Iwomo 2
2
Ibomo Iyi Kwundu Uwu Ukpo.
1Bɔkɔ kwɔfyi ungwu Ɔpɛtakɔ inyi gba akwu afyi uwo ɛkpɛlɔ mizhikembo iyi odumudumu uwu ikalama kwu bo, wa mbwalu lɛɛbi ɔ kpala ɛlu mu riyi rikpɛnyi. 2Akwɛyi kporo de ba anu iyɛku i le mu iwomo mate kwokpo ungwɔkwu tayi, kwu ngyi moshi kwu nyɔlɔ kwogba ungwu o yi mangwu awu. 3O ma apula iyi i yi mate ɛtunɛ iyi ɔyi tayi, i le mu ifulomo mu reshi ingyi uwewe mɔmɔ. 4Kpɛkpɛmba Kwundu uwu Ukpo e fye ma mba lɛɛbi akwɛyi o le mu lunzu ndowa isomo mate bɔkɔ Kwundu e shimbo ekpasu iyi isomo awu.
5Kwuye kwɔngu pwa, enzu umba Izirɛ wa wuyi iyi Ukpo umba bɔkɔ ɔ wɔ mɛzhi ikikɔ ikikɔ iyi kwudu kwɔlɛ lɛɛbi o yi mu Ɔzhɛrusalɛ mɔmɔ. 6Bɔkɔ ɔ pwa anu ɛlɛ, akwɛyi enzu gyɔɔ o gyirima la kenzu iyama kwuwongu onzonzu a pwa mba te o siso mu kenzu wu. 7Kwuwongwu izele izelembo mo akwɛyi o yo kwuyo te: << Enzu lɛɛbi umba o yi mu iso isomo le akwu enzu umba Ogalili mo re? 8Ba iwo la bɔkɔ uwewe nzu a pwa mba te o so kenzu wu ŋa? 9Mo ki kwu enzu umba Apatiya, umba Omediya mbala Ɛlamu; Umba bɔkɔ o wɔ mu Omesopotamiya, Ozhudiya mbala Okapadosiya, Ɔpɔtu mbala Eshiya, 10enzu umba Afirigiya mbala umba Opafiliya, umba Izhipiti mbala kwuko ungwu Olibiya kɛlɛ mbala Ɔsarini; Agboga umba bɔkɔ o wɔ mu Oromu 11(ikyo Azhu mbala umba bɔkɔ akwu Azhu mo, o fulowa o mbwalu ɔgwuzɛ uwu Ukpo uwu Azhu) Enzu umba Okirita mbala Arabiya ki pwa mba te o tanu iyi apula iyi kenzu iyama iyi Ukpo e wo mu lunzu nzu!>> 12Ɛlɛ i shimbo kenzu iyama mbala izele, akwɛyi o yo esu kwuyo te, << Iluma iyi ɛlɛ akwu kwuwongumbe?>>
13Umbafo, mba ba o wo mbo ɛnɛ o zɔ te, <<O wo atɛ gyɔɔ gba atɛ o yi mbo mo le.>>
Opita E So Riba Ingyi Enzu Iso
14Akwɛyi Opita mbala wewo la ukpɛnyi mbamba o yefa ɔ rima, akwɛyi Opita a ya opwu mo a za la riba ingyi enzu mbamba te: <<Ɛmɛnɛ mi Azhu mbala lunyi lɛɛbi umba lu yi mu Ɔzhɛrusalɛ, la lu ngbɛ alu nɛrinɛri kaa lu pwa iso iyi mi so yi le. 15Akwu atɛ gba ki wole mate lu so awu mo. Kwuye kekelele akwu ekerepe erendo iyi kwoto bɛnɛ! 16Ɛlɛ gba akwu iso iyi anukenzu Ɔzhɔwɛlu esepo le te:
17<< <Ukpo a zɔ te, mu afyi iyi imbwama,
Mi shi enzu lɛɛbi kwundu mi.
Ɛmɛ yi anzɔnu mbala eko o tanu iyi iso iyi Ukpo,
Akolobiya yi ba o ma ɛbɛ,
Enzu umbakɔ yi o wolo ondo.
18Ikyo ɛmɛgba mi, eko mbala anzɔnu
Mi shimbo Kwundu mi mu afyi ɛnyi,
akwɛyi o tanu iyi iso iyi Ukpo.
19Mi zɔ apula iyi kenzu iyama moshi kadu
mbala lɔzɔ mɛzhi kindo,
ɛnzhi mbala ɔyi mbala uwu kpakiri.
20Ɔnu u fulowa akwu ipwu
ɔvya ba u vindɔ ɛnzhi
dɛshi inyɔma iyi kwɔfyi ungwɔkwu ungwu Ɔkwu kwu nyɔ.
21Akwɛyi uwewe uwu bɔkɔ a ya
ɛnyi iyi Ɔkwu o sa wu ma.>
22<<Enzu umba Izirɛ, la lu ngbɛ alu kaa lu pwa iso ɛlɛ: Ɔzhizɔsi uwu Ɔnazarɛti akwu onzu uwu Ukpo a nyama la wu, uwu a lɔ wu la amɛ mbala apula iyi kenzu iyama mbala lɔzɔ iyi Ukpo e wo meka yi, iyi i zɛ mu kwuwo wu mate bɔkɔ lu yitu awu. 23Ɔzhizɔsi ele Ukpo a lu wu afyima e shi yi mu iyitu iyi keyi wu mbala inyama wu; akwɛyi lu kpakyaa mbala enzu umba ira lu bɔ wu iba lu ngbɛ wu ma. 24Ukpo ba a gba la Ɔzhizɔsi iyimo mu kwuvɔ, a wawu ma mu inyashi iyi lukwu, kwongwu lukwu lu do wu irima mo. 25Odevidi e so iso meka wu, a zɔ te:
<< <Mi koko mi ma Ɔkwu mu keyi mi.
Kwuwongwu e yi mu kwuwo ungwu ungyi mi awu,
mi wo idu kpu mo.
26Kwuwo ngwɔlɛ mi yi ɔnyɛ, kenzu mi ka mu ɔnyɛ;
ɛnwu lɛɛbi tete i yi ɛnwu igbomo mu
eyifulomo,
27kwuwongu uŋɔ, Ɔkwu mi, ŋɔ lu mi afyima mu ogariwu mo,
ŋɔ shimi, Ɔkɛrikɛri ŋɔ, ka la mi kpomo ka la mi vama mo.
28Ŋɔ zɔ mi
ɛgwuzɛ iyi kwunyɔ,
ŋɔ nyɔlɔ mi ma la ɔnyɛ
mu idu ŋɔ.>
29Akwɛyi Opita a zɔ te, <<Ɛmɛnɛ mi, Imi la mi so yi mu egbo ikpɛnyi te, usɔkwu nzu Odevidi e kpomo, o kpa wu ami, ogariwu wu e degbo a ŋɔ le te ɔnɛ. 30Uwu ba akwu anukenzu awu, e yitu te Ukpo a vungɔma te uwu e fulo onzu uwu ɛdɔ wu mu ukpa uwu ɛsu wu 31Tabɔkɔ Odevidi a ma iyi i yi mu keyi, akwɛyi e so iso iyi iyimo iyi Okrasi, te Ukpo a lu wu afyima ka le kpomo la vuma mu ogariwu mo. 32Ukpo e yi Ɔzhizɔsi ele mo lakwunyɔ; kinzu lɛɛbi ki ku azɔgɔ iyi ɛlɛ. 33Tabɔkɔ o shiwu inzumbɛku iyi ŋɔma mu kwuwo ungwu ungyi ungwu Ukpo akwɛyi Kwundu uwu Ukpo uwu Ada e so e shi mɛzhi te uwu e shi wu, e bo mawu; Kwundu uwu Ukpo awu gba Ukpo e shi enzu mbɔlɛ le mate lu ma lu pwa awu. 34Odevidi a yama a ka mu oshi mo, ɔbulɛ a zɔ te,
<< <Ukpo a za la Adakwogba mi, Ɔzhizɔsi Okrasi te,
Ŋɔma mu kwuwo ungwungyi mi 35nzhii ba mi wo agewa ŋa enye ŋɔ.>> >
36<<Kwuwo ngwɔlɛ, ɛmɛ mba Izirɛ lɛɛbi lo yitu ngiri te: Ukpo e shi Ɔzhizɔsi ele uwu lu bɔ wu iba awu, te lakwu Ɔkwu mbala usama.>>
37Tabɔkɔ enzu o pwa iso ɛlɛ, i gwu mbo nzhii ba mu idu iyi anana akwɛyi o yo Opita mbala wa zɛ ilɔ umbafo mbamba te, << Ɛmɛnɛ, ki wo te?>>
38Opita a gba mba opwu te, << Uwewe yi la tamɛzhi ka lo wo wu obatisima mu ɛnyi iyi Ɔzhizɔsi Okrasi ka lu fya ɔpɛriri uwu ingbomo yi ma, akwɛyi lu na rɛshi ingyi Kwundu uwu Ukpo. 39Mo iso iyi o so o shi mɛzhi ele, akwu iyayi mbala ɛmɛ yi mbala enzu lɛɛbi umba o ndama mbala umba Ɔkwu nzu, Ukpo nzu a ba ya mba ma.>>
40Mu opwu uwɔkwuu, Opita e so mbo iso gyɔɔ e tumbomo, akwɛyi a kpa mba ɛshɛku te, <<La lu sa ɛnwu yi ma mu ɔyi uwu ira ɔlɛ.>> 41Enzu umba bɔkɔ ɔ na rɛnu ingyi iso wu, o wo mbo obatisima. Enzu edubu ɛla gba o kyo riba ma mu uzhi uwu wa mbwalu mɔnu mawu le.
42O bɔ ɛmba ngiri o shɛmba kwuye mu ɛzɔ iyi wa zɛ ilɔ o zɔ mba ivɔngɔma mbala ɛlu ifumo mbala kiya irimo mbala Ukpo ilɛma kyaa.
Iŋɔma Iyi Wambwalu Mbala Esu.
43Izele i yi uwewe mo kwuwongu amɛ mbala lɔzɔ undu amɛ undu bɔkɔ wa zɛ ilɔ o wo. 44Wambwalu lɛɛbi o yi kyaa; kiya ingyinangyina ingyi uwewe e yi ngyi, o kama kyaa. 45Umbafo o ya ɛzhi mba ma mbala ewulo iyi o yi yi akwɛyi o shi onzu uwunawuna uwu e yi ugɔ. 46O kpakpɛ kwɔfyi kwɔfyi mu ɛlu ifumo kyaa mu ɔdida uwu ɔtɛpu. O ri kiya kyaa mu agba iyi esu la ɔnyɛ imwuma mbala egbo ikpɛnyi, 47la Ukpo iduma mbala ɔnyɛ imwuma uwu inzumbeshi ifyama mba enzu lɛɛbi. Kwɔfyi kwɔfyi Ukpo e kyo riba ingyi enzu umba o sa mba ma.
Currently Selected:
Iwomo 2: ETP
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria
Iwomo 2
2
Ibomo Iyi Kwundu Uwu Ukpo.
1Bɔkɔ kwɔfyi ungwu Ɔpɛtakɔ inyi gba akwu afyi uwo ɛkpɛlɔ mizhikembo iyi odumudumu uwu ikalama kwu bo, wa mbwalu lɛɛbi ɔ kpala ɛlu mu riyi rikpɛnyi. 2Akwɛyi kporo de ba anu iyɛku i le mu iwomo mate kwokpo ungwɔkwu tayi, kwu ngyi moshi kwu nyɔlɔ kwogba ungwu o yi mangwu awu. 3O ma apula iyi i yi mate ɛtunɛ iyi ɔyi tayi, i le mu ifulomo mu reshi ingyi uwewe mɔmɔ. 4Kpɛkpɛmba Kwundu uwu Ukpo e fye ma mba lɛɛbi akwɛyi o le mu lunzu ndowa isomo mate bɔkɔ Kwundu e shimbo ekpasu iyi isomo awu.
5Kwuye kwɔngu pwa, enzu umba Izirɛ wa wuyi iyi Ukpo umba bɔkɔ ɔ wɔ mɛzhi ikikɔ ikikɔ iyi kwudu kwɔlɛ lɛɛbi o yi mu Ɔzhɛrusalɛ mɔmɔ. 6Bɔkɔ ɔ pwa anu ɛlɛ, akwɛyi enzu gyɔɔ o gyirima la kenzu iyama kwuwongu onzonzu a pwa mba te o siso mu kenzu wu. 7Kwuwongwu izele izelembo mo akwɛyi o yo kwuyo te: << Enzu lɛɛbi umba o yi mu iso isomo le akwu enzu umba Ogalili mo re? 8Ba iwo la bɔkɔ uwewe nzu a pwa mba te o so kenzu wu ŋa? 9Mo ki kwu enzu umba Apatiya, umba Omediya mbala Ɛlamu; Umba bɔkɔ o wɔ mu Omesopotamiya, Ozhudiya mbala Okapadosiya, Ɔpɔtu mbala Eshiya, 10enzu umba Afirigiya mbala umba Opafiliya, umba Izhipiti mbala kwuko ungwu Olibiya kɛlɛ mbala Ɔsarini; Agboga umba bɔkɔ o wɔ mu Oromu 11(ikyo Azhu mbala umba bɔkɔ akwu Azhu mo, o fulowa o mbwalu ɔgwuzɛ uwu Ukpo uwu Azhu) Enzu umba Okirita mbala Arabiya ki pwa mba te o tanu iyi apula iyi kenzu iyama iyi Ukpo e wo mu lunzu nzu!>> 12Ɛlɛ i shimbo kenzu iyama mbala izele, akwɛyi o yo esu kwuyo te, << Iluma iyi ɛlɛ akwu kwuwongumbe?>>
13Umbafo, mba ba o wo mbo ɛnɛ o zɔ te, <<O wo atɛ gyɔɔ gba atɛ o yi mbo mo le.>>
Opita E So Riba Ingyi Enzu Iso
14Akwɛyi Opita mbala wewo la ukpɛnyi mbamba o yefa ɔ rima, akwɛyi Opita a ya opwu mo a za la riba ingyi enzu mbamba te: <<Ɛmɛnɛ mi Azhu mbala lunyi lɛɛbi umba lu yi mu Ɔzhɛrusalɛ, la lu ngbɛ alu nɛrinɛri kaa lu pwa iso iyi mi so yi le. 15Akwu atɛ gba ki wole mate lu so awu mo. Kwuye kekelele akwu ekerepe erendo iyi kwoto bɛnɛ! 16Ɛlɛ gba akwu iso iyi anukenzu Ɔzhɔwɛlu esepo le te:
17<< <Ukpo a zɔ te, mu afyi iyi imbwama,
Mi shi enzu lɛɛbi kwundu mi.
Ɛmɛ yi anzɔnu mbala eko o tanu iyi iso iyi Ukpo,
Akolobiya yi ba o ma ɛbɛ,
Enzu umbakɔ yi o wolo ondo.
18Ikyo ɛmɛgba mi, eko mbala anzɔnu
Mi shimbo Kwundu mi mu afyi ɛnyi,
akwɛyi o tanu iyi iso iyi Ukpo.
19Mi zɔ apula iyi kenzu iyama moshi kadu
mbala lɔzɔ mɛzhi kindo,
ɛnzhi mbala ɔyi mbala uwu kpakiri.
20Ɔnu u fulowa akwu ipwu
ɔvya ba u vindɔ ɛnzhi
dɛshi inyɔma iyi kwɔfyi ungwɔkwu ungwu Ɔkwu kwu nyɔ.
21Akwɛyi uwewe uwu bɔkɔ a ya
ɛnyi iyi Ɔkwu o sa wu ma.>
22<<Enzu umba Izirɛ, la lu ngbɛ alu kaa lu pwa iso ɛlɛ: Ɔzhizɔsi uwu Ɔnazarɛti akwu onzu uwu Ukpo a nyama la wu, uwu a lɔ wu la amɛ mbala apula iyi kenzu iyama mbala lɔzɔ iyi Ukpo e wo meka yi, iyi i zɛ mu kwuwo wu mate bɔkɔ lu yitu awu. 23Ɔzhizɔsi ele Ukpo a lu wu afyima e shi yi mu iyitu iyi keyi wu mbala inyama wu; akwɛyi lu kpakyaa mbala enzu umba ira lu bɔ wu iba lu ngbɛ wu ma. 24Ukpo ba a gba la Ɔzhizɔsi iyimo mu kwuvɔ, a wawu ma mu inyashi iyi lukwu, kwongwu lukwu lu do wu irima mo. 25Odevidi e so iso meka wu, a zɔ te:
<< <Mi koko mi ma Ɔkwu mu keyi mi.
Kwuwongwu e yi mu kwuwo ungwu ungyi mi awu,
mi wo idu kpu mo.
26Kwuwo ngwɔlɛ mi yi ɔnyɛ, kenzu mi ka mu ɔnyɛ;
ɛnwu lɛɛbi tete i yi ɛnwu igbomo mu
eyifulomo,
27kwuwongu uŋɔ, Ɔkwu mi, ŋɔ lu mi afyima mu ogariwu mo,
ŋɔ shimi, Ɔkɛrikɛri ŋɔ, ka la mi kpomo ka la mi vama mo.
28Ŋɔ zɔ mi
ɛgwuzɛ iyi kwunyɔ,
ŋɔ nyɔlɔ mi ma la ɔnyɛ
mu idu ŋɔ.>
29Akwɛyi Opita a zɔ te, <<Ɛmɛnɛ mi, Imi la mi so yi mu egbo ikpɛnyi te, usɔkwu nzu Odevidi e kpomo, o kpa wu ami, ogariwu wu e degbo a ŋɔ le te ɔnɛ. 30Uwu ba akwu anukenzu awu, e yitu te Ukpo a vungɔma te uwu e fulo onzu uwu ɛdɔ wu mu ukpa uwu ɛsu wu 31Tabɔkɔ Odevidi a ma iyi i yi mu keyi, akwɛyi e so iso iyi iyimo iyi Okrasi, te Ukpo a lu wu afyima ka le kpomo la vuma mu ogariwu mo. 32Ukpo e yi Ɔzhizɔsi ele mo lakwunyɔ; kinzu lɛɛbi ki ku azɔgɔ iyi ɛlɛ. 33Tabɔkɔ o shiwu inzumbɛku iyi ŋɔma mu kwuwo ungwu ungyi ungwu Ukpo akwɛyi Kwundu uwu Ukpo uwu Ada e so e shi mɛzhi te uwu e shi wu, e bo mawu; Kwundu uwu Ukpo awu gba Ukpo e shi enzu mbɔlɛ le mate lu ma lu pwa awu. 34Odevidi a yama a ka mu oshi mo, ɔbulɛ a zɔ te,
<< <Ukpo a za la Adakwogba mi, Ɔzhizɔsi Okrasi te,
Ŋɔma mu kwuwo ungwungyi mi 35nzhii ba mi wo agewa ŋa enye ŋɔ.>> >
36<<Kwuwo ngwɔlɛ, ɛmɛ mba Izirɛ lɛɛbi lo yitu ngiri te: Ukpo e shi Ɔzhizɔsi ele uwu lu bɔ wu iba awu, te lakwu Ɔkwu mbala usama.>>
37Tabɔkɔ enzu o pwa iso ɛlɛ, i gwu mbo nzhii ba mu idu iyi anana akwɛyi o yo Opita mbala wa zɛ ilɔ umbafo mbamba te, << Ɛmɛnɛ, ki wo te?>>
38Opita a gba mba opwu te, << Uwewe yi la tamɛzhi ka lo wo wu obatisima mu ɛnyi iyi Ɔzhizɔsi Okrasi ka lu fya ɔpɛriri uwu ingbomo yi ma, akwɛyi lu na rɛshi ingyi Kwundu uwu Ukpo. 39Mo iso iyi o so o shi mɛzhi ele, akwu iyayi mbala ɛmɛ yi mbala enzu lɛɛbi umba o ndama mbala umba Ɔkwu nzu, Ukpo nzu a ba ya mba ma.>>
40Mu opwu uwɔkwuu, Opita e so mbo iso gyɔɔ e tumbomo, akwɛyi a kpa mba ɛshɛku te, <<La lu sa ɛnwu yi ma mu ɔyi uwu ira ɔlɛ.>> 41Enzu umba bɔkɔ ɔ na rɛnu ingyi iso wu, o wo mbo obatisima. Enzu edubu ɛla gba o kyo riba ma mu uzhi uwu wa mbwalu mɔnu mawu le.
42O bɔ ɛmba ngiri o shɛmba kwuye mu ɛzɔ iyi wa zɛ ilɔ o zɔ mba ivɔngɔma mbala ɛlu ifumo mbala kiya irimo mbala Ukpo ilɛma kyaa.
Iŋɔma Iyi Wambwalu Mbala Esu.
43Izele i yi uwewe mo kwuwongu amɛ mbala lɔzɔ undu amɛ undu bɔkɔ wa zɛ ilɔ o wo. 44Wambwalu lɛɛbi o yi kyaa; kiya ingyinangyina ingyi uwewe e yi ngyi, o kama kyaa. 45Umbafo o ya ɛzhi mba ma mbala ewulo iyi o yi yi akwɛyi o shi onzu uwunawuna uwu e yi ugɔ. 46O kpakpɛ kwɔfyi kwɔfyi mu ɛlu ifumo kyaa mu ɔdida uwu ɔtɛpu. O ri kiya kyaa mu agba iyi esu la ɔnyɛ imwuma mbala egbo ikpɛnyi, 47la Ukpo iduma mbala ɔnyɛ imwuma uwu inzumbeshi ifyama mba enzu lɛɛbi. Kwɔfyi kwɔfyi Ukpo e kyo riba ingyi enzu umba o sa mba ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Nigeria