ɔ̃tɛ kaka jazɨng akɔrɔ Jaam u pɛ shɔshɔnyonɛ, ko ranaatɛ a mii waponi, ama Ɗalapa sisɨn lɛsinɛ yɛ yau ɓa u ɔ̃ a suru ni ɓa.>> 5Ama Bulus zɨnti naa a loki sɔɔurɛ a yaa, ji pɛliu viwɔɔ ɓa. 6Shɔwiyi gaurɛ, i tɔnɛ mɛnɛ yɛ puutɔ, ko yɛ nwesi a tipi u vɔrɛ. ama a knti gbeteyi gatɛ fɛ̃ɛm, i zɛrɛ yukɔnɛ wɔɔ ji kpau ɓa, ai kɔsi sisɨnrɛ ai shanɛ, <<Bulus u pɛ jaaɗa!>>
7Ɓa kpɛlɛ a ɗɔuni ɓa ɗɔ wɔɔ siɗɔn jaa wɔɔ ɓɛɛ shɔ ɓaunɛ Pubilu, si ukɔ yupɛ̃ni a doddo tete mii. A tɛu naarɛ au wɛrɛ tɔ̃vɨn lee taati u gbete shaarurɛ aru u shɔzati. 8Pubilu ɓeye u si a ɗɔroonɛ, nɔri a yɛti sonɛ pɛliutɔ. kɛɗɔn Bulus to au jaa a gakiu Ɗarɛ pɔ̃siunaa a yuu, a jaau gatirɛ. 9Naa vim pɛlitɛ, kɛɗɔn gãsi shɔvɔrɔyi a doddo tete mii kpai i arɛ a Bulus gatiyirɛ. 10I ãu vi waanɛ, naa u tokɛ latosi u yɛrɛ, ai toli vigbete u kasiyɛ kpai i tɛ̃ɛriurɛ a latosi.
Bulus Yaa Malita a Yɛ Rooma
11Akɨnti shɛlɛ taati u to latosi a Ɛlizandiriya, shɔ ɓaanɛ,<<Jabɔ̃nɛ Ɗalapayi,>> U shaa goosi ji a doddo tete miiukɔ. 12U to komoo a Siraku au ɔ̃rɛ ɗɔukɔ lee taati. 13A ɗɔwakɔ u to latosirɛ yɛnɛ komoo Regiyum. A dii ɓuru sɔrɔ gaa ɗusunɛrɛ aka dii, a lee ziti u to komoo pitiyoli-rɛ. 14U kpaa gãsi shɔ sisɨn ãnɛyi a Ɗabii a ɗɔwakɔ, i gakiu rɛ nɛu ɔ̃ pɛ ayini dɔɔ maanzii, ji nankɔ au to tipi Roomarɛ. 15Naa shɔ sisɨn ãnɛyi a Ɗa bi a Rooma i ntau ruubiitɛ, ai arɛ nɛi tɛunaa pɛ a tolimoo Apiyu wɔsɔ̃n a ɗɔ gbete shɔ ɓaanɛ ɗɔsusunɛ taati. Naa Bulus zɛ shɔwiyitɛ a dɔ̃ri Ɗalaparɛ, u kaka lakirɛ fɛ̃ɛm.
Bulus nwari Shɔ Ɗa nyaruubii a Rooma
16Naa u to Roomatɛ shɔ yaa Bulus rɛ nɛu ɔ̃ au yuu, a soja gbete gauyɛni.
17Akɨnti lee taati Bulus ɓaa yupɛ̃ni yahudawayi nya kpai aru ɔ̃nɛ, naa i tolinyatɛ a geliyi nɛ,<<N shɔbii Israilayi, ko n ji pɛli n shɔbiiyi ruukɔ̃linɛ wɔɔ ɓa, ko ruukɔ̃linɛ aru u nakoo gbete u tɛ a mauruyi naa n ji pɛliɓa, a shɔmni kpai shɔ sãn a Urushalima a shɔ ãn Roomayi a naa nɛi mang a jaahm. 18Naa shɔ Roomayi hɨlin ruutɛ i kasin naa yaanɛtɔ, aruviya i ji kpang ɓa a ruukɔ̃linɛni gbete yɛtɛ a nɔgbete shɔu nyo vɔrɔyɛni ɓa. 19Ama naa yahudawayi i ɓɛ̃ɛ̃ vimtɛ, kɛɗɔn ɔ̃rinkɛ kaka jazɨng akɔrɔ n gaki rɛ shɔ n ting ruu yɛnɛ kayisar ɗekɨn, ɓa nɛ n wuli mashɔzɛyi tɔ ɓa. 20Arumkɔ n kasɔɔ zɛnɛrɛ n nwanya a ɔkɔɔni, nizɛ kɔ n pɛ jaahm aru gbete n ã sisɨn a shɔ gbete u shɔ Israilayi i pɔ̃-sisɨn nɛ kaanɛyɛ.>>
21I geliunɛ, <<U ji kpaa sẽkoo wɔɔ ji au shɛ a tipi Yahudawa aa yuuni ɓa, ko u shɔbii wɔɔ ji a ɗɔmɓa ko gbete aru u sha ruukɔ̃linɛ ko viwɔɔ kɔ̃linɛ aa yuuni ɓa. 22Ama u kasirɛ u nta vigbete aa nyatɔ, aruviya u zɛ tɛtɔ kopiɗɔpiya shɔ sha ruu kɔ̃linɛtɔ aru kɨn gbete a ɗɔnni ni.>>
23Kɛɗɔn i pɔ̃ lee gbete i yɛ a Bulus ɗɔbiirɛ, i waanɛ i arɛ a leeukɔ a ɗɔ gbete Bulus ɔ̃yɛ, a Bulus gai dɔɔ ruu Ɗa kpati roonɛ tasinɛrɛ yuunɛ a gadi anɛ ɗarɛ, a kasinɛn kɔsiyi sisɨntɔ nɛi Yesɔ kɔ ɔ̃rɛ shɔshɔranɛ, ama pɛli vishonɛ labeenɛ Musa nya-ãsinɛ a janyagadiyi vibeenɛ. 24Shɔ gãsiyi ã sisɨntɔ au nya shanɛni, ama i shɔ gãsiyi ji ãsisɨn ɓa. 25Ai yaa ɗɔurɛ, arumkɔ ai nɔɔ Yahudawayi i ji tɛ zɔ ruu tɔɓa, a kɨnti gbete Bulus sha vimtɛː <<Ɗa suru sha si pɛ vitɔ̃vɨng a mɛuruyi yuuni, gbete sha a janyagadi Ishaya nya! 26Aru shanɛ
<<Yɛnɛ a geli shɔmiyi nɛ:
ɔ yɛ weshoo a weshoo ama ɔ yɛ zɛ ruu dɔɔ ɓa;
ɔ yɛ kɨnnɔɔ a kɨnnɔɔ ama ɔ yɛ zɛ ɗɔ ɓa
27Aru shɔmiyi sisɨn nɔɔtɛttɔ
i nɔliyi shootɛ
ai kukiyi nɔɔtɛ
aru nɛi yɛ zɛ ɗɔrɛ ai nɔɔni,
i yɛ nta ruurɛ ai shooni
i yɛ zɛ ruurɛ ai sisɨni
i sɔɔn ɗɔbiirɛ, Ɗalapa sharɛ,
aru n yɛn gatirɛ.>>
28Bulus yisinyanwanɛ nɛ:<< Ɔ zɛtɔ nɛ, Ɗa ruu shɔraanɛ, shɔ sho tɛttɔ yɛnɛ shɔ gbeteyi ɓa Yahudawa i ɗɔbiini i yɛ weshootɔ ɗɔnǃ>> 29Naa Bulus sha vimtɛ nankɔ kɛɗɔn Yahudawayi yuurɛ a ɗɔuni i ɗɔ nyamasinɛ a kakani ai nɔɔ, aɗa gbeteyi kɛ yɛnɛyɛ.
30Bulus ɔ̃ saa ziti a wɛrɛ au tɛ a saa, a tɛ shɔ gbeteyi au ɗɔbii nɛi zɛuyɛ naarɛ 31Nwari shɔ nya aru Ɗa kpati roonɛ, wɔsɔ̃n mati shɔ vi ayuu Uɓeyelapa Yesɔ kirisi nii, sha nya a kakani ji nta seeti ɓa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria