Iwomo 4
4
Udaba Uwu Watokeyi Umba Azhu A Lɔ Laa Opita Mbala Ɔzhɔnu
1Tabɔkɔ Opita mbala Ɔzhɔnu o yi mu enzu iso isomo, akwɛyi ebwoshi umba Ukpo mbala u to keyi uwu wa gbo Ɔtɛpu mbala Asadusi o bo. 2Egbo iyi enzu mbɔlɛ itutumo gyɔɔ kwuwongu wa zɛ ilɔ o yi mu enzu ɛzɔ izɔma te, Ɔzhizɔsi e yimo mu kwuvɔ inyi gba i zɔ te, onzu uwu e kpomo a gba la iyimo. 3O yi Opita mbala Ɔzhɔnu ma akwɛyi o fu mbo mu ugu ugyi nzhii ba eyi ilama kwuwongu akwu mu onoyo. 4Tetete enzu gyɔɔ umba o pwa iso ɛnyi, o na yi ma akwɛyi riba ingyi wa mbwalu ri kyomo ri ka mu enzu edubu ɛlɔ.
5Bɔkɔ eyi i lama akwɛyi watekeyi mbala enzumbakɔ mbala wazɔ ɛrama iyi Omosisi o kpala ɛlu mu Ɔzhɛrusalɛ. 6Anasi, obwoshi uwakɔ e yi mɔmɔ ikyo mbala Okayafasi mbala Ɔzhɔnu mbala Alɛkizanda mbala enzu umbafo umba bɔkɔ o wɔ mu ɛdɔ iyi obwoshi uwakɔ. 7O wala Opita mbala Ɔzhɔnu kwudu akwɛyi o lo mbo meka, akwɛyi o fye mbo mu eyo iyomo te: <<Uwe e shi yi ekpasu, naa mɛnyi iyi uwe bɔkɔ lu wo ɛlɛ le?>>
8Akwɛyi Opita, uwu a nyɔlɔma mu Kwundu uwu Ukpo, a za mba te: <<Lunyi watekeyi mbala enzu umbakɔ! 9Gba iyama iyi lu ya nzu ɔnɛ le akwu kwuwongu esheshi iyi Ukpo e wo la onzu Ukpokapiya ele, gba lu yo nzu te i wo la bɔkɔ ofya wu u bomo le, 10ki gyi te lunyi mbala enzu umba Izirɛ lɛɛbi la lu yitu te: A kwu mu ɛnyi iyi Ɔzhizɔsi Okrasi uwu Ɔnazarɛti, uwu lu bɔ wu iba, uwu Ukpo e yi wu mo mu kwuvɔ awu gba onzu ele uwu a ri mu idu yi ele o bo wu ofya ma le. 11Ɔzhizɔsi gba akwu
<< <Kwoki ungwu lunyi wambo igwu
lu to ngwu mo le,
ungwu gba akwu
kwoki ungwu ɔla le.
12Mɛnyi iyi Ɔzhizɔsi kɛɛkyi gba oo fya isama le, moo i yi ɛnyi iyifo iyi bɔkɔ Ukpo a sa enzu ma mu kwudu kwɔlɛ mo.>>
13Bɔkɔ o ma te Opita mbala Ɔzhɔnu o yi iyi mo, ikyo o dayima te o wa ɛzu mo, akwu atalaka bi, akwɛyi i shi mbo kenzu iyama gyɔɔ. O bo o zɔngɔma te enzu mbɔlɛ o gɔ mbala Ɔzhizɔsi. 14O siso kego mo kwuwongu onzu uwu o bo wu ofya ma awu a ri mbala mba mɔmɔ. 15Akwɛyi o za Opita mbala Ɔzhɔnu te lɔ wɔ kwudu mu ɛlu ikpalama iyi wa to keyi umba Azhu akwɛyi o ta amasa mbala esu. 16Akwɛyi o ya esu mo o zɔ te, <<Enzu mbɔlɛ ki wo mbo te?>> << Kwuwongwu onzu uwunawuna mu Ɔzhɛrusalɛ e yitu te enzu mbɔlɛ o wo amɛ iyɛku iyi ki domo te ki zɔ kwu zɔ yi mo. 17Gba ki gyi te kiya ngyɛlɛ la ki fulama mba enzu mo, de ba la ki lo mbo iyi te lo so onzu uwunawuna iso gbee mu ɛnyi iyi Ɔzhizɔsi fo.>>
18Akwɛyi o gba mba la iyama mɛmi akwɛyi o shi mbo ɛrama te lo so iso mo ba lo zɔ ɛzu mu ɛnyi Ɔzhizɔsi gbee fo. 19Opita mbala Ɔzhɔnu ba o gba opwu o za mba te, <<La lu zɔ mafyi yi, iyina ishika, la ki mbwalu iyi Ukpo na iyayi ŋa? 20Kinzu ki do te ki lafya la iso isomo mu kiya ingyi ki ma ba ki pwa mo.>>
21Mizhikembo iyi wa to keyi umba Azhu o lo mbo iyi akwɛyi o lu mba afyima, o fya kwuyi ungwu o kpamba ɛmu mo, mo enzu lɛɛbi o ŋɔ mu Ukpo iduma kwuwongu kiya ingyi ki wo. 22Onzu uwu o wo apula iyi amɛ bɔkɔ o bo wu ofya le e yi lɔri undu lu pika lɔri uwekpendo ma.
Wambwalu O Lɛ Ukpo Kaa Lo Fya Ekpasu Iyi Iso Isomo Gedegede.
23Bɔkɔ ɔ lu mba afyima, akwɛyi Opita mbala Ɔzhɔnu o gbama o ka mba wa mbwalu o ko so lɛɛbi iyi kiya ingyi ebwoshi umbakɔ mbala enzu umbakɔ umba kwuse o so mbo. 24Tabɔkɔ wa mbwalu o pwa iso ɛlɛ akwɛyi o ta kpaa mu Ukpo ilɛma. O zɔ te, <<Ɔkwu uwu idomo,>> uŋɔ gba ŋɔ wo oshi mbala ɛzhi mbala risu, mbala apula iyi i yi mayi lɛɛbi le. 25Kwundu uwu Ukpo e siso mu kenzu unga umɛgba ŋa ete nzu Odevidi te:
<< <Kimbe ki shi enzu umba bɔkɔ akwu Izirɛ mo o wo amba
akwɛyi o bi egbo iyi umbwa te?
26Asu umba kwudu kwɔlɛ
o kpa kyaa
ikyo watekeyi o fu
ɛlu kyaa
akwu agewa umba Ada Ɔsu Ukpo
mbala Ɔzhizɔsi Okrasi.
27Ɛrɔdu mbala Ɔpɔtiyɔ Opayileti o kpa kyaa mbala enzu umba bɔkɔ akwu Izirɛ mo mbala ɛmɛ umba Izirɛ umba kwuse kwɔlɛ, o ri utu uwu umɛ ŋɔ Ɔkɛrikɛri Ɔzhizɔsi uwu ŋɔ ŋa awu. 28O wo kiya ingyi ekpasu ŋɔ mbala igyima ŋa i gyi te la i wo diridiri awu. 29Kekelele, Ada Ɔsu Ukpo, yese iyi ilomo mbo kaa shi ɛmɛgba ŋa lo wuyi iyi isisomo ŋɔ mo. 30Nda kwuwo ŋɔ kaa bo enzu efya ma, kaa zɔ lɔzɔ undu amɛ mbala apula iyi izele mu ɛnyi iyi umɛgba ŋa ɔkɛrikɛri Ɔzhizɔsi.>>
31Mizhikembo iyi o mbwa Ukpo ilɛma ma, riyi ingyi o kpala ɛlu awu ri wo akpa. Akwɛyi Kwundu uwu Ukpo e shi mbo ekpasu kpɛkpɛmba akwɛyi o so iso iyi Ukpo gedegede.
Wa mbwalu O Ka Apula Iyi O Yiyi Mbala Esu
32Wa mbwalu lɛɛbi o yi egbo ikpɛnyi mbala amasa ikpɛnyi. Onzu uwunawuna uwu e yi kiya a zɔ te kiya ngyɛngyi akwu ingya wu kɛɛkyi mo. O ka kiya ingyinangyina ingyi bɔkɔ o yi ngyi kyaa. 33Wa zɛ ilɔ o kpa kpɛɛ mu anu itama iyi iyimo iyi Ɔzhizɔsi Okrasi mu kwuvɔ la ekpasu iyɛku, akwɛyi Ukpo e shimbo esheshi wu gyɔɔ lɛɛbi. 34O yi enzu umba o yi igɔ meka mba mo kwuwongu, kwuye ungufo enzu umba o yi itu mbala agba o ya yi ma o bo la eduwo 35akwɛyi o ka yi la eduwo ɛnyi la wa zɛ ilɔ kaa lɔ ka yi ma la enzu umba o yi igɔ.
36Akwɛyi onzu uwu o ya wu te Ɔzhɔsɛfu, uwu a wɔ mu ɛdɔ iyi Olevi mu Ɔsapurɔ, uwu bɔkɔ Wa zɛ ilɔ o kpo wu ɛnyi te Obanaba (iyi o lunyi te Umɛ u ka enzu ɛnwu ma awu), 37a ya utu wu ma akwɛyi e bo la eduwo mu idu iyi wa zɛ ilɔ.
Currently Selected:
Iwomo 4: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
Iwomo 4
4
Udaba Uwu Watokeyi Umba Azhu A Lɔ Laa Opita Mbala Ɔzhɔnu
1Tabɔkɔ Opita mbala Ɔzhɔnu o yi mu enzu iso isomo, akwɛyi ebwoshi umba Ukpo mbala u to keyi uwu wa gbo Ɔtɛpu mbala Asadusi o bo. 2Egbo iyi enzu mbɔlɛ itutumo gyɔɔ kwuwongu wa zɛ ilɔ o yi mu enzu ɛzɔ izɔma te, Ɔzhizɔsi e yimo mu kwuvɔ inyi gba i zɔ te, onzu uwu e kpomo a gba la iyimo. 3O yi Opita mbala Ɔzhɔnu ma akwɛyi o fu mbo mu ugu ugyi nzhii ba eyi ilama kwuwongu akwu mu onoyo. 4Tetete enzu gyɔɔ umba o pwa iso ɛnyi, o na yi ma akwɛyi riba ingyi wa mbwalu ri kyomo ri ka mu enzu edubu ɛlɔ.
5Bɔkɔ eyi i lama akwɛyi watekeyi mbala enzumbakɔ mbala wazɔ ɛrama iyi Omosisi o kpala ɛlu mu Ɔzhɛrusalɛ. 6Anasi, obwoshi uwakɔ e yi mɔmɔ ikyo mbala Okayafasi mbala Ɔzhɔnu mbala Alɛkizanda mbala enzu umbafo umba bɔkɔ o wɔ mu ɛdɔ iyi obwoshi uwakɔ. 7O wala Opita mbala Ɔzhɔnu kwudu akwɛyi o lo mbo meka, akwɛyi o fye mbo mu eyo iyomo te: <<Uwe e shi yi ekpasu, naa mɛnyi iyi uwe bɔkɔ lu wo ɛlɛ le?>>
8Akwɛyi Opita, uwu a nyɔlɔma mu Kwundu uwu Ukpo, a za mba te: <<Lunyi watekeyi mbala enzu umbakɔ! 9Gba iyama iyi lu ya nzu ɔnɛ le akwu kwuwongu esheshi iyi Ukpo e wo la onzu Ukpokapiya ele, gba lu yo nzu te i wo la bɔkɔ ofya wu u bomo le, 10ki gyi te lunyi mbala enzu umba Izirɛ lɛɛbi la lu yitu te: A kwu mu ɛnyi iyi Ɔzhizɔsi Okrasi uwu Ɔnazarɛti, uwu lu bɔ wu iba, uwu Ukpo e yi wu mo mu kwuvɔ awu gba onzu ele uwu a ri mu idu yi ele o bo wu ofya ma le. 11Ɔzhizɔsi gba akwu
<< <Kwoki ungwu lunyi wambo igwu
lu to ngwu mo le,
ungwu gba akwu
kwoki ungwu ɔla le.
12Mɛnyi iyi Ɔzhizɔsi kɛɛkyi gba oo fya isama le, moo i yi ɛnyi iyifo iyi bɔkɔ Ukpo a sa enzu ma mu kwudu kwɔlɛ mo.>>
13Bɔkɔ o ma te Opita mbala Ɔzhɔnu o yi iyi mo, ikyo o dayima te o wa ɛzu mo, akwu atalaka bi, akwɛyi i shi mbo kenzu iyama gyɔɔ. O bo o zɔngɔma te enzu mbɔlɛ o gɔ mbala Ɔzhizɔsi. 14O siso kego mo kwuwongu onzu uwu o bo wu ofya ma awu a ri mbala mba mɔmɔ. 15Akwɛyi o za Opita mbala Ɔzhɔnu te lɔ wɔ kwudu mu ɛlu ikpalama iyi wa to keyi umba Azhu akwɛyi o ta amasa mbala esu. 16Akwɛyi o ya esu mo o zɔ te, <<Enzu mbɔlɛ ki wo mbo te?>> << Kwuwongwu onzu uwunawuna mu Ɔzhɛrusalɛ e yitu te enzu mbɔlɛ o wo amɛ iyɛku iyi ki domo te ki zɔ kwu zɔ yi mo. 17Gba ki gyi te kiya ngyɛlɛ la ki fulama mba enzu mo, de ba la ki lo mbo iyi te lo so onzu uwunawuna iso gbee mu ɛnyi iyi Ɔzhizɔsi fo.>>
18Akwɛyi o gba mba la iyama mɛmi akwɛyi o shi mbo ɛrama te lo so iso mo ba lo zɔ ɛzu mu ɛnyi Ɔzhizɔsi gbee fo. 19Opita mbala Ɔzhɔnu ba o gba opwu o za mba te, <<La lu zɔ mafyi yi, iyina ishika, la ki mbwalu iyi Ukpo na iyayi ŋa? 20Kinzu ki do te ki lafya la iso isomo mu kiya ingyi ki ma ba ki pwa mo.>>
21Mizhikembo iyi wa to keyi umba Azhu o lo mbo iyi akwɛyi o lu mba afyima, o fya kwuyi ungwu o kpamba ɛmu mo, mo enzu lɛɛbi o ŋɔ mu Ukpo iduma kwuwongu kiya ingyi ki wo. 22Onzu uwu o wo apula iyi amɛ bɔkɔ o bo wu ofya le e yi lɔri undu lu pika lɔri uwekpendo ma.
Wambwalu O Lɛ Ukpo Kaa Lo Fya Ekpasu Iyi Iso Isomo Gedegede.
23Bɔkɔ ɔ lu mba afyima, akwɛyi Opita mbala Ɔzhɔnu o gbama o ka mba wa mbwalu o ko so lɛɛbi iyi kiya ingyi ebwoshi umbakɔ mbala enzu umbakɔ umba kwuse o so mbo. 24Tabɔkɔ wa mbwalu o pwa iso ɛlɛ akwɛyi o ta kpaa mu Ukpo ilɛma. O zɔ te, <<Ɔkwu uwu idomo,>> uŋɔ gba ŋɔ wo oshi mbala ɛzhi mbala risu, mbala apula iyi i yi mayi lɛɛbi le. 25Kwundu uwu Ukpo e siso mu kenzu unga umɛgba ŋa ete nzu Odevidi te:
<< <Kimbe ki shi enzu umba bɔkɔ akwu Izirɛ mo o wo amba
akwɛyi o bi egbo iyi umbwa te?
26Asu umba kwudu kwɔlɛ
o kpa kyaa
ikyo watekeyi o fu
ɛlu kyaa
akwu agewa umba Ada Ɔsu Ukpo
mbala Ɔzhizɔsi Okrasi.
27Ɛrɔdu mbala Ɔpɔtiyɔ Opayileti o kpa kyaa mbala enzu umba bɔkɔ akwu Izirɛ mo mbala ɛmɛ umba Izirɛ umba kwuse kwɔlɛ, o ri utu uwu umɛ ŋɔ Ɔkɛrikɛri Ɔzhizɔsi uwu ŋɔ ŋa awu. 28O wo kiya ingyi ekpasu ŋɔ mbala igyima ŋa i gyi te la i wo diridiri awu. 29Kekelele, Ada Ɔsu Ukpo, yese iyi ilomo mbo kaa shi ɛmɛgba ŋa lo wuyi iyi isisomo ŋɔ mo. 30Nda kwuwo ŋɔ kaa bo enzu efya ma, kaa zɔ lɔzɔ undu amɛ mbala apula iyi izele mu ɛnyi iyi umɛgba ŋa ɔkɛrikɛri Ɔzhizɔsi.>>
31Mizhikembo iyi o mbwa Ukpo ilɛma ma, riyi ingyi o kpala ɛlu awu ri wo akpa. Akwɛyi Kwundu uwu Ukpo e shi mbo ekpasu kpɛkpɛmba akwɛyi o so iso iyi Ukpo gedegede.
Wa mbwalu O Ka Apula Iyi O Yiyi Mbala Esu
32Wa mbwalu lɛɛbi o yi egbo ikpɛnyi mbala amasa ikpɛnyi. Onzu uwunawuna uwu e yi kiya a zɔ te kiya ngyɛngyi akwu ingya wu kɛɛkyi mo. O ka kiya ingyinangyina ingyi bɔkɔ o yi ngyi kyaa. 33Wa zɛ ilɔ o kpa kpɛɛ mu anu itama iyi iyimo iyi Ɔzhizɔsi Okrasi mu kwuvɔ la ekpasu iyɛku, akwɛyi Ukpo e shimbo esheshi wu gyɔɔ lɛɛbi. 34O yi enzu umba o yi igɔ meka mba mo kwuwongu, kwuye ungufo enzu umba o yi itu mbala agba o ya yi ma o bo la eduwo 35akwɛyi o ka yi la eduwo ɛnyi la wa zɛ ilɔ kaa lɔ ka yi ma la enzu umba o yi igɔ.
36Akwɛyi onzu uwu o ya wu te Ɔzhɔsɛfu, uwu a wɔ mu ɛdɔ iyi Olevi mu Ɔsapurɔ, uwu bɔkɔ Wa zɛ ilɔ o kpo wu ɛnyi te Obanaba (iyi o lunyi te Umɛ u ka enzu ɛnwu ma awu), 37a ya utu wu ma akwɛyi e bo la eduwo mu idu iyi wa zɛ ilɔ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria