Leb 19
19
Mberkïndag kïdangdang
1Bïraþe el Moij an: 2El ngékawna lo Israel tube an: I jan rosï þat dø mjalt kïta mî Bïraþe Luwah losï mî kï kunjðang, 3Kï dekïðen kusït þool ndil kõn kï bøwïn, na kï ngomgo ndø taakò lom. Mî Bïraþe Luwah losï.
4Ot telïn rosï go yogt, ot pelïn þakumta luwah kïta rosï. Mî Bïraþe Luwah losï.
5Îla i lan kadkari kï kad kamsøllom adïn Bïraþe a ne, a i lan kïgo kï kad Bïraþe ngah'n ronel kamt tã. 6A san dãa ndø la kadkari'n non kï loti to, ndega kï nãi mbã ndø kïkõmïta a ne, a lan horro, 7Îla de mad sa ndøt kïkõmïta a ne, i nya kïyerr Bïraþe a taa kadkari loa al, 8Dekïðen'n sa a ne, a i kï ta kïbo dønt, kïta yerr kï nya kïjaþat lo Bïraþe. A Tølïna kø ku degt loa.
9Lon a i tetïn nyako kam døningt losï a ne, ot tetïn mbã teen ne døngoi ndøøt. A i þur gotnya kïnãi kam ndøøt al. 10Ot ja kand nduu ndøøt loi tube, a i øi kanda kï tuso ber al. A i nya ad ngéndog kï mbahg.
11A i þoogïn al. Ot kelïn na takïbal. Ot goolïn na kusït. 12Ot ndan yo kïngom kam tømt. Lon i ða titbe i yerr kï to Luwah loi. Mî la mî Bïraþe.
13Ot da kum madþei ndo, ot taa nya loa kïlo ngetøgt, ot ngom nyabaji ngeðakïla mbã loti døt. 14Ot ndøl ngembitøø, ot la nya mad nõ mundot kada so, na a i þool Luwah loi. Mî la mî Bïraþe.
15Ot ðan nya kïgoðobatal. Ot ða kï ngendo ke de kïbo kam takïgangt, na a i gangta lo madþei goðobat. 16Ot kel mina ku degt loi. Ot manaj kï ndoor madþei kad ün mosa kø. Mî la mî Bïraþe ye. 17Ot køsï ta ngonkõi kam ngarkamit. A i ndang madþei, na þeta majal loa nãi døit. 18Ot nda ngïra døit, ot hø ta kïmajal kamit dø ngan degt loi. I tar madþei tit roi be. Mî Bïraþe.
19A i ngomïn go mberkïndag lom. Ot kad dãg joo kïdangdang i dangdang talïn na. Ot bur kumnya kïdangdang nat, dub kam ndøøt loi. Ot la kub kï jon kï kïlla kub lë kï kïlla kub bî bat roit.
20Îla de mad þi kï dekïdë kïþer'n de mad hø døa, na ad nya mad al þaitø, i de ta nyan al tø, a nderïn girr ta lod na a tølïnd al kïta dekïdë'n non i ber. 21Dekïdïngã a ðe kï kadkari tøidøta lon ro Bïraþet tabit kujkub ndødnat, ad i bal bat kadkari tøidøta. 22Ngejanyamosï a la þal bat'n non utïn dø majal loa nõ Bïraþet ad i kadkari tøidøta loa kïta majal'n ðà nõ na a nyan go majal loa kø.
23Lon i andïn kam døningt'n non na i høn kag kïðen kï tee kï kand kïta sa a ne, a i oona tit nya kïmaj kï asï sa al be. Mbã þal mïta a i õa tit nya kïmaj kï asï sa al, a san al bat. 24Kam þalt kïkõsøø ye, kand kagg'n non tube a în kïndah køtkokïða, i kadkari køsïgon kïta Bïraþe. 25Na þal kïkõmi a ne, a i san kand'd. A i ðan titbe kïtakad teen kï kand'd kïdøtdøt kïtasï: Mî la mî Bïraþe Luwah losï ye.
26A i san dã kï mosa al, a i ndõ tee al, a i ndõn ndil al tø. 27A i jan bisïdøsï kïdøgojo al, a i ja mbaitai tomtom al tø. 28A i jan dãrosï kïta ngekoi al, a i jan ndïja rosït al. Mî Bïraþe.
29Ot tel ngoni kïden kïyerrt kïta kayakïða na þeta ne døning ðoosï kï kayakïða kï nyaða kïyerr.
30A i ngomïn go ndøtakøg lom, i þoolïn lo kïjaþat lom. Mî Bïraþe.
31Ot telïn rosï go ngeko kïdø ndil ngékoigt ke ngendõteeg. Ot kawïn rodt, na þeta i telïn kïyerr nat sed. Mî, la mî Bïraþe Luwah losï ye. 32A i þai dõ nõ degt în bisïdød ndà, a i øsïn gon ngahtøg, a i þool Luwah loi. Mî Bïraþe.
33Îla mbah mad ðe hølondï døningt losï a ne, ot dan kuma ndo. 34Mbah'n hølondï kusït ye, a i oona tit ngon ngeþé be, a i tara tit roi be kïta maði în mbahg kam døning Ejipt't. Mî la mî Bïraþe Luwah losï ye.
35Ot ðan majal kam takïgangt ke kam mbøj ngal nyat, ke køj køi nya, ke da kør nya. 36A în kï nyakøjnya kïdenesew kï mbalg loa kïdenesew kï epa kïdenesew kï litðe kïdenesew. Mî la mî Bïraþe Luwah losï'n tee sesï kï tïga kam døning Ejipt't ye. 37A i ngomïn go mberkïndag lom tube kï tagkïgang lom tube kad i hø ðan got. Mî la mî Bïraþe ye.
Currently Selected:
Leb 19: MB80
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.
Leb 19
19
Mberkïndag kïdangdang
1Bïraþe el Moij an: 2El ngékawna lo Israel tube an: I jan rosï þat dø mjalt kïta mî Bïraþe Luwah losï mî kï kunjðang, 3Kï dekïðen kusït þool ndil kõn kï bøwïn, na kï ngomgo ndø taakò lom. Mî Bïraþe Luwah losï.
4Ot telïn rosï go yogt, ot pelïn þakumta luwah kïta rosï. Mî Bïraþe Luwah losï.
5Îla i lan kadkari kï kad kamsøllom adïn Bïraþe a ne, a i lan kïgo kï kad Bïraþe ngah'n ronel kamt tã. 6A san dãa ndø la kadkari'n non kï loti to, ndega kï nãi mbã ndø kïkõmïta a ne, a lan horro, 7Îla de mad sa ndøt kïkõmïta a ne, i nya kïyerr Bïraþe a taa kadkari loa al, 8Dekïðen'n sa a ne, a i kï ta kïbo dønt, kïta yerr kï nya kïjaþat lo Bïraþe. A Tølïna kø ku degt loa.
9Lon a i tetïn nyako kam døningt losï a ne, ot tetïn mbã teen ne døngoi ndøøt. A i þur gotnya kïnãi kam ndøøt al. 10Ot ja kand nduu ndøøt loi tube, a i øi kanda kï tuso ber al. A i nya ad ngéndog kï mbahg.
11A i þoogïn al. Ot kelïn na takïbal. Ot goolïn na kusït. 12Ot ndan yo kïngom kam tømt. Lon i ða titbe i yerr kï to Luwah loi. Mî la mî Bïraþe.
13Ot da kum madþei ndo, ot taa nya loa kïlo ngetøgt, ot ngom nyabaji ngeðakïla mbã loti døt. 14Ot ndøl ngembitøø, ot la nya mad nõ mundot kada so, na a i þool Luwah loi. Mî la mî Bïraþe.
15Ot ðan nya kïgoðobatal. Ot ða kï ngendo ke de kïbo kam takïgangt, na a i gangta lo madþei goðobat. 16Ot kel mina ku degt loi. Ot manaj kï ndoor madþei kad ün mosa kø. Mî la mî Bïraþe ye. 17Ot køsï ta ngonkõi kam ngarkamit. A i ndang madþei, na þeta majal loa nãi døit. 18Ot nda ngïra døit, ot hø ta kïmajal kamit dø ngan degt loi. I tar madþei tit roi be. Mî Bïraþe.
19A i ngomïn go mberkïndag lom. Ot kad dãg joo kïdangdang i dangdang talïn na. Ot bur kumnya kïdangdang nat, dub kam ndøøt loi. Ot la kub kï jon kï kïlla kub lë kï kïlla kub bî bat roit.
20Îla de mad þi kï dekïdë kïþer'n de mad hø døa, na ad nya mad al þaitø, i de ta nyan al tø, a nderïn girr ta lod na a tølïnd al kïta dekïdë'n non i ber. 21Dekïdïngã a ðe kï kadkari tøidøta lon ro Bïraþet tabit kujkub ndødnat, ad i bal bat kadkari tøidøta. 22Ngejanyamosï a la þal bat'n non utïn dø majal loa nõ Bïraþet ad i kadkari tøidøta loa kïta majal'n ðà nõ na a nyan go majal loa kø.
23Lon i andïn kam døningt'n non na i høn kag kïðen kï tee kï kand kïta sa a ne, a i oona tit nya kïmaj kï asï sa al be. Mbã þal mïta a i õa tit nya kïmaj kï asï sa al, a san al bat. 24Kam þalt kïkõsøø ye, kand kagg'n non tube a în kïndah køtkokïða, i kadkari køsïgon kïta Bïraþe. 25Na þal kïkõmi a ne, a i san kand'd. A i ðan titbe kïtakad teen kï kand'd kïdøtdøt kïtasï: Mî la mî Bïraþe Luwah losï ye.
26A i san dã kï mosa al, a i ndõ tee al, a i ndõn ndil al tø. 27A i jan bisïdøsï kïdøgojo al, a i ja mbaitai tomtom al tø. 28A i jan dãrosï kïta ngekoi al, a i jan ndïja rosït al. Mî Bïraþe.
29Ot tel ngoni kïden kïyerrt kïta kayakïða na þeta ne døning ðoosï kï kayakïða kï nyaða kïyerr.
30A i ngomïn go ndøtakøg lom, i þoolïn lo kïjaþat lom. Mî Bïraþe.
31Ot telïn rosï go ngeko kïdø ndil ngékoigt ke ngendõteeg. Ot kawïn rodt, na þeta i telïn kïyerr nat sed. Mî, la mî Bïraþe Luwah losï ye. 32A i þai dõ nõ degt în bisïdød ndà, a i øsïn gon ngahtøg, a i þool Luwah loi. Mî Bïraþe.
33Îla mbah mad ðe hølondï døningt losï a ne, ot dan kuma ndo. 34Mbah'n hølondï kusït ye, a i oona tit ngon ngeþé be, a i tara tit roi be kïta maði în mbahg kam døning Ejipt't. Mî la mî Bïraþe Luwah losï ye.
35Ot ðan majal kam takïgangt ke kam mbøj ngal nyat, ke køj køi nya, ke da kør nya. 36A în kï nyakøjnya kïdenesew kï mbalg loa kïdenesew kï epa kïdenesew kï litðe kïdenesew. Mî la mî Bïraþe Luwah losï'n tee sesï kï tïga kam døning Ejipt't ye. 37A i ngomïn go mberkïndag lom tube kï tagkïgang lom tube kad i hø ðan got. Mî la mî Bïraþe ye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.