Dadatika Maxaafa 12
12
Duuchchi Woddik Gootti Abiraami Ye'e
1Duuchchi Woddik Gootti Abiraamii'i hiyyee qici, «Hexxetteka boga waalde, fira atikenaa'ninna, anna atikixxe baxxenaa'n gargar higge'e leellishannoke boga'n me'i.#Erga. Huj. 7:2-3; Ibr. 11:8.
2«Lumoke arda atee assannon;
atee eebbisannon;
Summa atikanna quba sa'issannon;
eebbisema atixxi welekeenna geltaan.
3Ate eebbisaaka eebbissannon;
atee badaakanna badannon;
Atixxe daafenni buttate'n hedheek gosa gosak arduwwi duuchchi
atixxe daafenni eebbisemaan» hiyye.#Gel. 3:8.
4Tennexxe Duuchchi Woddik Gootti kulemmashshanni Abiraami fule; Looxinna isinni welt me'e; Abiraaminna Karaninaa'n fuleexxi me'aa wodda wogga isixxi torbaane tommenna ondetemman. 5Abiraami are ifixxa Sooraanna, ifike dayyika belto Looxi adhdheexxi, Kaarani he'nemma wodda horanteechcho duuchchanna insa'ne'a ergatemaammaka manna duuchcha adhdhine me'ineexxi Kanaan e'yine. 6Abiraami Seekemi giddo Moorehixxe songo'ni hedheeke lumok haqichchi qico'ni mare geyaa qico'n ookkonee bogi giddo me'e. Ookkone wodda Kenaanik manni okkone bogi giddo hedhaamman. 7Duuchchi Woddik Goottinna Abiraami'n leelleexxi «Konne boga atixxe horte uwwannon» hiyye. Abiraaminna iso'n leellemmaka Mageno magenoonfatto'a eettene bakka'n tolchimalcho giisse.#Erga. Huj. 7:5; Gel. 3:16. 8Ookkoo'n ke'eexxi Beeti'eelinii'n boroti darre'n hedheeke koobatike bogibaa me'e; Beetelik qachchi dhidhimake'n, Ayik qachchi kinni boroti darre'ni gatee'naa eettene oddo'ni dunkaane olte; Ookkonna tolchimalcho giisseexxi Duuchchi Woddika Gootta ye'edhe. 9Ookkoo'n ke'eexxi Abiraami mittebaa'n mitteba'a godaana'ni «Negeebi'a»#12:9: Negeebi: Ibritotike laagadinni Negeebi hiyya Kanaan bog giddo bita'i darre'n afemaake gammojjichcha boga hiyyaten. me'e.
Abiraami Gibtseke Boga'n
10Eettene yanna'n Kanaani boga'n solo'i e'ye; solo'ikinna jabaata'ni me'eemmaxxee solo'iinxi yanna saxxaa qico'ni Abiraami ookko hedho'a adadde Gibtse me'e. 11Gibtse genno'a he'nnee'na Abiraami are ifixxa Sooraa'a hiyyee qici, «Ati danchate kaddettaxxee ege'neenen, 12Gibtseki manni atee uudoole, ‹Tinni isixxe are› hiyyee ane shiye atee walaani. 13Tennexxee anee eloxxe illen undaashshannaa shinnabaashsha ‹Ani isixxe dayyon› hiyyi» hiyye.#Dada. 20:2; 26:7. 14Abiraaminna Gibtse geyee wodda Gibtsek manni Abiraamixxa are hara danchate kaddeexxa afe. 15Feri'oonk ja'laabuwwinna ise uundee wodda danchumma isexxa Feri'ooni'n saanda'n odeessine; iseenna isike mootomatike mine'n iyyemare. 16Isexxee hiyyeexxi Faari'ooni Abiraami'a eloxxa asse, gedhebo, re'e, lalo, labbaxxa meyyaxxa harre, labbakannaa meyyaka erganjuwwannaa gaaluwwa ise'a uwwe.
17Yaane kinni Duuchchi Woddik Gootti Abiraamixxa are Sooraxxe hiyyeexxi Feri'ooninnaa isika mini hado hara elobaaxxe balanni gane. 18Ookkoneechchi uduma Feri'ooni Abiraamii'i ye'iseexxi «Abboo ane'n maa tenne assitette? Isee are atixxe kaddeexxa ane'n kula gophpheettak? 19Maayete ise anxe dayyonni hiteette? Ise adhdheennachchi anxe are assedhonnaatemman; ta'a are atixxi kunnise adhdhite me'i» hiyye. 20Ookkoneechchi uduma Feri'ooni Abiraamixxe ifike manna ajaajje; insa'nenna isoonna are isixxa afemmachchi duuchchinninni welt bogakenaa'n fulchine.
Currently Selected:
Dadatika Maxaafa 12: gdo
Highlight
Share
Compare
Copy
Want to have your highlights saved across all your devices? Sign up or sign in
The Word for the World International, The Word for the World Ethiopia
