Laakosinka Maxaafa 3
3
Leewwito
1Duuchchi Woddiki Gootti Siinaxxe Kooba'n Muusenni haaso'e wodda Aaroonixxenna Muusexxe ilake daalixxi jirte konnechchi butta hexxeeshshaten.
2Aaroonixxe labbaxxe oosek summi angafi Naadabi, weletiki Abihu, Ali'aazaarinna Itamaariten.#Lak. 26:60. 3Insa'ne qeesummati ergatemmo'a gargar foyyeme'e qeesete kadatee'e hariirendeexxe Aaroonixxe labbaxxe oosemman. 4Yaane kinni Naadabinna Abihu Siinaxxe qiilla gammoje'n seeriinxe kaddebaaxxe giira'n Duuchchi Woddike Goottii'a tolcha tolchineemmaxxee ookkonni isi edo renne. Insa'ne labbaxxa oose afagonpheemmaxxee Ali'aazaarinna Itamaari calli anni insa'neek Aarooni lubbo hedhemmaka baro qeesummati ergattemma'nemman.#Lew. 10:1-2; Lak. 26:61.
5Duuchchi Woddiki Gootti Muuse hiyyee qici, 6«Leewwika gosati mine iyyedaggetexxi qeessichcho Aaroonii'i gargaraashsha isi edo shiqisi. 7Insa'ne afenshatike duunkaana'n Taabotinke galdumixxa huje hunja'n isi'anna origi duuchchi'a hasissaaxxa ergatensha ergatemmuun. 8Insa'ne Taabotinke galdumixxa huje hunja'ninna Isira'eelik ardi'a ergatema hasissammaxxa duuchchanna ergatemma'n duunkaaniinka mi'a duuchcha heqqinuun. 9Leewwito Aarooni'anna labbaxxee isixxe oose'a uwwi. Insa'ne Isira'eelike ardinaa'n foyyemmeexxi isi'a uwweme'eeken. 10Qeesummati ergatemmo'a Aarooninna isixxa oose qeesoonsi weli ayyinna Taabotiinke galdumibaa shiqoole shiyemuun.»
11Duuchchi Woddik Gootti Muuse hiyyee qici, 12«Angafake kadeexxi ileemaake Isira'eelike labbake duuchchixxa bado Leewwito Isira'eelike ardi giddii'n adhdheenen. Tennexxee Leewwito anxenni, 13angafake kadeek duuchchi anke kademmaxxee Gibtseke boga'n angafake kadeeka duuchcha shiyyenexxa yaanna manjo horekenaa'n hooneenna Isira'eeli giddika angafa ani ifi'a gargar fo'weennen anke kaduun. Ani Duuchchi Woddike Goottan.»#Fula. 13:2.
14Duuchchi Woddik Gootti Muuse Siinaxxe qiilla gammoojje giddo hiyyee qici, 15«Leewwito ifi ifike mini hado'ninna ifi ifike gosati minii'n laakko'i; ilemeexxi mitte agenjo geyeekanna yookaan ookko iimi darre hedheeka labbaka duuchcha lakko'i» hiyye. 16Tennexxee Muuse Duuchchi Woddike Goottik hiyyichchi isoo ajajemmashshann insa'nee laakko'e. 17Leewwixxe labbaxxe oosek summi Gershoon, Qe'aatinna Meraariten. 18Gershoonixxe horetexxe oosek summi Loobeninna Semi'iten. 19Qe'aatixxi horte Imbireem, Yisi'aar, Kebirooninna Uuzi'eeliten. 20Meraarixxi horte Mohoolinna Muusiten. Yoona Leewwito hundaaye ifi ifixxike mini hado'n laakko'endaa wodda konneeraten.
21Liibinitotixxinna Seme'itotixxi hundaaye Gershoonitotixxe hundaayyenaa'niten; insa'ne Gershoonixxe hortemman. 22Insa'nenaa'n mitte agenjonna ookko iimi darre hexxeexxa wogga kadeexxi laakko'emeek labbak duuchching torbaane kumanna onde dhibbamman. 23Gershoonitotixxi horte duunkaani uduma dhidhimi darre'n offolduun. 24Gershoonitotixxe hortek mini mini hadduwwik akeekisanji La'eelike belto Elisaafite kadaan. 25Afenshatike duunkaani giddo Gershoonito uuddaaxxi yaane Taabotinka galdumanna duunkaana, duunkaanika buyyisanjuwwa, afenshatixxe duunkaanixxe huuddummeka seemmatika golo, 26Ba'liniika huudummetika seemmatika golo, Taabotinke galdumika duunkaananna tolchimalcho gollaaka hulatike ba'linnika golo, ookkone golixxa wodaruwwanna iittanni konnechchuwwinni welti abidendeexxa la'o uwwaachcho duuchcha heqqate kaddaan. 27Imbireemitotixxi, Yisi'aartotixxi, Kebiroonitotixxinna Uuzi'eelitotixxi hundaayye Qe'aatiten; insa'ne Qe'aatixxe hortemman. 28Mitte agenjikinna ookko iimi darre hexxeexxe woggak duuchchinge labbakik laakkosi saddeeta kumanna jaane dhibba kadeexxi Qe'aatitotixxe huje woyyitte bakka heqqatemman. 29Qe'atotixxi horte ofoldaabi Taabotii galdumike duunkaana bita'i darre'nite kadduun. 30Qe'aatixxe gosak mini mini haduwwik sooreessi Uzi'eelike belto, Elitsafaanite kadaan. 31Insa'ne Taabota, beera torbaane dhankoka xassa, tolchimalchuwwa, woyyitte bakkaka mi'uwwa, seemmatika golonna konnechchuwwinni welti abidendeexxa la'o uwwaachcho duuchcha heqqinaan.
32Leewwitotiki umi sooreessi qeesichcho Aaroonike belto Ali'aazaaritemman; isinna woyyitte bakka'n ergatemo'a baallome'emake manni duuchchike galchallomman.
33Moholatotixxinna Musayawitotixxi hundaayye Meraaritotixxe hundaayenaa'niten. Insa'ne Meraarixxe hortemman. 34Insa'nenaa'n mitte agenjonna ookko iimi darre hexxeexxa wogga kadeexxi laakko'eemeek labbak duuchching jaane kumanna lame dhibbamman. 35Meraartotixxe gosat mini hadik sooreessi Suurike belto Abi'eeltemman. Meraaritotinna afenshatike duunkaaninaa'n middi darre'n ofoldowwaal. 36Meraaritonna Taabotii galdumike duunkaanika mikikilisanjuwwa, isika danqarsanjuwwa isika utuphuwwanna isika utuphuwwika lekkisanjuwwa, Taabotiinke galdumika miya duuchchanna konnechchuwwinni welti abidendeexxa la'o uwwaachcho duuchcha heqqatee baalloome'emman. 37Iittanni baxxetixxe doweka utuphuwwa lekisanjuwwa isingenninni welti, isixxe kaasowwaninna isexxe wodaruwwanni welti heqqinaamman.
38Muuse, Aarooninna Aaroonixxa labbaxxi oose Taabotiike galdumike duunkanaa'n boroti darre'n arsho fuldamma darre'n duunkaani edi darre ofollaan; insa'nenna Isira'eelike ardixxe tukke kandeexxi woyyitte bakka heqqatee baalloommaan. Woyyitte bakkabaa shiqaak huuni weli manji kinni shiyemowwaal. 39Mitte agenjikinna ookko iimi darre hexxeexxe woggak Muusenna Aarooni Duuchchi Woddike Goottike ajajinni gosa gosatike mine'n laakkooneexxe labbaxxe Leewwitoki laakkossi mitteba lame tommenna lame kumamman.
40Duuchchi Woddiki Gootti Muuse hiyyeeb qici, «Angafa kade'e ilemeeke mitte agenjonna ookko iima hexxeexxe woggaka Isira'eelika labballo duuchcha laakkoottettexxi summi summinni borreessi. 41Angafa kadde ilendeexxe Isira'eelitotixxe oose duuchchixxa bado Leewwito, iittanni edise ilemeeke Isira'eelitotike hori duuchchixxa bado leewwototika hore ani'a aadhi; ani Duuchchi Woddike Goottan.» 42Tennexxee Muuse Duuchchi Woddik Gootti isoo ajajemmashshanni Isira'eelitotike angafake kade ilemeeka duuchcha laakko'e. 43Mitte agenjonna ookko iimi darre hexxeexxe wogga kadeexxi summi summinni borreeseme'emmake angafa labballuwwik laakkossi mitteba lame tommenna lame kumanna lame dhibbanna torbaane tommenna sasekemman.
44Ookkoneechchi uduma Duuchchi Woddik Gootti Muuse hiyyee qici: 45«Angafake kadde ilendeexxe Isira'eelitotixxe oose duuchchixxa bado Leewwito iittanni edise ilemeeke Isira'elitotike hori duuchchixxa bado leewwitotika hore ani'a aadhi; Leewwito anxe kadduun; ani Duuchchi Woddike Goottan. 46Laakkossi insa'neek Leewwitotike laakkossinaa'n lame dhibbanna torbaane tommenna sasik caaleeka Isira'eelitotika angafa woddota'a, 47mitti mittinge angafixxee ha'urre jaane tomme giraama birretika sibljo woyyichchi Galmixxe kiiloxxe qixxe'n aaxxatton. 48Gatteexxa Isira'eelito wodatee konne maalaqa Aarooni'ninna isixxe oosse'n uwwi.» 49Muusenna angafa ilemeeka Isira'eelika labballo wodatika maallaqa laakkosik Leewwito caalemake Isira'eelike labballonaa'ni aadhe. 50Isira'eelitotike angaffuwwinaa'n woyyitte bakkaxxe kiiloxxe qixxe'n tommenna onde kiilonna gamisa bukki asse. 51Muusenna Duuchchi Woddiki Gootti isoo ajajeshshanni ookkonee wodatika maallaqa Aarooni'ninnaa isixxe labbaxxe oose'n uwwe.
Currently Selected:
Laakosinka Maxaafa 3: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Laakosinka Maxaafa 3
3
Leewwito
1Duuchchi Woddiki Gootti Siinaxxe Kooba'n Muusenni haaso'e wodda Aaroonixxenna Muusexxe ilake daalixxi jirte konnechchi butta hexxeeshshaten.
2Aaroonixxe labbaxxe oosek summi angafi Naadabi, weletiki Abihu, Ali'aazaarinna Itamaariten.#Lak. 26:60. 3Insa'ne qeesummati ergatemmo'a gargar foyyeme'e qeesete kadatee'e hariirendeexxe Aaroonixxe labbaxxe oosemman. 4Yaane kinni Naadabinna Abihu Siinaxxe qiilla gammoje'n seeriinxe kaddebaaxxe giira'n Duuchchi Woddike Goottii'a tolcha tolchineemmaxxee ookkonni isi edo renne. Insa'ne labbaxxa oose afagonpheemmaxxee Ali'aazaarinna Itamaari calli anni insa'neek Aarooni lubbo hedhemmaka baro qeesummati ergattemma'nemman.#Lew. 10:1-2; Lak. 26:61.
5Duuchchi Woddiki Gootti Muuse hiyyee qici, 6«Leewwika gosati mine iyyedaggetexxi qeessichcho Aaroonii'i gargaraashsha isi edo shiqisi. 7Insa'ne afenshatike duunkaana'n Taabotinke galdumixxa huje hunja'n isi'anna origi duuchchi'a hasissaaxxa ergatensha ergatemmuun. 8Insa'ne Taabotinke galdumixxa huje hunja'ninna Isira'eelik ardi'a ergatema hasissammaxxa duuchchanna ergatemma'n duunkaaniinka mi'a duuchcha heqqinuun. 9Leewwito Aarooni'anna labbaxxee isixxe oose'a uwwi. Insa'ne Isira'eelike ardinaa'n foyyemmeexxi isi'a uwweme'eeken. 10Qeesummati ergatemmo'a Aarooninna isixxa oose qeesoonsi weli ayyinna Taabotiinke galdumibaa shiqoole shiyemuun.»
11Duuchchi Woddik Gootti Muuse hiyyee qici, 12«Angafake kadeexxi ileemaake Isira'eelike labbake duuchchixxa bado Leewwito Isira'eelike ardi giddii'n adhdheenen. Tennexxee Leewwito anxenni, 13angafake kadeek duuchchi anke kademmaxxee Gibtseke boga'n angafake kadeeka duuchcha shiyyenexxa yaanna manjo horekenaa'n hooneenna Isira'eeli giddika angafa ani ifi'a gargar fo'weennen anke kaduun. Ani Duuchchi Woddike Goottan.»#Fula. 13:2.
14Duuchchi Woddik Gootti Muuse Siinaxxe qiilla gammoojje giddo hiyyee qici, 15«Leewwito ifi ifike mini hado'ninna ifi ifike gosati minii'n laakko'i; ilemeexxi mitte agenjo geyeekanna yookaan ookko iimi darre hedheeka labbaka duuchcha lakko'i» hiyye. 16Tennexxee Muuse Duuchchi Woddike Goottik hiyyichchi isoo ajajemmashshann insa'nee laakko'e. 17Leewwixxe labbaxxe oosek summi Gershoon, Qe'aatinna Meraariten. 18Gershoonixxe horetexxe oosek summi Loobeninna Semi'iten. 19Qe'aatixxi horte Imbireem, Yisi'aar, Kebirooninna Uuzi'eeliten. 20Meraarixxi horte Mohoolinna Muusiten. Yoona Leewwito hundaaye ifi ifixxike mini hado'n laakko'endaa wodda konneeraten.
21Liibinitotixxinna Seme'itotixxi hundaaye Gershoonitotixxe hundaayyenaa'niten; insa'ne Gershoonixxe hortemman. 22Insa'nenaa'n mitte agenjonna ookko iimi darre hexxeexxa wogga kadeexxi laakko'emeek labbak duuchching torbaane kumanna onde dhibbamman. 23Gershoonitotixxi horte duunkaani uduma dhidhimi darre'n offolduun. 24Gershoonitotixxe hortek mini mini hadduwwik akeekisanji La'eelike belto Elisaafite kadaan. 25Afenshatike duunkaani giddo Gershoonito uuddaaxxi yaane Taabotinka galdumanna duunkaana, duunkaanika buyyisanjuwwa, afenshatixxe duunkaanixxe huuddummeka seemmatika golo, 26Ba'liniika huudummetika seemmatika golo, Taabotinke galdumika duunkaananna tolchimalcho gollaaka hulatike ba'linnika golo, ookkone golixxa wodaruwwanna iittanni konnechchuwwinni welti abidendeexxa la'o uwwaachcho duuchcha heqqate kaddaan. 27Imbireemitotixxi, Yisi'aartotixxi, Kebiroonitotixxinna Uuzi'eelitotixxi hundaayye Qe'aatiten; insa'ne Qe'aatixxe hortemman. 28Mitte agenjikinna ookko iimi darre hexxeexxe woggak duuchchinge labbakik laakkosi saddeeta kumanna jaane dhibba kadeexxi Qe'aatitotixxe huje woyyitte bakka heqqatemman. 29Qe'atotixxi horte ofoldaabi Taabotii galdumike duunkaana bita'i darre'nite kadduun. 30Qe'aatixxe gosak mini mini haduwwik sooreessi Uzi'eelike belto, Elitsafaanite kadaan. 31Insa'ne Taabota, beera torbaane dhankoka xassa, tolchimalchuwwa, woyyitte bakkaka mi'uwwa, seemmatika golonna konnechchuwwinni welti abidendeexxa la'o uwwaachcho duuchcha heqqinaan.
32Leewwitotiki umi sooreessi qeesichcho Aaroonike belto Ali'aazaaritemman; isinna woyyitte bakka'n ergatemo'a baallome'emake manni duuchchike galchallomman.
33Moholatotixxinna Musayawitotixxi hundaayye Meraaritotixxe hundaayenaa'niten. Insa'ne Meraarixxe hortemman. 34Insa'nenaa'n mitte agenjonna ookko iimi darre hexxeexxa wogga kadeexxi laakko'eemeek labbak duuchching jaane kumanna lame dhibbamman. 35Meraartotixxe gosat mini hadik sooreessi Suurike belto Abi'eeltemman. Meraaritotinna afenshatike duunkaaninaa'n middi darre'n ofoldowwaal. 36Meraaritonna Taabotii galdumike duunkaanika mikikilisanjuwwa, isika danqarsanjuwwa isika utuphuwwanna isika utuphuwwika lekkisanjuwwa, Taabotiinke galdumika miya duuchchanna konnechchuwwinni welti abidendeexxa la'o uwwaachcho duuchcha heqqatee baalloome'emman. 37Iittanni baxxetixxe doweka utuphuwwa lekisanjuwwa isingenninni welti, isixxe kaasowwaninna isexxe wodaruwwanni welti heqqinaamman.
38Muuse, Aarooninna Aaroonixxa labbaxxi oose Taabotiike galdumike duunkanaa'n boroti darre'n arsho fuldamma darre'n duunkaani edi darre ofollaan; insa'nenna Isira'eelike ardixxe tukke kandeexxi woyyitte bakka heqqatee baalloommaan. Woyyitte bakkabaa shiqaak huuni weli manji kinni shiyemowwaal. 39Mitte agenjikinna ookko iimi darre hexxeexxe woggak Muusenna Aarooni Duuchchi Woddike Goottike ajajinni gosa gosatike mine'n laakkooneexxe labbaxxe Leewwitoki laakkossi mitteba lame tommenna lame kumamman.
40Duuchchi Woddiki Gootti Muuse hiyyeeb qici, «Angafa kade'e ilemeeke mitte agenjonna ookko iima hexxeexxe woggaka Isira'eelika labballo duuchcha laakkoottettexxi summi summinni borreessi. 41Angafa kadde ilendeexxe Isira'eelitotixxe oose duuchchixxa bado Leewwito, iittanni edise ilemeeke Isira'eelitotike hori duuchchixxa bado leewwototika hore ani'a aadhi; ani Duuchchi Woddike Goottan.» 42Tennexxee Muuse Duuchchi Woddik Gootti isoo ajajemmashshanni Isira'eelitotike angafake kade ilemeeka duuchcha laakko'e. 43Mitte agenjonna ookko iimi darre hexxeexxe wogga kadeexxi summi summinni borreeseme'emmake angafa labballuwwik laakkossi mitteba lame tommenna lame kumanna lame dhibbanna torbaane tommenna sasekemman.
44Ookkoneechchi uduma Duuchchi Woddik Gootti Muuse hiyyee qici: 45«Angafake kadde ilendeexxe Isira'eelitotixxe oose duuchchixxa bado Leewwito iittanni edise ilemeeke Isira'elitotike hori duuchchixxa bado leewwitotika hore ani'a aadhi; Leewwito anxe kadduun; ani Duuchchi Woddike Goottan. 46Laakkossi insa'neek Leewwitotike laakkossinaa'n lame dhibbanna torbaane tommenna sasik caaleeka Isira'eelitotika angafa woddota'a, 47mitti mittinge angafixxee ha'urre jaane tomme giraama birretika sibljo woyyichchi Galmixxe kiiloxxe qixxe'n aaxxatton. 48Gatteexxa Isira'eelito wodatee konne maalaqa Aarooni'ninna isixxe oosse'n uwwi.» 49Muusenna angafa ilemeeka Isira'eelika labballo wodatika maallaqa laakkosik Leewwito caalemake Isira'eelike labballonaa'ni aadhe. 50Isira'eelitotike angaffuwwinaa'n woyyitte bakkaxxe kiiloxxe qixxe'n tommenna onde kiilonna gamisa bukki asse. 51Muusenna Duuchchi Woddiki Gootti isoo ajajeshshanni ookkonee wodatika maallaqa Aarooni'ninnaa isixxe labbaxxe oose'n uwwe.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia