Ergameeyyetixxa Huje 12
12
Ammanyete'n Gelteexxa Shorrensha
1Ookkone baro'ni moyanji Heeroodisi Mageniinxe tuutanaa'n mitte mitte ammanye shorrichchoke'n ke'e. 2Isi Yohaannisika dayyo Ya'iqoobii'i wolaantichchiki shilchiise. 3Heroodisi tinni yaane Ayihudiinka manna gammachchiisseexxa uudee wodda Pheexiroosinna abidise. Tinninna kaddeek Ayihudiinka kebbotika ayyaana ulfeesinammaxxe yannuwwa'niteman. 4Isinna Pheexxiroosi'i usuriinke mine'ni e'yshshechi uduma, shoole shoole loliinke manna kanda'n isoo heqqinashsha, shoole heqqatixxe yanna'n dhaabemeeke loliinke manna'n sa'isse uwwe. Tennenna asseechchi sa'atiki ayyaani sa'eechchi uduma isoo ardii edo fulcheexxi iso'n murte uwwendaashsha hedeeten. 5Tennexxee Pheexiroosi usurriinke mine'ni heqqema'nemman; yaane kinni Mageniinxi tuuta isixxee'e Mageniinbaa jabeessiteexxi soodata'nemmani.
6Heeroodisi Pheexiroosii'i ardii edo shiqisho'aa hedee'naa Pheexxiroosi eettene hashsha lame haachchabinni usuremeexxi lame loliinke mannixxe oddo'ni dhiipheemman. Usuriinke miniki heqqanjuwwinna eettene usurriinke minixxe hula'ni uurreemman. 7Iimiki erganjinna dedhange'ni leelle; ifikinna ookkone usurriinke mine'ni ife. Erganjikinna Pheexiroosika cinaachcha tuqe dammaseexxi isoo, «Rakketeexxi ke'i!» hiyye. Haachchabuwwikinna hirbange'ni Pheexxiroosixxe anganaa'ni ibe. 8Ookkonneechchi uduma Iimik eriganjinna isoo, «Seemmatanna oddo'wi! Kophetanna uggudhi!» hiyye. Pheexxiroosinna isi ajajemmashshaani asse. Iimiki erganjinna higgeenni isoo, «Seemma atixxa fugatettexxi anxa duuka amoo!» hiyye. 9Pheexxiroosinna usurriinke minenaa'ni fuleexxi isoo hordofe. Iso'ni waleella uuda'neechcho fakkaateemma malee iimiki erganji asseexxi yaane duuchchi iso'n dhugaate fakkaatemmabaan. 10Insa'nenna taakabanna langaba heqqaamaka loliinka manna sa'neexxi qachchiinba'a fulchitaammaxxe sibiljiinxe hulaba genne. Kunni cufaninna kinsebaangi iittanni baneme'naaa fulle me'ine. Insa'nenna mitte lumoke ora'n fulleexxi shiixxo qico me'ineeshshanni dedhange'ni iikki iimiki erganji Pheexxiroosinaa'n gargar hige.
11Ookkonneechchi uduma Pheexiroosinna reefi wodani giddi'aa higeexxi «Mageni Iimika eriganjo ergeexxi Heeroodisixxe anga'naa'ni iittanni Ayihudiink manni hedeemmaxxxe yaane duuchchanaa'ni anee gatiseexxa dhugaaten ta'a reefi kokeennen» hiyye.
12Isinna tennee kokeechchi uduma, heddi manni mitteba bukki hiyyeexxi soodatamaba'a, Maariqoosi hiyyemeeke Yohaannisixxa ama, Maaramike miniba'a me'e. 13Pheexxiroosik miniibaa geyeexxi gadhii'ni hula ganganaa wodda mitte Rooda hiyyendaaxxi mini giddo ergataammaxxi jale dagge. 14Isenna tinni Pheexiroosixxe qonqo kaddeexxa egendee wodda gammashshotixxe bira sa'nenaa'ni kexxeexxa hulatanna midde bandebaangi mini'a gongite marteexxi «Pheexxiroosi hulate'ni uurre'eeni» hite kulde. 15Insa'nenna isee «Maraateteni» hine. Roodda kinni, «Dhugaaten isondeni» hita'ni lebbe lebbeexxi insa'ne'ni kulde; insa'nenna «Isike iimike erganjo labe'eeni» hine.
16Yaane kinni Pheexiroosi hula ganganande'ni hedhemmani; insa'nenna hula banneexxi uundaa wodda mambe'aa hine. 17Pheexxirosinna insa'nee sammi hinaashsha angati qiphe kuleexxi; Mageni usurrii mininaa'ni isoo hitta asseexxi fulcheexxa insa'ne'ni kule. Ookkonneechchi uduma isi, «Tenne yaane Ya'iqoobi'ninna amaanye dayyuwwa'ni kulle!» hiyya'ni insa'nenaa'ni gargari higeexxi welebaa me'e.
18Langaxxa barra «Pheexiroosi maa kade?» hiyyati loliinke manna duuchcha'ni lumooxxe weekkensha kadde. 19Heeroodisinna Pheexxiroosi'i hasiseexxi gophee wodda, ookkone hula heqqammakaara qore qo'niseechchi uduma insa'ne shiyemmaashsha ajaje. Ookkonneechchi uduma Heeroodisi Yihudaa'n Qiisaariya'a me'eexxi ookko ofo'le.
Heeroodisixxa Reyo
20Heeroodisi Xiroosike'ninna Sidoonake manna'n yo'oshsha mufateemman; insa'nenna mittenba bukki hine dangeexxi moyanjokee ergatemamaki manjichchi Bilasixoosi moyanjiki welti araarsaashsha kadhanteechchi uduma moyanjo araara lanqqe. Insa'nenna tennee assineechchi ardi itaachcho alfaammaki moyanjiinke boginaa'nite kaddeemmaxxeteni.
21Yaane uudeendo'a murendeexxa barra Heeroodisi mootummatixxa seemma odo'we'e mootete'n ofo'leexxi ardake'n haaso'a safe.
22Ardikinna, «Kunni Mageniinke haaso'a malee manjiinkebaani» hiyya'n canice.
23Heeroodisi Magenokee ulifinna uwwa gopheemmaxxee hirbange'ni Mageniink iimik eriganji isoo ganee'naa'a coroqo'eexxi reye.
24Yaane kinni Mageniinki hiyychchi nophpha'ninna ba'lata'ni me'a'neemmani. 25Bernabaasinna Sa'ooli ergemeemmaxxa insa'nexxa huje birreexxi Iyyerusaalemii'ni Anitsookiya'a hinge. Insa'nenna Maariqoosi hiyyemeeka Yohaannisii'i adhdhineexxi dange.
Currently Selected:
Ergameeyyetixxa Huje 12: gdo
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia
Ergameeyyetixxa Huje 12
12
Ammanyete'n Gelteexxa Shorrensha
1Ookkone baro'ni moyanji Heeroodisi Mageniinxe tuutanaa'n mitte mitte ammanye shorrichchoke'n ke'e. 2Isi Yohaannisika dayyo Ya'iqoobii'i wolaantichchiki shilchiise. 3Heroodisi tinni yaane Ayihudiinka manna gammachchiisseexxa uudee wodda Pheexiroosinna abidise. Tinninna kaddeek Ayihudiinka kebbotika ayyaana ulfeesinammaxxe yannuwwa'niteman. 4Isinna Pheexxiroosi'i usuriinke mine'ni e'yshshechi uduma, shoole shoole loliinke manna kanda'n isoo heqqinashsha, shoole heqqatixxe yanna'n dhaabemeeke loliinke manna'n sa'isse uwwe. Tennenna asseechchi sa'atiki ayyaani sa'eechchi uduma isoo ardii edo fulcheexxi iso'n murte uwwendaashsha hedeeten. 5Tennexxee Pheexiroosi usurriinke mine'ni heqqema'nemman; yaane kinni Mageniinxi tuuta isixxee'e Mageniinbaa jabeessiteexxi soodata'nemmani.
6Heeroodisi Pheexiroosii'i ardii edo shiqisho'aa hedee'naa Pheexxiroosi eettene hashsha lame haachchabinni usuremeexxi lame loliinke mannixxe oddo'ni dhiipheemman. Usuriinke miniki heqqanjuwwinna eettene usurriinke minixxe hula'ni uurreemman. 7Iimiki erganjinna dedhange'ni leelle; ifikinna ookkone usurriinke mine'ni ife. Erganjikinna Pheexiroosika cinaachcha tuqe dammaseexxi isoo, «Rakketeexxi ke'i!» hiyye. Haachchabuwwikinna hirbange'ni Pheexxiroosixxe anganaa'ni ibe. 8Ookkonneechchi uduma Iimik eriganjinna isoo, «Seemmatanna oddo'wi! Kophetanna uggudhi!» hiyye. Pheexxiroosinna isi ajajemmashshaani asse. Iimiki erganjinna higgeenni isoo, «Seemma atixxa fugatettexxi anxa duuka amoo!» hiyye. 9Pheexxiroosinna usurriinke minenaa'ni fuleexxi isoo hordofe. Iso'ni waleella uuda'neechcho fakkaateemma malee iimiki erganji asseexxi yaane duuchchi iso'n dhugaate fakkaatemmabaan. 10Insa'nenna taakabanna langaba heqqaamaka loliinka manna sa'neexxi qachchiinba'a fulchitaammaxxe sibiljiinxe hulaba genne. Kunni cufaninna kinsebaangi iittanni baneme'naaa fulle me'ine. Insa'nenna mitte lumoke ora'n fulleexxi shiixxo qico me'ineeshshanni dedhange'ni iikki iimiki erganji Pheexxiroosinaa'n gargar hige.
11Ookkonneechchi uduma Pheexiroosinna reefi wodani giddi'aa higeexxi «Mageni Iimika eriganjo ergeexxi Heeroodisixxe anga'naa'ni iittanni Ayihudiink manni hedeemmaxxxe yaane duuchchanaa'ni anee gatiseexxa dhugaaten ta'a reefi kokeennen» hiyye.
12Isinna tennee kokeechchi uduma, heddi manni mitteba bukki hiyyeexxi soodatamaba'a, Maariqoosi hiyyemeeke Yohaannisixxa ama, Maaramike miniba'a me'e. 13Pheexxiroosik miniibaa geyeexxi gadhii'ni hula ganganaa wodda mitte Rooda hiyyendaaxxi mini giddo ergataammaxxi jale dagge. 14Isenna tinni Pheexiroosixxe qonqo kaddeexxa egendee wodda gammashshotixxe bira sa'nenaa'ni kexxeexxa hulatanna midde bandebaangi mini'a gongite marteexxi «Pheexxiroosi hulate'ni uurre'eeni» hite kulde. 15Insa'nenna isee «Maraateteni» hine. Roodda kinni, «Dhugaaten isondeni» hita'ni lebbe lebbeexxi insa'ne'ni kulde; insa'nenna «Isike iimike erganjo labe'eeni» hine.
16Yaane kinni Pheexiroosi hula ganganande'ni hedhemmani; insa'nenna hula banneexxi uundaa wodda mambe'aa hine. 17Pheexxirosinna insa'nee sammi hinaashsha angati qiphe kuleexxi; Mageni usurrii mininaa'ni isoo hitta asseexxi fulcheexxa insa'ne'ni kule. Ookkonneechchi uduma isi, «Tenne yaane Ya'iqoobi'ninna amaanye dayyuwwa'ni kulle!» hiyya'ni insa'nenaa'ni gargari higeexxi welebaa me'e.
18Langaxxa barra «Pheexiroosi maa kade?» hiyyati loliinke manna duuchcha'ni lumooxxe weekkensha kadde. 19Heeroodisinna Pheexxiroosi'i hasiseexxi gophee wodda, ookkone hula heqqammakaara qore qo'niseechchi uduma insa'ne shiyemmaashsha ajaje. Ookkonneechchi uduma Heeroodisi Yihudaa'n Qiisaariya'a me'eexxi ookko ofo'le.
Heeroodisixxa Reyo
20Heeroodisi Xiroosike'ninna Sidoonake manna'n yo'oshsha mufateemman; insa'nenna mittenba bukki hine dangeexxi moyanjokee ergatemamaki manjichchi Bilasixoosi moyanjiki welti araarsaashsha kadhanteechchi uduma moyanjo araara lanqqe. Insa'nenna tennee assineechchi ardi itaachcho alfaammaki moyanjiinke boginaa'nite kaddeemmaxxeteni.
21Yaane uudeendo'a murendeexxa barra Heeroodisi mootummatixxa seemma odo'we'e mootete'n ofo'leexxi ardake'n haaso'a safe.
22Ardikinna, «Kunni Mageniinke haaso'a malee manjiinkebaani» hiyya'n canice.
23Heeroodisi Magenokee ulifinna uwwa gopheemmaxxee hirbange'ni Mageniink iimik eriganji isoo ganee'naa'a coroqo'eexxi reye.
24Yaane kinni Mageniinki hiyychchi nophpha'ninna ba'lata'ni me'a'neemmani. 25Bernabaasinna Sa'ooli ergemeemmaxxa insa'nexxa huje birreexxi Iyyerusaalemii'ni Anitsookiya'a hinge. Insa'nenna Maariqoosi hiyyemeeka Yohaannisii'i adhdhineexxi dange.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Word for the World International, The Word for the World Ethiopia