2 Jã 1
1
1Mî kïbo m'ndang maktub 'nten m'ad dekïdë kïmbed lo Luwah kï nganag'n hã m'ndï tard kam rotat; i mî kï kïðambe hã m'ndï m'tard al, na tube'n gerïn rota tø. 2Kï ndï kï tarsï kïta rota'n hã ndï kï kamjt a i sej nat mbãkïnõt tø. 3Kï Luwah kï Bøw, kï Jeju Krist Ngon Luwah kï Bøw, adjïn majkurr kï kookumtondo kï lapia. Kï nyag'n non în sej nat kam rotat, kï kï kam tart.
Ta lo rota kï tar
(Oo 1 Jã 5:1 teen 3)
4M'ndï m'ða ronel kï dumbit dø ngaht'n hã m'ngah kïmadg ku nganigt a ndïan kam rotat tit'n Bøwj ndajïn mbera. 5Tajigla m'ndï m'køi dekïdë kïmbed kad i tarïn na. I mberkïnda kï kij hã m'ndang al, na i mberkïnda'n kï taa lo yaþoodat nu kad kï tarïn na. 6În ten la i tar ye, kad kï i ndian kïgo mberkïndagt loa, 'nten la i mberkïnda tit'n oon ne lo nyaþoodat; kï i ndian kam tart.
7Ngégool deg ngãibe teen ku degt kï døningt kïtaagbe. Deg'n non ndï elïn ta kï tïga wakïsï anan: Jeju Krist ðe kam dãro det al bat. De kï titbe i ngegool deg, kï ngendoor Krist. 8Oon go rosï maj, na þeta kïla'n kï ða kusït nãi kø, na kad i taan nyabaji kïkasïnatap. 9Dekïðen kï ndï aw kï kete kam nyandoot mad na ndï kï kam nyandoot lo Krist al a ne, Luwah loa goto bat, na de'n ndï kam nyandoot lo Krist a ne, ndï kam noojt kï hø kï Bøw kï Ngon tujoo ho. 10Îla de mad ðe rosït, na ðe kï nyandoo'n non al a ne, ot høna kï þe losï, ot ðana lapia. 11Kïtø de'n ðaa lapia a ne, de'n non i madna sia dø kïlaðaagt kïmajal.
Døboi ta
12Ke nenï m'aw kï tag ngãibe kad m'ndang m'adsï kaa, m'ndig kad m'ndang maktub kï ãkre al, na m'nda kammt kï m'aw rosït kad j'elïn na ta kï taj kïtakad ronel losï i kïkasïnatap. 13Ngan ngonkõi kïdë kïmbed lo Luwah ðain lapia.
Currently Selected:
2 Jã 1: MB80
Highlight
Share
Copy
Want to have your highlights saved across all your devices? Sign up or sign in
BIBLE MBAÏ © 1980 Alliance Biblique du Tchad.