Ergameeyyetixxa Huje 8
8
Sa'ooli Ammanye Shorrisheexxa
1Sa'oolinna Isixifaanoosixxe shiyema'a weli aagemman. Eettenne barra'ni Iyyerusaalemixxe Mageniinxe tuuta'n lumoki shorrichchi ke'e; ergameeyye malee ammanye duuchcha Yihudakenna Semaariyake bogibaa xexxeerende.
2Mageniinxe yaane'n si'eek manninna Isxifaanoosi mooge; isinna lumo qico oodha'ni hunbaashshe. 3Yaane kinni Sa'ooli Mageniinxa tuuta balleessatee'e ka'le ke'eemman. Duuchchingike minibaa e'ya'ni amaneeka labbakanna meyyaka harkise fulcha'ni usurrinke mine'ni e'yishsha'nemman.
Filphoosi Samaariyaake Boga'ni Wengeele Lallabeexxa
4Ammanyetinna xexxerendeexxi martee booncho duuchcha'n Mageniinka hiyyichcho barachchiisa'nemman. 5Filiphphoosi Semaariyake qachcha'n mareexxi Kiristoosixxee mannake'ni barachchiise. 6Mannikinna Filiphphoosika haaso'a laqee woddanna isi hujammaka mambe'a uudee wodda mitte heduminni dho'o hiyyee'e isi hiyyaaxxa laqa'nemman. 7Fuggichchi hafuuruwwinna lumooxxe raarenni heddo manninaa'ni fula'nemmani. Iittanni heddi naafuwwinna gogeekiir fayya'nemmani. 8Tennexxe Samaariyaake qachcha'ni lumooxxe gammashsho kadde.
9Konne Semaariyake qachcha'n mitti Simi'ooni hiyyemaak manjichchi hedhemmani; kunni manjichchi qachchi giddo goja'ni Samaariyaaka manna mambe'a assa'ni, ifinna lumoke manjo assee uuda'emman. 10Mann duuchchi shixxo lumoki, «Kunni manjichchi lumoxxe hiyyendeexxe Mageniinxe hunnan» hiyya'ni xexxe'achchoti isi hiyyaaxxa laqa'nemmani. 11Tinninna kaddeemmalchi lumoxxe yannanaa'ni ke'isseexxi gojo ifixxenni insa'ne'a mambe'a yaanuwwa assemmaxxeteni. 12Yaane kinni Filiphphoosi Mageniinxe mootummaxxeenna Yessuusi Kiristoosike summixxee eloxxa odo kulaa'naa laqee wodda labba meyyaki amaane xamaqeme. 13Simi'ooni midde gatebaangi umo ifingeenninni amane xamaqemeexxi Filiphphoosii'i hordofate'n ke'e. Isinna asseemma'emmaka beessisuwwanna lumollama manbe'uwwa uuda'ni jaja'nemman.
14Iyyerusaalemi hexxemmaxxi ergameeyye Semaariyak manni Mageniinka hiyyichcho adhdheexxa laqqe; tennexxee insa'ne Pheexiroosiinna Yohaannisii'i insa'nebaa ergine. 15Pheexxiroosinna Yohaannisi Samaariyaaki manni Woyyichcha Hafuura adhdhaashsha marreexxi insa'ne'a soodante. 16Manni kunni Yessuusi Kirsitoosike summini xamaqemema malee Woyyichchi Hafuuri mitteke'ninna dirre'emmabaan. 17Pheexxiroosinna Yohaannisi anga ifixxa konne mani hana uggine'naa manni Woyyichcha Hafuura adhdhe. 18Ergameeyye anga ifixxa insa'ne hana uggitee'na Woyyichchi Hafuuri mannakee uwwema'neexxa Simi'ooni afee wodda maallaqa insa'ne'a aadhe dageexxi 19«Aninna anga hana ugganooki manji Woyyichcha Hafuura adhdhashsha konne baallooma ani'a uwwe» hiyye.
20Pheexiroosinna hiisseexxi hiyyee qici, «Mageniinxa uwwa maallaqiki alfatee hasseetaxxee maallaqi atiki atinninni welti ba'owwaali! 21Qalbe atixxi Magenii edo toggi hiyya gophpheemmaxxee ati no'oxxe huje'ni bakka yookaan qoobbo affebexxon.» 22«Yoona konne fuggoke yaada atike'e yaaddetexxi aadde aagi! Akimagaada iitta hexxeexxa yaane heda atixxee gattowwaal hiyyaashsha Mageno soodat! 23Tinninni kaddeechchi fuggo yaadi ate'n wo'meenaa cubbotinna sagarende hexxe'naa'a atee uudaannexxeeten.» 24Ookkonneechchi uduma Simi'ooninna hiisseexxi, «Ta'a ha'no haasotinexxenaa'ni mittilchinna midde anee geyabaashsha ha'noonni ani'a soodate!» hiyye. 25Pheexiroosinna Yohaannisi Goottinka hiyyichcho ifinse dhugaa kuleechchi uduma heddo Semaariyake ola'uwwa'n wengeele lassina'n Iyyerusaalemi'a illeema hinge.
Filphoosi Tophiyichcho Middisa Xamaqe
26Iimik erganji Filiphphoosii'i, «Kexxetexxi Iyyerusaalemii'n Gaaza iyyemaraake qiilla gammoojjeke oriba'a bita'i'a me'i» hiyye. 27Filphoosinna ke'eexxi mare. Isinna mitti Tophiyichchi midisi Magenoke kumbu hiyyeexxi Iyyerusaalemii'n illeema higaa'naa afemme. Kunni manjichchi Hindekke hiyyendaaxxe Tophiyiinxe moottitexxe mootumma giddo baallooma afe'ekenna ise affeeka maallaqa duuchcha abidaakemman. 28Isinna hadi'a higa wodda sarageellake'n ofo'leexxi wabeekichcha Issayaasika Maxaafa haasesa'nemani. 29Woyyichchi Hafuuri Filiphphoosii'i «Marte konne sarageellibaa shiqi!» hiyye. 30Ookkonneechchi uduma Filiphphoosi rake'e ookkone sarageelliba mare'e, Tophiychchi wabeekichcha Issayaasika Maxaafa haasesaa'na'a laqeexxi, «Konne haasesitaateeke boonchixxi tika ate'ni aaga'ninni hexxee?» hiyyexxi qore. 31Isi kinni «Ani'a ifise kulaaki manji hedhebaangi hitta ege'naa dande'anno?» hiyyeexxi Filiphphoosii'i «Sarageella da'mite'e aninni welti ofo'li!» hiyye. 32Isi haaseesamaake maxaafixxi bakka konnneechchinni butti'a hexxeexxen:
«Isi gedhdhechiishsha dulemamaba'a oofeme;
gedhebiinke buruusi orda cirrammak edo sammi hiyyammasha
iittanni isi mitteelchonna bucuqi hiyyebaan.
33Isi salphateen; seeriinxi murtenna isi'a gophendeen;
hedho isixxi tenne buttanaa'n adhdhendeemmaxxee
isixxe hortexxee ayyete haaso'a dande'aa?»
34Middisichchinna hiissexxi Filiphphoosii'i, «Wabeekichchi kunni tennee haaso'a'neek ayyixxeete? Umo ifikixxeetemo yookaan weliinxeete? Ballo'o ane'n kuli!» hiyye. 35Ookkonneechchi uduma Filiphphoosi Maxaafa konnenaa'ni ke'isseexxi Yessuusixxa eloxxa odo iso'n kule. 36Insa'nenna me'ina'ni wodi'i hedhee booncho genne. Middisikinna, «Ta'a wodi'i kunnse; xammaqemabe'noshsha anee hoyyaachchi maachcho?» hiyyeexxi qore. 37Filiphoosinna, «Mitte godobinni amandoottole xammaqamaa dandeetattoni» hiyye. Middisiknna, «Ani Yessuusi Kirsitoosi Magenke Belto kadeexxa amananno» hiyye. 38Tennexxee middisi iikki sarageelli uurraashsha ajaje; lamingi wodi'i giddi'a e'yine'naa Filiphphoosi middisa ookkone xamaqe. 39Insa'nenna wodi'i giddii'ni fulchee uduma Goottiinki Hafuuri Filiphphoosii'i adhdhe; Middisi langaxxa isoo uudebaani; yaane kinni isi gammada'ni ora ifika me'e. 40Filiphphoosinna Azaaxooni afeme; isinna Qiisaariya'a dagaa qico'ni duuchchiinge qachchuwwa'ni wengeele lallaba'nemman.
Currently Selected:
Ergameeyyetixxa Huje 8: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Ergameeyyetixxa Huje 8
8
Sa'ooli Ammanye Shorrisheexxa
1Sa'oolinna Isixifaanoosixxe shiyema'a weli aagemman. Eettenne barra'ni Iyyerusaalemixxe Mageniinxe tuuta'n lumoki shorrichchi ke'e; ergameeyye malee ammanye duuchcha Yihudakenna Semaariyake bogibaa xexxeerende.
2Mageniinxe yaane'n si'eek manninna Isxifaanoosi mooge; isinna lumo qico oodha'ni hunbaashshe. 3Yaane kinni Sa'ooli Mageniinxa tuuta balleessatee'e ka'le ke'eemman. Duuchchingike minibaa e'ya'ni amaneeka labbakanna meyyaka harkise fulcha'ni usurrinke mine'ni e'yishsha'nemman.
Filphoosi Samaariyaake Boga'ni Wengeele Lallabeexxa
4Ammanyetinna xexxerendeexxi martee booncho duuchcha'n Mageniinka hiyyichcho barachchiisa'nemman. 5Filiphphoosi Semaariyake qachcha'n mareexxi Kiristoosixxee mannake'ni barachchiise. 6Mannikinna Filiphphoosika haaso'a laqee woddanna isi hujammaka mambe'a uudee wodda mitte heduminni dho'o hiyyee'e isi hiyyaaxxa laqa'nemman. 7Fuggichchi hafuuruwwinna lumooxxe raarenni heddo manninaa'ni fula'nemmani. Iittanni heddi naafuwwinna gogeekiir fayya'nemmani. 8Tennexxe Samaariyaake qachcha'ni lumooxxe gammashsho kadde.
9Konne Semaariyake qachcha'n mitti Simi'ooni hiyyemaak manjichchi hedhemmani; kunni manjichchi qachchi giddo goja'ni Samaariyaaka manna mambe'a assa'ni, ifinna lumoke manjo assee uuda'emman. 10Mann duuchchi shixxo lumoki, «Kunni manjichchi lumoxxe hiyyendeexxe Mageniinxe hunnan» hiyya'ni xexxe'achchoti isi hiyyaaxxa laqa'nemmani. 11Tinninna kaddeemmalchi lumoxxe yannanaa'ni ke'isseexxi gojo ifixxenni insa'ne'a mambe'a yaanuwwa assemmaxxeteni. 12Yaane kinni Filiphphoosi Mageniinxe mootummaxxeenna Yessuusi Kiristoosike summixxee eloxxa odo kulaa'naa laqee wodda labba meyyaki amaane xamaqeme. 13Simi'ooni midde gatebaangi umo ifingeenninni amane xamaqemeexxi Filiphphoosii'i hordofate'n ke'e. Isinna asseemma'emmaka beessisuwwanna lumollama manbe'uwwa uuda'ni jaja'nemman.
14Iyyerusaalemi hexxemmaxxi ergameeyye Semaariyak manni Mageniinka hiyyichcho adhdheexxa laqqe; tennexxee insa'ne Pheexiroosiinna Yohaannisii'i insa'nebaa ergine. 15Pheexxiroosinna Yohaannisi Samaariyaaki manni Woyyichcha Hafuura adhdhaashsha marreexxi insa'ne'a soodante. 16Manni kunni Yessuusi Kirsitoosike summini xamaqemema malee Woyyichchi Hafuuri mitteke'ninna dirre'emmabaan. 17Pheexxiroosinna Yohaannisi anga ifixxa konne mani hana uggine'naa manni Woyyichcha Hafuura adhdhe. 18Ergameeyye anga ifixxa insa'ne hana uggitee'na Woyyichchi Hafuuri mannakee uwwema'neexxa Simi'ooni afee wodda maallaqa insa'ne'a aadhe dageexxi 19«Aninna anga hana ugganooki manji Woyyichcha Hafuura adhdhashsha konne baallooma ani'a uwwe» hiyye.
20Pheexiroosinna hiisseexxi hiyyee qici, «Mageniinxa uwwa maallaqiki alfatee hasseetaxxee maallaqi atiki atinninni welti ba'owwaali! 21Qalbe atixxi Magenii edo toggi hiyya gophpheemmaxxee ati no'oxxe huje'ni bakka yookaan qoobbo affebexxon.» 22«Yoona konne fuggoke yaada atike'e yaaddetexxi aadde aagi! Akimagaada iitta hexxeexxa yaane heda atixxee gattowwaal hiyyaashsha Mageno soodat! 23Tinninni kaddeechchi fuggo yaadi ate'n wo'meenaa cubbotinna sagarende hexxe'naa'a atee uudaannexxeeten.» 24Ookkonneechchi uduma Simi'ooninna hiisseexxi, «Ta'a ha'no haasotinexxenaa'ni mittilchinna midde anee geyabaashsha ha'noonni ani'a soodate!» hiyye. 25Pheexiroosinna Yohaannisi Goottinka hiyyichcho ifinse dhugaa kuleechchi uduma heddo Semaariyake ola'uwwa'n wengeele lassina'n Iyyerusaalemi'a illeema hinge.
Filphoosi Tophiyichcho Middisa Xamaqe
26Iimik erganji Filiphphoosii'i, «Kexxetexxi Iyyerusaalemii'n Gaaza iyyemaraake qiilla gammoojjeke oriba'a bita'i'a me'i» hiyye. 27Filphoosinna ke'eexxi mare. Isinna mitti Tophiyichchi midisi Magenoke kumbu hiyyeexxi Iyyerusaalemii'n illeema higaa'naa afemme. Kunni manjichchi Hindekke hiyyendaaxxe Tophiyiinxe moottitexxe mootumma giddo baallooma afe'ekenna ise affeeka maallaqa duuchcha abidaakemman. 28Isinna hadi'a higa wodda sarageellake'n ofo'leexxi wabeekichcha Issayaasika Maxaafa haasesa'nemani. 29Woyyichchi Hafuuri Filiphphoosii'i «Marte konne sarageellibaa shiqi!» hiyye. 30Ookkonneechchi uduma Filiphphoosi rake'e ookkone sarageelliba mare'e, Tophiychchi wabeekichcha Issayaasika Maxaafa haasesaa'na'a laqeexxi, «Konne haasesitaateeke boonchixxi tika ate'ni aaga'ninni hexxee?» hiyyexxi qore. 31Isi kinni «Ani'a ifise kulaaki manji hedhebaangi hitta ege'naa dande'anno?» hiyyeexxi Filiphphoosii'i «Sarageella da'mite'e aninni welti ofo'li!» hiyye. 32Isi haaseesamaake maxaafixxi bakka konnneechchinni butti'a hexxeexxen:
«Isi gedhdhechiishsha dulemamaba'a oofeme;
gedhebiinke buruusi orda cirrammak edo sammi hiyyammasha
iittanni isi mitteelchonna bucuqi hiyyebaan.
33Isi salphateen; seeriinxi murtenna isi'a gophendeen;
hedho isixxi tenne buttanaa'n adhdhendeemmaxxee
isixxe hortexxee ayyete haaso'a dande'aa?»
34Middisichchinna hiissexxi Filiphphoosii'i, «Wabeekichchi kunni tennee haaso'a'neek ayyixxeete? Umo ifikixxeetemo yookaan weliinxeete? Ballo'o ane'n kuli!» hiyye. 35Ookkonneechchi uduma Filiphphoosi Maxaafa konnenaa'ni ke'isseexxi Yessuusixxa eloxxa odo iso'n kule. 36Insa'nenna me'ina'ni wodi'i hedhee booncho genne. Middisikinna, «Ta'a wodi'i kunnse; xammaqemabe'noshsha anee hoyyaachchi maachcho?» hiyyeexxi qore. 37Filiphoosinna, «Mitte godobinni amandoottole xammaqamaa dandeetattoni» hiyye. Middisiknna, «Ani Yessuusi Kirsitoosi Magenke Belto kadeexxa amananno» hiyye. 38Tennexxee middisi iikki sarageelli uurraashsha ajaje; lamingi wodi'i giddi'a e'yine'naa Filiphphoosi middisa ookkone xamaqe. 39Insa'nenna wodi'i giddii'ni fulchee uduma Goottiinki Hafuuri Filiphphoosii'i adhdhe; Middisi langaxxa isoo uudebaani; yaane kinni isi gammada'ni ora ifika me'e. 40Filiphphoosinna Azaaxooni afeme; isinna Qiisaariya'a dagaa qico'ni duuchchiinge qachchuwwa'ni wengeele lallaba'nemman.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia