Ergameeyyetixxa Huje 25
25
Phawuloosi Fisixxoosi Edo Shiqe
1Fisixoosi ookkone ifike awuraaji giddo geyeexxe sase barra uduma Qiisaariyanaa'n Iyyerusaalemi'aa me'e. 2Qeesetik sooreesuwwinna Ayihudiink akeekisanjuwwi isi edo shinqeexxi Phawuloosii'i ku'line. 3Phawuloosi'i orake'n heqqineexxi shinno'aa hanseemmaxxee Fisixxoosi insa'ne'aa gamisaashshanna Iyyerusaalemi'a isoo iyyedagisaashsha jaba qico isoo kadhante. 4Fisixoosi kinni hiyyeexxi hiisse haaso'ee qici, «Phawuloosi Qiisaariya usurrinke mine'ni hedheen, aninna ta'a umo angenninni shiqoxxe yanna'ni ookko'a me'onaaten. 5Tennexxe ha'nooke galchaluwwi giddii'ni mitti mitti aninni welti Qeesaariyya marruuni; Phawuloosi asseexxi balleesa hexxeexxe kaddoole ookko isoo ku'linowwaal.» 6Fisixxoosi saddeeta barra yookaan tomme barra insa'nenni welti tureechchi uduma adadde Qiisaariya'a me'e. Langa baro murtetike barcuma'n ofo'leexxi Phawuloosii'i isibaa shiqinsaashsha ajaje. 7Phawuloosinna shiqee wodda Iyyerusaalemii'n dagemmak Ayihudi isoo qoqqobeexxi dhugaate kaddeexxa kokeessa dandesissabaaxxa heddo jajjabba ku'lanna isoo ku'le. 8Phawuloosinna, «Ani Ayihudiinke seera'n yookaan Woyyichcha Galma'n, yookaan Roomeka moyanjo Qeesaari'n assennexxi mitte balleessa hexxebaan» hiyya'ni ifinaa'n faachcheeffachchotika hiissichcho hiisse.
9Fisixoosi kinni Ayihuda gammchchiisa haaseexxi Phawuloosii'i «Tennee yaane'a Iyyerusaalemi martetexxi ookkoo ani edo murte adhdha hasaate?» hiyye.
10Phawuloosi kinni hiisseexxi, «Kunse murte ane'n murema hassissaaxxe Qeesaarixxe murtetixxe mootte edo uurre hedhennen; atinna adda egendeteshshanni Ayihudake'n assennexxi mitte balleessa hexxebaan. 11Balleessanjoke kado'oonole, yookaan reyote'e geessissaaxxa balleessa hujo'oonole, reyatenaa'n gato hiyyabeno. Yaane kinni insa'nexxi ku'la dharake kaddo'oole ayyinna anee insa'ne'n sa'isseexxi uwwa dande'aak hedhebaan. Anxe yaane'aa anna, Roomeka moyaanjo Qeesaarii afeennen hiyyeennen.»
12Fisixoosi ifike mari'etike manninni welti haaso'echchi uduma Phawuloosii'i «Ati atixxe yaane'aa ‹Anna, Roomeka moyanjo Qeesaarii afeennen› hitetaxxee moyanjo Qeesaariba'a me'itatton» hiyye.
Fisixxoosi Moyanjo Agirphaa, Mari'e Qodhdhe
13Heenooxxe barra uduma moyaanji Agirphanna Beerniqe Fisixoosii'i baga nage'iki daggeete hiyyatee Qiisaariyake qachchibaa dange. 14Insa'ne Ookkonna heddo barra turreechchi uduma Fisixoosi Phawuloosixxa yaane moyaanjo Agirphaa'ni ke'isse hiyyee qici: «Usuremeeshshanni Filkisi usuriinke mine'n waaleek mitti manji kaba hedheen. 15Ani Iyyerusaalemi marenne wodda qeesetik sooresuwwinna Ayihudiinxi geedhe iso'ni isoo ku'liteemman.
16«Ani kinni Ku'lemeek manji ku'lemmake manni edo uurreexxi ku'lemeexxe yaane'a faachcheeffachchotika hiissichcho uwwebaak ookkone ku'lemeemmaka manjo sa'isse uwwa Roomixxe mootummake seerabaan hiyyennexxi insa'ne'n hiisse haaso'enne. 17Tennexxee isoo ku'lemmak manni bukki hiyyeexxi aniba dagee wodda turessebo'nong langaxxa barra murtetixxe moote'ni ofo'leneexxi kunni manjichchi ani edo shiqo'a ajajenne. 18Isoo ku'lemmak manni uurreexxi haaso'ee wodda ani hedeneshsha isoo jabaxxa ku'la ku'linebaan. 19Tenne irra insa'ne isinn moroma'emmachchi ifixxe amanaxxeenna Phawuloosi kinni, Hedhaake hiyya'neeke manjo ookkone reyemmake Yessuusi hiyyemeemmakiixxeetemman. 20Aninna iitta hexxeexxa yaane qorqora anee rakkisemmaxxe Phawuloosi'i tenne yaane'a Iyyerusaalemi marteetexxi murte adhdha eettaate? Hiyyyennexxi isoo qorenne. 21Phawuloosi kinni tennee isixxa yaane Roomek moyanji Qeessaari uudo'a hasseexxi Annake afeennen hiyyemaxxee isoo ookko'a erganno qico'n ookkonni usurriniige mine'n hekki hiyaashsha ajajenne.»
22Agirphanna Fisixoosii'i, «Kunni manjichchi haaso'aa wodda aninna hiyyaaxxa laqonna'a hasaanneni» hiyye. Fisixxoosinna «Soodo hiyyaaxxa laqqatoni» hiyye hiisse haaso'e.
Phawuloosi Moyanjo Agirpha Edo
23Tennexxee langa baro Agirphanna Beerniqe lumooke ulfinninni dangeexxi, lumollamma loliinke ja'laabuwwinninna ookkone qachchiinke lumollamma manninni murtet lumoxxe kutta'n e'yine. Fisixoosike ajajinni Phawuloosi'i dagaashsha asseme. 24Eettene yanna Fisixoosi hiyyee qici, «Moyanjo Agirphaa, iittanni ha'no no'onni welti kaba hexxineek duuchchi, kone manjo uuddina'nee? Iyyerusaalemi giddonna kaba Qisariyya hedheek Ayihudi duuchchi, kunni manjichchi ta'anni edi'a isi lubbo hedha hasissabaan hiyya'n cancik anee kadhateen. 25Ani kinni isoo reyote'e geessissaaxxa mitte balleessanna iso'n afebe'no. Yaane kinni isi Roomika moyanjo qophateemmaxxee isoo Roomi'a ergonna'a mudhenne. 26Kaddo malee isixxee anke goottibaa borreessanoxxa kokeesendeexxa mitte yaanenna afebe'no; tennexxee isi qoremeechchi uduma isixxee borreessannoxxa yaane alfaannooni hiyyati ha'noo edo giddii'ninni moyaanjo Agirphaa, ati edo isoo shiqishe'eennen. 27Tinninna mitti usuremeek manji Roome'a ergemaa wodda isi mayee ku'lemeexxa buuto barrise borreesa gopha seeribelote ane'n labbeemmaxxeeten.»
Currently Selected:
Ergameeyyetixxa Huje 25: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Ergameeyyetixxa Huje 25
25
Phawuloosi Fisixxoosi Edo Shiqe
1Fisixoosi ookkone ifike awuraaji giddo geyeexxe sase barra uduma Qiisaariyanaa'n Iyyerusaalemi'aa me'e. 2Qeesetik sooreesuwwinna Ayihudiink akeekisanjuwwi isi edo shinqeexxi Phawuloosii'i ku'line. 3Phawuloosi'i orake'n heqqineexxi shinno'aa hanseemmaxxee Fisixxoosi insa'ne'aa gamisaashshanna Iyyerusaalemi'a isoo iyyedagisaashsha jaba qico isoo kadhante. 4Fisixoosi kinni hiyyeexxi hiisse haaso'ee qici, «Phawuloosi Qiisaariya usurrinke mine'ni hedheen, aninna ta'a umo angenninni shiqoxxe yanna'ni ookko'a me'onaaten. 5Tennexxe ha'nooke galchaluwwi giddii'ni mitti mitti aninni welti Qeesaariyya marruuni; Phawuloosi asseexxi balleesa hexxeexxe kaddoole ookko isoo ku'linowwaal.» 6Fisixxoosi saddeeta barra yookaan tomme barra insa'nenni welti tureechchi uduma adadde Qiisaariya'a me'e. Langa baro murtetike barcuma'n ofo'leexxi Phawuloosii'i isibaa shiqinsaashsha ajaje. 7Phawuloosinna shiqee wodda Iyyerusaalemii'n dagemmak Ayihudi isoo qoqqobeexxi dhugaate kaddeexxa kokeessa dandesissabaaxxa heddo jajjabba ku'lanna isoo ku'le. 8Phawuloosinna, «Ani Ayihudiinke seera'n yookaan Woyyichcha Galma'n, yookaan Roomeka moyanjo Qeesaari'n assennexxi mitte balleessa hexxebaan» hiyya'ni ifinaa'n faachcheeffachchotika hiissichcho hiisse.
9Fisixoosi kinni Ayihuda gammchchiisa haaseexxi Phawuloosii'i «Tennee yaane'a Iyyerusaalemi martetexxi ookkoo ani edo murte adhdha hasaate?» hiyye.
10Phawuloosi kinni hiisseexxi, «Kunse murte ane'n murema hassissaaxxe Qeesaarixxe murtetixxe mootte edo uurre hedhennen; atinna adda egendeteshshanni Ayihudake'n assennexxi mitte balleessa hexxebaan. 11Balleessanjoke kado'oonole, yookaan reyote'e geessissaaxxa balleessa hujo'oonole, reyatenaa'n gato hiyyabeno. Yaane kinni insa'nexxi ku'la dharake kaddo'oole ayyinna anee insa'ne'n sa'isseexxi uwwa dande'aak hedhebaan. Anxe yaane'aa anna, Roomeka moyaanjo Qeesaarii afeennen hiyyeennen.»
12Fisixoosi ifike mari'etike manninni welti haaso'echchi uduma Phawuloosii'i «Ati atixxe yaane'aa ‹Anna, Roomeka moyanjo Qeesaarii afeennen› hitetaxxee moyanjo Qeesaariba'a me'itatton» hiyye.
Fisixxoosi Moyanjo Agirphaa, Mari'e Qodhdhe
13Heenooxxe barra uduma moyaanji Agirphanna Beerniqe Fisixoosii'i baga nage'iki daggeete hiyyatee Qiisaariyake qachchibaa dange. 14Insa'ne Ookkonna heddo barra turreechchi uduma Fisixoosi Phawuloosixxa yaane moyaanjo Agirphaa'ni ke'isse hiyyee qici: «Usuremeeshshanni Filkisi usuriinke mine'n waaleek mitti manji kaba hedheen. 15Ani Iyyerusaalemi marenne wodda qeesetik sooresuwwinna Ayihudiinxi geedhe iso'ni isoo ku'liteemman.
16«Ani kinni Ku'lemeek manji ku'lemmake manni edo uurreexxi ku'lemeexxe yaane'a faachcheeffachchotika hiissichcho uwwebaak ookkone ku'lemeemmaka manjo sa'isse uwwa Roomixxe mootummake seerabaan hiyyennexxi insa'ne'n hiisse haaso'enne. 17Tennexxee isoo ku'lemmak manni bukki hiyyeexxi aniba dagee wodda turessebo'nong langaxxa barra murtetixxe moote'ni ofo'leneexxi kunni manjichchi ani edo shiqo'a ajajenne. 18Isoo ku'lemmak manni uurreexxi haaso'ee wodda ani hedeneshsha isoo jabaxxa ku'la ku'linebaan. 19Tenne irra insa'ne isinn moroma'emmachchi ifixxe amanaxxeenna Phawuloosi kinni, Hedhaake hiyya'neeke manjo ookkone reyemmake Yessuusi hiyyemeemmakiixxeetemman. 20Aninna iitta hexxeexxa yaane qorqora anee rakkisemmaxxe Phawuloosi'i tenne yaane'a Iyyerusaalemi marteetexxi murte adhdha eettaate? Hiyyyennexxi isoo qorenne. 21Phawuloosi kinni tennee isixxa yaane Roomek moyanji Qeessaari uudo'a hasseexxi Annake afeennen hiyyemaxxee isoo ookko'a erganno qico'n ookkonni usurriniige mine'n hekki hiyaashsha ajajenne.»
22Agirphanna Fisixoosii'i, «Kunni manjichchi haaso'aa wodda aninna hiyyaaxxa laqonna'a hasaanneni» hiyye. Fisixxoosinna «Soodo hiyyaaxxa laqqatoni» hiyye hiisse haaso'e.
Phawuloosi Moyanjo Agirpha Edo
23Tennexxee langa baro Agirphanna Beerniqe lumooke ulfinninni dangeexxi, lumollamma loliinke ja'laabuwwinninna ookkone qachchiinke lumollamma manninni murtet lumoxxe kutta'n e'yine. Fisixoosike ajajinni Phawuloosi'i dagaashsha asseme. 24Eettene yanna Fisixoosi hiyyee qici, «Moyanjo Agirphaa, iittanni ha'no no'onni welti kaba hexxineek duuchchi, kone manjo uuddina'nee? Iyyerusaalemi giddonna kaba Qisariyya hedheek Ayihudi duuchchi, kunni manjichchi ta'anni edi'a isi lubbo hedha hasissabaan hiyya'n cancik anee kadhateen. 25Ani kinni isoo reyote'e geessissaaxxa mitte balleessanna iso'n afebe'no. Yaane kinni isi Roomika moyanjo qophateemmaxxee isoo Roomi'a ergonna'a mudhenne. 26Kaddo malee isixxee anke goottibaa borreessanoxxa kokeesendeexxa mitte yaanenna afebe'no; tennexxee isi qoremeechchi uduma isixxee borreessannoxxa yaane alfaannooni hiyyati ha'noo edo giddii'ninni moyaanjo Agirphaa, ati edo isoo shiqishe'eennen. 27Tinninna mitti usuremeek manji Roome'a ergemaa wodda isi mayee ku'lemeexxa buuto barrise borreesa gopha seeribelote ane'n labbeemmaxxeeten.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia