Yakobo 5
5
Mwe bakankala kengeleni
1Kamumfwa mwe bakankala. Mulekulila iminsoshi, mulekupuma ne misowa pa mulandu wa makyushi yakomishila. 2Ifyuma fyenu filibolele ne nsalu shenu balilile ku miswa. 3Golide na silfele nafilikwa ne ndalabwa. Ishi ndalabwa shikaba kambone wa kumishinina. Shikonaula umubili wenu kubati mulilo. Mwebo muliitutikile ifyuma muli shino nshiku shakulekelesha. 4Boneni, amalipilo mwafililwe ukulipila ababomfi ababombele mu mabala yenu. Imisowa yabali kusombola ilifikile ku matwi yakwa Shikulu wa Maka Yonse. 5Mu bumi bwenu pano kyalo mulapoosa indalama ishakuti ubwingi mufyakuisekesha no kuilemena mwe bene. Ekyo nomba muli inishe kukupekanya ku bushiku bwa kwipaiwa. 6Ni mwebo mupingwila abantu bakaele ukufwa, no kwipaya mulabepaya, nabo tabakaanako yii.
Mulekuteka imitima no kushipikisha mu makyushi
7Mwebo bawesu, ala mulekuteka imitima mpaka nelo Shikulu akabwela. Boneni efyo umulimi ateka umutima pakupembela ifisabo fyabune mpaka fikule fipye mwibala imfula ya pakubala ne ya kulekelela. 8Ekyo kanshi na mwebo mulekuteka imitima, mwilekunenuka, pantu ubushiku bwa kwisa kwakwa Shikulu bulipaleme.
9Na mwebo bawesu, nangu umo elekuisosha pafyo umunakwe akokita, epakwebati mwikapingulwa. Kapingula alimakene pa mwenshi. 10Mwe bawesu mulekwibukisha bakasesema abo Lesa atumine mukulanda amashiwi yakwe. Lekeni babe kilangililo kyenu mukuteka imitima ulo mukokyula. 11Boneni balya bakoshipikisha mu makyushi, ebo tweba ukushuka. Mwalyumfwa ukushipikisha kwakwa Yobo. Mulishibile ifyo Shikulu amulambwile pakulekelesha, pantu Shikulu alikwatisha inkumbu no luse.
12Bawesu nkomikonkobesha sana ati, mwilekulapa umulapo pakulaya ikilayo. Mwilekulapa iulu, nangu isonde, nangula fye mulapo umbi onse. Mwebo mulekulanda fye “Ee,” nga ni ee. “Ayii,” nga ni ayii. Epakwebati Lesa ekamipingula.
Ipepo lya kiketekelo
13Umo pali mwebo nga kokyula, alekupepa. Umo pali mwebo nga likwete insansa, naembe inyimbo shakulumbanya Lesa. 14Umo pali mwebo nga lilwele, akuute bakilolo ba lukuta, pakwebati baisa kumupepelako no kumusuba mafuta mwishina lyakwa Shikulu. 15No mulwele akapola ikyo abakomupepela balikwete ikisumino. Shikulu akamuposha no kumubelela uluse nga alibifishe. 16Mulekwebana ifya membu shenu, no kulaipepela epakwebati mulekupola. Ipepo lya muntu umololoke pa kinso kyakwa Lesa lyaliba na maka sana. 17Eliya ali fye muntu nga fwebo. Alipepele kuli Lesa pa maka ati aleshe mfula ukuloka. Elo na pa myaka itatu ne myeshi mutanda takwali mfula mu kyalo. 18Alishile ku lomba na kabili, ne ulu lyaliloseshe mfula no mushili walimeseshe ifisabo fyauko.
19Mwe bawesu, umo pali mwebo nga aaluka, afuma na mu nshila yakishinka, elo umbi amwalulula na kabili, mwishibe iki. 20Uyu muntu wa alulula umubifi ukufuma ku mibele yakwe ya lubembu, ninshi akapususha ulya muntu ku mfwa kabili akafimba pa fya bubifi ifyakuti ubwingi.
Currently Selected:
Yakobo 5: ABT
Highlight
Share
Copy
Want to have your highlights saved across all your devices? Sign up or sign in
The Word For The World International
Yakobo 5
5
Mwe bakankala kengeleni
1Kamumfwa mwe bakankala. Mulekulila iminsoshi, mulekupuma ne misowa pa mulandu wa makyushi yakomishila. 2Ifyuma fyenu filibolele ne nsalu shenu balilile ku miswa. 3Golide na silfele nafilikwa ne ndalabwa. Ishi ndalabwa shikaba kambone wa kumishinina. Shikonaula umubili wenu kubati mulilo. Mwebo muliitutikile ifyuma muli shino nshiku shakulekelesha. 4Boneni, amalipilo mwafililwe ukulipila ababomfi ababombele mu mabala yenu. Imisowa yabali kusombola ilifikile ku matwi yakwa Shikulu wa Maka Yonse. 5Mu bumi bwenu pano kyalo mulapoosa indalama ishakuti ubwingi mufyakuisekesha no kuilemena mwe bene. Ekyo nomba muli inishe kukupekanya ku bushiku bwa kwipaiwa. 6Ni mwebo mupingwila abantu bakaele ukufwa, no kwipaya mulabepaya, nabo tabakaanako yii.
Mulekuteka imitima no kushipikisha mu makyushi
7Mwebo bawesu, ala mulekuteka imitima mpaka nelo Shikulu akabwela. Boneni efyo umulimi ateka umutima pakupembela ifisabo fyabune mpaka fikule fipye mwibala imfula ya pakubala ne ya kulekelela. 8Ekyo kanshi na mwebo mulekuteka imitima, mwilekunenuka, pantu ubushiku bwa kwisa kwakwa Shikulu bulipaleme.
9Na mwebo bawesu, nangu umo elekuisosha pafyo umunakwe akokita, epakwebati mwikapingulwa. Kapingula alimakene pa mwenshi. 10Mwe bawesu mulekwibukisha bakasesema abo Lesa atumine mukulanda amashiwi yakwe. Lekeni babe kilangililo kyenu mukuteka imitima ulo mukokyula. 11Boneni balya bakoshipikisha mu makyushi, ebo tweba ukushuka. Mwalyumfwa ukushipikisha kwakwa Yobo. Mulishibile ifyo Shikulu amulambwile pakulekelesha, pantu Shikulu alikwatisha inkumbu no luse.
12Bawesu nkomikonkobesha sana ati, mwilekulapa umulapo pakulaya ikilayo. Mwilekulapa iulu, nangu isonde, nangula fye mulapo umbi onse. Mwebo mulekulanda fye “Ee,” nga ni ee. “Ayii,” nga ni ayii. Epakwebati Lesa ekamipingula.
Ipepo lya kiketekelo
13Umo pali mwebo nga kokyula, alekupepa. Umo pali mwebo nga likwete insansa, naembe inyimbo shakulumbanya Lesa. 14Umo pali mwebo nga lilwele, akuute bakilolo ba lukuta, pakwebati baisa kumupepelako no kumusuba mafuta mwishina lyakwa Shikulu. 15No mulwele akapola ikyo abakomupepela balikwete ikisumino. Shikulu akamuposha no kumubelela uluse nga alibifishe. 16Mulekwebana ifya membu shenu, no kulaipepela epakwebati mulekupola. Ipepo lya muntu umololoke pa kinso kyakwa Lesa lyaliba na maka sana. 17Eliya ali fye muntu nga fwebo. Alipepele kuli Lesa pa maka ati aleshe mfula ukuloka. Elo na pa myaka itatu ne myeshi mutanda takwali mfula mu kyalo. 18Alishile ku lomba na kabili, ne ulu lyaliloseshe mfula no mushili walimeseshe ifisabo fyauko.
19Mwe bawesu, umo pali mwebo nga aaluka, afuma na mu nshila yakishinka, elo umbi amwalulula na kabili, mwishibe iki. 20Uyu muntu wa alulula umubifi ukufuma ku mibele yakwe ya lubembu, ninshi akapususha ulya muntu ku mfwa kabili akafimba pa fya bubifi ifyakuti ubwingi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Word For The World International