Laakosinka Maxaafa 18
18
Qeesetixxanna Leewwitotixxa Huje
1Duuchchi Woddik Gootti Aaroonii'i, «Woyyitte bakka uuddaaxxe yaane'n assendaaxxe cubboxxee, ati, atixxi labbaxxi oosenna atike annik mini hadduwwi annooma adhdhitinaan; qeesooma uuddaaxxe yaanexxee kinni, annooma uuddaak atenna atixxe labbaxxe oose calla kaddaan. 2Atinna atixxi labbaxxi oose Taabotiinke Galdumike duunkaani edo ergatendinaaxxa yanna ha'nonni welti hexxeexxi ha'no'o qarqaarto'a atike annike gosati mininaa'n Leewwito iyyedag. 3Insa'nenna atixxe akkeette hunda duunkaani giddixxa huje duuchcha ergattemmuun; kaddo malee rennabaashsha woyyitte bakkake mi'iba'aanna kaddo'o galmiinke tolchimalchiba'a shinqoqqe'e; shinqeexxe kaddoole insa'nenna atinna rertinaan. 4Insa'ne afenshatika duunkaana heqqatee tinninna duunkaani giddo hujendaaxxa huje duuchcha heqqatee atinni welti he'nuun; weli manji ayyinna ha'noobaa shiqoqqe'e. 5Langaxxa Isira'eelike manna'n aare kaddabaashsha ha'no woyyite bakkanna tolchimalcho heqqe. 6Ani umo angenninni ha'nooka dayyuwwa Leewwito Isira'eelike manni giddii'n filennexxi ha'no'a uwwennek anten; insa'ne'e afenshatike duunkaani giddixxa huje hunjo'a Duuchchi Woddike Gootti'a uwwemme'een. 7Yaane kinni tolchimalchoke'n goli giddo hujendaaxxa heene qeesummatixxa ergatensha ergatendinaaki ateenna atixxe labbaxxe oose callan; qeessummatixxa ergatensha ha'no'a uwweennen; ha'no gadhi darre woyyitte bakkabaa shiqaak hedheexxe kaddoole kinni shiyemuun.»
Qeeseeteenna Leewawitotee'e Uwwendaaxxa Uwwa
8Ookkoneechchi uduma Duuchchi Woddik Gootti Aarooni'ni hiyyee qici, «Ani'a shiqqaaxxe uwwa hana ani umo angenninni deette ati'a uwweennen; Isira'eelik manni ani'a shiqisaaxxa woyyitte uwwa duuchcha ati'anna atixxe labbaxxe oose'a duuchchi woddike qoobbo kadaashsha ha'no'a uwweennen. 9Ani'a shiqqaaxxe hara woyyitte uwwa duuchchinaa'n midhatike tolchinaa'n, cubbotike yookaan balleessatike tolchinaa'n atikenna atixxe labbaxxe ooseke qoobbo kaddaak giirate'n ciinceessemebaaken. 10Tinninna hara woyyitte kadeexxa hedati woyyitte bakka'n iti; labballi duuchchi isenaa'n itowwaal. Tinni ati'a woyyitteten.
11«Isira'eelik manni shiqisaaxxe uwwaarinaa'n dolsendaaxxi uwwaar gargar foyyende uggendaaxxi, atixxe kaddowwaal; tinninna ati'a, atixxe labbaxxe oose'anna atixxe meyyaxxe oose'a duuchchi woddike ha'nooke qoobbo kadaashsha asseennen; atike mini haduwwinaa'n aadatike seerishsha luqqi hiyyeek ayyinna isenaa'n itowwaal.
12«Isira'eelik manni, Duuchchi Woddike Gootti'a umo iyyedagaaxxa yo'oshsha eloxxa ejersiinxa zayite, yo'oshsha eloxxa woyinetixxa bookanna midha duuchcha ati'a uwweennen. 13Iikki bogi fulcheechchi duuchchinaa'n Duuchchi Woddike Gootti'a umo iyyedangaaxxi gumma duuchcha atixxe kaddaan; atike minik hadinaa'n aadatike seeriishsha luqqi hiyyeek duuchchinna isee ita dande'aan.
14«Duuchchi Woddike Gootti'a muremeechchi, Isira'eelike bogi giddo hedheechchi huunlchi duuchchinna atiken.#Lew. 27:28.
15«Hore manjokenaa'n taakkaba ilemeexxi Duuchchi Woddike Gootti'a uwwemeek duuchchi atiken; yaane kinni hoone'e angafa labbaka beltonna batto'eeke horinaa'n edise ilemeeka hore duuchcha wodi. 16Konneeranna elemeexxi mitte agenjo kadaa wodda a'urriinxe woyyitte bakkaxxe mikexxe qixxe'n a'urre onde tommenna onde giraami qico kadaake birretike sibljinni woddatton.
17«Yaane kinni woyyichchake kademmaxxee edise ilemeeka laliinka, gedhebiinkanna re'etika woddoxxe'e; munde konneerixxa tolchimalchoke'n fifiixetexxi, fishshe Duuchchi Woddika Gootta gammachchiissaashsha koneerixxa ha'yonna giirate'n shiqaake tolchi'a giirate'n ciinceessi. 18Dolsatike tolchi'a cormetinna middixxi luka atixxe kaddemmashshanni konneerik maalinna ati'a kadaan. 19Isira'eelik manni shiqiisaaxxe woyyitte uwwaariinaa'n gargar foyyemaachchi duuchchi atike, atixxe labbaxxenna meyyaxxe ooseke duuchchi woddike qoobbo kadaashsha ha'no'a uwweennen; tinninna Duuchchi Woddike Gootti edo ati'anna atixxe horte'a duuchchi woddi'a jijjiirendabaaxxe maxinetixxe kakon.»
20Duuchchi Woddik Goottinna Aarooni'n hiyyee qici, «Ati Isira'eelike boginaa'n qoodendattok qadaadinna alfitattok qoobbi hedhebaan; Isira'eelike manni giddo atike qadaadinna atik qoobbi anten.
21«Afensahtike duunkaani giddo ergatenshati hujendaaxxe hujeke runda kadaashsha Isira'eelik manni iyyedagaaxxa tommitte uwwaari duuchchi Leewwitotee qadaadake kadaashsha insa'ne'a uwweennen. 22Ta'inni elqi'a weli Isira'eelitotik manni ballesanjoke kadabaashshanna reyabaashsha afenshatike duunkaaniba'a shiqoqqe'e. 23Afenshatike duunkaana'n assendaaxxa huje hujaaxxi Leewwitoten; ookko assendaaxxe balleesaxxeenna annooma adhdhitaan; tinni daggaaxxe ila ila'a duuchchii woddixxe aadan; Leewwitotee'e Isira'eelike manni giddo qadaadi insa'ne'a hedhabaan. 24Tennexxa bado Isira'eelik manni Duuchchi Woddike Gootti'a iyyedagaaxxa tommittetixxa uwwa Leewwitotike qadaada kaddaashsha uwweennen. Aninna tenne uuddaaxxen, ‹Insa'ne Isira'eelike manni giddo qadaada anfabaan hiyyeennak tennexxeetemman.› »
25Duuchchi Woddik Gootti Muuse'n hiyyee qici, 26«Leewwitote'n hite kuldatto qici: ‹Ha'nooke qadaada kaddo'a uwweennexxa tommittetixxa uwwa Isira'eelike manninaa'n adhdhitinaa wodda ha'nonna adhdhitineexxe eettene tommittetixxe uwwanaa'n tommitte uwwa Duuchchi Woddike Gootti'a shiqishshinaan. 27Tinni ha'nooxxi uwwanna aldummetenaa'n aadhendeexxe midhashsha yookaan bulbulendeebaa'n aadhendemmaxxe woyyinetixxe bookashsha ha'no'a laakko'endaan. 28Ha'nonna konne qicinni Isira'eelike manninaa'n aaxxinaaxxe tommittenaa'n Duuchchi Woddike Gootti'a uwwa uutinaan; tennee'e Duuchchi Woddike Goottike qoobbo kaddeexxa tommitte qeesichcho Aarooni'a uutinaan. 29Duuchchi Woddike Goottike qoobbo kado'a shiqishinaak aadhdhitnaachchi duuchchinaa'n filendeexxenna hara woyyitte yaane kada hassissaan.›
30«Leewwitotanna hitatto qici: ‹Filendeexxa kuta shiqishshinaaxxa yanna ise aldummetenaa'n aadhendeexxe midhashsha yookaan bulbulendeebaa'n aadhendeexxe woyinetixxe bookashsha ha'no'a laakko'endaan. 31Gatteexxi kinni ha'no, afenshatike duunkaani giddo ergatendinemmaxxee ergatematike runda ha'nooke kaddemmaxxee ha'nonna ha'nooke mini hadi duuchchinni habanna ita dandeetinaan. 32Eette filendeexxa yaane shiqishshinoole tenne uuddaaxxenni balleesanjoke kaddinabaan; iittanni Isira'eelitotixxa woyyitte uwwaara battoossitinabaan, reyotanna rertinabaan.› »
Currently Selected:
Laakosinka Maxaafa 18: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Laakosinka Maxaafa 18
18
Qeesetixxanna Leewwitotixxa Huje
1Duuchchi Woddik Gootti Aaroonii'i, «Woyyitte bakka uuddaaxxe yaane'n assendaaxxe cubboxxee, ati, atixxi labbaxxi oosenna atike annik mini hadduwwi annooma adhdhitinaan; qeesooma uuddaaxxe yaanexxee kinni, annooma uuddaak atenna atixxe labbaxxe oose calla kaddaan. 2Atinna atixxi labbaxxi oose Taabotiinke Galdumike duunkaani edo ergatendinaaxxa yanna ha'nonni welti hexxeexxi ha'no'o qarqaarto'a atike annike gosati mininaa'n Leewwito iyyedag. 3Insa'nenna atixxe akkeette hunda duunkaani giddixxa huje duuchcha ergattemmuun; kaddo malee rennabaashsha woyyitte bakkake mi'iba'aanna kaddo'o galmiinke tolchimalchiba'a shinqoqqe'e; shinqeexxe kaddoole insa'nenna atinna rertinaan. 4Insa'ne afenshatika duunkaana heqqatee tinninna duunkaani giddo hujendaaxxa huje duuchcha heqqatee atinni welti he'nuun; weli manji ayyinna ha'noobaa shiqoqqe'e. 5Langaxxa Isira'eelike manna'n aare kaddabaashsha ha'no woyyite bakkanna tolchimalcho heqqe. 6Ani umo angenninni ha'nooka dayyuwwa Leewwito Isira'eelike manni giddii'n filennexxi ha'no'a uwwennek anten; insa'ne'e afenshatike duunkaani giddixxa huje hunjo'a Duuchchi Woddike Gootti'a uwwemme'een. 7Yaane kinni tolchimalchoke'n goli giddo hujendaaxxa heene qeesummatixxa ergatensha ergatendinaaki ateenna atixxe labbaxxe oose callan; qeessummatixxa ergatensha ha'no'a uwweennen; ha'no gadhi darre woyyitte bakkabaa shiqaak hedheexxe kaddoole kinni shiyemuun.»
Qeeseeteenna Leewawitotee'e Uwwendaaxxa Uwwa
8Ookkoneechchi uduma Duuchchi Woddik Gootti Aarooni'ni hiyyee qici, «Ani'a shiqqaaxxe uwwa hana ani umo angenninni deette ati'a uwweennen; Isira'eelik manni ani'a shiqisaaxxa woyyitte uwwa duuchcha ati'anna atixxe labbaxxe oose'a duuchchi woddike qoobbo kadaashsha ha'no'a uwweennen. 9Ani'a shiqqaaxxe hara woyyitte uwwa duuchchinaa'n midhatike tolchinaa'n, cubbotike yookaan balleessatike tolchinaa'n atikenna atixxe labbaxxe ooseke qoobbo kaddaak giirate'n ciinceessemebaaken. 10Tinninna hara woyyitte kadeexxa hedati woyyitte bakka'n iti; labballi duuchchi isenaa'n itowwaal. Tinni ati'a woyyitteten.
11«Isira'eelik manni shiqisaaxxe uwwaarinaa'n dolsendaaxxi uwwaar gargar foyyende uggendaaxxi, atixxe kaddowwaal; tinninna ati'a, atixxe labbaxxe oose'anna atixxe meyyaxxe oose'a duuchchi woddike ha'nooke qoobbo kadaashsha asseennen; atike mini haduwwinaa'n aadatike seerishsha luqqi hiyyeek ayyinna isenaa'n itowwaal.
12«Isira'eelik manni, Duuchchi Woddike Gootti'a umo iyyedagaaxxa yo'oshsha eloxxa ejersiinxa zayite, yo'oshsha eloxxa woyinetixxa bookanna midha duuchcha ati'a uwweennen. 13Iikki bogi fulcheechchi duuchchinaa'n Duuchchi Woddike Gootti'a umo iyyedangaaxxi gumma duuchcha atixxe kaddaan; atike minik hadinaa'n aadatike seeriishsha luqqi hiyyeek duuchchinna isee ita dande'aan.
14«Duuchchi Woddike Gootti'a muremeechchi, Isira'eelike bogi giddo hedheechchi huunlchi duuchchinna atiken.#Lew. 27:28.
15«Hore manjokenaa'n taakkaba ilemeexxi Duuchchi Woddike Gootti'a uwwemeek duuchchi atiken; yaane kinni hoone'e angafa labbaka beltonna batto'eeke horinaa'n edise ilemeeka hore duuchcha wodi. 16Konneeranna elemeexxi mitte agenjo kadaa wodda a'urriinxe woyyitte bakkaxxe mikexxe qixxe'n a'urre onde tommenna onde giraami qico kadaake birretike sibljinni woddatton.
17«Yaane kinni woyyichchake kademmaxxee edise ilemeeka laliinka, gedhebiinkanna re'etika woddoxxe'e; munde konneerixxa tolchimalchoke'n fifiixetexxi, fishshe Duuchchi Woddika Gootta gammachchiissaashsha koneerixxa ha'yonna giirate'n shiqaake tolchi'a giirate'n ciinceessi. 18Dolsatike tolchi'a cormetinna middixxi luka atixxe kaddemmashshanni konneerik maalinna ati'a kadaan. 19Isira'eelik manni shiqiisaaxxe woyyitte uwwaariinaa'n gargar foyyemaachchi duuchchi atike, atixxe labbaxxenna meyyaxxe ooseke duuchchi woddike qoobbo kadaashsha ha'no'a uwweennen; tinninna Duuchchi Woddike Gootti edo ati'anna atixxe horte'a duuchchi woddi'a jijjiirendabaaxxe maxinetixxe kakon.»
20Duuchchi Woddik Goottinna Aarooni'n hiyyee qici, «Ati Isira'eelike boginaa'n qoodendattok qadaadinna alfitattok qoobbi hedhebaan; Isira'eelike manni giddo atike qadaadinna atik qoobbi anten.
21«Afensahtike duunkaani giddo ergatenshati hujendaaxxe hujeke runda kadaashsha Isira'eelik manni iyyedagaaxxa tommitte uwwaari duuchchi Leewwitotee qadaadake kadaashsha insa'ne'a uwweennen. 22Ta'inni elqi'a weli Isira'eelitotik manni ballesanjoke kadabaashshanna reyabaashsha afenshatike duunkaaniba'a shiqoqqe'e. 23Afenshatike duunkaana'n assendaaxxa huje hujaaxxi Leewwitoten; ookko assendaaxxe balleesaxxeenna annooma adhdhitaan; tinni daggaaxxe ila ila'a duuchchii woddixxe aadan; Leewwitotee'e Isira'eelike manni giddo qadaadi insa'ne'a hedhabaan. 24Tennexxa bado Isira'eelik manni Duuchchi Woddike Gootti'a iyyedagaaxxa tommittetixxa uwwa Leewwitotike qadaada kaddaashsha uwweennen. Aninna tenne uuddaaxxen, ‹Insa'ne Isira'eelike manni giddo qadaada anfabaan hiyyeennak tennexxeetemman.› »
25Duuchchi Woddik Gootti Muuse'n hiyyee qici, 26«Leewwitote'n hite kuldatto qici: ‹Ha'nooke qadaada kaddo'a uwweennexxa tommittetixxa uwwa Isira'eelike manninaa'n adhdhitinaa wodda ha'nonna adhdhitineexxe eettene tommittetixxe uwwanaa'n tommitte uwwa Duuchchi Woddike Gootti'a shiqishshinaan. 27Tinni ha'nooxxi uwwanna aldummetenaa'n aadhendeexxe midhashsha yookaan bulbulendeebaa'n aadhendemmaxxe woyyinetixxe bookashsha ha'no'a laakko'endaan. 28Ha'nonna konne qicinni Isira'eelike manninaa'n aaxxinaaxxe tommittenaa'n Duuchchi Woddike Gootti'a uwwa uutinaan; tennee'e Duuchchi Woddike Goottike qoobbo kaddeexxa tommitte qeesichcho Aarooni'a uutinaan. 29Duuchchi Woddike Goottike qoobbo kado'a shiqishinaak aadhdhitnaachchi duuchchinaa'n filendeexxenna hara woyyitte yaane kada hassissaan.›
30«Leewwitotanna hitatto qici: ‹Filendeexxa kuta shiqishshinaaxxa yanna ise aldummetenaa'n aadhendeexxe midhashsha yookaan bulbulendeebaa'n aadhendeexxe woyinetixxe bookashsha ha'no'a laakko'endaan. 31Gatteexxi kinni ha'no, afenshatike duunkaani giddo ergatendinemmaxxee ergatematike runda ha'nooke kaddemmaxxee ha'nonna ha'nooke mini hadi duuchchinni habanna ita dandeetinaan. 32Eette filendeexxa yaane shiqishshinoole tenne uuddaaxxenni balleesanjoke kaddinabaan; iittanni Isira'eelitotixxa woyyitte uwwaara battoossitinabaan, reyotanna rertinabaan.› »
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia