Fulatika Maxaafa 34
34
Langaxxa Giissendeexxa Wele Lame Kino
(Lew. 10:1-5)
1Duuchchi Woddiki Gootti Muuse hiyyee qici, «Siretixxa fakkaattaaxxa lame kino giissi; aninna ati enqetettaxxe siretixxe kino'ni hedhdhemaka hiyyichchuwwa borreessannon. 2Soodo gorsa aninni welti afematee'e Siinaxxe koobaxxe xungo'ni afendotta'a qixxeeffatte dagi. 3Atinni welti ayyinna dagoqqe'e; koobate'ni hoone darre'ninna ayyinna leelloqqe'e; koobatike qarqara'ni gedhebokanna kadi lalo hoone horenna kadoole bobbaansoqqe'e» hiyye. 4Tennexxee Muuse lame kino edixxe kinoshsha asse giisse; langa baro bariisa kino aadheexxi Duuchchi Woddiki Gootti ajajemmashshanni Siinaxxe kooba iimi'a mare.
5Duuchchi Woddiki Goottinna duumanchchiki dirre isinni welti uurre «Ani Duuchhci Woddike Goottan» hiyye woyyichcha summa ifika ege'nishe. 6Duuchchi Woddiki Gootti Muuse edii'ni sa'aa wodda «Ani Duuchchi Woddiki Gootti Ani Mageni shaqqakenna gattowwaaliken; dhidhdho afenekebaan; lumoxxi jaalala anxinna addatensha anxi birasaxxeeken; 7Ani ha'no siinsinne belo kuma ilensha qico'ni eeyya'ni hedhannoni; balleessatanna cubbo gattowwaali hiyyannon; yaane kinni annuwiinxe cubbo'a sase yookaan shoole ila qico'ni xixannon» hiyye ege'nishe.#Fula. 20:5-6; Lak. 14:18; Lew. 5:9-10; 7:9-10.
8Muusenna albiki butti'a heeshshi hiyye Duuchchi Woddika Gootta sagade. 9«Dada duuchchiki Duuchchi Woddiki Gootti! Ane'ni gammaddaattole, no'onni welti me'itotta'a kadhataannen; kunni ardi hineexxa laqaakebani; yaane kinni balleesa no'oxxanna cubbo no'oxxa gattowwaal hiyyi; no'oo arda atike assedhi.»
Mageni Aagemaxxa Kako Haaronse
(Fula. 23:14-19; Lew. 7:1-5; 16:1-17)
10Ookkoneechchi uduma Duuchchi Woddiki Gootti Muuse hiyyee qici: «Ta'a yoona Isira'eelike ardinni kako aagaannen; konneechchi edi darre hoone ardixxe oddo'ninna kade ege'nebaaka mambe'a konne ardi edo assaannen; ani Duuchchi Woddiki Gootti assaannexxa lumoxxa yaane ha'no welti hexxina'neeki ardi uudaashsha sodaachchissaaxxanna mambe'a assitaaxxa yaane assaannen. 11Telchcho ha'no'a uwwenneka seera heqqe; aninna Amooraka, Kenaanika, Hiititotika, Feeriizitotika, Hiwaatotikanna Iyyaabusitotika arda ha'no edii'ni shorrannon; 12Ha'no'a fonxorote kaddammaxxee martine geltineeke boonchi manni duuchchini welti kako aagginoqqe'e. 13Matanga tolchimalcho insa'neeka butuchchitine birre; ulfeessendeexxa magenooffachchotixxa insa'nexxa bakka diigge; Asheerate hiyyemaake magenixxa fakke butuchchitine hunne.#Lew. 16:21.
14«Ani Duuchchi Woddiki Gootti hinaatichcha Mageno kadennaxxe'e Anee malee'e wele magenuwwa magenooffatinoqqe'e; 15Insa'ne insa'neeka mageno magenooffanto'aanna tolcha tolche'naaba ha'noonna afendinaashsha ye'nammaxxee, insa'neeke mageni'a tolchineeka tolcha itatee hega uudendinaammaxxee ookkone boga'ni hedhaake ardinni kako aagginoqqe'e. 16Dubarte insa'neexxa ha'nooxxe labbaxe oose'a aadhissinoole dubarte ittinna ha'nooxxi labbaxxi oose anee waalde mageno dubarte eetteneeka magenooffataashsha assitaan.
17«Sibilo baqissine'e magenuwwiinxa fakke giissitineexxi magenooffatinoqqe'e.#Fula. 20:4; Lew. 19:4; Lew. 5:8; 27:15.
18«Gibtseka boga waaldine fuldineeki Abiibite hiyyemaake agenjo'nite kaddemmaxxee wogga wogga'ni Abiibike agenjo'ni Gamami E'yebaaxxe Kebboka ayyaana ulfeesse; ani ajajennashshanni Abiibike agenjo'ni torbaane barra'a gamami e'yebaaxxa bulletixxa kebbo itte.#Fula. 12:14-20; Lew. 23:6-8; Lak. 28:16-25.
19«Edise ilemaaki labbaki belti duuchchi ankeni; ittanni hoone horenaa'ni edise ilemaaki labbaki duuchchi anken;#Fula. 13:2. 20yaane kinni harretike beltanjixxe bakka'ni gedhebiinka buruusa uutineexxi harretika beltanjo ifi'a gatilsa dandeettinaan; ifi'a gatilsa gophphina'noole gooba isika micciirre; edise ilemaaka labba belto duuchcha isixxe bakka'ni wele yaane uutineexxi ifi'a gatilse.#Fula. 13:13.
«Ayyinna duwwixxe anganni ani edo dagoqqe'e.
21«Huje huccitinaaxxa jaane barra affine'en; yaane kinni mayetixxenna midha haamatixxe yanna kaddoolenna torbeessoxxe barra'ni mitte huje hujjinoqqe'e.#Fula. 20:9-10; 23:12; 31:15; 35:2; Lak. 23:3; Lew. 5:13-14.
22«Umiinxa midha bukki assitina wodda mayetika ayyaana ulfeesse; woggatike muuxama'ni kadaake midha bukki assedhatixxe mayexxa yana Fooqinka Ayyaana ulfeesse.#Lew. 23:15-21; Lak. 28:26-31.
23«Woggate'ni sasele labbaki duuchchi Dada Duuchchika Duuchchi Woddika Gootta Ane'e Isira'eelika Mageno magenooffato'a dagowwaali. 24Wele arda boga ha'nookenaa'ni fulche biree gabala ha'nooxxa ba'lisannon; tennexxee konne sase ayyaana ulfeessitinaaxxe yanna'ni karra ha'nooxxa booji'o'aa ayyina dagabaan.
25«Tolcha ani'a tolchitinaaxxe yanna'ni gamami e'yeexxa midhatixxa kebbo ani'a shiqishshinoqqe'e; Sa'atike ayyaana'ni dulemeeke horika maala langaxxe barra'a tursitinoqqe'e.#Fula. 12:10.
26«Midha haandinaa wodda umo Duuchchi Woddike Goottike minibaa idagge.#Lew. 24:21; 26:2.
«Gedhebiinkenna kadi re'etike beltanjika maala amatixxe adonni mitteba gaffinoqqen» hiyye.
27Duuchchi Woddiki Gootti Muuse «Atinninna kadi Isira'eelike ardinni kako aagaanneki konne haaso'enneke haaso'innite kaddemmaxxee, konne haaso'enneka haaso'a maxaafake'ni borreessi» hiyye. 28Muusenna ite ha'webaangi Duuchchi Woddike Goottin welti shoole tomme hashshanna barra ture; Duuchchi Woddiki Goottinna lame kinjo'ni kakotixxa hiyyuwwa, Tomme Ajajuwwa borreesse.
Muuse Siinaxxe Koobanaa'ni Dirreexa
29Muuse Duuchchi Woddike Goottinni haaso'a'ni turemmaxee Tommi Ajajuwwi borreessemeexxa lame kino aadhe Siinaxxe Koobanaa'ni dirra wodda albi isiki ifa'nemman; tenne kinni isi ege'naammabaan.#2 Qor. 3:7-16. 30Muuseki albi ifa'neexxa Aarooninna ardi duuchchi afe Muuseba shiqate sodaate. 31Muuse kinni Aarooniinna ardiinka akeekisanjuwwa isiba ye'e; insa'nenni haaso'e. 32Ookkoneechchi uduma Isira'eeliki ardi duuchchi isibaa shiqe; Muusenna Siinaxxe Kooba'ni Duuchchi Woddiki Gootti iso'ni uwwemmaka seera duuchcha ardake'ni kule. 33Muusenna insa'nenni haaso'e ke'eechchi uduma alba ifika shaasheti buqedhe; 34Muusenna Duuchchi Woddiki Gootti ulfinniki leellammake dunkaanibaa e'yaa wodda shaashe albakenaa'ni hoyyedhaamman; ookkoo'ni fula wodda kulo'a ajajeemeemaxxa duuchcha Isira'eelike ardi'n kula'nemman. 35Insa'nenna albi isiki ifaa wodda uunda'nemman; tennexxee langaxxa Duuchchi Woddike Goottinni haaso'aaba hige maraaxxee alba ifika shaasheti buqedhaamman.
Currently Selected:
Fulatika Maxaafa 34: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Fulatika Maxaafa 34
34
Langaxxa Giissendeexxa Wele Lame Kino
(Lew. 10:1-5)
1Duuchchi Woddiki Gootti Muuse hiyyee qici, «Siretixxa fakkaattaaxxa lame kino giissi; aninna ati enqetettaxxe siretixxe kino'ni hedhdhemaka hiyyichchuwwa borreessannon. 2Soodo gorsa aninni welti afematee'e Siinaxxe koobaxxe xungo'ni afendotta'a qixxeeffatte dagi. 3Atinni welti ayyinna dagoqqe'e; koobate'ni hoone darre'ninna ayyinna leelloqqe'e; koobatike qarqara'ni gedhebokanna kadi lalo hoone horenna kadoole bobbaansoqqe'e» hiyye. 4Tennexxee Muuse lame kino edixxe kinoshsha asse giisse; langa baro bariisa kino aadheexxi Duuchchi Woddiki Gootti ajajemmashshanni Siinaxxe kooba iimi'a mare.
5Duuchchi Woddiki Goottinna duumanchchiki dirre isinni welti uurre «Ani Duuchhci Woddike Goottan» hiyye woyyichcha summa ifika ege'nishe. 6Duuchchi Woddiki Gootti Muuse edii'ni sa'aa wodda «Ani Duuchchi Woddiki Gootti Ani Mageni shaqqakenna gattowwaaliken; dhidhdho afenekebaan; lumoxxi jaalala anxinna addatensha anxi birasaxxeeken; 7Ani ha'no siinsinne belo kuma ilensha qico'ni eeyya'ni hedhannoni; balleessatanna cubbo gattowwaali hiyyannon; yaane kinni annuwiinxe cubbo'a sase yookaan shoole ila qico'ni xixannon» hiyye ege'nishe.#Fula. 20:5-6; Lak. 14:18; Lew. 5:9-10; 7:9-10.
8Muusenna albiki butti'a heeshshi hiyye Duuchchi Woddika Gootta sagade. 9«Dada duuchchiki Duuchchi Woddiki Gootti! Ane'ni gammaddaattole, no'onni welti me'itotta'a kadhataannen; kunni ardi hineexxa laqaakebani; yaane kinni balleesa no'oxxanna cubbo no'oxxa gattowwaal hiyyi; no'oo arda atike assedhi.»
Mageni Aagemaxxa Kako Haaronse
(Fula. 23:14-19; Lew. 7:1-5; 16:1-17)
10Ookkoneechchi uduma Duuchchi Woddiki Gootti Muuse hiyyee qici: «Ta'a yoona Isira'eelike ardinni kako aagaannen; konneechchi edi darre hoone ardixxe oddo'ninna kade ege'nebaaka mambe'a konne ardi edo assaannen; ani Duuchchi Woddiki Gootti assaannexxa lumoxxa yaane ha'no welti hexxina'neeki ardi uudaashsha sodaachchissaaxxanna mambe'a assitaaxxa yaane assaannen. 11Telchcho ha'no'a uwwenneka seera heqqe; aninna Amooraka, Kenaanika, Hiititotika, Feeriizitotika, Hiwaatotikanna Iyyaabusitotika arda ha'no edii'ni shorrannon; 12Ha'no'a fonxorote kaddammaxxee martine geltineeke boonchi manni duuchchini welti kako aagginoqqe'e. 13Matanga tolchimalcho insa'neeka butuchchitine birre; ulfeessendeexxa magenooffachchotixxa insa'nexxa bakka diigge; Asheerate hiyyemaake magenixxa fakke butuchchitine hunne.#Lew. 16:21.
14«Ani Duuchchi Woddiki Gootti hinaatichcha Mageno kadennaxxe'e Anee malee'e wele magenuwwa magenooffatinoqqe'e; 15Insa'ne insa'neeka mageno magenooffanto'aanna tolcha tolche'naaba ha'noonna afendinaashsha ye'nammaxxee, insa'neeke mageni'a tolchineeka tolcha itatee hega uudendinaammaxxee ookkone boga'ni hedhaake ardinni kako aagginoqqe'e. 16Dubarte insa'neexxa ha'nooxxe labbaxe oose'a aadhissinoole dubarte ittinna ha'nooxxi labbaxxi oose anee waalde mageno dubarte eetteneeka magenooffataashsha assitaan.
17«Sibilo baqissine'e magenuwwiinxa fakke giissitineexxi magenooffatinoqqe'e.#Fula. 20:4; Lew. 19:4; Lew. 5:8; 27:15.
18«Gibtseka boga waaldine fuldineeki Abiibite hiyyemaake agenjo'nite kaddemmaxxee wogga wogga'ni Abiibike agenjo'ni Gamami E'yebaaxxe Kebboka ayyaana ulfeesse; ani ajajennashshanni Abiibike agenjo'ni torbaane barra'a gamami e'yebaaxxa bulletixxa kebbo itte.#Fula. 12:14-20; Lew. 23:6-8; Lak. 28:16-25.
19«Edise ilemaaki labbaki belti duuchchi ankeni; ittanni hoone horenaa'ni edise ilemaaki labbaki duuchchi anken;#Fula. 13:2. 20yaane kinni harretike beltanjixxe bakka'ni gedhebiinka buruusa uutineexxi harretika beltanjo ifi'a gatilsa dandeettinaan; ifi'a gatilsa gophphina'noole gooba isika micciirre; edise ilemaaka labba belto duuchcha isixxe bakka'ni wele yaane uutineexxi ifi'a gatilse.#Fula. 13:13.
«Ayyinna duwwixxe anganni ani edo dagoqqe'e.
21«Huje huccitinaaxxa jaane barra affine'en; yaane kinni mayetixxenna midha haamatixxe yanna kaddoolenna torbeessoxxe barra'ni mitte huje hujjinoqqe'e.#Fula. 20:9-10; 23:12; 31:15; 35:2; Lak. 23:3; Lew. 5:13-14.
22«Umiinxa midha bukki assitina wodda mayetika ayyaana ulfeesse; woggatike muuxama'ni kadaake midha bukki assedhatixxe mayexxa yana Fooqinka Ayyaana ulfeesse.#Lew. 23:15-21; Lak. 28:26-31.
23«Woggate'ni sasele labbaki duuchchi Dada Duuchchika Duuchchi Woddika Gootta Ane'e Isira'eelika Mageno magenooffato'a dagowwaali. 24Wele arda boga ha'nookenaa'ni fulche biree gabala ha'nooxxa ba'lisannon; tennexxee konne sase ayyaana ulfeessitinaaxxe yanna'ni karra ha'nooxxa booji'o'aa ayyina dagabaan.
25«Tolcha ani'a tolchitinaaxxe yanna'ni gamami e'yeexxa midhatixxa kebbo ani'a shiqishshinoqqe'e; Sa'atike ayyaana'ni dulemeeke horika maala langaxxe barra'a tursitinoqqe'e.#Fula. 12:10.
26«Midha haandinaa wodda umo Duuchchi Woddike Goottike minibaa idagge.#Lew. 24:21; 26:2.
«Gedhebiinkenna kadi re'etike beltanjika maala amatixxe adonni mitteba gaffinoqqen» hiyye.
27Duuchchi Woddiki Gootti Muuse «Atinninna kadi Isira'eelike ardinni kako aagaanneki konne haaso'enneke haaso'innite kaddemmaxxee, konne haaso'enneka haaso'a maxaafake'ni borreessi» hiyye. 28Muusenna ite ha'webaangi Duuchchi Woddike Goottin welti shoole tomme hashshanna barra ture; Duuchchi Woddiki Goottinna lame kinjo'ni kakotixxa hiyyuwwa, Tomme Ajajuwwa borreesse.
Muuse Siinaxxe Koobanaa'ni Dirreexa
29Muuse Duuchchi Woddike Goottinni haaso'a'ni turemmaxee Tommi Ajajuwwi borreessemeexxa lame kino aadhe Siinaxxe Koobanaa'ni dirra wodda albi isiki ifa'nemman; tenne kinni isi ege'naammabaan.#2 Qor. 3:7-16. 30Muuseki albi ifa'neexxa Aarooninna ardi duuchchi afe Muuseba shiqate sodaate. 31Muuse kinni Aarooniinna ardiinka akeekisanjuwwa isiba ye'e; insa'nenni haaso'e. 32Ookkoneechchi uduma Isira'eeliki ardi duuchchi isibaa shiqe; Muusenna Siinaxxe Kooba'ni Duuchchi Woddiki Gootti iso'ni uwwemmaka seera duuchcha ardake'ni kule. 33Muusenna insa'nenni haaso'e ke'eechchi uduma alba ifika shaasheti buqedhe; 34Muusenna Duuchchi Woddiki Gootti ulfinniki leellammake dunkaanibaa e'yaa wodda shaashe albakenaa'ni hoyyedhaamman; ookkoo'ni fula wodda kulo'a ajajeemeemaxxa duuchcha Isira'eelike ardi'n kula'nemman. 35Insa'nenna albi isiki ifaa wodda uunda'nemman; tennexxee langaxxa Duuchchi Woddike Goottinni haaso'aaba hige maraaxxee alba ifika shaasheti buqedhaamman.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia