Dadatika Maxaafa 36
36
Eesawuxxa Horte
(1 Odo. 1:34-37)
1Eedoomi hiyyemeeke Eesawuxxe hortexxi jirte konneechchinni butti'a hexxeexxen. 2Eesawunna Kanaanitotixxa dubarte aadhe; insa'nenna Hiititichcho Eloonixxa belto Aada'a, Eewichcho Seboonike belti Aana i'leexxe Ahilibamaam,#Dada. 26:34. 3Iittanni Neebayyoxxa dayyo, Isima'eelixxa belto Baasemaatitemman.#Dada. 28:9. 4Aada Eesawu'a Elifaazii ilde; Baaseemmatinna Raagu'eelii ilde. 5Iittanni Ahilibamaami Ye'uusii, Tsilamiinnaa Qore ilde. Tinni Eesawu Kenaanike boga'ni i'leexxe oosemman.
6Ookkoneechchi uduma Eesawunna aruwwa ifixxa, labbaxxanna meyyaxxa oose ifixxa, mini hado ifika duuchcha, iittanni gedhebo re'e lalokanna wele hore duuchcha, Kenaanike boga'n horatemmaxxa karra duuchcha adhdheexxi dayyo ifike Ya'iqoobinaa'n bayyate me'e. 7Isi tenne asseechchi isinna Ya'iqoobi heddo hore anfeemmaxxee he'nemmak bogi insa'ne lami'a cu'matemmaxxeten; lamiingi heddo hore anfe'emmaxxee mitteba hedha dandennebaan. 8Tennexxee Eedoomi hiyyemeek Eesawu Seeyirike bogixxe kooba'n ofo'le.
9Seeyirike boga'n koobate'n hedha'nemmake Eedoomitotike hundaayyetika annixxi, Eesawuxxi horte konneechchinni butti'a hexxeexxen. 10Eesawu ifixxe are Aadanaa'ni Elifaazi'i, are ifixxe Baasemmatinaa'ni Re'uuli'i i'le.
11Elifaazi i'leexxi labbaxxi oose: Teemaani, Oomaar, Sifoo, Ga'itaaminnaa Qeneezitemman. 12Eesawuk belt Elifaazi Timina'i hiyyendaaxxe garbitte are afe'emman; isenna Amaaleqii isi'a ilde; Yoona tinni Eesawuxxa are Aadake beltixxe oose.
13Raagu'eelixxi labbaxxi oose: Naahooti, Zaaraha, Saamaanna Miizaahitemman; tinni labbaxxi oose Eesawuxxa are Baasemmaatixxe akka'uwwamman.
14Aana'a Seboonixxi belto Ahilibamaami, Eesawuxxi are ildeexxi labbaxxi oose: Ye'uusi, Ilaamanna Qoretemman.
15Eesawuka angafa belto, Elifaazixxi hayyoole labbaxxi oose: hayyichcha Teemaani, hayyichcha Oomaar, hayyichcha Sifoo, hayyichcha Qeneezi, 16hayyichcha Qore, hayyichcha Ge'itaaminnaa hayyichcha Amaaleqiten. Insa'ene Eedoomike boga'n Elifaazi darreke hayyichchuwwannaa Aadaxxe labbaxxe akka'uwwaman.
17Eesawuka belto Raagu'eelixxe labbaxxi oose: hayyichcha Naahooti, hayyichcha Zaara, hayyichcha Saamaana, hayyichcha Miizaahitemman; insa'ne Eedoomike boga'n Raagu'eel darreke hayyichchuwwanna Eesawuxxa are, Baasemmatixxe labbaxxe akka'uwwamman.
18Eesawuxxa are Ahilibamaamixxi oose: hayyichcha Ye'uusi, hayyichcha Ilaamanna, hayyichcha Qoreten. Kunni Eesawuxxa are, Aanaxxa belto Ahilibamaam darreke hayyichchuwwamman. 19Kunni duuchchi Eedoomi hiyyemeeke Eesawuxxe oosennaa hayyichchuwwamman.
Se'iirixxa Horte
(1 Odo. 1:38-42)
20Ookkone boga'n hedha'nemmake Hoorichcho Seeyirixxi labbaxxi oose: Looxan, Shobaal, Tsiboon, Aana, 21Diishooni, Etseerinna Diishaani. Eedoomike boga'n hedha'nemmake Hoorichcho Seeyirixxe oosennaa hayyichchuwwi konneeratemman.
22Looxxaanixxi labbaxxi oose: Hoorinna Heemaamiten; Looxaanixxi dayyonna Timina'itemman.
23Shobaalixxi labbaxxe oose: Alwaan, Manahaat, Ebaal, Sifonna, Oonotemman.
24Tsiiba'inixxi labbaxxi oose: Aayaana Aanatemman. Ana kunni anniinxa harre allala'n qiilla gammoojje giddo xabaliinxa muummuwwa afeemmake manjon.
25Aanaxxi oose: Diishooninna Ahilibamaam hiyyendaxxe beltomman.
26Disoonixxi labbaxxe oose: Hemidaan, Eeshibaan, Yitiraaninna Keraaniten.
27Etseerixxi labbaxxi oose: Bilhaan, Za'iwaaninna Aqaaniten.
28Diishaanixxi labbaxxe oose: Uutsinnaa Aaraanite.
29Hoorik sooresuwwi: hayyichcha Looxaan, hayyichcha Shobaale, Tsibi'oon, hayyichcha Aana 30hayyichcha Diishooni, Etseerinna Diishaanite. Kunni Seeyirike baga'n ififike gosatike minishsha Hooritotike hayyichchuwwamman.
Edoomika Moyanjuwwa
(1 Odo. 1:43-54)
31Isira'eeli'n moyanji moyeeba ediga'ma Eedoomika boga moye'emmak moyanjuwwi konneechchinni butti'a hedheekeeran.
32Beetsoorik belti Beela'i Eedoomi'n moyeemman. Isike qachchik summinna Dinihaaba hiyyema'nemman.
33Beela'i reyee wodda Bootsirake bogik Zaarahik belt Iyyobaab bakka isixxe'n moye.
34Iyyobaab reyee wodda Teemaanike bogik Husaami bakka isixxe'n moye.
35Husaaminna reyee wodda Midiyaamika manna Mo'aabike boga'n injifateemmak Bedaadik belt Hadaadi bakka isixxe'n moye. Qachchi isiki summinna Aawit hiyyeme.
36Hadaadi reyee wodda Mesirqaawwike bogik Seemila bakka isixxe'n moye.
37Seemilanna reyee wodda, galaani qarqara'n Rehobooti hiyyemaake bogik Sa'ool bakka isixxe'n moye.
38Sa'oolinna reyee wodda Akibooriki belti Ba'aal Hanaan bakka isixxe'n moye.
39Akiboork belt Ba'aal Hanaan reyee wodda Hadaar bakka isixxe'n moye. Isike qachchik summinna Fa'uu hiyyeme. Are isixxinna Mehexabi'eeli hiyyendaa wodd, anni isek Mezaahaab amatinna Mexireedi hiyyendaan.
40Eesawu darrek hayyichchuwwi summi ififike gosa gosatike minishshannaa ififike bogi boguwwishsha konneechchinni butti'a hedheeken: Hayyichcha Timinaa'i, hayyichcha Aliwwa, hayyichcha Yeteeti, 41hayyichcha Oholiibama, hayyichcha Ela, hayyichcha Finoon, 42hayyichcha Qeneezi, hayyichcha Temaan, hayyichcha Mibisaar, 43hayyichcha Megidi'eelinnaa hayyichcha Iraamite. Kunni Eedoomike bogi giddo hedhe hedhemmake boonchike summinni ye'ema'nemmake Edoo'ike hayyichchuwwaman; Eesawu kuninna Edoomitotike hundaayetike annamman.
Currently Selected:
Dadatika Maxaafa 36: gdo
Highlight
Share
Compare
Copy
Want to have your highlights saved across all your devices? Sign up or sign in
The Word for the World International, The Word for the World Ethiopia
