Mrk 3
3
Jeju yoot de kï jia oi njør
(Oo Mat 12:9 teen 14; Luk 6:6 teen 11)
1Jeju tel aw kam kuj kawnat lo Juipg gog. De mad ndït nõ jia oi njør. 2Deg'n hã în kam kujt ye, ndan kumd go Jejut kï n'oon ke þet a yoot de'n non ndø taakòt lo juipg a? Gaan ta titbe kïtakad n'tetïn ne ta kïmajal kï døat. 3Jeju el de'n jia oi njør an: I þai dõ, i ða dan degt nëbe ad ooin. 4El deg'n ndïn kam kujt an: Kï ndø taakò ye, i goðobat kad de ða maj a? Ke kï ða majal a? I goðobat kad de aj de e? Ke i goðobat kad de tøl de? Na deg ndïn god mbo.
5Kamla Jeju nøld mbet't, ða kamkil kï wong kïta în deg kï kookumtondo lod gotø ho, kamd kongkong ho: Jeju el de kï jia oi njør an: I sira jii. De'n non sira jin, jia tel to kari. 6Na Parisïg teen kam kuj kawnat kï tïga kad n'øjïn na ta sed deg lo Herod Antipas. Sahn go ðob ke titbãi n'a n'tølïn ne Jeju a?
Jeju mbed ngombangkïlag lon kïlah gidaijoo
(Oo Mat 10:1 teen 15; Luk 6:12 teen 19; Knk 1:13)
7Lon Jeju kï ngéndoog lon awïn ta baht kï Galile, koosïdeg ndulon goa. Deg kï Galilet kï Jude, 8kï Jerusalem, kï døning Idume kï gid bah Jurdët nat kï deg kï logt kï gugïn dø þebo Tir kï Sidõ. Bakad koosïdeg'n non, lon oon hoi nyag kïbobo'n Jeju ða ye ðen kï roat. 9Jeju el ngéndoog lon kad ørrïn ngon too mad ta dang adnïn, na þeta koosïdeg rumbon na son ne dønt. 10Kïtø Jeju a yoot deg ngãibe ad deg tube'n mõi kïdangdang ðad ye, son køat kad kï'n n'ødïna. 11Lon ndil kïyerrg oona ye, son ber nõat, þakon bang anan: Î la î Ngon Luwah ye.
12Na Jeju ndángd kï tøgïn, kad adïn deg gernïn al.
13Kamla Jeju al dø mbalt, kun deg'n î kïþe ndig kad'n mbed'd, în tø awïn kï ro Jejut. 14Køt deg kïlah gidaijoo kudt ndah tød ngombangkïlag, køtd kad în nat sen, kad n'lad kï lan mber kõþe lo Luwah. 15Ad'd tøg kad kï tuþan ndil kïyerrg kø. 16Tø ngombangkïla kïkïlah gidaijoo'n Jeju nda la ten: Simõ'n Jeju ndah tøa Pierr. 17Kï Jak ngon Jebede, kï Jã kï ngonkõ Jak, îgïn Jeju ndah tøkïrrad Boanerjes ad în ngan ndii kïndáng. 18Kamla Andre kï Pilip kï Bartelemi, kï Matie kï Tomas, kï Jak kï Simõ, 19de kï Kanaat, kï Juda de kï Iskariot'n hã la Jeju ji madngétaagt.
Nooj Jejug ndigïn kør Jeju kaw sia
20Jeju tel ðe kam kujt lon kï Kapernawmt gog. Koosïdeg tel kawïn na kï nat gog tø, ad Jeju kï ngéndoog lon asïn kad san nya al. 21Na lon nooj Jejug oon hoia ye, þai ðen kad n'ørrïna kø ku degt, kï n'awïn sia þe, kïta elïn anan: Døa tel wãri.
Majal kï ndoor Ndil Kï Kunjðang
(Oo Mat 12:22 teen 37; Luk 11:14 teen 23; 12:10)
22Ngéndoo deg mberkïnda'n þain Jerusalemt ye, elïn anan: Beljebul, ad i diable i kam Jejut. Kïmadg elïn anan: I kïtakul ngar lo ndil kïyerrg la ndï ørrïn ndilg kïyerrg kø ye. 23Jeju kun ngéndoo deg mberkïnda kï ront kamla eld ta kï terrta an: Titbãi hã sitan, ndil kïyerr asï tuþa ndil kïyerr a?
24Îla deg kï kam kõþet kïkïða ða ndoorïn na a ne, kõþe'n non asï ða lo ðant al. 25Îla deg kï kam kujt kïða gangïn na ho, ndoorïn na ho a ne, deg'n non asï ndïn kï na al bat. 26Kïtø 'nten, îla sitan þai ndoor ron kï ron a ne, î kïþe gang ron dene joo, tøga kaa ne, asï ða lo ðant al, na a goto.
27De kï asï kand kam kujt lo de kï tøga i ngãi kï'n þooga nyamajg loa tube kïkanj døa goto, na a døa kete kamtã la a øi nyag loa ye. 28M'ndï m'elsï kï tïga wakïsï: i rota, a nyan go majalg lo deg kø, kï ta kïmal kïðen hã de ndï el ndoor'n Luwah; 29na de'n ndï elta kïmal ndoorïn Ndil kïkunjðang a ne, Luwah a nyàgo majal loa kø al bat, majal'n non a øia mbãkïnõt.
30Jeju elta ngéndoo deg mberkïnda titbe kïta elïn anan: Ndil kïyerr i kamat.
Nooj Jejug kï jeje
(Oo Mat 12:46 teen 50; Luk 8:19 teen 21)
31Kamla kõ Jeju kï ngankõag kïdïngãg ðe ðan tïga, lan de mad kad kuna. 32Koosïdeg ndïn ber gugïn dø Jeju, deg elïna anan: Oo, kõi, kï ngankõi kï dingãg ðan tïga, ða ndïjein. 33Jeju turd an: Nõ i kom a? Nõg hã în ngankomg a? 34Kamla nøl deg'n gugïn døa mbet't, na el an: Oon deg'n ndïn la în kom kï ngankom ye.
35Dekïðen ndï ðago ndigt lo Luwah a ne, de'n non i ngonkom kïdïngã, ke ngonkom kïdë, ke kom.
Currently Selected:
Mrk 3: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
Mrk 3
3
Jeju yoot de kï jia oi njør
(Oo Mat 12:9 teen 14; Luk 6:6 teen 11)
1Jeju tel aw kam kuj kawnat lo Juipg gog. De mad ndït nõ jia oi njør. 2Deg'n hã în kam kujt ye, ndan kumd go Jejut kï n'oon ke þet a yoot de'n non ndø taakòt lo juipg a? Gaan ta titbe kïtakad n'tetïn ne ta kïmajal kï døat. 3Jeju el de'n jia oi njør an: I þai dõ, i ða dan degt nëbe ad ooin. 4El deg'n ndïn kam kujt an: Kï ndø taakò ye, i goðobat kad de ða maj a? Ke kï ða majal a? I goðobat kad de aj de e? Ke i goðobat kad de tøl de? Na deg ndïn god mbo.
5Kamla Jeju nøld mbet't, ða kamkil kï wong kïta în deg kï kookumtondo lod gotø ho, kamd kongkong ho: Jeju el de kï jia oi njør an: I sira jii. De'n non sira jin, jia tel to kari. 6Na Parisïg teen kam kuj kawnat kï tïga kad n'øjïn na ta sed deg lo Herod Antipas. Sahn go ðob ke titbãi n'a n'tølïn ne Jeju a?
Jeju mbed ngombangkïlag lon kïlah gidaijoo
(Oo Mat 10:1 teen 15; Luk 6:12 teen 19; Knk 1:13)
7Lon Jeju kï ngéndoog lon awïn ta baht kï Galile, koosïdeg ndulon goa. Deg kï Galilet kï Jude, 8kï Jerusalem, kï døning Idume kï gid bah Jurdët nat kï deg kï logt kï gugïn dø þebo Tir kï Sidõ. Bakad koosïdeg'n non, lon oon hoi nyag kïbobo'n Jeju ða ye ðen kï roat. 9Jeju el ngéndoog lon kad ørrïn ngon too mad ta dang adnïn, na þeta koosïdeg rumbon na son ne dønt. 10Kïtø Jeju a yoot deg ngãibe ad deg tube'n mõi kïdangdang ðad ye, son køat kad kï'n n'ødïna. 11Lon ndil kïyerrg oona ye, son ber nõat, þakon bang anan: Î la î Ngon Luwah ye.
12Na Jeju ndángd kï tøgïn, kad adïn deg gernïn al.
13Kamla Jeju al dø mbalt, kun deg'n î kïþe ndig kad'n mbed'd, în tø awïn kï ro Jejut. 14Køt deg kïlah gidaijoo kudt ndah tød ngombangkïlag, køtd kad în nat sen, kad n'lad kï lan mber kõþe lo Luwah. 15Ad'd tøg kad kï tuþan ndil kïyerrg kø. 16Tø ngombangkïla kïkïlah gidaijoo'n Jeju nda la ten: Simõ'n Jeju ndah tøa Pierr. 17Kï Jak ngon Jebede, kï Jã kï ngonkõ Jak, îgïn Jeju ndah tøkïrrad Boanerjes ad în ngan ndii kïndáng. 18Kamla Andre kï Pilip kï Bartelemi, kï Matie kï Tomas, kï Jak kï Simõ, 19de kï Kanaat, kï Juda de kï Iskariot'n hã la Jeju ji madngétaagt.
Nooj Jejug ndigïn kør Jeju kaw sia
20Jeju tel ðe kam kujt lon kï Kapernawmt gog. Koosïdeg tel kawïn na kï nat gog tø, ad Jeju kï ngéndoog lon asïn kad san nya al. 21Na lon nooj Jejug oon hoia ye, þai ðen kad n'ørrïna kø ku degt, kï n'awïn sia þe, kïta elïn anan: Døa tel wãri.
Majal kï ndoor Ndil Kï Kunjðang
(Oo Mat 12:22 teen 37; Luk 11:14 teen 23; 12:10)
22Ngéndoo deg mberkïnda'n þain Jerusalemt ye, elïn anan: Beljebul, ad i diable i kam Jejut. Kïmadg elïn anan: I kïtakul ngar lo ndil kïyerrg la ndï ørrïn ndilg kïyerrg kø ye. 23Jeju kun ngéndoo deg mberkïnda kï ront kamla eld ta kï terrta an: Titbãi hã sitan, ndil kïyerr asï tuþa ndil kïyerr a?
24Îla deg kï kam kõþet kïkïða ða ndoorïn na a ne, kõþe'n non asï ða lo ðant al. 25Îla deg kï kam kujt kïða gangïn na ho, ndoorïn na ho a ne, deg'n non asï ndïn kï na al bat. 26Kïtø 'nten, îla sitan þai ndoor ron kï ron a ne, î kïþe gang ron dene joo, tøga kaa ne, asï ða lo ðant al, na a goto.
27De kï asï kand kam kujt lo de kï tøga i ngãi kï'n þooga nyamajg loa tube kïkanj døa goto, na a døa kete kamtã la a øi nyag loa ye. 28M'ndï m'elsï kï tïga wakïsï: i rota, a nyan go majalg lo deg kø, kï ta kïmal kïðen hã de ndï el ndoor'n Luwah; 29na de'n ndï elta kïmal ndoorïn Ndil kïkunjðang a ne, Luwah a nyàgo majal loa kø al bat, majal'n non a øia mbãkïnõt.
30Jeju elta ngéndoo deg mberkïnda titbe kïta elïn anan: Ndil kïyerr i kamat.
Nooj Jejug kï jeje
(Oo Mat 12:46 teen 50; Luk 8:19 teen 21)
31Kamla kõ Jeju kï ngankõag kïdïngãg ðe ðan tïga, lan de mad kad kuna. 32Koosïdeg ndïn ber gugïn dø Jeju, deg elïna anan: Oo, kõi, kï ngankõi kï dingãg ðan tïga, ða ndïjein. 33Jeju turd an: Nõ i kom a? Nõg hã în ngankomg a? 34Kamla nøl deg'n gugïn døa mbet't, na el an: Oon deg'n ndïn la în kom kï ngankom ye.
35Dekïðen ndï ðago ndigt lo Luwah a ne, de'n non i ngonkom kïdïngã, ke ngonkom kïdë, ke kom.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.