Roomeke Manni'a 16
16
Phawullosi Dhameeka Nage'a
1Kinkira'oosi giddo hexxeexxe Mageniinxa tuuta ergatenda'neexxa dayyo no'oxxe Feebenii egendino'a eeyyanen. 2Ise anenna wele heddo manna gargarteemaxxee'e, qulliyye keesumma adha hassissamaqicnni ise Goottinke summinni adhitiineexxi hassissaaxe yaane duuchinni ise'e gargartinaasha ha'no maganeyaanne.
3Yessuusi Kiristoosixxa huje aninni welti hujamake Pirsqila'ninna Aqila'n anka nage'ann kulle. 4Insanne anxe hineexxi ifi reyote sa'isne uuneen; ane callann kaddebe'nok Ayihudake kadebaaxxi Magenxi tuuta duuchchinna insa'ne galateefata'neen. 5Insa'neke mine'n hexxeexxe Magenxe tuuta'a nage'a ani'a kulle; Issiyake bogi giddo sirete'n Kiristoosi'n aamaneeke jaalo anke Ephenexoosi'a naga'a anka kulle. 6Ha'no'a lumoqico eloottemmaxxe Maarami'n nage'a anka kulle. 7Aninni welti usureme'emakeri'nna ergameeyye giddo gura fulle'emakera fira anke Andironiqoosi'aanna Yuniyaasi'a nage'a anka kullee; insa'ne ani'a edinsexxi Kiristoosi'i amaneekeran. 8Goottik eeyaneke Amiphilaxoosi'a nage'a anka kullee. 9Kiristoosixxe huje aninni hujeeke Urbaanoosi'anna jaallo anke Isxakuusi'a nage'a kulle. 10Kiristoosike kadeexxa hega uudemeexxi kokeesemeeke Aphpheliisi'a nage'a kulle. Arsixobuloosike mini haddi'anna nage'a anka kulle. 11Heerodiyoo'o Ayihudichcho anke jaalo'n nage'a ani'a kulle; Narsiseesi mini hadinaa'n Gootta amaneekera'n nage'a ani'a kulle. 12Goottake'n hexxe'e jaba qicinni ergatenda'neexxa melaalle, Pirofimonaanna Xirofimosaa'a nage'a anka kullee; Gottake'n hexxe'e hara jaba qicinni ergatendeexxe, eettene eeyendeexxe Xersiida'a nage'a anka kulle. 13Gootti fi'leeke Ruufoosi'aanna ani'a amate kaddaaxxe isixxe ama'a nage'a anka kulle. 14Asiqerixooni'a, Filegooni'a, Hermeesi'a, Phatirobaasi, Herman'anna insa'nenni welt hedheke amaagne dayyuwi'a nage'a kullee. 15Filologoosi'a, Yuuliiya'a, Neeriya'aanna isixxe dayyo'a nage'a ani'a kulle; iittanni Olumpoosi'aanna insa'nenni welti hedheek amaagne dayyuwwi'a nage'a ani'a kulle. 16Woyyitte sunqexxinni wel sunqexina'n nage'a weli aadhdhe. Kiristoosixxi duuchinxi Magenxe tuuta ha'no'a nage'a dhanda'neen.
17Anke dayyuwwa hano baratineexxxa baracho gareerat ha'no giddo gargar higanna gufo hexxaashsha assa'neeke manninaa'n ifi heqedhe; insa'enaa'ninna bayyatte. 18Iitta hedheek manni ergatema'neek Yessusi Kiristoosi'a kaddebaak ifike godoban. Insa'ne xa'maakenna kookinshine haaso'ini ba'lake mannixxa qalbe dedhinsaan. 19Ha'noxxa ajajensha duuchching laqe'een; tenne'n aninna ha'no'n lumoosha gamade'enen; kaddomalee eloxxe yaane'a beekole fuggoxxe kinni ba'lake kaddino'a eeya'nen.
20Nage'ink Mageni durrisa lekka ha'noxxi hunda rake cancaqaan.
No'oka Gootti Yessuusik badhaadhi ha'no'n welt hedhowaal.
21Aninni welti hujete'n hedhek Ximotoosi nage'a ha'no'a dhaame'een. Iittanni Ayihudike manninaa'n anke fira kade'eek Luqiyoosi, Iyyasooninna Sosiphaxiroosi nage'a ha'no'a dhaame'een.
22Tenne erga borresenek ani Xerxiyoosi Goottik nage'a ha'no'a dhaamenen.
23Aneenna kaba hexxeexxa Magenxa tuuta keensusaak Gayiyoosi nage'a ha'no'a dhaamedhen.
Ookko qachchixxe karra duuchik soores Erasixoosi dayyi no'ok Qu'arxoosi nage'a no'o'a dhaame'een. 24Gootti no'oke Kirsitosik badhadhi ha'no duuchchingini welti hedhowaal. Ameen.
25Ani kulaanexxi wengele Yessuusi Kiristoosixxe kulenda'neexe erganna edike barruwinaa'n sho'ende turteexxi ta'a kinni lifisendeexxe dhuga darre'n isi ha'o amana ha'noxxe jabatiine urtinaashsha assa dandeaake isi'a ulfinni kadowaal. 26Ta'a kinni iitti sho'endeemaxxi buqo yaane ifisende'een; Duuchci woddike Magenike aajajiqicisha duuching amaneexxi ajajemaashsha wabeekotike maxaafi darre gosa gosak arduwwi duuchchi ege'naasha assendeen. 27Isin calli beekake kade'eek Magen, Yessuusi Kiristoosi darre'n duuchchin woddi'a ulfaatowaal. Ameen.
Currently Selected:
Roomeke Manni'a 16: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
