2 Pie 1
1
Lapia
1Mî Simõ Pierr, þer kï ngombangkïla lo Jeju Krist, m'ndang maktub mad deg'n adïn kamd Jeju tit'n j'ada'n kamj kïtakul ða denesew lo Luwah loj kï kïlo ngekaj'j Jeju Krist. 2Kï adïn majkurr kï lapia bïlan kï døsït kï døtdøt, kïtakul ger'n i gerïn Luwah kï Bïraþe loj Jeju.
Halg kïmaj kïta ngékadkamd Krist
(Oo Tit 2:11 teen 14; Pil 1:9 teen 11; 3:8 teen 18)
3Kam tøgïnt Luwah adj nyag tube'n kï gee kad kï ndïn kï døj dõ kam nyaðat kïgo lo Luwaht, kïtakul ger'n ad kï ger Luwah kï Ngekunj, kad kï gona dø køsïgont lo'n kï køsïdø'n, kï halïn kïmaj tøi. 4Kïtakul køsïgon kï tøg'n non la Luwah adjïn kunkøg dø nyagt kïbobo kïmaj ngãi. Kïtakul ngah nyag'n Luwah unïn kø'n adj nõ la a i telïn ne ngégana kï Luwah dø ji kîat, a ajïn ne rosï kï lo teet kø kam nyat'n ndï nuj deg kï døningt ne kïgo ðob nyurkõt. 5Kïtø nyag 'nten, i ta losï kad i lan rosï kï nat be kad i lan nyaða kïjanjoi dø kadkamt losï, dø nyaða kïjanjoit i lan nyager, 6dø nyagert i lan kïrero njirrirr; dø kïrero njirrirrt i lan høtøgbá; dø høtøgbát i lan nyaða kïgo lo Luwaht; 7dø nyaða kïgo lo Luwaht i lan kamhø ngankõ, dø kamhø ngankõt i lan tar. 8Kïtø îla nyag'n non în kamsït, ndï bãin kï døtdøt a ne, a øgsïn ða ngë, a ðan ad i teen kï kand kad i gerïn ne Bïraþe loj Jeju Krist.
9Na de'n nyag'n non goton roat a ne, ndï oo lo ngãi al, i ngekumtø, kama oi dø kart'n ar dø kõn majalgt lon kï maði. 10Kïtø 'nten ngankõ, i lan rosï kï nat kad i høn kunsï kï mbedsï ngang, kïta îla i høn ða nyag 'nten a ne, a i son kam nya madt kïmajal kïnjakïða al. 11Titbe la Luwah a teen ta ðob la rang ad andïn ne kam kõþet kï tokïnõt lo Bïraþe loj kï ngekaj'j Jeju Krist.
Ndaa ta lo ndilkïndø
(Oo 1 Jã 1:1 teen 4; Mat 17:1 teen 6; 1 Pie 1:10 teen 12)
12Kïtø 'nten m'a m'ad kamsï gah dø nyagt 'nten kï nja natnatbe, na m'ger þet kad i gerïn nyag'n non woi, na i ðan bijïr kam rotat'n i taan. 13Na m'oo i goðobat kad m'tøsï hangalsï m'ndool, kaglot tube'n m'ndïn kï døm dõ kam dãrot kad kamsï gah dø nyagt 'nten. 14Kïtø m'ger nãi nderrbe m'a m'oi tit'n Bïraþe loj Jeju Krist elmïn. 15M'a m'la rom kï natbe kad go koimt kaa ne kï asï gan kamsï dø nyagt'n m'ndoosï.
Ta lo deg kï ngékoo kunj Krist
16Lon j'ad i gerïn tøg lo Bïraþe loj Jeju Krist kï ðea ye, i su kïdag lo deg kï goosï kï øjïn dødt hã kï tel roj got al, na j'ooa kï kumj kam kunjat kïðangereng. 17Kïtø ngah køsïgon kï kunj kïðangereng kokïro Luwaht kï Bøw, lon ndi ta tee kokïro tøgt kï tøi ðe roat an: în ðan i ngonïm kï ngetar lom'n rom nelïm sia kï dumbit. 18Na j'oo ndi ta'n non ðe ko dørãt, lon jîn nat sia dø mbalbot kïjaþat. 19Kï ger ta'n ngékelta kï ta Luwaht elïn i ta kï jeje, i ðan maj la i ndï i ndan kumsï got, tit lamba kï ndï unj kam tilt be mbã loti, ad kïmëdøg'n i Krist þa, unj ngarkamsït. 20Kete nõ nyagt tube kï i gerïn nya 'nten, tan ngekelta kï ta Luwaht ndang kam maktubt kïkunjðang ye, de kï a ørr girra kï døn goto. 21Ta mad kï ta Luwaht ðe kïtakul ndig lo de nja kïða al. Nã ndil kïkunjðang la øsï deg, ad elïn ta kï ta Luwaht ye.
Currently Selected:
2 Pie 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.