Laakosinka Maxaafa 14
14
Ardiinxa Xaqaro
1Eettene hashsha tuuta duuchcha hafuura gikki assite ooxxe. 2Isira'eelito duuchcha Muuse'ninna Aarooni'n adhunde; tuutattinna insa'neen hitee qici, «Gibtse yookaan tenne qiilla gammoojje giddo renneenele silaan hitta eloxxemma'a! 3Duuchchi Woddik Gootti no'oo konne boga'n iyyedagineechchi mayyeete? Wolaantichchik mundona'atebaa? No'oxxi aruwwanna oose no'oxxa no'onaa'ni adhdhinaan; tenne mannii'nita'a Gibtse'a ille iima hingennexxa woyyabaa?» 4Tennexxee weli'anni weli, «Amme! Sooreessa fi'line Gibtse'a ille iima hingo» hine.
5Eettene yanna Muusenna Aarooni ookko bukki hiyyeeke Isira'eelike ardi duuchchi edo albik gonbisemme. 6Boga ookkonee dooyyemmake manni giddii'n Newek belti Iyyaasunna Yufoonik belti Kaalebi yaaddoti seemma ifi ifixxa dadarreexxi, 7Isira'eelika orga duuchcha'n hinee qici, «Mammaremme dooyyinnennek bogi haranga konnete hiyyemabaake danchan. 8Duuchchi Woddik Gootti no'o'n gammadeexxe kaddoole isi aadhe iyyemaree no'oo ookkone malebi ado pu'isaake boga'n no'oo akeeke aassee, isoonna no'aa uwwaan. 9Yaane kinni Duuchchi Woddike Gootta'n jallitine xaqartiyyette kaddinoqqe'e; waassuffa insa'nee indannaxxee ookkone bogika mannanna mee sodaatte; gollake asse'nammaki gopheme'een; yaane kinni Duuchchi Woddik Gootti no'onni hedheen»#Ibr. 3:16. 10Tuuta duuchcha kinni insa'nee kinjik cancaqqo'a haassotte; ookkoneechchi uduma Duuchchi Woddik Goottik ulfinni afenshatike duunkaana'n Isira'eelike arda duuchcha'n leelle.
11Duuchchi Woddik Gootti Muuse'n hiyyee qici, «Haani qico'n kunni ardi anee tuffata? Konne manbe'uwwa duuchcha insa'ne giddo assa'naa ane'n addata giba'neekiitta haani qico'nite? 12Ani dhukkubik insa'ne'e ganee birannon; yaane kinni atee'e insa'ne caala lumokeenna jabake mannike assannon.»
13Muusenna Duuchchi Woddika Gootta, «Konne arda hunna atixxenni Gibtse giddii'n fulchiteettaxxee tennee yaane insa'ne lanqoole,#Fula. 32:11-14. 14assendeexxa yaane konne bogike manna'n kulaan; Duuchchi Woddike Goottaa! Ati konne ardinni welti hexxettexxa iittanni Duuchchi Woddike Goottaa! Ati alba insa'neek edo leellitaa'naa'a duumanchik utuphi insa'ne iimi darre hedhemmaxxa, barra duumanchiinke utuphinni hashshanna giirati bubenninni insa'nee edi eddii'n me'ita'n akeekkattaxxanna kunni ardi ediseenni laqeedheen. 15Ta'ata konne arda duuchcha mitte yanna'n birtottole, gurra atika laqeek gosa gosak arduwwi, 16‹Duuchchi Woddik Gootti konne ardi'a uwwo'a addachiise kakatemmake boga'n insa'nee dande'e aassa gopheemmaxxee insa'nee qiilla gammoojje'n bireen› hiyyaan. 17Ta'anna hunna atixxa leellishatee iittanni addachiisa atixxe'n haasotteetta wodda, 18‹Duuchchi Woddik Gootti rake mufatabaake; eeyya isixxi birasaxxeeke, cubbotanna balleesa gattowwaal hiyyaake; yaane kinni seera sa'eeka xixebaak waalabaaken; annuwwiinxe cubboxxe'e insa'nexxa oose sasenna shoole ila qico'n xixannon› hitettashshanni#Fula. 20:5-6; 34:6-7; Lew. 5:9-10; 7:9-10. 19konnee arda Gibtsee'n fuleexxe yannanaa'n ta'i qico'n cubbo insa'nexxa gattowwaal hitetteshshanni, atixxe jaalalaxxe lumminnixxe qixxe'n maganneten ta'anna cubbo insa'neexxa gattowwaal hiyyi.»
20Duuchchi Woddik Goottinna hissichcho hiyye haaso'ee qici, «Hitetteshshanni cubbo insa'nexxa gattowwaal hiyyeennen; 21Kaddo malee ani hedhaanneke kadennexxanna Duuchchi Woddike Goottik ulfinni butta duuchcha'n wo'maammaxxee 22ulfinna anka iittanni Gibtse'ninna qiilla gammoojje giddo assenneka manbe'uwwa uudeen hedhe'e ajajema gibeexxi tommele anee hega uudemmake manninnaa'n mitti manjinna 23annuwwa insa'neekee uwwonna'a kakate addachiiseennaka boga uudabaan; anee tuffateek mannanaa'n mittikinna haranga ookkonee boga uudabaan.#Ibr. 3:18. 24Yaane kinni anki garbichchi Kaalebi gargart hedheeka hafuura afeemmaxxenna wo'ma hedhonni anee hordofe'e mare dooyemmake boga'n iso'o e'ishannon; horte isixxinna ookkone boga dhaaldaan.#Iya. 14:9-12. 25Amaaleqikinna Kenaanik manni dhooqa giddo hedha'neeke kademmaxxee'e soodo illeema higgineexxi Eritiriinxe Abaayyaka ora qiilla gammoojje giddi'a me'we.»
26Duuchchi Woddik Goottinna Muusenna Aarooni'i hiyyee qici: 27«Konne fuggichchi tuutiki manni ane'n adhuma'neek haaniqico'nite? Konne bojogema'neeke Isira'eelike mannixxa bojoggensha laqeennen. 28Tennexxee insa'nee, Duuchchi Woddik Goottinna Ani hedhaanneken; eetteneen haasotinaa'na laqennexxa yaanuwwa ha'no'n assannon; tinninna, 29Majinke laakkosi wodda lame tomme woggakinna yookaan eettene iimi darre hexxeexxe woggake kaddineekinna ane'n adhundina'neek duuchchi renshi ha'nook tenne qiilla gamoojje'n fiddi hiyyaan. 30Itti galdine hossinaake kadaashsha jaba qicinni kakateenneke ookkone boga'n Yoofonika belto Kaalebiinna Neweka belto Iyyaasu malee ha'noo giddii'n mitti manjinna e'yitinabaan. 31Boojinaan hitineemmaxxa ha'nooxxa oose kinni ookkone boga'n aassannon; ha'no tuffatineemmake ookkone boga'n insa'nee gammandaan. 32Ha'no kinni renshi ha'nok tenne qiilla gammoojje'n fiddi hiyyee gataan. 33Xuurameeyyete kada gopha ha'nooxxenaa'ni kexxeexxenni ha'nonaa'ni udu'me reyaakik renshi tenne qiilla gammooje giddo fiddi hiyyaa qico ha'noxxi oose abara uudda'n shoole tomme wogga allalsanote kaddaan.#Erga. Huj. 7:36. 34Ookkone boga dooyate'n turtineemmaxxe shoole tomme barraxxa qixxe, mitte barra'a mitte wogga laako'ende'naa cubbo ha'noxxee'e shoole tomme wogga abara uudinaan; hitteeqico ha'non ke'ennexxanna egendinaan. 35Ani Duuchchi Woddik Gootti ane'n mitteba ke'eeke konne fuggichcha orga'n tennee yaanuwwa assannoxxa haaso'eennen; muda insa'nexxinna tenne qiilla gammoojje giddo kaddaan; ookkonna rennaan hiyyi.»
36Ookkone boga dooyyatee Muuse erge'naa ookkoni ille iima higat ookkone bogixxee fuggoxxa odo bogi giddo duuchcha'n geessisat tuuta duuchchi iso'n adhdhudaashsha asseemmak, 37ookkone bogixxeenna elobaaxxa odo bogi giddo geessiseemmak iikki manni, Duuchchi Woddike Gootti edo balati reye. 38Ookkone Boga dooyyatee ergemeeke manninaa'n lubbo gateekir Neweke belto Iyyaasunna Yoofonike belto Kaalebi callamman. 39Muusenna tenne yaane Isira'eelike arda'n kule wodda ardi fuggo oodhe. 40Langa barro gorsanni ardi koobatike bogiba'a alalle qabateexxi, «Cubbo hunjeennen; Duuchchi Woddik Gootti no'aa addachiise uwwemmake boonchiba'a alalle me'innannon.»
Ookkone Boga Adhdhate Assendeexxa Wo'laancho
(Lan. 1:41-46)
41Muuse kinni hiyyee qici, «Mayeete ha'no Duuchchi Woddike Goottika ajaja saxxinaachchi? Tinni yaane ha'noo'a qajeeldabaan. 42Alalle mee qabatte; Duuchchi Woddik Gootti ha'nonni welti hedha gopheemmaxxee naaphi ha'noo injifataan. 43Amaaleqikinna Kenaanik manni ookko ha'noni lolik futti hiyyaan; ha'nonna Duuchchi Woddika Gootta hordofatenaa'n ille iima higginemmaxxenna isi ha'nonni welti hedhagopheemmaxxe wolaantichchik muddinaan.»
44Insa'ne kinni Koobatike bogibaa alalle qabante me'ine; yaane kinni Muuse yookaan Duuchchi Woddike Goottik Taaboti kaanbe giddii'n fule'eemmabaan. 45Eettenee yanna koobatike boga'n hedhammak Amaaleqikinna Kenaanik manni adadde dirre dageexxi insa'nee lole injifate; Horimaamike qachchi qico'ninna insa'nee shorre.
Currently Selected:
Laakosinka Maxaafa 14: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Laakosinka Maxaafa 14
14
Ardiinxa Xaqaro
1Eettene hashsha tuuta duuchcha hafuura gikki assite ooxxe. 2Isira'eelito duuchcha Muuse'ninna Aarooni'n adhunde; tuutattinna insa'neen hitee qici, «Gibtse yookaan tenne qiilla gammoojje giddo renneenele silaan hitta eloxxemma'a! 3Duuchchi Woddik Gootti no'oo konne boga'n iyyedagineechchi mayyeete? Wolaantichchik mundona'atebaa? No'oxxi aruwwanna oose no'oxxa no'onaa'ni adhdhinaan; tenne mannii'nita'a Gibtse'a ille iima hingennexxa woyyabaa?» 4Tennexxee weli'anni weli, «Amme! Sooreessa fi'line Gibtse'a ille iima hingo» hine.
5Eettene yanna Muusenna Aarooni ookko bukki hiyyeeke Isira'eelike ardi duuchchi edo albik gonbisemme. 6Boga ookkonee dooyyemmake manni giddii'n Newek belti Iyyaasunna Yufoonik belti Kaalebi yaaddoti seemma ifi ifixxa dadarreexxi, 7Isira'eelika orga duuchcha'n hinee qici, «Mammaremme dooyyinnennek bogi haranga konnete hiyyemabaake danchan. 8Duuchchi Woddik Gootti no'o'n gammadeexxe kaddoole isi aadhe iyyemaree no'oo ookkone malebi ado pu'isaake boga'n no'oo akeeke aassee, isoonna no'aa uwwaan. 9Yaane kinni Duuchchi Woddike Gootta'n jallitine xaqartiyyette kaddinoqqe'e; waassuffa insa'nee indannaxxee ookkone bogika mannanna mee sodaatte; gollake asse'nammaki gopheme'een; yaane kinni Duuchchi Woddik Gootti no'onni hedheen»#Ibr. 3:16. 10Tuuta duuchcha kinni insa'nee kinjik cancaqqo'a haassotte; ookkoneechchi uduma Duuchchi Woddik Goottik ulfinni afenshatike duunkaana'n Isira'eelike arda duuchcha'n leelle.
11Duuchchi Woddik Gootti Muuse'n hiyyee qici, «Haani qico'n kunni ardi anee tuffata? Konne manbe'uwwa duuchcha insa'ne giddo assa'naa ane'n addata giba'neekiitta haani qico'nite? 12Ani dhukkubik insa'ne'e ganee birannon; yaane kinni atee'e insa'ne caala lumokeenna jabake mannike assannon.»
13Muusenna Duuchchi Woddika Gootta, «Konne arda hunna atixxenni Gibtse giddii'n fulchiteettaxxee tennee yaane insa'ne lanqoole,#Fula. 32:11-14. 14assendeexxa yaane konne bogike manna'n kulaan; Duuchchi Woddike Goottaa! Ati konne ardinni welti hexxettexxa iittanni Duuchchi Woddike Goottaa! Ati alba insa'neek edo leellitaa'naa'a duumanchik utuphi insa'ne iimi darre hedhemmaxxa, barra duumanchiinke utuphinni hashshanna giirati bubenninni insa'nee edi eddii'n me'ita'n akeekkattaxxanna kunni ardi ediseenni laqeedheen. 15Ta'ata konne arda duuchcha mitte yanna'n birtottole, gurra atika laqeek gosa gosak arduwwi, 16‹Duuchchi Woddik Gootti konne ardi'a uwwo'a addachiise kakatemmake boga'n insa'nee dande'e aassa gopheemmaxxee insa'nee qiilla gammoojje'n bireen› hiyyaan. 17Ta'anna hunna atixxa leellishatee iittanni addachiisa atixxe'n haasotteetta wodda, 18‹Duuchchi Woddik Gootti rake mufatabaake; eeyya isixxi birasaxxeeke, cubbotanna balleesa gattowwaal hiyyaake; yaane kinni seera sa'eeka xixebaak waalabaaken; annuwwiinxe cubboxxe'e insa'nexxa oose sasenna shoole ila qico'n xixannon› hitettashshanni#Fula. 20:5-6; 34:6-7; Lew. 5:9-10; 7:9-10. 19konnee arda Gibtsee'n fuleexxe yannanaa'n ta'i qico'n cubbo insa'nexxa gattowwaal hitetteshshanni, atixxe jaalalaxxe lumminnixxe qixxe'n maganneten ta'anna cubbo insa'neexxa gattowwaal hiyyi.»
20Duuchchi Woddik Goottinna hissichcho hiyye haaso'ee qici, «Hitetteshshanni cubbo insa'nexxa gattowwaal hiyyeennen; 21Kaddo malee ani hedhaanneke kadennexxanna Duuchchi Woddike Goottik ulfinni butta duuchcha'n wo'maammaxxee 22ulfinna anka iittanni Gibtse'ninna qiilla gammoojje giddo assenneka manbe'uwwa uudeen hedhe'e ajajema gibeexxi tommele anee hega uudemmake manninnaa'n mitti manjinna 23annuwwa insa'neekee uwwonna'a kakate addachiiseennaka boga uudabaan; anee tuffateek mannanaa'n mittikinna haranga ookkonee boga uudabaan.#Ibr. 3:18. 24Yaane kinni anki garbichchi Kaalebi gargart hedheeka hafuura afeemmaxxenna wo'ma hedhonni anee hordofe'e mare dooyemmake boga'n iso'o e'ishannon; horte isixxinna ookkone boga dhaaldaan.#Iya. 14:9-12. 25Amaaleqikinna Kenaanik manni dhooqa giddo hedha'neeke kademmaxxee'e soodo illeema higgineexxi Eritiriinxe Abaayyaka ora qiilla gammoojje giddi'a me'we.»
26Duuchchi Woddik Goottinna Muusenna Aarooni'i hiyyee qici: 27«Konne fuggichchi tuutiki manni ane'n adhuma'neek haaniqico'nite? Konne bojogema'neeke Isira'eelike mannixxa bojoggensha laqeennen. 28Tennexxee insa'nee, Duuchchi Woddik Goottinna Ani hedhaanneken; eetteneen haasotinaa'na laqennexxa yaanuwwa ha'no'n assannon; tinninna, 29Majinke laakkosi wodda lame tomme woggakinna yookaan eettene iimi darre hexxeexxe woggake kaddineekinna ane'n adhundina'neek duuchchi renshi ha'nook tenne qiilla gamoojje'n fiddi hiyyaan. 30Itti galdine hossinaake kadaashsha jaba qicinni kakateenneke ookkone boga'n Yoofonika belto Kaalebiinna Neweka belto Iyyaasu malee ha'noo giddii'n mitti manjinna e'yitinabaan. 31Boojinaan hitineemmaxxa ha'nooxxa oose kinni ookkone boga'n aassannon; ha'no tuffatineemmake ookkone boga'n insa'nee gammandaan. 32Ha'no kinni renshi ha'nok tenne qiilla gammoojje'n fiddi hiyyee gataan. 33Xuurameeyyete kada gopha ha'nooxxenaa'ni kexxeexxenni ha'nonaa'ni udu'me reyaakik renshi tenne qiilla gammooje giddo fiddi hiyyaa qico ha'noxxi oose abara uudda'n shoole tomme wogga allalsanote kaddaan.#Erga. Huj. 7:36. 34Ookkone boga dooyate'n turtineemmaxxe shoole tomme barraxxa qixxe, mitte barra'a mitte wogga laako'ende'naa cubbo ha'noxxee'e shoole tomme wogga abara uudinaan; hitteeqico ha'non ke'ennexxanna egendinaan. 35Ani Duuchchi Woddik Gootti ane'n mitteba ke'eeke konne fuggichcha orga'n tennee yaanuwwa assannoxxa haaso'eennen; muda insa'nexxinna tenne qiilla gammoojje giddo kaddaan; ookkonna rennaan hiyyi.»
36Ookkone boga dooyyatee Muuse erge'naa ookkoni ille iima higat ookkone bogixxee fuggoxxa odo bogi giddo duuchcha'n geessisat tuuta duuchchi iso'n adhdhudaashsha asseemmak, 37ookkone bogixxeenna elobaaxxa odo bogi giddo geessiseemmak iikki manni, Duuchchi Woddike Gootti edo balati reye. 38Ookkone Boga dooyyatee ergemeeke manninaa'n lubbo gateekir Neweke belto Iyyaasunna Yoofonike belto Kaalebi callamman. 39Muusenna tenne yaane Isira'eelike arda'n kule wodda ardi fuggo oodhe. 40Langa barro gorsanni ardi koobatike bogiba'a alalle qabateexxi, «Cubbo hunjeennen; Duuchchi Woddik Gootti no'aa addachiise uwwemmake boonchiba'a alalle me'innannon.»
Ookkone Boga Adhdhate Assendeexxa Wo'laancho
(Lan. 1:41-46)
41Muuse kinni hiyyee qici, «Mayeete ha'no Duuchchi Woddike Goottika ajaja saxxinaachchi? Tinni yaane ha'noo'a qajeeldabaan. 42Alalle mee qabatte; Duuchchi Woddik Gootti ha'nonni welti hedha gopheemmaxxee naaphi ha'noo injifataan. 43Amaaleqikinna Kenaanik manni ookko ha'noni lolik futti hiyyaan; ha'nonna Duuchchi Woddika Gootta hordofatenaa'n ille iima higginemmaxxenna isi ha'nonni welti hedhagopheemmaxxe wolaantichchik muddinaan.»
44Insa'ne kinni Koobatike bogibaa alalle qabante me'ine; yaane kinni Muuse yookaan Duuchchi Woddike Goottik Taaboti kaanbe giddii'n fule'eemmabaan. 45Eettenee yanna koobatike boga'n hedhammak Amaaleqikinna Kenaanik manni adadde dirre dageexxi insa'nee lole injifate; Horimaamike qachchi qico'ninna insa'nee shorre.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia