Laakosinka Maxaafa 23
23
Sirettixxa Bala'aamika Wabeekkumatika Haaso'a
1Bala'aminna Baalaqi'i, «Konne booncho'ni torbaane tolchimalchuwwa ani'a ijaar; ittanni torbaane koromoolenna torbaane gedhebiinxa korbeeyye ani'a qixxeesse» hiyye.
2Baalaqinna Bala'aami hiyyemmashshanni asse; lamiing mitte mitte tolchimalcho'ni mitte mitte koremenna mitte gedhebiinka korbeesa shiqinshe.
3Ookkonechchi uduma Bala'aami Baalaqi'i, «Ani ooko'a me'anno wodda ati kabanni atike cincatike tolchi bira hekki hiyyi; akimagaada Duuchchi Woddik Gootti aninni afemo'a dagaaxxe hexxeen; ane'n leellishaaxxa ate'n kulannon» hiyye. Ookkonechchi uduma Baalaqi mitte qephphichcha diidiba'a me'e.
4Magenikinna isinni afemena'a Bele'aami, «Kunse ani torbaane tolchimalchuwwa jaareennen; mitte mittenge'ni mitte mitte korommenna mitte mitte gedhebiinka korbeessa tolcheennen» hiyye.
5Duuchchi Woddik Goottinna Bele'aamike afo'on haaso'aaxxa erga uggee'na'a «Baalaqibaa illee iima higgettexxi tenne erga iso'n kuli» hiyye.
6Isinna illeema higeexxi me'e wodda Baalaqi duuchiinge Mo'aabike akeekisanjuwwinni welti ifike cincatike tolchi bira uurree'na'a afe. 7Ookkoneechchi uduma Belaami raaga hiyya'n haaso'ee qici,
«Baalaqi anee Aaraamii'ni aadhe dage,
Mo'aabik moyanji borotixxe koobuwwabaa'n.
‹Amoo Ya'iqoobi'i ani'a badi;
daggettexxi Isira'eeli'i ani'a duuki› hiyye.
8Mageni badinebaaka arda,
ani hitta badano?
Duuchchi Woddik Gootti duukebaaka manna?
Ani hitta duukanno?
9Rassatixxe koobuwwaxxe xungoo'ni hedhenexxi Ani insa'ne'e uuda'ennen;
qephphichchuwwake'n hedhennexxi insa'nee afa'ennen.
Anii qofinn fule hedhaanneka,
ifinna wele gosa gosake arda asse uudabaaka arda uuda'ennen.
10Bukkotishsha bira saxxeexxa Ya'iqoobixxa horte ayyete laako'e dande'a,
sholigaxxa anga Isira'eelika arda ayyete laakko'e dande'a.
Qulichchiinxa reyo ani reyo,
muuxami anikinna isike muuxamishsha kaduun!» hiyye.
11Baalaaqinna Bele'aami'i, «Maye ita ane'ni assiteette? Naapha anka ani'a badindota'a ate'e iyyedagennen; Ati kinni insa'ne'e eebbissette malee'e mittelchonna assitebexxon!» Hiyye.
12Isinna hiisseexxi, «Duuchchi Woddik Gootti afo'o anke'n uggeexxa haaso'abe'noo?» Hiyye ise haaso'e.
Langaka Bala'aamikka Wabeekumati Haaso'a
13Ookkonechi udumi'a Baalaqi Bele'aami'i hiyyee qic: «Insa'ne'e uuda dandeettatoke wele boonchiba'a marro; okkoo'n insa'ne duuchinge kandebaak insa'ne'e heenoka calla uuddatton. Ookonna hexxe'e insa'ne'e ani'a badin» hiyye. 14Tennexxee Feesigaxxe koobaxxe xungo'ni hedheeke Tseefemi hiyyemaake diida'n iyyemare: ooko'ninna torbaane tolchimalchuwwa jaareexxi mitte mittenge'ni mitte mitte koremmanna mitte mitte gedhebiinka korbeessa tolche.
15Bala'aaminna Baalaqi'i, «Ani isinni afematee'e ooko'a maranno wodda, ati konne tolchimalchii bira hekki hiyyi» hiyye.
16Duuchchi Woddik Gootti Bele'aaminni afeme; haaso'aaxxa erga afo'o isike'n uggeexxi hiyyeqic, «Baalaqiba'a illeema higgetexxi tenne erga kuli» hiyye.
17Isinna illeema higeexxi me'a wodda Baalaqi Mo'aabike duuchchinge akeekisanjuwwinn welti ifike tolchimalcho bira uurreena'a afe; Baaqinna Belaami'i, «Duuchchi Woddik Gootti maa hiyye?» Hiyye qore.
18Ookkonechchi uduma isi wabeekkumatixxa erga hiyya'n safeqic:
«Koo Baalaqi, ke'i hiyyaannexxa caqasi;
koo Seeferike belto laqi,
19Mageni manjiishsha sobabaan;
yaada ifikanna manjiishsha jijjiirabaan.
Hiyyeexxa assabaake?
Addachiiseexxa muuxabaake?
20Eebisona'a ajajeme'ennen;
Isi eebise'en; ani isixxa eeba jijjiira dande'abe'no.
21«Ya'iqoobi'n fuggoxxa daggaaxxa afebe'no,
Isira'eeli'ninna geltaaxxa bakke uudebe'no.
Duuchchi Woddiki Gootti Mageni isinni welti hedheen,
Mageni moyanjoke kadeexxanna ililisa'ni haassonnaan.
22Mageni Gibtsee'n insa'ne'e fulcheen,
isinna insa'ne'a gafarisiinxe hunnashshaten.
23Ya'iqoobi miitaaxxi gojo hexxebaan
Isira'eeli'ninna xano hujjabaan;
Ya'iqoobi'aana Isira'eeli'a,
‹Mageni asseexxa yaane uuddee!› Hiyyemman.
24Isira'eelik ardi meyyake neenqishsha qophphi hiyyaan;
Labbake neenqishanna ke'aan;
adamemmaka ninnife ite
mundetana'a ha'webaak hafuura adhdhammabaakishshaten.»
25Eetteene yanna'ni Baalaqi Bele'aami'i, «Yoona insa'nee'e badindagophphaattechchinni insa'ne'e eebbissoxxe'e!» Hiyye.
26Bala'aami Baalaqi'i, «Duuchchi Woddik Gootti ane'n hiyyeexxa duuchcha ani assiyyo hasissaaxxa ate'ni kuleennabaa?» Hiyye iso'n hiise haaso'e.
Sakkaka Bala'aamika Wabeekkumika Haaso'a
27Ookonechchi uduma Baalaqi Bala'aami'i, «Amo wele boonchiba'a atee'e iyyemaro; akimagaada ookko hexxettexxi insa'ne'e ani'a yowwitottaa'a mise badindota'a ati'a eeti'i uwwaaxxe hexxeen» hiyye. 28Baalaqinna Bala'aami'i qiilla gammooje butti'a leellitaaxxe Fegoorixxe koobbaxxe xungo'n iima iyemare.
29Bele'aaminna iso'o, «Torbaane tolchimalchuwwa ani'a kaba jaar; torbaane kormoolenna torbaane gedhebiinxa korbeeyyenn ani'a qixxeessi» hiyye. 30Baalaqinna Bala'aami iso'ni kulemmashanni, mitti mittinge tolchimalchi hana mitte mitte kormanna mitte mitte gedhebiinka korbeessa tolche.
Currently Selected:
Laakosinka Maxaafa 23: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Laakosinka Maxaafa 23
23
Sirettixxa Bala'aamika Wabeekkumatika Haaso'a
1Bala'aminna Baalaqi'i, «Konne booncho'ni torbaane tolchimalchuwwa ani'a ijaar; ittanni torbaane koromoolenna torbaane gedhebiinxa korbeeyye ani'a qixxeesse» hiyye.
2Baalaqinna Bala'aami hiyyemmashshanni asse; lamiing mitte mitte tolchimalcho'ni mitte mitte koremenna mitte gedhebiinka korbeesa shiqinshe.
3Ookkonechchi uduma Bala'aami Baalaqi'i, «Ani ooko'a me'anno wodda ati kabanni atike cincatike tolchi bira hekki hiyyi; akimagaada Duuchchi Woddik Gootti aninni afemo'a dagaaxxe hexxeen; ane'n leellishaaxxa ate'n kulannon» hiyye. Ookkonechchi uduma Baalaqi mitte qephphichcha diidiba'a me'e.
4Magenikinna isinni afemena'a Bele'aami, «Kunse ani torbaane tolchimalchuwwa jaareennen; mitte mittenge'ni mitte mitte korommenna mitte mitte gedhebiinka korbeessa tolcheennen» hiyye.
5Duuchchi Woddik Goottinna Bele'aamike afo'on haaso'aaxxa erga uggee'na'a «Baalaqibaa illee iima higgettexxi tenne erga iso'n kuli» hiyye.
6Isinna illeema higeexxi me'e wodda Baalaqi duuchiinge Mo'aabike akeekisanjuwwinni welti ifike cincatike tolchi bira uurree'na'a afe. 7Ookkoneechchi uduma Belaami raaga hiyya'n haaso'ee qici,
«Baalaqi anee Aaraamii'ni aadhe dage,
Mo'aabik moyanji borotixxe koobuwwabaa'n.
‹Amoo Ya'iqoobi'i ani'a badi;
daggettexxi Isira'eeli'i ani'a duuki› hiyye.
8Mageni badinebaaka arda,
ani hitta badano?
Duuchchi Woddik Gootti duukebaaka manna?
Ani hitta duukanno?
9Rassatixxe koobuwwaxxe xungoo'ni hedhenexxi Ani insa'ne'e uuda'ennen;
qephphichchuwwake'n hedhennexxi insa'nee afa'ennen.
Anii qofinn fule hedhaanneka,
ifinna wele gosa gosake arda asse uudabaaka arda uuda'ennen.
10Bukkotishsha bira saxxeexxa Ya'iqoobixxa horte ayyete laako'e dande'a,
sholigaxxa anga Isira'eelika arda ayyete laakko'e dande'a.
Qulichchiinxa reyo ani reyo,
muuxami anikinna isike muuxamishsha kaduun!» hiyye.
11Baalaaqinna Bele'aami'i, «Maye ita ane'ni assiteette? Naapha anka ani'a badindota'a ate'e iyyedagennen; Ati kinni insa'ne'e eebbissette malee'e mittelchonna assitebexxon!» Hiyye.
12Isinna hiisseexxi, «Duuchchi Woddik Gootti afo'o anke'n uggeexxa haaso'abe'noo?» Hiyye ise haaso'e.
Langaka Bala'aamikka Wabeekumati Haaso'a
13Ookkonechi udumi'a Baalaqi Bele'aami'i hiyyee qic: «Insa'ne'e uuda dandeettatoke wele boonchiba'a marro; okkoo'n insa'ne duuchinge kandebaak insa'ne'e heenoka calla uuddatton. Ookonna hexxe'e insa'ne'e ani'a badin» hiyye. 14Tennexxee Feesigaxxe koobaxxe xungo'ni hedheeke Tseefemi hiyyemaake diida'n iyyemare: ooko'ninna torbaane tolchimalchuwwa jaareexxi mitte mittenge'ni mitte mitte koremmanna mitte mitte gedhebiinka korbeessa tolche.
15Bala'aaminna Baalaqi'i, «Ani isinni afematee'e ooko'a maranno wodda, ati konne tolchimalchii bira hekki hiyyi» hiyye.
16Duuchchi Woddik Gootti Bele'aaminni afeme; haaso'aaxxa erga afo'o isike'n uggeexxi hiyyeqic, «Baalaqiba'a illeema higgetexxi tenne erga kuli» hiyye.
17Isinna illeema higeexxi me'a wodda Baalaqi Mo'aabike duuchchinge akeekisanjuwwinn welti ifike tolchimalcho bira uurreena'a afe; Baaqinna Belaami'i, «Duuchchi Woddik Gootti maa hiyye?» Hiyye qore.
18Ookkonechchi uduma isi wabeekkumatixxa erga hiyya'n safeqic:
«Koo Baalaqi, ke'i hiyyaannexxa caqasi;
koo Seeferike belto laqi,
19Mageni manjiishsha sobabaan;
yaada ifikanna manjiishsha jijjiirabaan.
Hiyyeexxa assabaake?
Addachiiseexxa muuxabaake?
20Eebisona'a ajajeme'ennen;
Isi eebise'en; ani isixxa eeba jijjiira dande'abe'no.
21«Ya'iqoobi'n fuggoxxa daggaaxxa afebe'no,
Isira'eeli'ninna geltaaxxa bakke uudebe'no.
Duuchchi Woddiki Gootti Mageni isinni welti hedheen,
Mageni moyanjoke kadeexxanna ililisa'ni haassonnaan.
22Mageni Gibtsee'n insa'ne'e fulcheen,
isinna insa'ne'a gafarisiinxe hunnashshaten.
23Ya'iqoobi miitaaxxi gojo hexxebaan
Isira'eeli'ninna xano hujjabaan;
Ya'iqoobi'aana Isira'eeli'a,
‹Mageni asseexxa yaane uuddee!› Hiyyemman.
24Isira'eelik ardi meyyake neenqishsha qophphi hiyyaan;
Labbake neenqishanna ke'aan;
adamemmaka ninnife ite
mundetana'a ha'webaak hafuura adhdhammabaakishshaten.»
25Eetteene yanna'ni Baalaqi Bele'aami'i, «Yoona insa'nee'e badindagophphaattechchinni insa'ne'e eebbissoxxe'e!» Hiyye.
26Bala'aami Baalaqi'i, «Duuchchi Woddik Gootti ane'n hiyyeexxa duuchcha ani assiyyo hasissaaxxa ate'ni kuleennabaa?» Hiyye iso'n hiise haaso'e.
Sakkaka Bala'aamika Wabeekkumika Haaso'a
27Ookonechchi uduma Baalaqi Bala'aami'i, «Amo wele boonchiba'a atee'e iyyemaro; akimagaada ookko hexxettexxi insa'ne'e ani'a yowwitottaa'a mise badindota'a ati'a eeti'i uwwaaxxe hexxeen» hiyye. 28Baalaqinna Bala'aami'i qiilla gammooje butti'a leellitaaxxe Fegoorixxe koobbaxxe xungo'n iima iyemare.
29Bele'aaminna iso'o, «Torbaane tolchimalchuwwa ani'a kaba jaar; torbaane kormoolenna torbaane gedhebiinxa korbeeyyenn ani'a qixxeessi» hiyye. 30Baalaqinna Bala'aami iso'ni kulemmashanni, mitti mittinge tolchimalchi hana mitte mitte kormanna mitte mitte gedhebiinka korbeessa tolche.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia