Dadatika Maxaafa 10
10
Nohixxe Labbaxxe Oosexxa Horte
(1 Odo. 1:5-23)
1Nohixxe oosexxi Seemixxi, Kaamixxinnaa Yaafeetixxi horte konneechchinni butti'a hexxeexxeni; Insa'nenna balleesaamma wodi'i uduma labbaxxa oose i'line.
Yaafeetixxa Horte
2Yaafeetixxi labbaxxi oose: Goomeri, Magoog, Made, Yawaan, Tobeel, Mosahinna Teraasiten. 3Goomerixxi labbaxxi oose: Ashikenaaz, Rifaatinnaa Tergaarmatemman. 4Yaawanixxi labbaxxi oose: Elisha, Terseesi, Kitimi, Roodi'i#10:4 Heenok Maasoretek qarik borreessuwwi hundaayetixxe Saamarito, torbaane tomme beekolexxinna heenok Maasoreeteke memmekisanjuwwik olmik borreessuwwi Dodaaniimi hiyyaan. 5Konneer duuchchinaa'n gargar gargar hexxeexxe gosak mini, ifi ifike laagadinni haaso'a'n ififike abbaayya qarqarike boguwwa'ninnaa oddooluwwa'n hedhaammak ardi dage.
Kaamixxa Horte
6Kaamixxi labbaxxi oose: Kuushi, Mitsirayim,#10:6 Laako 13 lephphe Gibetse kulaan Fuuxi, Kanaaniten. 7Kuushixxi labbaxxi oose: Saaba, Hawula, Sabitaha, Ra'imanna Saabanna Dedaanitemman.#10:7 Mitsirayimi telcho Gibtse hiyyemaake bogan. Raamaxxi labbaxxi oose Saabanna Didaanitemman. 8Kuushi Namiruud hiyyemaaka belto i'le; Namiruudinna buttate'n jannummat ege'nemeeke siretike worba manjo kade. 9Isinna Magen edo worba adamallo kade; tennexxetemman «Mageni edo Namiruddishsha worba adamallo» hiyyenda'nemmak 10Siretike Naamirudixxi mootumma Sina'oori giddo hedheemaka sase qachchixxi galcha Baabiloonii'i, Erekiinna Akaadii'i mitteba abidaan. 11Ookkoo'n Asoorike bogiba'a me'eexxi Nenewe, Rehobotinna Kaaleehi hiyyemaaka qachchuwwa ijaare. 12Iittanni Nenewwexxennaa Kaaleehixxe oddo'ni Reseen hiyyemaaka lumoka qachcha ijaare. 13Mitsirayimixxi horte Luudike, Anamike, Lahibike, Naafihake, 14Fetiroosike, Kesiluhikennaa (Filisixeemike ardi'a annuwwa kadeemmake) Kaftoorike ardamman.
15Kenaaninna angafa ifika belo Sidoonikenna Heexitotike, 16Iyyaabusotike Amooritotike, Gergerisiitotike 17Hiititichchi, Irreqato, Siinato, 18Arewaadito, Tsemartonna Hamatitoke annamman; udumi giddii'n gargar hexxeexxi Kenaanixxi gosuwwa booncho booncho'n facaate. 19Kenaanike ardixxi gabala Giraari ga'mii'n Sidonii'n kexxe'e Gaaza marte geltaa qico'niten; ookko'n Soodoomi, Gomora, Adaamanna Sobo'i ga'mii'n kinni Laasha qico'n marte geltaan. 20Kunni duuchchi Kaamixxe hortemman; insa'nenna ifike gosatike mininni ifi ifike boga'ni hedha'ni ifi ifinga laagada haaso'ammake ardamman.
Seemixxa Horte
21Yaafeetik angafi dayyi Seeminna labbaxxa oose i'le; isinna Eboorixxe horte duuchchi'a hundaayyetike annamman.
22Seemixxi labbaxxi oose Elaami, Asoori, Arfaakiisid, Luudinna Aaraamitemman. 23Aaraamixxi labbaxi oose Uusti, Huuli, Geterinna Mosohitemman. 24Arfaakiisid Sala i'le; Saalaami Eboori i'le. 25Eboori lame labbaxxa oose i'le; mitti belti ilemeeke baro'n ardi boga boga'ni qoqqodememmaxxee summa isika Faleeqi#10:25 Feleqi Hiyyo Qoqqoodema Hiyyoten hiyyeme: dayyi isikinna Yoqixxa hiyye summa fulche. 26Yoqixxaxxi oose Almodadi, Sheleefi Hadaremaweti, Yeraahi, 27Hadorami, Uuzaali, Diqiila, 28Obaali, Abima'eeli, Saaba, 29Ofiiri, Hawiilaxxinna Yobaabiten; insa'ne duuchching Yoqixxaxxe labbaxxe oosemman.
30Insa'ne he'nemmabi Meesha'n Sefaar qico'n hedheeke koobatike borotike boga'nitemman. 31Kunni ardi duuchchi Seemixxe hortemman; insa'nenna ifike gosatike mininni ifi ifike boga'ni hedha'n ifi ifinga laagada haaso'amake ardaman.
32Kunni Nohixxe labbaxxe ooseke gosa gosati minuwwixxe horteke arduwwan; balleessatike wodi'i uduma arduwwi buttate'n faca'eek insa'nenaa'niten.
Currently Selected:
Dadatika Maxaafa 10: gdo
Highlight
Share
Compare
Copy
Want to have your highlights saved across all your devices? Sign up or sign in
The Word for the World International, The Word for the World Ethiopia
