Jak 1
1
1Mî Jak, þerkïla lo Luwah kï kï lo Bïraþe Jeju Krist, m'ndang maktub 'nten m'ad girrdeg lo Luwah tube'n tîn na kï log kam døningt kïtaagbe. M'ðasï lapia.
Ta dø ndahkamdø Luwaht kï sah terr kokïroat
2Ngankom ngétaata lo Krist, maj kad i ðan ronel kï dum bit, lon kõg kïdangdang teen døsït. 3Kïtø i gerïn þet, îla i ndahn kamsï dø Luwaht kamkõgt'n teen døsït a ne, a tee kï høtøgbá ho ðabijir ho. 4Ye kï adïn høtøgbá losï tøl ta kïla lon, kïtakad i telïn deg kï kasïnatap kï kï kørnjereng tø, na kad nya mad duusï al. 5Na îla de mad kusït terr dua a ne, kï kø Luwah ad ada, kïta Luwah i Ngekad nya deg tube kïnõbe kanj kørr ngã. 6Na maj kad kø kï kam kï kïða, kanj þad, kïta de'n ndï þad a ne, i tit hul bahbo kat'n nél ndï øsa pïka pïka kï yo kï la. 7De kï titbe, ot koo kan n'a n'ngah nya mad ji Bïraþe Luwaht. 8Kïtø i de kï kama i joo, ger goðob nya ðan al.
Ta dø ndot kï nyamajg
9Kï ngonkõ ngetaata lo Krist mad kï i ndo kï ða ronel kïta kun'n hã Luwah una tøia kï dõ. 10Na ngonkõ ngetaata lo Krist kï ngenya kaa, maj kad ða ronel ho, kïta søl'n Luwah søl døa, kïta de kï ngenya a tøi tit hutkám be. 11Kïtø lon kàd a þa ye, got a øsï tïnga bil a ne, kám a ndulo, huta a urr kï ber, ad maj kooa goto. I titbe ho la, de kï ngenya a tøin kø kam kïlagt lon ho ye. 12De'n høtøgïn bá kam nyanát i ngeronel, kïta lon nána oon woi a ne, a ngah jøg tetðøø, ad i kumkajir'n Luwah un køn kï n'ad deg kï ngétarïn. 13Kï de mad, lon nyanág ðen døat a ne, ot kel kan i Luwah la nám kad m'ða majal ye, kïta nya mad kï asï ná Luwah ad ða majal goto, Luwah î kïþe kaa a ná de kad ða majal al ho. 14Na i nyurkõ kï ngarkam det kïðen la ndï ørra aw sia, ad so kam majalt ye. 15Lon ngarkam de ðoosï kï nyurkõ kïmajal ye, a ooj majal kï ða; na lon majal kï ða mbuj woi a ne, a tee koi koon. 16Ngankõ ngétar lom, dø nyagt 'nten: Ot goolïn rosï. 17Nyakad kï kasïnatap kïðen, kï kadkari kïmaj dum kïðen, ndï ðen rojt kokïdõ, kokïro Luwaht kï ngendah kunjg kï dørãt. Luwah'n hã ndï lo ndïnt ho, a mbel gidïn al bat, kunja a ndøt al tø. 18Na Luwah la adj kumkajir kïgo ndigt lon, kïtakul ta kï rota lon, kïtakad jî kand kïdasa nõ nyandahgt lon.
Ta dø koodøtat ho telrogot ho
19Ngankom ngétar lom, maj kad i gerïn nya 'nten: Kï dekïðen nel mbin oon dø ta kanangbe. Na kï taa øi dø keltat kanangbe, kï þawong kanangbe al tø; 20kïta de'n ndï þawong kanangbe, ndï ða nya kï goðobat takum Luwaht al. 21Kïtø 'nten, i mbetïn yerrkïða, kï majal kï ða tube kø. Na kï hal kï sayelïl la kï i taan ne ta lo Luwah'n dub ngarkamsït, kïta ta'n non asï kaj ndilsï. 22Ot goolïn rosï. Na kï în ngékoodøta lo Luwah koon al, na kï în ngétel rosï goot jeje. 23Kïtø de'n ndï oo dø ta lo Luwah ta koo, na tel ron goot al a ne, i tit kï de'n ndï nøl takumïn'n oojïna ne oo kam kutramt be: 24de'n non, lon nøl takumïn kam kutramt, na tøi aw ye, tentenbe kama øi dø ta kuma. 25Na de'n ndï ndoo ho, nda kumïn goo mberkïndat kï kasïnatap lo Krist'n hã taanyàj dõ, na ad kama oi dø ta'n oo dø nõ al, na tel ron goot a ne, de'n non a i ngeronel kam kïlaðant. 26Îla de mad ndï oo ron an: nî ngeþool Luwah, na îla asï hø ndõn dø tat al a ne, ndï gool ron ta gool; þool Luwah loa i nya kï kari pãbe. 27Na ðob þool Luwah kï karnyang ho, kï jeje ho la ten: I koogo ngan halg, kï ngéngawkoig dan kamkølt'n ndï ðad ho, kï jaroþat kad yerrt kï duniat ho.
Currently Selected:
Jak 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.